المساعد الشخصي الرقمي

مشاهدة النسخة كاملة : تعالوا شوفوا جبهتي وش صار عليها (تحديث بعد سنه)


جبهة حرب
10-26-2011, 11:24 PM
السلام عليكم ورحمة الله وبركاته

اسعد الله أوقاتكم بكل خير

اخواتي واخواني الفاضلات والفاضلين ...


حبيت أطرح لكم مشكلتي .. نبدأ بسم الله

اول شي من اسمي (جبهة حرب) تبدأ المعاناه

انا شعري ولله الحمد عادي مو خفيف ولا كثير رغم إنه يتساقط ويميل للقلة لكن ولله الحمد إن مافيه فراغات باينه بالشعر ..

مشكلتي كلها في مقدمة الراس منطقة الجبين .. (الجبهه)

جبهتي كبيره مو بس واسعه كبيره ومشوهه لي والشعر في المقدمه خفيف ... كانوا يقنعوني ويقولون وسع الجبهه علامة من علامات الجمال (ايه هين ما أبي هالجمال :(:() واللي يقولك ذكاء :confused:


المهم لما كنت طفله ماكنت حاسه وعادي وألعب مع الاطفال انا وجبهتي ...

بدأت معاناتي مع بدايات مرحلة المراهقه .. لما بدوا الاطفال يعيروني في جبهتي ويناظرون لها والامهات يخطفون ابصارهم خلسه ويقارنون جبهتي بجباه اطفالهم وتعليقات خواتي والابتسامات الخفيه ..

وفي أيام الأزمه رغم إني كنت صغيرة السن لكن مدركه كانوا كل مايقولون جبهة حرب أحسهم يقصدوني وأبدأ اتحسس جبهتي :D:D

والأولاد الأشرار كانوا يسمون جبهتي مطبات :(:(

بعدها بديت أخبي شعري بقذله وبقصة شعر وبشباصات وتسريحات ومشت الامور وكانت كويس بس انا من داخلي مو مقتنعه نفسي ارفع شعري والمه فوق احسه يطلع حلو علي لكن مقدر

مره تجرأت وسويتها صاروا البنات يسولفون معي ويناظرون في جبهتي :eek::eek:

ماكررتها

كل يوم اعاني امام المراه واحاول اخبي جبهتي واجيب شعر من ورا ومن قدام ومن على جنب ويمين ويسار لين تضبط الامور ...


قررت ازرع وبديت ابحث بالنت هل ممكن ازرع الجبهه لإن مافيها بصيلات .. وعرفت انه ممكن :) :)

رحت للدكتور جمال جمعه بحكم إني أثق بالكوادر السعوديه وقالي جبهتك منوره بزيادة :confused:

وقاس انفي وحنكي وقارنه بالجبين وطلعوا اصغر :D:D

قالي تحتاجين جلستين الاولى تحديد خط مقدمة الجبهه والثانيه تكثيف ... وكل جلسه بـــ 12ألف يعني 24 ألف

صراحه كثير وكنت وقتها ابي سياره (حسيت كأني ابو الشباب :D ) قلت أولى هذا المبلغ اوفره وازيده واشتري سياره صاحيه .. شريت السياره وتفرغت لجبهتي :D:D:D


بعد بحث بالنت مطول لقيت الكثير يمدح د.بســــام جــــباعـــــي

واللي شجعني برضو اسعاره اشوفها كويسه مقارنة بغيره

جيت عنده زيارة اولى ولما شاف جبيني سألني عن هرمون الذكوره

كل هالانوثة يادكتور وتقولي هرمون ذكوره :(

بعد التحري والأسئلة أستبعد إنه يكون عندي ..سألني عن الوالدة قلت له الوالده جبهتها تهبل إن ماكانت صغيره .. بس الوالد أصلع لين الآذان

تقول أمي من أخذت ابوك وهو أصلع .. ولما شفته ليلة الزواج ارتعت منه ..

لكن الوالد ماشاء الله ثقة عاليه بالنفس يتمشى بصلعته في البيت ومهويها ...

يعني لو كنت محتاج مراية سلم بس على راس الوالد ههههههههههههههههههههههه

قالي الوالد ماله دخل .. أجل من وين جتنا الجبهه ياناس :confused::confused:

بدا يقيس لي ويرسم لي حدود الجبين الجديد
قلت له مازال يادكتور كبيره... قالي لو ننزل اكثر بيبان غير طبيعي ومو حلو ... قلت انت أدرى يادكتور

قالي بناخذ 2700 قرافت تقريباً والتكلفه بعد خصم الاستشارة وبعد خصم إني موظفة حكومه طلعت علي بـــ 17400 ريال وقالي ماتحتاجين جلستين ليش أعرضك لمخاطر والالام ... نعملها جلسه وحده تحديد مقدمة الراس وتكثيف

قلت خلاص توكلنا ع الله

ومن كثر ماني مستعجله قلت دقوا علي أي وقت .. لو مريض كنسل او شي انا جاهزه


وجــــــــــــــاء مـــــــــــــــــــوعــــــــــــــــــــد العمـــــــــــــــــــــليــــــــــــــــــــة :eek:

للحديث بقية


تحياتي

abomaaashy
10-27-2011, 02:45 AM
أختي جبهة حرب يكفي روحك الحلوه وحسك الفكاهي في تزيينك واخفاء أي عيب قد يراه الناس عيبا ولو أني حاسس بمعاناتك كوننا من نفس الجيهه والخطوط الاماميه :)
لكن ان شاء الله تنجح العمليه وتكون النتيجه اللي تتمنيها

سعدون
10-27-2011, 05:18 AM
تطلعين بسلامه

اسير حلم
10-27-2011, 11:45 AM
والله بصراحه النك يروع
جبهة حرب

الله يتمم لك بخير

جبهة حرب
10-27-2011, 03:57 PM
اشكر لكم ردودكم ... ودعاؤكم لي .. يااااارب تطلع النتايج زينه إن شاء الله


نكمل الموضوع

حجزت موعد للعملية وضبطت اموري واخذت اضطراري لذلك اليوم

وسبحان الله دقوا علي وكنسلوا الموعد لظروف خارجة عن إرادة الدكتور وقالوا لي راح نحدد لك أقرب موعد .. ونعمل لك تخفيض إن شاء الله

بيني وبينكم تضيقت وقلت يمكن خيره من ربي يمكن ماتصلح لي

بعده بأسبوع دقوا علي قالوا بكره فيه إمكانية ممكن ؟

قلت آييييييييييييييييه ممكنننننننننننن :d:d:d

ليلة العملية رحت انا واختي نتعشى في مطعم بحريات عشان الزنك مفيد للشعر ههههههههههههه :d

واخذت دش ونمت ع الساعه 1 ونص والحمدلله نمت زين لإني كنت صاحيه من بدري وقعدت ادعي ربي قبل النوم

صحيت الصبح أفطرت زيييين ورحت لهم وصلت العياده وعلموا لي خصم الف ريال عشانهم كنسلوا العمليه :d

يعني طلعت علي بــ 16400 ريال ولله الحمد كل تأخيره فيها خيره

فحصوا ضغطي قالت ممتاز وعطتني حبه شافوا شعري قالوا نظيف

وبدا الدكتور وربطوا شعري ... كأنها تسريحة صينيه

حط كريم مخدر بعدها بدا يحلق ويقص ... انا قلبي عورني اول مره اسمع صوت مكينه بالشعر :(:(

بعدها بدا شك الأبر هي مو مؤلمة ممكن الواحد يتحملها بس الصوت مزعج

ويسألني نكمل ؟ كل شي تمام وانا اقول ايه كمل

وخلص الشريحه.. وبدا يغز بالجبهه

صراحه الابر اللي من ناحية الاذن او الصنادح اللي على قولتهم اكثر شي ضايقتني

المشكله كل ما أقول خلاص رجع زاااد .... مو مؤلمه بس تحس كأن فيه سائل يملأ راسك ويشد وفيه ألم

بس انا الحمدلله صبوره واعمل إيحاء لنفسي أقول هذا مو ألم هذا دغدغه :d

ويسألني اكمل وانا اقول ايه .... يسألوني شاي قهوه أقول لا أبد كملوا بس

خلص وبدا يشقشق بجبهتي وانتهىى ولله الحمد

جابوا لي غدا وتغديت وصليت بدون انحناء طبعاً

والممرضات تقريباً 5 يفصلون بشعري

بعدين بدوا يزرعون الشعر بالجبهه

صراحه الوقت طوييييل وانا أغفي وانام لحظات واقوم واطالع والقى هالفلبينيات ع راسي وقرق

وحده صراحه طفشتني كل شوي تقول اوووووووووف اوووووووووووف بغيت اتكلم عليها اقول لها مالك خلق لاتشتغلين

خلصوا تقريباً 5 العصر

وانا ما أخذت ألا بريك للغدا والصلاه فقطططططط ....كل شوي يسألوني تبين ترتاحين .. دايخه وانا اقول لأ وانا فعلاً ولله الحمد كانت معنوياتي عال العال

وخلصنا وصليت العصر وجاني الدكتور عطاني الادويه

اللي هي المضاد والكرتزون والتعليمات

ورجعت البيت وامي ماتدري إني مسويتها

تخبيت بالغرفه وقعدت بشرشف الصلاه طول اليوم خخخخخخخخ :d:d

لأن امي رافضه اسويها وقالت لي مره إذا سويتيها لاتعلميني

وتجي امي تطل علي تقولي انتي فيك شي (سبحان الله أحساس الأم )

وانا انكر واقول مافيني شي

لما جيت انام جتني اختي تسألني عن المغامره مادرينا إلا وامي طابه وجبهتي وزرعاتي طالعين هههههههههههه

امي ما أنتبهت بس كانت قلقانه تقولي اختك فلانه فيها شي ولدها فيه شي .... عيال خواتك فيهم شي اخوانك فيهم شي عيالهم صاير عليهم شي ..

ياعمري امي شايله هم تظن فيه موضوع سئ مخبينه عليها

قلت لألألألألألأ بقولك بس ماتزعلين قالت قولي : قلت لها زرعت جبهتي

قالت أشوى الحمدلله:d:d تقبلت الموضوع

وانبسطت انا وكأني طلعت من السجن الانفرادي وطار مني النوم

بعدها نمت على 1 كذا ما أخفي عليكم واجهت صعوبه

حطيت اربع مخاد .. الالم كان فقط في المنطقة المانحه مو ألم شديد بس شدددد واخذ بنادول وانام ساعتين والحمدلله

واليوم الثاني رحت لغسيل الشعر

اثناء الغسيل يفركون بقوه كان مزعج وشوي ألم لكن بعد ما خلصوا حسيت براااااحه قالي الدكتور عشان مساج

الايام اللي بعدها

مالحظت انتفاخ بالجبهه ولاشي بس كأن فيه شووووي انتفاخ غير ملاحظ يختفي إذا انسدحت غير ملاحظ مره كأني عامله بوتيسك انبسطت هههههههههههه :d:d

اللحين الحمدلله مافيه أي شي طبيعي جداً حتى زرعاتي اخبيهم بشعري زي اول

فيه احساس بشد بالمنطقه المانحه ومنطقة الزراعه فقط لكن مو مؤلم ابد

إن شاء الله لما أفك الغرز يختفي هالاحساس زي مافهمت من الاخوات والاخوان

دعواتكم لي بالتوفيق

جبهة حرب
10-27-2011, 04:41 PM
ايه نسيت اقولكم يوم خلصوا الممرضات

جابوا لي شعري اللي قصوه :(

قالوا تبينه تستخدمينه كأكستنشن قلت لا الله لايحوجني

بس عورني قلبي يوم جابوه لي كذا مربوط كأنه ذيل هههههههههههههه

الله يعوضني بجبهتي ياااااااااارب ولايخسرنااااااااا


تحياتي

_ ok _
10-27-2011, 05:37 PM
الف الحمدلله على سلامتك


يالله عقبال النتايج اللي تسرك



ماشاء الله روحك المعنويه مرتفعه مع انك جبهتك كبيره :p






طبعا مع فك الغرز راح تحسين انك ما سويتي عمليه
كلها 10 ايام وترتاحين


موفقه ان شاء الله

سيد السيد
10-28-2011, 09:12 AM
مشاء الله عليكي اختي جبهة حرب روح وخفه دم رغم كبر الجبه وهذا يدل على ان الجمال جمال الروح:p

والحمدلله على سلامتك وعمليه ناجحه بأذن الله

لين
10-28-2011, 03:02 PM
مبروك الف مبرووووووووووووووووووووك
حمدالله على سلامتك اختي
ورينا يكتبلك نجاح هالعملية وان شاءالله كل شعرة زرعتيها تطلع :)

صنيدح
10-28-2011, 05:46 PM
ألف ألف ألـــف مبروؤوكـ

و الحمممد لله ع السسلآمـهـ .
عقبآإل النتآإئج الي تسسعــدك وتسسرك وتغدي الجبهـ وش ززينه :D
والله تقريبآ جبهتي حووول جبهتك وآلعن يمكن هــع . ونفس البربسه بس انا آغطيها بالشمآإغ مو بالقصه المغشوشه :p
تهقين لو آروح للدكتور يزرع لي الجبةة بالعآإدهـ يرفضون . بس شكلي بقوله عن طريقك ;):D ..


