bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

تجربتي في زراعة اللحية والشارب / عيادة الدكتور سركان / 28 سبتمبر 2015

7amani

Member
إنضم
18 يوليو 2014
المشاركات
334
مستوى التفاعل
0
النقاط
16


السلام عليكم ورحمة الله وبركاته

اتمنى ان الكل يكون بصحة وعافية ان شاء الله

في البداية احب اشكر هذا المنتدى الجميل والراقي

الادارة والاعضاء بارك الله فيكم وان شاء الله ربي يرزقكم على قد نيتكم

واحب ايضا اقدم شكر خاص للاخ العزييز المشعلاني

لاني استفدت من موضوعه كثيير وحصلت معلومات كافية عن العملية

وبعد فيه الخير يجاوب على اي استفسار بكل رحابة وسعة صدر

شكرا لك اخي المشعلاني وان شاء الله ربي يرزقك على قد نيتك


بسم الله الرحمن الرحيم
اقدم لكم تجربتي لزراعة اللحية والشارب في
عيادة الدكتور سركان

طبعا اول شي المعلومات الأساسية وبعدها تفاصيل التجربة


اسم العيادة : عيادة الدكتور سركان
سعر العملية : 1500 يورو
طريقة العملية : الإقتطاف
مدة العملية : 6 ساعات
عدد البصيلات : 3700 تقريبا
تاريخ العملية : 28/9/2015
والحين تفاصيل التجربة للي حاب يستفيد

طبعا اول شي بديت اجمع معلومات عن العملية وما بعد العملية والايجابيات والسلبيات
وجفت تجارب الشباب لزراعة اللحية والشارب وكان اغلبها عن الدكتور سركان

فبديت اقرا تجارب العيادة واقرا كلشي عنها

فأكتشفت ان الدكتور سركان ما يسوي العملية بنفسه لكن فقط يشرف عليها

بس للأمانه الطاقم اللي عنده متميز جدا وشغلهم ممتاز وهالشي اللي ريحني

يعني بالنسبة لي مو مهم المسمى الوظيفي للشخص اللي راح يسوي لي العملية

ان كان دكتور او اخصائي هذا مو مهم عندي

المهم عندي

الخبرة
شغلهم يكون ممتاز
يشتغلون بضمير
نتائجهم ممتازة ( وهذا اللي جفته من تجارب الشباب )

والصراحة كل هذا جفته في طاقم الدكتور سركان ( طبعا اتكلم عن طاقم زراعة اللحية والشارب)


بعدها خلاص استخرت وتوكلت على الله وقررت احجز التذكرة

طبعا موعد سفري كان يصادف عيد الاضحى

وفي المناسبات مثل عيد الفطر وعيد الاضحى تكون اسعار شركات الطيران حدث ولا حرج خصوصا الشركات الخليجية

وانا كنت ابغي ادمج اجازة العيد مع اجازتي السنوية عشان اكسب ايام زيادة و اذا رجعت للشغل يكون شكلي مقبول خصوصا ان الزراعة في الوجه وتكون واضحة اول شهر

فقلت مالي الا احجز على الطيران التركي , وبالفعل حجزت على الطيران التركي

وكان نفس السعر الطبيعي للتذكرة وفي الموعد اللي ابيه

وفي نفس الاسبوع حجزت فندق في منطقة تقسيم عن طريق موقع بوكينق

وبالنسبة للفيزا انا جفت موعد وصولي لتركيا الساعه 7 الصبح فقلت اكيد ما راح يكون زحمة فبطلع الفيزا من المطار




وجذي انا اكون خلصت مسألة السفر وكان باقي على موعد السفر

شهر ونص تقريبا

فقلت في هالشهر ونص راح اكلم المنسق واتفق معاه واساله عن اللي ابيه

مع اني اعرف كل المعلومات اللي ابيها من المنتدى ومتابعة التجارب

وبالفعل كلمت المنسق وارسلت له 3 صور للوجه و3 صور للمانحة

وقال لي بعرض الصور ع الدكتور وارد لك خبر

وفي نفس اليوم رد علي قال لي ان المنطقة المانحة ممتازة وراح يتم زراعة
ما يقارب 4000 بصيلة
واتفقت معاه على السعر وكلشي وتم حجز الموعد

وطبعا قالي انه في العيد راح يكون اجازة يعني بعد وصولي لتركيا انتظر يومين

وبعدها العملية,, فقلت له مو مشكلة لان اوردي سفرتي 16 يوم فما عندي مشكلة انتظر يومين

بس اهم شي انك تكون معاي في العيادة




بعدها صار موعد سفري

والحمدلله وصلت بالسلامة لمطار تركيا وخلصت الاجراءات اللازمة

وطلعت الفيزا وبالفعل كان مافيه زحمة لدرجة اني كنت بروحي واقف عند الشباك
بعدها رحت اخذ شنطة السفر وعند منطقة الخروج

