المساعد الشخصي الرقمي

مشاهدة النسخة كاملة : سؤال عاااجل عن تكاليف ادوية مابعد الزراعة في مصر ارجو الرد العاجل


faris
08-12-2010, 02:46 AM
السلام عليكم ياشباب انا والله جد استفدت من موقعكم بصورة مدهشة والدليل اني مسافر مصر بعد اسبوع عشان اجري العملية عند احد الدكتورين: احمد عادل او الروبي ، وسؤالي هنا للأخ احمد بشا او ماجد او اي واحد عندو فكرة عن الزراعة في مصر: كم التكلفة الكلية لأدوية مابعد الزراعة في مصر عامة او عند الدكتورين خاصة، وهل يتم صرفها مضمنة من قبل الدكتور مضمنة مع سعر العملية ، السؤال الثاني: هل هناك رسوم للمقابلة قبل العملية وإن وجدت فكم تبلغ؟ ، ارجو الاجابة حتى أحتاط وأجهز فلوسي كاملة قبل السفر، ولا عدمناكم ياشباب وجزاكم الله خيرا...

ahmed.ahmed
08-12-2010, 03:39 AM
اهلا فارس ..
بالنسبه لتكلفه الادويه بعد الزراعه اولا فى نوعين من الادويه ::
اول نوع : ادويه خاصه لتخفيف الالام اللى بعد الزراعه بالنسبه لحالتى كانت ب 270 جنيه وبعد العمليه ممكن يصرفولك الروشته بتاعت الدوا دى بس هتكون اغلى حوالى 100 جنيه كده وانا عن نفسى اللى صرفتها وجبت الادويه بنفسى ...
تانى نوع : بعد حوالى من 10 الى 15 يوم لاستخدامك للادويه السابق زكرها بتستخدم ادويه الشعر وبالنسبالى كانت ::
1- ريفايفوجين وده ب 187 جنيه مصرى
2- نوبيشيا علبه بها 3 شرايط ب 18 جنيه واستمريت عليها 3 شهور فقط وتركتها بعد ذلك ( وطبعا فى خلال ال 3 شهور لما كانت بتخلص العلبه بجيب غيرها )
انا كنت باخد 4 حبات منه فى اليوم 2 حبه كل 12 ساعه وطبعا ده كلام الدكتور ودلوقتى انا وقفته لكن الجرعه الامنه له بتكون حبه واحده فى اليوم ..

3-حبوب بنتوجار العلبه بها حوالى 8 شرايط ب 48 جنيه والشريط لوحده به 10 حبات ب 6 جنيه مصرى ..حبه كل 12 ساعه يعنى 2 فى اليوم
4-شامبو ريجو ب 33 جنيه ولوشن ريجو ب 48 جنيه وبعد مرور 3 شهور الدكتور كتبلى اكرينال شامبو ب 93 جنيه وتركت الريجو شامبو ولوشن ..مرتين فى الاسبوع

وطبعا سعر العمليه انت بتدفعه للدكتور قبل العمليه او بعدها بحسب ترتيك مع الدكتور ونوعى الادويه اللى ذكرتهم انت اللى بتجيبهم بعد العمليه ..

بالنسبه لسؤالك التانى ::
انت بتروح للدكتور فى العياده بتاعته وبتدفع تمن الاستشاره وفيها بتفق مع الدكتور على كل شىء يعنى تكلفه العمليه وكم بصيله او كم شعره ووقت العمليه
والاستشاره دى بتكون فى حدود من 120 ل 150 جنيه مصرى ..
اتمنى اكون افدتك ...

ماجد محمد
08-12-2010, 03:42 AM
رد شافي ووافي

يعطيك العافيه مشرفنا احمد

ahmed.ahmed
08-12-2010, 05:40 AM
يارب يا استاذ ماجد ورمضان مبارك عليك وعلينا جميعاااا ..