بالتووفيق يآخييه .

جبهة حرب
10-28-2011, 11:44 PM
تتريقون على جبهتي :mad:

إن شاء الله كلها شهور واجي اقهركم بجبهتي واشتري طوق ---------> حلمها تلبس طوق

اشكر كل من رد علي ... وإن شاء الله يارب تكون النتايج مرضيه

اخ م.احمد صالح ..

اللي اعرفه بالعكس المفروض تكون المنطقه ناشفه لأنه جرح والرطوبه مو كويسه عشانها
والله يستر انا اعمل لها مساج من فتره لأخرى :confused: :confused: على بالي احسن

اخ صنيدح

ليش ماتصلح ؟؟

انا قلت لهم فيه امكانية لزراعة الجبهه بحكم إن مافيها بصيلات وقالوا ايه عاااادي جداً
بس يمكن انت المنطقه المانحه ماتساعد مدري .. قلنا وش السبب


تحياتي

المتحطم
10-29-2011, 08:42 AM
الف حمد الله على السلامه ياجبهة حرب

وانشاء الله ان عمليتك ناجحه عشان تفائلك وروحك الحلوه

ابو الوليد
10-30-2011, 05:36 AM
الف مبروك والحمدلله على السلامة
والله يتمم عليك وتشوفي النتايج اللي ترضيك

جبهة حرب
10-31-2011, 12:14 AM
المتحطم وابو الوليد

مشكورين على الدعاوي الحلوه

الله يسعدكم ويتقبل منكم

تحياتي

uri
10-31-2011, 01:08 PM
الف مبروك وعقبال النتايج اللي تسرك وان شالله تغيرين النك من جبهة حرب الى ام غره ......... اهنيكي الصراحه على روحك المرحه موضوع مسلي ومشوق جداااا.
بالتوفيق

Tetralove
10-31-2011, 03:40 PM
الف الحمد لله على سلامتك اختي

لا لا مانبي نتريق على جبهتك بس نفسي اتزلج على جبهه ههههههههههههههه

تحياتي لك وان شاء لله النتائج الطيبه

صنيدح
11-01-2011, 04:18 AM
اخ صنيدح

ليش ماتصلح ؟؟

انا قلت لهم فيه امكانية لزراعة الجبهه بحكم إن مافيها بصيلات وقالوا ايه عاااادي جداً
بس يمكن انت المنطقه المانحه ماتساعد مدري .. قلنا وش السبب






السبب قآإلي دكتور : آنو مآإيجووز ششرعـآإ نزرع مكان من الأصل مانبت فيه شعر مثل الجبهه :confused::o

منخفض جوي
11-01-2011, 11:25 AM
اسلوب رائع ولطيف
ومن جد اضحك من قلب على بعض العبارات خاصة يوم تقولوين ربطو شعري طلعت كأني صينية ,
احس ان عيونك طلعت

ويارب تكون النتائج على خير ماتحبين

جبهة حرب
11-02-2011, 01:35 AM
uri

الله يسمع مننننننننننك يااااااااااااااارب واغير النك ويصير ام غرة طايحه على عيونها ههههههههههههههههههه :cool:

tetralove
زحلقوك في ملعب صابوني قال آمين .. اللي يسمع يقول شعرك طايح على خشمك ماسجلت بهالموقع ألا وانت محسوب على الصلعان صلعة لماعه بعد خخخخخخخخخخخخخ :D:D

الاخ صنيدح

والله غريبه دكتور مطوع الله يجزاه خير ... تصدق عاد انا فكرت كثير من جهة الحرام لكن لما شفت انها تشوهني وكثير من الناس ماعارضوا لما قلت لهم بزرع ... والمشايخ يقولون بالنسبه للنساء إذا اجتمعت 4 نساء عاقلات أن الشي مشوه جاز تغييره وانا اجتمعوا اكثر :D:D
الله يستر يارب ماودي ادخل بتغير خلق الله :( ... لكني استخرت الله كثير قبل العمليه والحمدلله صارت .. قلت بنفسي لو إن ربي ما أراد أو لو إنها حرام ماسهلها ربي لي ..
ع العموم جزاك الله خير على تقواك .. من ترك شيئاً لله عوضه الله خيراً منه


منخفض جوي
هههههههههههههه ايه فعلاً طلعت عيوني تخيل شعر وملزقينه بلزاق :confused:


تحياتي

upperlight
11-02-2011, 12:00 PM
ههههههههه

الحمد لله على السلامة.

اتمنى لك التوفيق.

متوتر
11-02-2011, 04:37 PM
حمدلله على السلامه بس اختي متى قالولج يطلع الشعر ويصير اوكي

جبهة حرب
11-03-2011, 01:30 AM
upperlight

الله يبارك فيك وعقبالك :)

متوتر

قالي الدكتور يبدأ يطلع بعد 3 شهور وعلى السنه يصير طوله 10 سم الله يحينا إن شاء الله


تحياتي

smsoom
11-07-2011, 10:36 AM
الف مبروك جبهة حرب على الجبه الجديدة

و عقبال الخصل و القذل اللملونه على وجهك

أمممم
ما كو صور يعني

أو صح و الا أنتي بنت:d خخخخخ

سويت توته
11-20-2011, 04:22 PM
انا وضعي مايبعد عنك وصراحه بعد ماقريت مشاركتك تشججعت كثير وتحمست:d بتوفيق

جاجوآنا
11-21-2011, 09:46 PM
اهئ اهئ كنننت متحمسسسه اسويهآ بعد كم شهر بسس من وين لي 17 الف الله يرزقنآ بسسس

المهم عزيزتي كمم اخذتي بالمستشفى ؟ من الساعه كم لـ كم ؟
ومتى رحتي لغسيل الشعر بعدها بيوم ؟


والله يهنيييك بجبهتك وعقبآآآآآآآآآلي يارب :(

عبدالله 99
11-21-2011, 10:08 PM
الحمدالله على السلامه وطهور ان شاء الله وموفقه ان شاء الله وتشوفين الي يسرك

بصراحه اهنيك على شجاعتك واتخاذك القرار السليم بدون تردد

ندعوا لك بالتوفيق ونجاح العمليه

متعقد
11-22-2011, 04:11 PM
'الف مبروك اختي
وتقريبا انا نفس مشكلتك شعري كثيف ولله الحمد المشكلة كلها ان الجبهه عريضة والي زاد عرضها حرق تعرضت له وانا صغير
بس عندي سؤال الزراعة تمت على الجبهه بالكامل عرضيا ولا من الجوانب فقط ولا من المنتصف فقط
عشان كذا محتاج اعرف نتيجتك وانا من جدة كيف لو ابغى اخذ موعد عند الدكتور بسام او رقم اتواصل معه

ملكة التوفي
11-25-2011, 06:20 AM
مبروك حبيبتي والله فرحت لك وانا ماعرفك ودي اسوي مثلك جبهتي محرجتني هع

طيب كيف احين صغرت وصار حلوه ..

حبييت اسألك حبيبتي كيف يحدد يعني يقيس بالـ سم ولا على كيفه

:

ومبروك مره ثانية والله يسعدك

جبهة حرب
11-26-2011, 07:46 PM
smsoon

الله يبارك فيك .... طبعاً مافيه صور تبي الناس يعرفون جبهتي ؟؟

سويت توته

سويها ولاتترددي خلينا نمشي بثقة مو خايفين الهوا يطير الغره وتبان الجبهه

جاجوانا

الله يرزقك ياجاجوانا ... من جد السعر غالي .. قعدت اجمع فيه 6 شهور
خخخخخخ

جيتهم 9 و10 تقريباً بدينا على 9 ونص الصبح

وخلصت 5 العصر تقريباً
والغسيل على طول اليوم الثاني

والله يهنيييك بجبهتك وعقبآآآآآآآآآلي يارب



عبدالله
الله يسلمك ... والحمدلله سويتها وارتحت .. شاورت كثير وكلهم وافقوني الراي
الله يتقبل دعواتك


متعقد
الله يبارك فيك اخوي
الزراعه تمت على كامل الجبهه من النص ومن الجوانب ومن كل جهه زي جباه الناس الطبيعيه
لكن هل زراعة الحرق تنجح أو لأ .. مدري أستشير الدكاتره هنا في المنتدى
رقم العيادات العالمية اللي يشتغل فيها الدكتور بسام
014664411




ملكة التوفي

الله يبارك فيك اختي وعقبالك إن شاء الله ...

لسه مابانت النتيجه .. على 3 شهور يبدأ الشعر بالظهور يعني ممكن تبان اكثر واحكم عليها بعد 6 شهور

طبعاً التحديد يكون بالسم ... يقيس الخشم ويقيس الحنك ويقيس الجبهه ولها مقاييس محدده
يعني لازم الانف والجبهه والحنك يكونون قريبين من بعض بالقياس
ويرسم خط الشعر على اساس هذي القياسات .. قلت له مازالت كبيره .. قالي لو أصغر اكثر تطلع مو طبيعيه ومشوهه ويبان إنك زارعه شعر

يعني هم لهم قياسات معينه

بالتوفيق اختي

تيتي
12-20-2011, 10:46 PM
حمدالله ع سلامتك ياقمر


بس بسألك الحين بعد مازرعتي وكلش الشعر اللي ب الجبهه زي باقي الشعر والا خفيف وتحسين انها فعلا كان لازم تسوينها من زمان والا العمليه بس تمشي الحل وخلاص ؟؟


حبيبتي والله اني زيك هههههههه

جبهة حرب
12-25-2011, 12:30 AM
هلا اختي

توه الشعر بدأ يطلع ولا اقدر احكم عليه

استني لين 6 شهور تكون النتيجة افضل إن شاء الله


توني ادري إن فيه ناس كثير زي مشكلتي :d

رانية
12-28-2011, 07:09 PM
السلام عليكم
الحمد لله على السلامة
انا عندي نفس المشكلة
ابي اسأل وين مكان المركز الي سويته بالضبط
بأي منطقة
وابي اسأل. فيه اعراض جانبيه حسيتيها ؟؟؟
في اثار حبوب في الجبهة

جبهة حرب
12-29-2011, 12:04 AM
هلا اختي

الله يسلمك
المركز في الرياض على طريق الملك فهد قريب من مركز الحبيب الطبي اسمه العيادات العالمية لزراعة الشعر
د.بسام الجباعي

الأثار الجانبيه كلها مؤقته
ألم بسيط وشد في منطقة الجرح يزول بالتدريج خلال اسبوع ويخف مررره بعد شيل الخيوط

لاحظت أن جبهتي طلع فيها حبوب كثيره (حب شباب) بعد فتره من الزراعه وعزيت هذا الامر إلى الغدد الدهنية اللي مزروعه مع الشعرات
اللحين خفت الحبوب كثير عن أول

وهذا انا انتظر الشعر يطلع بشكل مكثف عشان اشد شعري ورا هههههههههههههههههههه

تحياتي

الشبح
01-05-2012, 01:25 PM
الله يوفقج اختي جبهه حرب والطرح والاسلوب كان فكاهي لدرجه فظيعه وشكرااا لج

جبهة حرب
01-06-2012, 08:19 PM
اللهم آمين

والله يتقبل منكم ويوفقكم ويسعد قلوبكم :)

رانية
01-08-2012, 05:09 PM
بشرينا اخت جبهة حرب

شخبارك بعد مضي فترة على العمليه

وشلون النتائج خبرينا

طلع الشعر المزروع ؟؟

في اعرض جانبية بعد العملية؟؟

جبهة حرب
01-08-2012, 08:32 PM
هلا اختي رانيه

انا مالي إلا شهرين وشوية من عملت العملية ماكملت حتى 3 شهور

والدكتور يقولي الشعر يبدأ بالظهور بعد 3 شهور والحكم يكون بعد 6 شهور

لكن ممكن اقولك إن فيه شعر طلع بس مو لدرجة إنه ممكن اطلع فيه للناس

مازلت أخبي زي اول

إن شاء الله لما اكمل 6 شهور بقولكم

:)

تحياتي

Rawan
01-10-2012, 01:58 PM
انا ناوية اسوي زيك ان شاء الله بس محتارة جمال جمعة او بسام جباعي افضل ؟
انتي هنا تقولي سويتي عند جمال وبموضوع ثاني تقولي سويت من اسبوع عند بسام
سويتي عند مين بالضبط؟ i :D

جبهة حرب
01-11-2012, 10:21 PM
يااحبيبتي انا استشرت د.جمال جمعه

وسويت عند د.بسام جباعي عشان فرق السعر

د.جمال جمعه 24 ألف

ود.بسام جباعي 17 ألف

أتمنى تكوني فهمتي علي

تحياتي

أسيل
01-14-2012, 01:03 PM
uri

الله يسمع مننننننننننك يااااااااااااااارب واغير النك ويصير ام غرة طايحه على عيونها ههههههههههههههههههه :cool:

Tetralove
زحلقوك في ملعب صابوني قال آمين .. اللي يسمع يقول شعرك طايح على خشمك ماسجلت بهالموقع ألا وانت محسوب على الصلعان صلعة لماعه بعد خخخخخخخخخخخخخ :d:d

الاخ صنيدح

والله غريبه دكتور مطوع الله يجزاه خير ... تصدق عاد انا فكرت كثير من جهة الحرام لكن لما شفت انها تشوهني وكثير من الناس ماعارضوا لما قلت لهم بزرع ... والمشايخ يقولون بالنسبه للنساء إذا اجتمعت 4 نساء عاقلات أن الشي مشوه جاز تغييره وانا اجتمعوا اكثر :d:d
الله يستر يارب ماودي ادخل بتغير خلق الله :( ... لكني استخرت الله كثير قبل العمليه والحمدلله صارت .. قلت بنفسي لو إن ربي ما أراد أو لو إنها حرام ماسهلها ربي لي ..
ع العموم جزاك الله خير على تقواك .. من ترك شيئاً لله عوضه الله خيراً منه


منخفض جوي
هههههههههههههه ايه فعلاً طلعت عيوني تخيل شعر وملزقينه بلزاق :confused:


تحياتي


يوووو إنتي نفس مشكلتي بالضبط بالضبط
شكرا عالتفاصيل حبيبتي
بس ياليت تجاوبيني
كم سنتيميتر تقريبا زرعولك يعني كم المساحه تقريبا؟؟؟
و لما يزرعولك لازم يقصو شعرك كلو ؟؟ أو بس مكان المنطقه المانحه؟؟

و إنشالله كلنا نصير نلبس أطواق:d

جبهة حرب
01-14-2012, 11:50 PM
هلا اختي

زرع لي تقريباً 3 سم

بالنسبه للقص بس قصوا المنطقه المانحه حتى هو يقولي اصم الله شعرك مطيولتو (بالسعودي بسم الله عليك شعرك مطولته خخخخخخخ :) )


إن شاء الله كلنا نلبس اطواق أمييييييييييين يارب ووياك
تحياتي

أسيل
01-15-2012, 12:27 AM
هلا اختي

زرع لي تقريباً 3 سم

بالنسبه للقص بس قصوا المنطقه المانحه حتى هو يقولي اصم الله شعرك مطيولتو (بالسعودي بسم الله عليك شعرك مطولته خخخخخخخ :) )


إن شاء الله كلنا نلبس اطواق أمييييييييييين يارب ووياك
تحياتي

3 سم هذا بالطول؟ بالعرض كم؟ يعني كم عرض جبهتك؟

و بالنسبه للشعر إلي قصوه كثير؟ يعني قل شعرك من ورا؟؟

بليز جاوبيني عشاني ناويه أتهور مثلك :d

رانية
01-15-2012, 03:08 PM
سلام

أنا عندي سؤال

جرح المنطقه المانحه واضح ؟؟؟؟؟؟

مامدة فترة الالم المصاحبه للجرح؟؟؟

جبهة حرب
01-15-2012, 11:58 PM
هلا أختي أسيل

3 سم بالطول وبالعرض كل الجبهه من الاذن للأذن يعني بشكل متناسق إن شاء الله فهمتي علي ؟؟
الشعر اللي قصوه بس بالمنطقة المانحه باقي شعري ماقصوه على طوله ..
ما لاحظت إن شعري قل .. هو من أول مو كثير بس الحمدلله مافيه فراغات

استخيري حبيبتي اول وسويها إن شاء الله

------------------------------------------------------------------------

رانية

جرح المنطقة غير واضح البتات البته لإنه مغطى بالشعر وهو قالي مستحيل يبان إلأا إذا حلقتي على واحد وانتي صبيه مش هاتحلئي (بالسعودي انتي بنت ماراح تحلقين خخخخخخخ )

مدة فترة الألم
يعني اول يومين كانت مؤلمة نوعاً ما واحساس الشد مزعج وصعوبة في النوم يعني اخذ مسكن وانام وبعدها اصحى لكن الحمدلله محتمل .. وهذا على فكره يختلف من إنسان لإنسان فيه ناس تتحمل وفيه ناس ماتتحمل

بعد كذا يبدا الالم واحساس الشد يخف بالتدريج

اتمنى اكون افدتك

وعلى الرحب والسعه بأي سؤال :)

تحياتي

رانية
01-16-2012, 01:33 AM
مشكووووووورة على رحابه صدرك

Regain
01-16-2012, 02:56 AM
ما تشوفين شر و ان شاء الله النتايج تكون مرضية
تعليقي الوحيد على العملية ان نفس الفلبينية الي تأفئف كانت موجودة وقت ما سويت عمليتي و كل شوي اقولها وقت مستقطع طفشتني اشوى انها كانت لابسة كمامة و لا الله يستر من الريحة خخخخخ

أسيل
01-16-2012, 10:17 PM
هلا أختي أسيل

3 سم بالطول وبالعرض كل الجبهه من الاذن للأذن يعني بشكل متناسق إن شاء الله فهمتي علي ؟؟
الشعر اللي قصوه بس بالمنطقة المانحه باقي شعري ماقصوه على طوله ..
ما لاحظت إن شعري قل .. هو من أول مو كثير بس الحمدلله مافيه فراغات

استخيري حبيبتي اول وسويها إن شاء الله

------------------------------------------------------------------------

رانية

جرح المنطقة غير واضح البتات البته لإنه مغطى بالشعر وهو قالي مستحيل يبان إلأا إذا حلقتي على واحد وانتي صبيه مش هاتحلئي (بالسعودي انتي بنت ماراح تحلقين خخخخخخخ )

مدة فترة الألم
يعني اول يومين كانت مؤلمة نوعاً ما واحساس الشد مزعج وصعوبة في النوم يعني اخذ مسكن وانام وبعدها اصحى لكن الحمدلله محتمل .. وهذا على فكره يختلف من إنسان لإنسان فيه ناس تتحمل وفيه ناس ماتتحمل

بعد كذا يبدا الالم واحساس الشد يخف بالتدريج

اتمنى اكون افدتك

وعلى الرحب والسعه بأي سؤال :)

تحياتي





مره شكرا حبيبتي
الله يوفقك و يحققلك كل إلي بدك إياه
إنشالله يخفض السعر شويه عشان صراحه مره غالي

جبهة حرب
01-17-2012, 12:19 AM
Regain

ههههههههههههههههههههههههه نفس الشي سوت معك
ههههههههههههه من جد تحوم الكبد كان ودي اقوم عليهااااا واصكهااااا

رانيه وأسيل

الله يسعد قلوبكم ويوفقكم انتم بعد ياااااارب

تحياتي

جبهة حرب
01-30-2012, 10:24 PM
السلام عليكم ورحمة الله وبركاته


كملت 3 شهور والحمدلله النتيجة راااااااااااااااااااااااااااااااائعه ولله الحمد والمنه

يعني الشعر تقريباً كله طلع بس طوله تقريباً 2 سم لكن حلو كثافته :)

بس باقي يطول عشان أكشخ فيه هههههههههههههههه

يعني اللحين صعب يطلع للعيان

لكن النتيجة جداً مرضيه

أنصح كل بنت عندها نفس مشكلتي تستخير الله وتتوكل عليه وتسويها وتشيل عقدة الجبهه من راسها


تحياتي

ملكة التوفي
02-04-2012, 06:27 AM
8


الحمدلله والله فرحت لك كثييييير كثييير ماتصدقين وش كثر

يارب يطول اكثر

ان شاء الله بسويها انا تحمست حيل

الله يوفقك يارب وبشرينا بالتطورات الثانية انا متابعتك وموضوعك عندي بالمفضلة

تـركـــي
02-04-2012, 07:01 AM
مبروك اختي وأهنيك على شجاعتك انك أصريتي تعالجين مشكلتك

أنا قبل أسوي زراعه كنت أبكي على حظي اني أصلع رغم صغر سني

بس قررت أسوي عملية والحمد لله سويتها وارتحت نفسياً :p


تصدقين اختي موضوعك ثالث مره أقراه وكنت أقراه قبل لا أسجل بالموقع

اسلوبك بالكتابه يضحك والله هههههه قاعد أتخيل المواقف والأحداث :p


يالله الحمد لله دام كثافه الشعر المزروع عاجبك بس باقي كم شهر يطول وتكشخين فيه

بالتوفيق : )

جبهة حرب
02-05-2012, 08:01 PM
8


الحمدلله والله فرحت لك كثييييير كثييير ماتصدقين وش كثر

يارب يطول اكثر

ان شاء الله بسويها انا تحمست حيل

الله يوفقك يارب وبشرينا بالتطورات الثانية انا متابعتك وموضوعك عندي بالمفضلة


الله يبارك فيك اختي :):)

أشكر لك شعورك تجاهي ومتابعتك لموضعي ... تبين نصيحتي اعمليها بعد الأستخاره طبعاً والاستشاره

وإن شاء الله ببلغكم بالتطورات ..

تحياتي

جبهة حرب
02-05-2012, 08:07 PM
مبروك اختي وأهنيك على شجاعتك انك أصريتي تعالجين مشكلتك

أنا قبل أسوي زراعه كنت أبكي على حظي اني أصلع رغم صغر سني

بس قررت أسوي عملية والحمد لله سويتها وارتحت نفسياً :p


تصدقين اختي موضوعك ثالث مره أقراه وكنت أقراه قبل لا أسجل بالموقع

اسلوبك بالكتابه يضحك والله هههههه قاعد أتخيل المواقف والأحداث :p


يالله الحمد لله دام كثافه الشعر المزروع عاجبك بس باقي كم شهر يطول وتكشخين فيه

بالتوفيق : )

الله يبارك فيك ... واشكر لك شعورك .. وإن شاء الله عقبال ماتبرشنا بنتيجتك

عاد تصدق الوالده كانت معارضه للزراعه وتقول انتي تتوهمين .. كنت اجيها اوقات شاده شعري ورا عشان اوريها قد أيش جبهتي لماعه وكانت تشوفها تقولي صلعه :eek:
بس مع ذلك كانت معارضه واخر مره قالت لي بعد ماشافت جبهتي المنوره إذا سويتيها لاتعلميني خايفه علي حبيبتي ماما

اللحين لما شافت الشعرات تقول الحمدلله ماشاء الله .. بس معقولة كانت جبهتك بهالحجم مو مصدقه :confused:
حتى اختي تقولي مو معقوله كانت جبهتك هالحجم

رحت وريتهم صورتي قبل العملية بيوم كنت شاده شعري على ورا عشان اعرف الفرق

انصدموا :eek::eek::eek::eek:
هههههههههههههههههههههههههههه

إن شاء الله الله يطول باعمارانا لين أشوف النتيجة واقعد اهفهف بالغره :D

تحياتي

ملكة التوفي
02-07-2012, 08:14 AM
اهلين اختي عندي سؤال اذا ممكن

انا امس رحت لدكتور محمد ابو شوارب وحدد على منابت الشعر من قدام وقالي مقدر اصغر اكثر من كذا مقدر

الا على مرحلتين قالي بـ 10000 يعني مازرع شي من الجبهه كله المنابت قالي بعد سنة اذا حابة اكثر تعالي

اسوي لك احبطني بكلامة يقول المنطقة المانحه مدري شيسمونها مساماتها بعيدة شوي عن بعض رغم ان شعري كثيف

من ورى تتوقعين كلامة صحيح ولا ش سسآلفته .