عبدالله
08-12-2010, 03:09 PM
موفق اخوي فارس
ننتظرك تكتب لنا تجربتك


مشرفنا احمد ما قصر عطاك معلومات كامله

faris
08-12-2010, 09:08 PM
مشكووووووووووووووووووووووووووووووور والله أخي احمد والله ما اعرف كيف اشكرك، فعلا رد شافي ووافي وأهو الواحد يحتاط قبل مايصطدم بالواقع، ومشكورين الشباب الي شاركو ورمضان كريم والسنة الجاية إن شاء الله خصلكم تسد عين الشمس ههههه .........

ahmed.ahmed
08-12-2010, 09:27 PM
ده واجب عليا ورمضان كريم عليك

yahya
08-12-2010, 10:29 PM
اخي احمد انت ذكرت ان الريفافوجين ب187 جنيه هل ده تمن العبوة الواحده ال60 ملي ام الثلاث عبوات لأن هنا تباع الثلاث عبوات ومعها عبوة شامبو واخري بلسم بمايعادل 850 جنيه مصري ولذا ارجوا منك التوضيح

وتقبل تحياتي

ahmed.ahmed
08-13-2010, 02:46 AM
لا انا اقصد على العبوه الواحد اللى هى 60 ملى ب 187 جنيه ...

yahya
08-13-2010, 04:41 AM
لا انا اقصد على العبوه الواحد اللى هى 60 ملى ب 187 جنيه ...

يعتبر السعر جيد خاصة لمن لم يفد معه الشامبو والبلسم اللي معاهم مثل حالتي ياريت تديني اسم الصيدليه وعنوانها وهل يبيعون ايضا التوبك ام لا
وشاكر لك وتقبل تحياتي

ahmed.ahmed
08-13-2010, 06:31 AM
بيتباع فى صيدليات العزبى فى كل فروعهااا ...
بس انت تقصد بايه التوبيك ؟؟؟ اللى هو مسحوق الشعر المصنوع من الفايبر ؟؟

yahya
08-13-2010, 01:13 PM
ايوه ياأحمد هو كما فهمت لأن التوبيك سوف يكون له عمل مهم في الاشهر الاولي بعد عملية الزراعة في اعطاء مظهر كثيف وجيد

ahmed.ahmed
08-13-2010, 07:26 PM
بص يا يحيى ...
التوبيك فى مصر له اسم اخر وهو (سوبر مليون هير ) هو هو بالظبط ان مكنش سوبر مليون هير افضل بكتيير وهو صنع يابانى ..
سعره 195 جنيه وتقريبا البخاخ المثبت له ب 30 جنيه وبردو بيتباع فى كل فروع صيدليات العزبى ...

yahya
08-18-2010, 05:46 AM
بص يا يحيى ...
التوبيك فى مصر له اسم اخر وهو (سوبر مليون هير ) هو هو بالظبط ان مكنش سوبر مليون هير افضل بكتيير وهو صنع يابانى ..
سعره 195 جنيه وتقريبا البخاخ المثبت له ب 30 جنيه وبردو بيتباع فى كل فروع صيدليات العزبى ...

الله يكرمك يااحمد انا مش عارف من غيرك الواحد كان يعمل ايه والله اتمني التقيك في اجازتي القادمة سارتب معك لقاءا ان سمحت بذلك اخي

ياريت تديني اي عنوان لاي صيدليه من هذه الصيدليات


تقبل وافر تحياتي

ahmed.ahmed
08-18-2010, 06:07 AM
ان شاء الله تعالى انت بس مصر وان شاء الله اتكرم برؤيتك ...
بص صيدليات العزبى منتشره فى كل محافظات مصر قولى انت من محاظفه ايه بالظبط وانا هجبلك العناوين وارقام التليفونات لصيدليات العزبى الخاصه بالمحاظفه اللى انت ساكن فيها ...

اصلع باشه
08-18-2010, 08:13 AM
اخوي احمد روح ايران بدال مصر فهي افضل في زراعه الشعر .. نصيحه لوجه الله

yahya
08-18-2010, 01:11 PM
شوف بني سويف او المنيا ياريت يكون لهم فرع هناك ا

تعابينك معانا يابطل
تحياتي اليك

ahmed.ahmed
08-18-2010, 05:39 PM
بص ده لينك عليه فروع صيدليات العزبى .. بس بصراحه ملقتش فروع فى بنى سويف او المنيا .. حاول لو نزلت القاهره ان شاء الله واكيد انت هتعمل الزراعه فى القاهره انك تروح لاى فرع فى القاهره .. وده اللينك ..
http://www.el3ezaby.com/Branches