انا تقريبا ابغى 3 سم مو اقل من كذا هو حدد لي تقريبا 1 سم او نص :|

انتي نفس الشي ولا لا !!

ـــــــــــــــــــ

ومشكورة على رحابت صدرك وطولت بالك على اسئلتنا

جبهة حرب
02-07-2012, 09:04 PM
اهلين اختي عندي سؤال اذا ممكن

انا امس رحت لدكتور محمد ابو شوارب وحدد على منابت الشعر من قدام وقالي مقدر اصغر اكثر من كذا مقدر

الا على مرحلتين قالي بـ 10000 يعني مازرع شي من الجبهه كله المنابت قالي بعد سنة اذا حابة اكثر تعالي

اسوي لك احبطني بكلامة يقول المنطقة المانحه مدري شيسمونها مساماتها بعيدة شوي عن بعض رغم ان شعري كثيف

من ورى تتوقعين كلامة صحيح ولا ش سسآلفته .

انا تقريبا ابغى 3 سم مو اقل من كذا هو حدد لي تقريبا 1 سم او نص :|

انتي نفس الشي ولا لا !!

ـــــــــــــــــــ

ومشكورة على رحابت صدرك وطولت بالك على اسئلتنا


شوفي اختي اولاً انا ما أعرف د.محمد ابو الشوارب بس شفت واحد هنا بالمنتدى يقول ابعدوا عنه سوا لي ندبه كبيره وما طلع له شعر .... لكن ما اعرف هل المشكلة بالدكتور أو المشكله صحيه عند صديقنا العضو

ثانياً .. تصغير الجبهه له مقاسات معينه
انتي قيسي خشمك وقيسي الحنك وقارنيه بالجبهه ... لازم تكون هالثلاث اشياء متقاربه وعلى اساس كذا ارسمي بالخط وشوفي كم يطلع سنتيميتر .. يمكن يكون زي ماقال 1 سم
لإنك لو زودتي بيطلع مشوه ........ واتوقع اكيد شفتي ناس جبينهم صغير مره لدرجة التشويه ..

أخيراً
فيه أطباء يحبون يسوون العملية على مرحلتين (مثل د.جمال جمعه) قالي المرحله الاولى تحديد خط المقدمه والجلسه الثانيه تكثيف

لكن انا ابتعدت عنه بسبب السعر وإلا هو دكتور شاطر وممتاز ...

د.بسام جباعي سألته كم جلسه ؟؟ قالي ليش كم جلسه ؟ نعملها بجلسه وحده تحديد مقدمه + كثاقه
ليش اعرضك مرتين لتخدير والآم وضغط نفسي ...

والحمدلله .. انا استخرت قبل العملية وارتحت للدكتور بسام

يمكن انتي ماترتاحين له .. او ترتاحين لدكتور غيره ..

سؤالي هو قال لك 10 الاف طيب كم قرافت ؟؟؟

وأيش سالفة المسام بعيده ؟
استشيري دكتور ثاني

انا استشرت دكتورين .. د.جمال جمعه و د.بسام جباعي واخترت د.بسام عشان السعر اقل

طمنينا عنك ...


تحياتي

تـركـــي
02-08-2012, 01:56 AM
بالفعل يا اختي " جبهة حرب " >> جتني ضحكه وأنا أكتب نكك :p

أضم صوتي لـ صوتك تحديد الخط الأمامي يحتاج لقياسات معيّنه مو بكيف المريض يعني

أنا بما اني أصلع من المقدمه وخط المقدمه ضايع مع الجبهة الدكتور أخذ مقاسات لتحديد الخط

مثل مقاس بين الحاجب والجبهة وبين المنطقه اللي تحت الأنف لين الحنك وبعدها حدد الخط وين يكون

بس مع احترامي لبعض المرضى يكونون ملاقيف ويتطفلون على شغل الدكتور ويصرّون على رايهم

وبشرينا اختي الحين كم شهر صارلك وكيف النتايج ..؟ والشعر تساقط بعد فتره ولا لا كون ان المنطقه أساسا مافيها بصيلات

ملكة التوفي
02-08-2012, 04:06 AM
اهلين اختي

قالي تحتآجي تقريبا 2000 جرافت والمسامات البعيدة مدري وش يقصد فيها

بس انا استفدت من تجربتك ومن كلامك ومشكورة حيل جبهة حرب ماقصرتي


ربي يوفقك ويخليك وبضل متابعة لـ موضوعك

دعواتي لك

جبهة حرب
02-09-2012, 07:44 PM
بالفعل يا اختي " جبهة حرب " >> جتني ضحكه وأنا أكتب نكك :p

أضم صوتي لـ صوتك تحديد الخط الأمامي يحتاج لقياسات معيّنه مو بكيف المريض يعني

أنا بما اني أصلع من المقدمه وخط المقدمه ضايع مع الجبهة الدكتور أخذ مقاسات لتحديد الخط

مثل مقاس بين الحاجب والجبهة وبين المنطقه اللي تحت الأنف لين الحنك وبعدها حدد الخط وين يكون

بس مع احترامي لبعض المرضى يكونون ملاقيف ويتطفلون على شغل الدكتور ويصرّون على رايهم

وبشرينا اختي الحين كم شهر صارلك وكيف النتايج ..؟ والشعر تساقط بعد فتره ولا لا كون ان المنطقه أساسا مافيها بصيلات


صحيح قالي كذا الدكتور \ قالي فيه ناس ترسم لنفسها خط المقدمه والطبيب يعمل مثل مايبون ..لكن انا لأ ! ماراح اعمل لك إلا زي ما انا شايف وأذا انتي تبين اكثر اعتذر منك ماراح اعمل .. قلت له انت ابخص


بالنسبه لنتايجي الحمدلله زينه ... الشعر اخذ دورته الطبيعيه نفسها رغم إن مافيه بصيلات .. بعد 10 ايام تقريباً من الزراعه ظهرت القشره وبدا يتساقط الشعر لين تقريباً شهر سقط 95% من الشعر وبعضه ماسقط وبدا ينمو لوحده

والآن بعد مرور 3 شهور من الزراعه ظهر الشعر كله تقريباً كثافته حلوه ولله الحمد بس الطول لسه 2-3 سم يعني ماينفع يظهر للعيان

تحياتي

جبهة حرب
02-09-2012, 07:46 PM
اهلين اختي

قالي تحتآجي تقريبا 2000 جرافت والمسامات البعيدة مدري وش يقصد فيها

بس انا استفدت من تجربتك ومن كلامك ومشكورة حيل جبهة حرب ماقصرتي


ربي يوفقك ويخليك وبضل متابعة لـ موضوعك

دعواتي لك


يعتبر السعر مناسب ... استشيري طبيب اخر وبشرينا

اتمنى لك التوفيق

رانية
04-07-2012, 09:42 PM
سلام
شخبارك اخت جبهه حرب

بشرينا عنك وعن العمليه ؟؟؟؟
شنو اخر التطورات ��

انسام الفجر
04-09-2012, 12:10 PM
مرحبا اختي جبهة حرب كيفك
حبيت استفسر منك اذا طلع الشعر المرزوع وكم صار لك من عملتي العملية ؟؟إ

الـشفاف
04-09-2012, 08:38 PM
[s
الله ياربي يوفقك وييسر لك وتشوفين ان شاءالله الغرة اللي تجنن
بس طمنينا عليك اوكي0

بصراحة انا مرتاح للدكتور بسام بس محتار لاني بصراحة حتى الان ما زرته لي تقريبا 2 سنه افكر اني اروح له ولا رحت
بس كذا نفسيا مرتاح له ليش مدري!!ize="7"]
[/size]

جبهة حرب
04-10-2012, 12:56 AM
هلا فيكم كلكم :)

الحمدلله يارب لي من عملت العملية 6 شهور إلا 9 أياام :)

الحمدلله الحمدلله الحمدلله الشعر طلع وكثافته ممتازه بس طوله لسه يمكن 3 سم يعني مايصلح اطلعه للعيان لكن ممكن اشده على ورا بس لسه ماتجرأت اعملها :d

من جد يابنات والله مو قصدي دعايه بس هذي الحقيقه ودي ارفق صور عشان تقتنعون بس مقدر :d:d:d



تحياتي القلبيه

جبهة حرب
04-10-2012, 12:58 AM
[s
الله ياربي يوفقك وييسر لك وتشوفين ان شاءالله الغرة اللي تجنن
بس طمنينا عليك اوكي0

بصراحة انا مرتاح للدكتور بسام بس محتار لاني بصراحة حتى الان ما زرته لي تقريبا 2 سنه افكر اني اروح له ولا رحت
بس كذا نفسيا مرتاح له ليش مدري!!ize="7"]
[/size]


هههههههههههههههههههههه سنتين تفكر

اجل يبي لك 3 سنوات عشان تقرر

و5 سنوات عشان تحدد موعد العملية :p

اتمنى لك التوفيق

تحياتي

الـشفاف
04-11-2012, 10:49 PM
والله محتار بينه وبين ماجيك هير بتركيا
انتي كم كلفت العملية تقريبا
وشكرا

الـشفاف
04-11-2012, 10:51 PM
هههههههههههههههههههههه سنتين تفكر

اجل يبي لك 3 سنوات عشان تقرر

و5 سنوات عشان تحدد موعد العملية :p

اتمنى لك التوفيق

تحياتي


لا وازيدك من الشعر بيت اني مركب شعر ................ لي كم سنه هو اللي خلاني انتظر هالمدة لوتشوفينه كان تقولين حقيقي

جبهة حرب
04-11-2012, 11:28 PM
كلفتني العملية 17400 ريال سعودي بعد الخصم لإني موظفة حكومه ... وبعدين خصموا لي ثاني لإنهم كنسلوا لي الموعد

وطلعت بالأخير 16400 وهي تعتمد على عدد القرافت ... انا كان عدد القرافت 2700 قرافت


.............

بالنسبة للباروكه كل اللي سمعتهم يقولون إنها تسبب حكه .. بعدين الباروكه حراااااااااااام كما أفتى علماؤنا

تحياتي

الـشفاف
04-11-2012, 11:43 PM
لا مو باروكه الله يسامحك
هذي تقنية جديدة وايضا مخرمة عشان الصلاة ودخول الماء عند الوضوء
وايضا اجل نقول ان الوصل حرام لان الواحد يزرع شعر يعني يوصل
( ما شاد الدين احدا الا غلبة )
لا افراط ولا تفريط فالدين سمح ولله الحمد
وبارك الله فيك على خوفك على اخوك المسلم0

سفير الحزن
04-12-2012, 03:34 PM
ماشاء الله دمك خفيف جدا الله يستر عليك اختي

ودي اسالك اختي انا ماقد جربت عملية الزراعه للشعر هل الدكتور بسام يعتبر ثقه من ناحية العمليه يعني متمكن

لاني محتار شعري بدا يتساقط وافكر ادا بدات الاجازة اعمل عمليه زراعه لاني موظف لكن متخوف من اثار العمليه وما تسببه من الم وايضا مادري وين اعملها نا بالسعوديه اما بالخارج م

وجزاء الله القائمين على هدا المنتدى خير الجزاء

جبهة حرب
04-20-2012, 10:36 PM
حياك الله أخوي ,,,

ممكن تشوف تجارب الأعضاء عند د.بسام الجباعي وتحكم على شغله

انا أشوف إن شغله ممتاز .. ورسم خط المقدمه حلو وكأنه طبيعي ..

وبالنسبة للألم يختلف من شخص لشخص فيه ناس تتحمل الألم وفيه ناس ماتتحمل

بالنسبه لي اصنف نفسي من الناس المتحملين للألم .. الألم كان مزعج بس اول 3 ايام تقريباً

انصحك تمر على كل تجارب الأعضاء وتشوف النتايج وتختار داخل أو خارج الدوله

تحياتي

سفير الحزن
04-22-2012, 11:38 AM
مشكوره اختي بارك الله فيك

طمنينا عنك ان شاء الله تحسن الشعر

uri
04-23-2012, 09:44 AM
هاه ام غرة بشرينا شريتي طوق؟؟؟؟ احس ان رواتب ثلاث شهور قدام بتروح اطواق اشكال والوان الله يهنيك ويفرحك بالنتايج الحلوه.......

الاخضر
04-23-2012, 12:33 PM
الله يهنيك بشعرك اختي الكريمة

منخفض جوي
04-26-2012, 09:26 AM
السلام عليكم

انا متابع موضوع االاخت جبهة حرب ويمكن بالصدفة وافق تسجيلنا في المنتدى في ايام
تمتاز بخفة الدم وباسلوب جذاب يجبرك على متابعة تعليقاتها

اتمنى انك انبسطتي بعد مرور شهور على اجراء العملية ...


ويارب ان جبهة حرب ترجع شعرها على ورى كما تحب

وتحط الطوق تلو الطوق والشباصات كبيرة الحجم والصغيرة منها

مبروووووووك على النتئج الايجابية وهذا واضح من خلال تعليقاتك ان الامور تسير في الطريق الصحيح .



وخلاص الوجوه الصينية او الكابوس الصيني ابتعد عنك ..
اعتقد ان جبهة حرب بيتغير مسماها الى جبهة حقل زراعي.

جبهة حرب
06-09-2012, 09:20 PM
سفير الحزن

الحمدلله الشعر تحسن كثيرررر ولله الحمد والكثافه مماثله للطبيعه

uri

هههههههههههههههههه تدري عاد ماشريت ولا طوق بس شريت ربطات لكن ما تجرأت ألبسها مدري ليش ما تعودت .. بعدين احس الجبهه لسه كبيره .. الله يهديه قلت له نزل شوي ورفض يقول انزل اكتر يصير تشويه .. بس الحمدلله احسن من اول بكثييرررررررررررررر واقدر اسوي تسريحات جديده :D


الأخضر

مشكور اخوي .. الله يهنيك بالايمان وطاعة الرحمن

منخفض جوي

كل ما أكتب اسمك اتذكر حسن كراني (مع أحلى الأماني :p )

الحمدلله النتايج مبشره بالخير صحيح كنت اتمنى ينزل خط المقدمه شوي لكن قدر الله وماشاء فعل
الكثافه زينه .. بس باقي الطول هاللحين يمكن طوله 7 سم ابيه يطول اكثر عشان اسرحه على ورا

جربت شباصه طلعت حلوه :D بس ما تجرأت اقابل فيها احد .. اختي قالت لي لاترجعين شعرك ورا كثير يأثر عليه ومن قالت لي هالكلمه وانا بس ماشطته على قدام كأنه شنب تشارلز شبلن :p

مشكور على السؤال


تحياتي

سفير الحزن
06-10-2012, 01:20 PM
الحمد لله دوم

ادعيلي بنجاح زراعتي بزرع بشهر 8

saad.500
06-10-2012, 08:25 PM
حمدلله علي السلامه
ونشاءالله تطلع النتيجه اللي تتمنينها
بس اهم شي لا تصير نفس جبهت مرعوب

bebe
06-11-2012, 09:27 AM
الحمدلله على سلامتك (احلى جبهة )
وعقبال ما تطلع النتايج مبهره وترضيك نفسيا يارب

واحد نفر
06-16-2012, 05:40 AM
جبهة حرب والله انك بنت كويسه معنوياتك عاليه يارب جماهير النصر يتعلمون منك
ههههههههههههههههههههههههههههههههههههههه

الرازي
07-24-2012, 05:16 AM
حمد لله على سلامتج اختي اول شي

وثاني شي ههههه خوفتيني من الغسيل انا بعد شوي عندي غسيل

بس ان عكسج لأني عانيت كثير في العملية لأنه العملية كانت تتطلب شخص يكون جالس بثبات لمدة 11 ساعة وانا انسان حركي كثيييير لهذا عضلاتي احسها تصلبت علي اثناء العملية ولكن الحمد لله عدت على خير وسلام.

انسانه2
07-30-2012, 05:10 AM
الله يتمم عليك
موفقه ان شاءالله

غصات حزن
08-26-2012, 07:05 AM
ليه قصو شعرك كله ولا بس المنطقه المانحه المنطقه المانحه يعدين يطلع فيها شعر وليه ياخذو شعر منها وبعدين كيف نغطي جبهتنا لينا مايطول الشعر فيها لحس شكلها نقط مقزز بعني اش نسوي عشان نغطيها اعذورني والله ماْعرف شي عن الزرع ياقلبي على الشعر واحسرتاه

غصات حزن
08-26-2012, 07:07 AM
اختي جيهه حرب انتي نقس مشكلتي انا جبهتي كبيره ومع التساقط الي صار في شعري اصبحت المفدمه في فرغات بس من جوه شعري مدري اذ فيه او لا

جبهة حرب
08-26-2012, 09:55 PM
اشكر كل من دعا لي وكل من شارك في موضوع بالتوفيق

اشكركم من اعماق قلبي

تحياتي

جبهة حرب
08-26-2012, 10:10 PM
هلا اختي غصات حزن

بالنسبه لي ماقصوا شعري كله لأ ..

شفتي لما تفرق الكوفيره شعرك عشان تستشور هم عملوا كذا فرق شعري وجمعه كله فوق وخلا جزء منه تحت وقص شريط بسيط من الشعر عشان يساعده في عملية أخذ الشريحه وقص فروة الراس .. يعني عشان يشوف

طبعاً بعد ما ياخذ الشريحه يبدأ يخيط فروة الراس عشان تلتئم .. عشان كذاا هذي المنطقه ماراح يطلع فيها شعر بس الشعر المقصوص اللي حواليها عادي ينمو

أتمنى تكوني فهمتي على شرحي

بالنسبة لحالتك ممكن يزرع لك الجبهه ويزرع لك الفراغات بس تعتمد على كمية القرافت .. الأولى بحالتك هي ملئ الفراغات مو تصغير الجبهه وطبعاً كله يعتمد على كمية القرافت (عدد الشعرات المزروعه)

وأي سؤال انا حاضره

#الجــــــــــــــــــــابرية#
08-26-2012, 10:52 PM
ماشاااااااااااء الله عليك اختي معنوياتك عالية احييييييييييييك بصراااااااااااحة وعقباااااااااااال النتائج الي تسرك يااااارب

جاسمين الصباح
08-27-2012, 04:22 PM
انا اسمى ياسمين من السعوديه


الأعلان عن العناوين وأرقام الهواتف ممنوع في المنتدى

الإدارة

ساروونه
10-08-2012, 03:45 PM
جبهة حرب كيف اقدر اتواصل مع الدكتور قبل العمليه ؟؟

انا مشكلتي زيك تقريبا ومن المدينه المنوره بس قبل لااروح الرياض ابغى اتواصل معاه واعرف كم مبلغ العمليه

واتفق معاه ع موعد العمليه قبل لااسافر اقدر ولالا ؟

جبهة حرب
10-08-2012, 09:00 PM
هلا أختي سارونه

خودي رقم العيادة وأسأليهم .. اتوقع فيه تواصل عن طريق الأيميل

اسم المركز العيادات العالمية لزراعة الشعر

014664411

:)

تحياتي

جبهة حرب
10-08-2012, 09:00 PM
هلا أختي سارونه

خودي رقم العيادة وأسأليهم .. اتوقع فيه تواصل عن طريق الأيميل

اسم المركز العيادات العالمية لزراعة الشعر

014664411

:)

تحياتي

ساروونه
10-08-2012, 11:27 PM
تسلمي ياعسل ربييي يسعدك ويهنيكي بشعرك الجديد

وعقبالي يااارب ..

وتجربتك مره شجعتني اروح للدكتور بسام مع انو روحتي الرياض صعبه بس ربي يسهلها

دعواااتكم

وداد
10-25-2012, 04:15 PM
السلام عليكم ورحمة الله وبركاته
مبروك اختي على النتيجة الرائعة

ولكن حبيت اسأل عن الزراعة شو الافضل الشريحة ام الاقتطاف للبنت ؟ وفي حال الزراعة هل يتم حلق المنطقة التي سيزرع بها في مقدمة الرأس أم لا ؟؟

وتحياتي لك ،،

جبهة حرب
10-26-2012, 02:53 AM
عليكم السلام ورحمة الله وبركاته

الله يبارك فيك اختي ..

الاقتطاف يحتاج لحلق الشعر وهذي مشكله للبنت .. لكن الشريحه مايحتاج حلق

بالنسبة لمنطقة الزراعه احياناً يحتاج الدكتور يحلق وفي أغلب الأوقات مايحتاج يحلق

والدكتور قبل الحلق يسأل المريض إذا تبيني احلق او لأ ..

اتمى اكون افدتك

تحياتي

وداد
10-29-2012, 10:30 AM
اختي الكريمة حبيت اسألك هل الشعر الطبيعي الغير مزروع يتساقط او يتأثر نتيجة الجراحة او الاقتطاف ؟
وبعد كم يوم يزول الالم ويلتأم الجرح مكان الشريحة ؟ وهل عند رفع الشعر يبين مكان الجراحة ؟

وتحياتي لك ،،

جبهة حرب
10-30-2012, 06:44 AM
هلا اختي

الشعر الغير مزروع لايتأثر بالزراعه ... ممكن يتساقط نتيجة وراثه نتجية مشكله صحيه

لكن ليس نتيجة للزراعه ...

ألتئام الجرح يجتاج 10 أيام

الألم يزول بالتدريج .. ولكن بعد إزالة الخيوط تبدأين بالشعور بالراحه

ألم المنطقة المانحه عباره عن إحساس بالشد اكثر من كونه ألم ..

أختفاء هذا الشعور تماماً يحتاج 3 -4 اسابيع

وهي تعتمد على قوة التحمل لديك .. هناك أشخاص يتحملون الألم وهناك اشخاص عالنقيض

انا أصنف نفسي من الأشخاص الذين يتحمولن الألم والله يقويني

عند رفع الشغر لا يظهر اي أثر .. لكن عند تقسيم الشعر مثلاً عندما يقوم أحد بإستشوار شعرك سوف يلاحظ شعر قصير في الخلف .. هذا الشعر نتجية القص أثناء أخذ الشريحه

مع مرور الوقت يطول الشعر ولا يلاحظ احد ..

مكان الشريحه لايوضح ابداً لأنه مغطى بالشعر



تحياتي

جبهة حرب
11-08-2012, 03:24 AM
السلام عليكم ورحمة الله وبركاته

أشكر كل من دعا لي وهنئني بنجاح العملية .. اشكركم من أعماق قلبي

أشكر هذا المنتدى والقائمين عليه لما كنت ومازلت اجده من تعاون ومساعده

لقد اتاح لي هذا المنتدى فرصة التعرف على زراعة الشعر وساعدني في أختيار الطبيب المناسب


الأن وبعد مرور عام كامل أحببت أن تشاطروني النتايج


شعري المزروع ولله الحمد نما بشكل جيد

طوله تقريباً 13 سم

نعومته مقبوله ولكنه يوجد فرق طفيف بينه وبين شعري الأصلي يحلها الأستشوار

ثقتي بنفسي زادت

اصبحت اعمل تسريحات لم أكن أتجرأ اعملها في السابق :)

الكثافه ممتازه

ولله الحمد والمنه أولاً وأخراً ظاهراً وباطناً

تحياتي

وداد
11-08-2012, 09:16 AM
مبروك اختي على النتائج التي توصلتي لها،، وربي يديم عليج الفرحة
حبيت أسألج ،، كم يوم احتاج اجازة لعملية الزراعة ؟ يعني من يوم ما أعمل زراعة لغاية ما اشيل الخياطة وتختفي كل الاورام ؟؟ والسؤال الثاني بعد ما طلع عندج الشعر في المقدمة هل فروة الشعر او جلد الشعر ناعم واملس وطبيعي مثل الجلد في باقي الشعر ؟؟ أو المنطقة متأثرة نتيجة الزراعة والثقوب ؟

وتحيتي لك ،،

بنت اهلي
11-08-2012, 01:18 PM
ماشاء الله تجربه رائعه

عالبركه حبيبتي

شجعتيني اسويها مع انك خوفتيني من الألم بس النتيجة تستاهل الألم :(

جبهة حرب
11-09-2012, 05:05 PM
هلا اختي وداد

الله يبارك فيك

بالنسبه للإجازه ما احتجت الا يوم واحد وهو يوم العملية وكانت يوم اربعاء والخميس والجمعه اجازة رسمية
والسبت اخذته اضطراري رغم انه الحمدلله ماكان عندي اي انتفاخات
ماعدا شي بسيط غير وااااااااضح ابد وكأني عامله بوتكس يخف اذا انسدحت وكان شكله حلو :)

بالنسبة لفروة راسي عاديه طبيعية زي فروتي الاصليه

ولله الحمد والمنه

تحياتي

جبهة حرب
11-09-2012, 05:39 PM
حياك الله بنت اهلي

الله ييارك فيك اختي

الالم مايستاهل تخافين منه ويخليك تترددين عن العملية

لإن النتيجة افضل من رائعه

تحياتي

منيرة
11-09-2012, 11:38 PM
ماشاءالله
والحمدلله انك راضيه بالنتيجه
ياختي ياااسرع الايااام
وانتي لك مني كل الشكرررررر لو الله ثم انتي وطرحك لتجربتك وتجاوبك معنااا كان ماصلحتهااا
الله يجزاك الجنه ماااقصرتي ابدددد
بسألك بعد العمليه كم مره راجعتي الدكتور بسام ؟! اقصد متي يكون اول موعد بعد الزاعه بكم شهر *

جبهة حرب
11-10-2012, 01:48 AM
هلا أختي منيرة

بالنسبة لمراجعتي قالي إذا تبين تجين بعد 3 شهور أو إذا حدثت مضاعفات راجعيني

والصراحه إني مارجعته أبد أبد من بداية العملية

لكني اتصلت عليه مره عشان أسأله سؤال ورد علي وتجاوب معي بكل اريحيه

تحياتي

الهير لاين
11-12-2012, 10:58 AM
الله يبارك لك فيه وان شاءالله العاقبه لي

تكلفة عمليتك معقول .. انا من منسوبات التعليم الحكومي تتوقعين لو رحت لطبيب بيحاسبني مثلك ؟

قريت لك تعليق عند البنت اللي عملت زراعه عند جمال انو تفكرين تعيدينها لان الدكتور رفض يقدم لك خط الشعر اكثر

هل اذا انا طالبته بشي يلتزم فيه ؟

وهل فعلا الشريحه افضل من الاقتطاف ؟

حاسه شكل شعرك من الامام طبيعي ؟

وكمان حابه اسالك اذا انتي حاسه بالرضا عن وضعك ؟


كيف منظر الشعر فترة نمو الشعر الثلاث الاشهر الاولى ؟ يعني كيف بداااوم واحضر مناسبات
هل ابقى معزوله خلال هالفتره او شكلي طبيعي

احتاج اشوف صوره لاحد خلال فترة النمو بعد ما يتساقط الشعر المزروع

وشكرا جزيلا لك ..

جبهة حرب
11-14-2012, 05:41 PM
هلا أختي الله يبارك فيك وعقبالك إن شاء الله

نعم يعمل لك خصم بس أتوقع لازم تجيبين إثبات زي بطاقة عمل او تعريف عمل

بالنسبة إني أعيد العملية أنا قلت بنسبة 5٪

ولو بعيد العمليه بضبط الجوانب بسسسسس لكن المقدمه ما أظن وبشكل عام ما أظن أعيدها

ويا أختي ترا ابن ادم طماع يعني خواتي يشوفنها حلوه مره ... وارضااء الناس غاية لا تدرك

الدكتور بسام يقول أنا اعمل زي اللي أنا أشوفه صح وهو يتبع قياسات جمال عالمية ... ورفض ينزل خط الشعر اكثر

أنا راضية عن شكلي ولله الحمد وشكل الشعر طبيعي جداً

الاقتطاف يتطلب حلق الشعر وهذا صعب للفتاة فالشريحة في هذي الحالة افضل

الشعر فترة النمو صغير زي شعر الرجال بعد الحلاقة ... كنت اخبيه بشعري وتسريحتي المعتادة

اتمنى أني اكون جاوبتك

تحياتي

انسام الفجر
11-24-2012, 08:42 PM
الله يبارك لك بشعرك وينعم عليك يااارب:)

بوح
12-02-2012, 11:33 PM
اختي اهنيك على حبك لمساعدة الغير وطرحتك لتجربتك بهالطريقه

و ماشاء الله و الله يهنيك بالنتيجه


بسالك .. انا مابي احلق لا المنطقه المانحه ولا المنطقه المستقبله

ايش الحل ؟ اختار اقتطاف ام شريحه ؟ و اي الطرقتين يعطون كثافه اكبر

لا ن هدفي من العملية تكيف مقدمة الراس و التاج

جبهة حرب
12-03-2012, 01:23 AM
الله يبارك فيكم جميع ويسعدكم ربي مثل ما أسعدتوني بدعواتكم الحلوه

مايحتاج تحلقين المنطقة المانحه بطريقة الشريحه بيكون فيه قص خفيف عشان يسهل الدكتور عملية استخراج البصيلات مانقدر نقول حلاقة .. هي قص فقط

المنطقة المستقبله للزراعه ممكن يخيرك الدكتور بين حلاقه او لأ

انا خيرني وقلت احلق .. وفيه وحده اعرفها قالها احلق ورفضت وعادي كمل العملية معها

اتمتى اكون افدتك

تحياتي

مونيكا
02-17-2013, 08:43 PM
جزااج الله اللف خيير مشكووره قلبي وياارب يطلع مثل ما تمنيتي

تـركـــي
02-18-2013, 06:59 AM
اختي جبهة حرب أشكرج على إفادة الأعضاء الإناث خاصة

بارك الله فيج وتستاهلين كل خير والحمد لله ان عمليتج نجحت تستاهلين كل خير

جبهة حرب
03-11-2013, 02:05 AM
الله يبارك فيكم جميعاً

اخ تركي هذا اقل الواجب مساعدة الآخرين


اشكر لك شعورك الطيب

تحياتي

((بحرالشووووق))
03-18-2013, 08:27 PM
ربي يحفظك يااااشيخه وحمد لله على السلامه..

الله يرزقني وحده طيوبه وفله مثلك والله..

صراحه حبيت أسلوبك المرح ربي يحفظك ويبعدك عن عيال الحرام يااارب.

joojoo
04-12-2013, 03:32 PM
حبيبتي لما شافك الدكتور لازم توريه اثبات ان عملك حكومي او لا؟ قصدي عشان يسويلك خصم

جبهة حرب
04-13-2013, 12:38 AM
ربي يحفظك يااااشيخه وحمد لله على السلامه..

الله يرزقني وحده طيوبه وفله مثلك والله..

صراحه حبيت أسلوبك المرح ربي يحفظك ويبعدك عن عيال الحرام يااارب.



اللهم آمين

ومشكوره عالدعوات الحلوه :)

جبهة حرب
04-13-2013, 12:39 AM
حبيبتي لما شافك الدكتور لازم توريه اثبات ان عملك حكومي او لا؟ قصدي عشان يسويلك خصم


نعم .. جبت لهم بطاقة عملي واخذوا صوره منها

درع الحجاز
04-22-2013, 11:47 PM
الف مبروك جبه حرب ع الزراعه ونجاح العمليه

Nouf moh
04-24-2013, 08:35 PM
جبوهة قلبي
الف مبروك عالنتايج المرضية
بس بسألك قريت انك كاتبة ان نوعية الشعر مختلفه عن شعرك الاساسي اخشن شوي
هل مازالت الى الان نفس الشيء خشنه والا بدت تنعم لما طالت

وبعد ابعرف الدكتور لما ياخذ من الجهة المانحة يحلقها والا يقصها وهل يرجع يطلع الشعر فيها زي ماكان وحتى مكان الخياطات
والا يقل الشعر والا ماعاد يطلع

اتمنى تفيديني

1een
04-28-2013, 09:22 AM
حبيبتي كيف تغسلي شعرك ؟ و بأي شامبو؟ وكيف تخلصتي من الدم اليابس؟

جبهة حرب
04-28-2013, 10:48 PM
جبوهة قلبي
الف مبروك عالنتايج المرضية
بس بسألك قريت انك كاتبة ان نوعية الشعر مختلفه عن شعرك الاساسي اخشن شوي
هل مازالت الى الان نفس الشيء خشنه والا بدت تنعم لما طالت

وبعد ابعرف الدكتور لما ياخذ من الجهة المانحة يحلقها والا يقصها وهل يرجع يطلع الشعر فيها زي ماكان وحتى مكان الخياطات
والا يقل الشعر والا ماعاد يطلع

اتمنى تفيديني


لا اللحين تغيرت صارت زي شعري اختلاف شي بسيط جداً

لما ياخذ من المنطقة المانحة يقص الشعر اللي حول المنطقة المانحة مايحلق ..ويرجع يطول الشعر المقصوص

مكان الخياطة مايطلع شعر ..

تحياتي

جبهة حرب
04-28-2013, 10:50 PM
حبيبتي كيف تغسلي شعرك ؟ و بأي شامبو؟ وكيف تخلصتي من الدم اليابس؟

بالأول كنت اغسل ع خفيف وبشامبو اطفال

الدم اليابس كان يطيح من نفسه او لما أمشط شعري كان يطيح


تحياتي

جبهة حرب
04-28-2013, 10:51 PM
الف مبروك جبه حرب ع الزراعه ونجاح العمليه


الله يبارك فيكم :)

تحياتي

Hind1
05-24-2013, 02:05 PM
ماشاء الله ربي يتمم عليج انا عندي نفس المشكله جبهتي كبيييره ،، حبيت اسألك كم كان ارتفاعها اربع اصابع او خمس لاني متأزمه عملية الشريحه مو مثل الاقتطاف اكثر شعر بس صعبه احلق :(

جبهة حرب
05-25-2013, 03:12 AM
تقريباً كانت 5 اصابع وشويه هههههههههههههه

اللحين اقل من 4 اصابع بشوية

ولله الحمد

تحياتي

m!sk
05-26-2013, 03:08 AM
الله يتمم عليك يارب
والله انا عندي فراغات مرررة من الجوانب ويبغى لي 1 سم زراعه من النص
هل سعر التكثيف غير الزراعه او كلها نفس بعض
انا مغتربه وبحاول في رمضان ان ربي اراد استشير الدكتور بسام
هل مواعيده بالشهور او بحصل
لو عنده ايميل او تلفون اقدر اتواصل معه لاهنتي اكتبيه

usecase
05-27-2013, 08:31 PM
الف مبروووك اختي ع نجاح العمليه
شجعتيني صراحه مع اني شايله فكرة الزراعه من راسي
بس بسالك تتوقعي ينفع للي عندهم هرمون الذكوره مرتفع :(

لحن الخجل
05-30-2013, 07:51 PM
ان شاء الله ترضيك النتيجه

جبهة حرب
07-11-2013, 05:08 AM
الله يبارك فيكم جميع

اللي سألت عن زراعة 1 سم من الجوانب ... السعر لا يقاس بالمساحه إنما يقاس بعدد القرافت (عدد بصيلات الشعر) صحيح كل ماكانت المساحه اكبر احتجنا قرافت اكثر لكن احياناً تكون المساحة صغيرة نسبياً (جبهة) مقارنة بصلعة وتجدين السعر متقارب وذلك لإن مقدمة الرأس تحتاج كثافة عالية


الأخت التي سألت عن هرمون الذكوره ,, اتوقع إذا عالجتي هرمون الذكوره بيرجع شعرك للنمو ... الأفضل استشيري دكتورك


تحياتي للجميع

روعة الامل
07-18-2013, 12:07 AM
مبروك ياجبهة حرب .. وعقبالنا يارب بالنتايج الطيبة

جبهة حرب
07-19-2013, 05:06 AM
الله يبارك فيك اختك وأتمنى نتائج مبهره للجميع

تحياتي

روعة الامل
07-19-2013, 07:29 AM
الله يبارك فيك اختك وأتمنى نتائج مبهره للجميع

تحياتي


الله يسامحك بس هههههههه

جبهة حرب
07-20-2013, 06:32 AM
ليش الله يسامحك وكأني قلت شي غير لائق ...

وإذا كنت اعتقدت أنك (أخت) والحقيقة أنك (أخ) فلي أسبابي المنطقية:

أولاً \ المعرف مؤنث .. وإن كان يحتمل التذكير

ثانياً \ معرف محتمل التأنيث ويتواجد في قسم التجارب النسائية إذا هو معرف لفتاة

هكذا كان عقلي يحلل البيانات


وع العموم سواءً كنت أخ أو أخت

اتمنى لك زراعة موفقة وشعر كثيف جداً

تحياتي

روعة الامل
07-20-2013, 07:47 AM
ليش الله يسامحك

معرف محتمل التأنيث ويتواجد في قسم التجارب النسائية إذا هو معرف لفتاة

هكذا كان عقلي يحلل البيانات





تواجدي في اقسام التجارب النسائية يجعلني مثار شك باني فتاة :eek::eek:

يعني نحتاج توصية بكتابة للعوائل فقط على هذا القسم .

انا قلت لك في ردي الله بسامخك ماقلت الله لايسامحك

ليش الرد المعنف هذا .

وفي الاخير هذا معرف وليس اسمي .. وكلا يعرف عن نفسه بما يحتاجه

والظاهر اني غلطان اني دخلت في موضوعك .. كلمة الله يسامحك ضايقتك كثيرا

اتمنى لعقلك ان يحسن الظن قبل مايحلل البيانات

بالتوفيق

جبهة حرب
07-21-2013, 06:16 AM
سوء فهم ... ولم أكن غاضبة أبداً :)

ولكن الكتابة دائماً توحي بالجمود ..

حياك الله أخوي في أي قسم


تحياتي

غدو
08-11-2013, 12:40 AM
مرحبا جبهة حرب
انا سويت زراعة ولله الحمد قبل أسبوعين
بس عندي استفسار
انا صارلي بقعه حمرا أصغر من الكوينز مكان الزراعه
والدكتور طمني بس انا خايفه، من تجربتك هل هوا شي عادي أو لا
وكمان متى بدا الشعر المزروع يطيح عندك
شكرًا

جبهة حرب
08-14-2013, 06:07 AM
أهلاً اختي

البقعة الحمراء التي ذكرتيها لا علم لدي عنها ... وإذا كان الدكتور طمنك فإن شاء الله خير ولا تخافي

بالنسبة لتساقط الشعر بدأ عندي بعد اسبوعين تقريباً واستمر شهر وأعتبر متأخره والسبب في ذلك إني كنت اخاف افرك بقوة :p

ورحت للدكتور وقت إزالة الغزر وسألته قالي السبب إنك تفركي بشويش وفرك الشعر بقوة وصار يسقط


أتمنى أكون أفدتك

تحياتي

غدو
08-14-2013, 04:12 PM
أهلاً اختي

البقعة الحمراء التي ذكرتيها لا علم لدي عنها ... وإذا كان الدكتور طمنك فإن شاء الله خير ولا تخافي

بالنسبة لتساقط الشعر بدأ عندي بعد اسبوعين تقريباً واستمر شهر وأعتبر متأخره والسبب في ذلك إني كنت اخاف افرك بقوة :p

ورحت للدكتور وقت إزالة الغزر وسألته قالي السبب إنك تفركي بشويش وفرك الشعر بقوة وصار يسقط


أتمنى أكون أفدتك

تحياتي



الله يسعدك مرررا
انا كمان الشعر ما طاح الين دحين
وقالي الدكتور لازم تفركيه بقوة والاحظ انه بدا يطيح
شعر كانه مقصوص وشعر كان فيه بصيله :eek:

جبهة حرب
08-17-2013, 04:19 AM
هههههههههههههههههههههههههههههههههههههههههههههههههه هههههههههههههههههههه


نفس اللي صار لي بالضبطططط وضاق صدرررررررررري وقلت خلاص راحت بصيلاتي وحزنت كتيررررررررررررررر

وكلمت الدكتور وقالي لا تخاااااافين عادي عادي جداً طبيعي

لإن ممكن تبقى خلية وحده بس وتنمو .. الكلام ما أقنعني بس الحمدلله النتيجة أثبتت لي

ولله الحمد والمنه أولاً وأخيراً


تحياتي

غدو
08-17-2013, 07:32 AM
هههههههههههههههههههههههههههههههههههههههههههههههههه هههههههههههههههههههه


نفس اللي صار لي بالضبطططط وضاق صدرررررررررري وقلت خلاص راحت بصيلاتي وحزنت كتيررررررررررررررر

وكلمت الدكتور وقالي لا تخاااااافين عادي عادي جداً طبيعي

لإن ممكن تبقى خلية وحده بس وتنمو .. الكلام ما أقنعني بس الحمدلله النتيجة أثبتت لي

ولله الحمد والمنه أولاً وأخيراً


تحياتي



اسأل مجرب ولا تسأل طبيب:d
الله يسعدك مرررا والله بلسم انتي ريحتي قلبي
مرررا شكرًا

جبهة حرب
08-19-2013, 04:17 PM
اللهم آمين ووياك

والعفو حبيبتي

تحياتي

Hind
08-21-2013, 05:25 AM
امبيه انا بيصيرلي شهر وللحين ماطاح بالعكس طال شوي شسوي افرك اكثر يعني اخليه يطيح لين كأني مازرعت ؟! عاد مستانسه حدي انه طال 

وداد
08-21-2013, 08:13 PM
امبيه انا بيصيرلي شهر وللحين ماطاح بالعكس طال شوي شسوي افرك اكثر يعني اخليه يطيح لين كأني مازرعت ؟! عاد مستانسه حدي انه طال 

حبيبتي هند مبروك العملية والحمد لله على سلامتك ،،
مدة تساقط الشعر من الشهر الاول الى الشهر الثالث ولكن في الغالب يتساقط سريعا ،،

وين زرعتي ؟ وكم جرافتس ؟

نتمنى رؤية تقريرك في المنتدى للاستفادة وللمتابعة ،،

تحياتي ،،

جبهة حرب
08-22-2013, 03:32 AM
بعض الشعر لا يسقط بل ينمو ولكن الأغلب يسقط


تحياتي

Hind
08-22-2013, 04:20 PM
حبيبتي هند مبروك العملية والحمد لله على سلامتك ،،
مدة تساقط الشعر من الشهر الاول الى الشهر الثالث ولكن في الغالب يتساقط سريعا ،،

وين زرعتي ؟ وكم جرافتس ؟

نتمنى رؤية تقريرك في المنتدى للاستفادة وللمتابعة ،،

تحياتي ،،

الله يسلمج ويبارك بعمرج من بعد ماشفت تجربت اختي جبهه حرب تشجعت وسويتها عند الدكتور بسام وكان عدد الجرافت المطلوب 1800 بس والحمدالله طلع معاي 1900 وشي تقريبا

غدو
08-25-2013, 12:24 AM
بنات صارت لي زي الحساسيه الحمرا مكان الزراعه
بعد يومين بكمل شهر
هل هوا حاجه عاديه والا لا !

طفشت90
08-31-2013, 02:59 AM
وش سالفة الخصم؟ لازم تكونين معلمه حكومي ولا وش؟؟

جبهة حرب
08-31-2013, 04:36 AM
هلا أختي غدو

ماعندي فكرة عن الحساسية اللي تحكي عنها استشيري طبيبك

اختي طفشت90

اللي اعرفه موظفه حكومية مو شرط معلمه وأتوقع إحضار الأثبات مهم



تحياتي

طفشت90
08-31-2013, 07:56 AM
يعني كيف موظفه حكوميه؟ طيب اذا كان اخوي او اختي موظفه حكوميه يجيني خصم؟

جبهة حرب
09-01-2013, 12:44 AM
ماعندي علم أستفسري من المركز


تحياتي

نحمدوه
09-03-2013, 01:08 PM
صبآح الخيرر .. اختي جبهة حرب حمستيني حييييل اسوي العمليه والله قصتك الي تكتبينها فوق كنها تتكلم عني وبااذن الله بتوكل على الله وبسويها بررغم اني مالقيت احد مسوي العمليه فجده بس انا ان شااء الله بكون اول تجربة اناث فجده فالعياادات العالميه بس حابه استفسرر منك عن كثاافة الشعر المزروع فالجبهه نفس كثاافة شعرك ؟ يعني مستواه كويس ؟ ولايعتبرر خفيف شعرات مبعثرات تبين منها فروة الراس ؟ .. ومششكوره مقدمآً ..

جبهة حرب
09-03-2013, 04:26 PM
هلا اختي صباح النور

كثافة الشعر ممتازه فيه خفه بسيطه لكن شكلها طبيعي جداً مو فراغات ولا شعرات متباعده لا أبداً... مو كل الناس عندهم منطقة المقدمة كثيفه أغلب الناس تكون خفيفة ثم تتدرج بالكثافه

لما أفرق شعري او احطه على جنب لا يبان اي خفه

لما أرجعه ورا مايبان خفيف يبان طبيعي

نحمدوه
09-03-2013, 08:30 PM
تسسسسلمين ياعزيزتي على تعاوونك معي .. مشكورة ماقصررتي .. وان شااء الله تتم زراعتي على خيرر واجي وانقل لكم تجربتي فالقريب العاجل

تووووفي
09-08-2013, 07:10 PM
الحين انا باقي لي اسبوعين واكمل ٣ شهور
وقت الزراعه حلق لي مقدمة الشعر قال عشان يقدر يغرز بينها شعر جديد
الحين طال شوي الشعر المحلوق فقط يعني اقل اقل من ١/٢ سم
بس الشعر المزروع ينعدون ع الاصابع الغرزه الوحده ماطالع منها الا شعره وحده خايفه وجتني خيبة أمل مفروض يكون اكثف من كذا خصوصاً فيه فراغات واجد ملساء جداً ما احس نبتت جاي شعيرات متفرقة قليلة مره كأنه شخابيط على جبهتي :(
وعلى حسب علمي الشهر الثالث تبان نتيجة الكثافه والشهور اللي بعدها يبدأ يطول
انتي من اي شهر حسيتي ان الكثافه كويسه ؟
ياربي مابي احساس الندم يجيني كل ماجاني اطرده واقول لسى بدري
طمنيني ��

جبهة حرب
09-09-2013, 02:14 PM
هلا أختي

بعد الشهر الثالث يبدأ الشعر بالنمو ... صعب تحكمين الآن ونمو الشعر يختلف من شخص لشخص

إذا ساورك الشك راجعي الدكتور ..


تحياتي

الهنووف
09-11-2013, 06:47 AM
السلآم عليكم اختي جبهه حرب ..

معليش عندي كم سؤال اتمنى تجاوبيني عليه ..

اول شي فيه عمر معين لزراعه الشعر يعني عمري 22 ينفع اعملها ؟
ثانيآ الي مو موظفه طالبه مالها خصصم ؟ "(
ثالثا فين مكان المنطقه المانحه بالضبط ورى اخر الشعر ولا بالنص ولا فين يعني لما تلمين شعرك حصان او شي مايبان شي ؟
كمان من قدام لو خليته مايحلق المقدمه ياثر بالنتيجه يعني الحلق افضل ولا مايفرق
كمان كيف كنتي تداومين يعني شلون ارجع الجامعه واداوم عادي انزل غره ومايبان شي انتي سويتي حلق كيف كنتي تغطي المنطقه و انتي حالقه المقدمه

كمان انتي قلتي ماراجعتي الدكتور بعدين قلتي انك راجعتيه بعد اسبوع بس ابي اعرف لاني مو من الرياض لازم ارجع له بعد العمليه ولا مايحتاج ..

كمان لو بسافر الرياض عشان العمليه كم يوم تتوقعي اقعد فيهاا ..

انا جبهتي 4 اصابع وشي يمكن بس كمان راجعه على ورى واكثر شي مضايقني انها راجعه على ورى ماعمري لبست طوق ولا رفعت شعري بليزز ردي علي انا بإنتظارك .:(

جبهة حرب
09-11-2013, 08:37 PM
السلآم عليكم اختي جبهه حرب ..

معليش عندي كم سؤال اتمنى تجاوبيني عليه ..

اول شي فيه عمر معين لزراعه الشعر يعني عمري 22 ينفع اعملها ؟


إذا مشكلتك زي مشكلتي مالها دخل بالعمر تقدري تسويها بأي عمر لإن المشكلة مالها دخل بالتساقط

ثانيآ الي مو موظفه طالبه مالها خصصم ؟ "(

ماعندي علم أسألي العيادة أفضل

ثالثا فين مكان المنطقه المانحه بالضبط ورى اخر الشعر ولا بالنص ولا فين يعني لما تلمين شعرك حصان او شي مايبان شي ؟

المنطقة المانحه فوق الرقبة بثلاث اصابع تقريباً يعني أخر الشعر ... لما ألمى شعري مايبان ابداً ابداً ولا بأي حال يبان إلا إذا احد قسم شعرك وانتي لسه ماشلتي الخيوط بيشوفوها
كمان من قدام لو خليته مايحلق المقدمه ياثر بالنتيجه يعني الحلق افضل ولا مايفرق


ما يأثر على النتيجة لكن بالنسبة للدكتور أدق له بالزراعة إنه يحلق عشان يقدر يعمل الفتحات بسهوله وبترتيب وبدقة

كمان كيف كنتي تداومين يعني شلون ارجع الجامعه واداوم عادي انزل غره ومايبان شي انتي سويتي حلق كيف كنتي تغطي المنطقه و انتي حالقه المقدمه

كنت أغطي بالشعر وبالغره العادية اللي كنت اعملها قبل العملية عشان اخبي فيها جبيني

كمان انتي قلتي ماراجعتي الدكتور بعدين قلتي انك راجعتيه بعد اسبوع بس ابي اعرف لاني مو من الرياض لازم ارجع له بعد العمليه ولا مايحتاج ..

راجعته بعد اسبوعين من العملية عشان افك الغرز فقط .. وإذا كنتي خارج الرياض بيعطيك اسم عيادة تفكي فيها الغرز

كمان لو بسافر الرياض عشان العمليه كم يوم تتوقعي اقعد فيهاا ..

يومين ... يوم للعملية واليوم الثاني لغسل الشعر
انا جبهتي 4 اصابع وشي يمكن بس كمان راجعه على ورى واكثر شي مضايقني انها راجعه على ورى ماعمري لبست طوق ولا رفعت شعري بليزز ردي علي انا بإنتظارك .:(

لنوشي9
10-15-2013, 02:11 PM
مرحبا عزيزتي أنا جبهتي مو طويلة جدا لكن بها بروز يعني فيه عظمتين باينين بجبهتي من بعيد يبان كأنها مكسورة من النص كسر أفقي هذا يسبب لي أزمة لمن برفع شعري على ورى البروز هو اللي يوحي أنو عندي جبهة و لا جبهتي عادية ياترى هالعيادة ممكن تفيدني بهالخصوص و لا المسألة صعبة !

جبهة حرب
10-16-2013, 04:46 AM
هلا أختي ..

بالنسبة لمشكلتك إذا مساحة جبهتك مو كبيرة ..

فيه عمليات لكن ماعندي علم بها

ادخلي قسم أسئلة الأستشارين واذهبي لموضوع فهرسة الأسئلة بقلم الأخت وداد وتجدين جواب لسؤالك إن شاء الله



تحياتي

maya1
10-16-2013, 12:48 PM
السلام عليكم


كيف حالك جبهة حرب ؟ .. انا مرة اتحمست لما قرأت موضوعك ..عندي نفس المشكلة جبهتي عالية والجوانب خفيفة وبدأت تخف اكتر .. المشكلة اني موظفة في بنك ولكي ان تتخيلي كيف بيكون الوضع ماعندي الا اجازة شهر في السنة .. وتعرفي لازم الواحد يكون شكله مرتب وانا دائما منزلة شعري من قدام .بس لانه خفيف فماتتغطى جبهتي كلها. بس شايلة هم من حكاية العملية خايفة مااحب حكاية التقطيع ديه والغرز احس اني ممكن اموت .. ياريتهم يبنجوني بنج كامل ويشتغلوا زي مايبغوا .. اللي يهمني من قدام المنظر كيف بيكون ؟ لانه انا اصلا شعري خفيف من قدام فتبان جبهتي مو مغطاية بالكامل لو نزلت غرتي فهل لما يزرعوا تبان فيه نقط دم وكدة؟ .. شايلة هم مع العمل كيف حيكون شكلي لاني مااقدر استغني عن الاستشوار كمان .. شاكرة لكي ومبروك حبيبتي

جبهة حرب
10-17-2013, 03:19 AM
السلام عليكم


كيف حالك جبهة حرب ؟ .. انا مرة اتحمست لما قرأت موضوعك ..عندي نفس المشكلة جبهتي عالية والجوانب خفيفة وبدأت تخف اكتر .. المشكلة اني موظفة في بنك ولكي ان تتخيلي كيف بيكون الوضع ماعندي الا اجازة شهر في السنة .. وتعرفي لازم الواحد يكون شكله مرتب وانا دائما منزلة شعري من قدام .بس لانه خفيف فماتتغطى جبهتي كلها. بس شايلة هم من حكاية العملية خايفة مااحب حكاية التقطيع ديه والغرز احس اني ممكن اموت .. ياريتهم يبنجوني بنج كامل ويشتغلوا زي مايبغوا .. اللي يهمني من قدام المنظر كيف بيكون ؟ لانه انا اصلا شعري خفيف من قدام فتبان جبهتي مو مغطاية بالكامل لو نزلت غرتي فهل لما يزرعوا تبان فيه نقط دم وكدة؟ .. شايلة هم مع العمل كيف حيكون شكلي لاني مااقدر استغني عن الاستشوار كمان .. شاكرة لكي ومبروك حبيبتي

اهلاً اختي الحمدلله انا بخير وطيبه

اولاً احتمال الدكتور يحلق لك شوي من قدام عشان يضبط خط المقدمة ... ونقط الدم او الشعر المزروع ممكن يبان إذا ماغطيتيه بشكل زين .. لكن بالنسبة لي مابانت لإني كنت اعمل غره كثيفه واضبطها على جنب فما بان أي شي ...

ثانياُ بالنسبة للعملية .. مايبنجوك بنج كامل لإن البنج الكامل فيه نسبة خطوره .. والعيادات بالغالب مايبنجون كامل
طريقة الشريحه لازم قص وغرز وفيه ألم صحيح محتمل لكن الناس تختلف بدرجة التحمل يعني اللي انا اتحمله غيري مايتحمله والعكس صحيح

أتوقع الأفضل لك تعمليها وقت اجازتك السنويه اللي هي شهر جداً جداً ممتاز

بالأخير من بغى الدح ماقال اح ;)


تمنياتي لك بالتوفيق


تحياتي

الدنيا علمتني
12-05-2013, 11:16 PM
عقبال مازرع صلعتي يارب.كل مازاد لها تزيد وتلمع بعد الولاده ع طول ان شاء الله ناويه اروح.لان ماخليت شي ماجربته ومانفع وكل مازاد لتصحر يزيد..

متفائله يارب
01-14-2014, 11:20 AM
الله يوفقك سجلت بهالمنتدى بسبب قصتك حمستيني
ورفعتي معنوياتي
حسيت انو بيجي يوم وانبسط بشكلي
هالجبهه مرررررره مسببه لي ازمه نفسيه مايعلم فيها الا رب العباد
الله يكتب لي اللي فيه الخير لي ولكم يارب
ابي اتواصل معاك اذا ممكن لان ماادخل النت كثير بظروف تمنعني

فداك الروووح
01-20-2014, 06:45 PM
ودي اسالك سؤال ,, هل بعد العملية بشهر تساقط شعرك كثير ولا قليل

وابي اعرف وش فايده الشعر اللي يتساقط وش المشكله لو بقى

لاني انا وصاحبي زرعنا والحين من زراعتنا صارلنا شهر و15 يوم انا طاح كله وصاحبي ماطاح قهررر ههههههه

ابي اعرف اللي يطيح ينبت كله ولا لا

جبهة حرب
02-02-2014, 11:19 PM
متفائلة يارب

حياك الله اختي وتواصلي معي عن طريق الرسائل

وإن شاء الله اقدر اساعدك ..


فداك الروح

بعد شهر يطيح أغلب الشعر المزروع وممكن يبقى جزء منه

واللي يطيح يرجع ينمو لا تخاف


تحياتي

قمرهم كلهم
02-04-2014, 04:14 AM
مرحبا اختي جبهه

بسألك انا ادرس في الجامعه كيف اقدر اغطي الزراعه عن البنات وانا بطبعي مرررره انحرج اخاف تبان :(

وماابغى اقص غره :(

شكرا

قمرهم كلهم
02-04-2014, 04:16 AM
واختي انتي وش حلقتي من قدام؟موانتي زرعتي الجبهه ؟الجبهه مافيها شعر ليه حلقها..

وانا ماراح ازرع جبهتي لكن عندي فراغ من الامام بسيط طايح الشعر منه

جبهة حرب
02-15-2014, 02:01 AM
قمرهم كلهم

هو حلق لي البيبي هير عشان يضبط الرسمه من قدام ولو رفضت ماراح يحلق

بالنسبة للتخبيه كنت اخبي شعري بنفس تسريحتي القديمه اللي كنت اخبي فيها جبهتي بدون ما أقص غره

اتمنى اكون افدتك

تحياتي

عبير محمد
05-21-2014, 06:13 PM
مشااء الله قصتك مررا حماااس بس حبيت اسال كيف طلع شكلك

انا بسويها بتركيا ابي اسوي رسمه القلب من عند جبهه

بعدين انا شعري خشن يعني لو زرعت بيطلع خشن هل اقدر افرد الشعر المزروع ولا لا

ام وجد
06-24-2014, 06:22 AM
الله يسعدك ياجبهة حرب انا اعاني نفس المشكله وكنت احسب بس انا اللي كذا اتمنى البس اطواق وربطات مثلك
وانحرج كثير منها حتى بالبيت انزل الغره ومليت نفسي ارفعها وعلى قولتك وقت الهواء والا المطر اشيييل هم :(

وفيه ناس لهم جبهه ويطلعونها عادي انا ماعندي ذا الثقه ابدااااا

كنت ابحث ايم عن كريم ولا بخاج ينبت لو شي من مقدمة الشعر بدون ماالجاء للزراعه لكن للاسف مالقيت :)

وقريت بمنتدى ان وحده حلقت المقدمه بموس وسوت نغزات خفيفه بالابره وصارت تفركه بفلفل حار وتقول انه نبت شي بس ماقدرت اصدق ولا عندي الجراه اسوي كذاااا

سؤال بعد ماسويت العمليه قدرتي تسيرين على الناس وكذا :) ومتى اقدر استخدم الاستشوار مالنا غنى عنه خصوصا بعد مانسويها اذا عملنا غره لزم استشوار ؟

واذا كانت الوحده متزوجه كيف ممكن تقنع زوجها بالزراعه وتقدر تجلس معه وهي توها مسويه العمليه ولابعد نبت الشعر ؟


هل نقدر نصبغ الشعر بعد نجاح العمليه وظهور النتائج ؟
وكم مدة الزراعه اقصد ممكن نكرر العمليه مع مرور السنين وترجع حليمه لحالتها القديمه

صرااااحه انها معانات جدااااا

الله يسخر لي واسويهااااا

متفائله يارب
06-25-2014, 10:25 AM
ام وجد
انا مثلك ابي اعرف كل شي محتاره وخايفه ... وبنفس الوقت ابي اسويها
ابي ارتاح نفسيا..تعبت وربي بس انزل الغره والكل يدقني بالكلام ويقول جبهتها كبيره ومدري ايش
خلاص وربي نفسيتي تدمرت ابي اثق بنفسي وافل شعري والبس طوق ولا احس بخاطري شي واتضايق منه
اولا واخيرا الحمدلله يارب على كل حال
وابي اسال كيف بعد العمليه بيكون الوضع بالنسبه قدام الزوج
ادعولي اسويها وارتااااح ولاحد يتشمت فيني كلام الناس جرحني وتعبني



الحمدلله يارب...

ام وجد
07-07-2014, 07:39 AM
متفائله جبهة حرب ماجابت خبرنا :)

فرحانه بالوك الجديد عقبالنا :(

صدق كلام الناس يجرح :(

بنت تبوك
09-15-2014, 12:22 AM
ان شاء الله تجي وتخبركم وانا معكم في الموضوع يا قوم
انا زرعت وترا باين وماقدرت اخبيها بغرتي لآنه بلأساس الاطراف مزروعه ومشكوكه
يعني بلبندانه اقدر اقدر اخبيها للحين ما طاح كل الشعر
وترا اذ متزوجه ابصراحه منظرها شنيع خاصة الشهر الاول كذا يكون محبب ولونها يغث ممكن انك تخبيها طول الوقت
بس كيف حترتاحي في بيتك
الله يفرج عليكم ويسعدك ويريح بالكم

فايزه يوسف
11-18-2014, 11:59 AM
انا من فلسطين صلبني سرطان الثدي وبعد العلاج بالكيماوي نزل شعري ولما طلع مره ثانيه كان كثير خفيف في مقدمة الراس ايش بتنصحوني اعضاء المنتدى