لقيت واحد حامل ورقة كبيرة مكتوب فيها 3 اسماء

ولقيت اسمي بينهم ورحت كلمته ( طبعا الشاب تركي لكن يتكلم انقلينزي )

فقال لي انتظر هنا على ما اجوف باقي الاسامي

فقعدت اشرب كوفي على جنب بعدها جاني وقالي
السايق مالك راح يوصل بعد عشر دقايق بالكثير فروح انتظره عند بوابة المطار

وبالفعل في اقل من عشر دقايق وصل السايق وعلى طول عرفني مادري شلون هههههههه

ووصلني الفندق وفي الطريق قام يسولف معاي ويمزح وهو بالفعل انسان حبوب وارتحت له

طبعا هو تركي لكن يمشي الحال بالانقلينزي




بعدها قعدت افرفر في تقسيم ما ضل مكان ما رحته لان عندي يومين قبل العملية ,,
وبعد يومين صار موعدي في العيادة وجاني السايق عشان ياخذني



ووصلت العيادة و سويت الفحص

واتفقت معاهم على الرسمة وعلى عدد البصيلات قالوا ليي راح نقتطف اقل من 4000 بصيلة عشان تحصل على كثافة ممتازة وفي نفس الوقت المنطقة المانحة ما تتأثر
(وبالفعل انا هذا اللي كنت ابيه انهم ياخذون البصيلات اللي يحتاجونها فقط وبكثافة ممتازة وبدون ما تتأثر المانحة )
فتم الاتفاق ان عدد البصيلات لا يقل عن 3500 ولا يزيد عن 4000

بعدها قالوا لي طاقم زراعة اللحية والشارب فاضي اليوم

ف اذا حبيت تقدر تسويها اليوم واذا ما تبي اليوم بكره موعدك

فقلت لهم خلاص اليوم اسويها ان شاء الله

قالو لي خلاص العملية راح تكون الساعة 2 ونص الضهر
وكانت الساعة 11 فرحت جواهر مول اتفرفر ومعاي الاخ عبدالله من السعودية تعرفنا في العيادة

بعدين قرب وقت العملية رحت غرفة الاستراحة مالت العيادة وقعد معاي المنسق نسولف شوي

بعدين رحنا غرفة عشان ابدل ملابسي والبس ملابس العملية

و يحلقون شعري طبعا يخيرونك تبي تحلق كامل او المانحة فقط

وعقب يعطونك حبة عشان تصبرك على ال6 ساعات شكلها حبة هلوسة هههههههههههههههههه

وبعدين على طول تدخل غرفة العملية

والحمدلله ما حسيت بال6 ساعات مرت بسرعة الله يخلي هالحبة بس ههههههههههههههههههههههه

وطبعا مافيه اي الم يذكر الا الم ابر البنج والالم بسيط نوعا ما

يعني اي شخص يقدر يتحمله

وبعد العملية جفت الرسمة كانت بالضبط مثل اللي طلبتها وتوزيع البصيلات جدا ممتاز والكثافة ممتازة .

وعجبني شغلهم الله يعطيهم العافية بس وجهي كان منتفخ من البنج انصدمت يوم جفته ههههههههههههههههههههه


احس الموضوع صار جدا طويل فبختصر الكلام المهم

بالنسبة لشغل العيادة فهو جدا ممتاز واحترافي وهالشي يخليك تسكت وتتغاضى عن واجد اشياء

ومنها :

:: المنسق :: طبعا هو انسان حبوب ومحترم وشخصيته حلوة لكن عيبه الوحيد انه يضغط روحه بشكل مو طبيعي

( اعتقد ان المنسق ياخذ عمولة على كل زبون يجيبه والله اعلم )

يعني ينسق حق خمسة اشخاص او اكثر في نفس اليوم وهالشي يلخبط الوضع نوعا ما
يعني انا وقت اللي كانوا يحلقون شعري سألني الاخ اسماعيل (اللي كان يحلق شعري) انته الساعه جم اكلت اليوم ؟ فقلت له الساعه 7 ونص الصبح قال لاا لازمتاكل الحين قبل العملية وراح كلم المنسق وكان مشغول في التلفون وقال له كان المفروض تخليه ياكل اول قبل العملية عشان ما يتعب .. وبالفعل اخذني الاخ اسماعيل عشان اكل جزاه الله الف خيير يشتغل بضمير وقلبه ابيض وتهمه صحة الشخص قبل العملية وبعد العملية

ولو لا الاخ اسماعيل جان المنسق ولا يدري اكلت او ما اكلت !

:: العيادة :: الصراحة انصدمت من حجم العيادة جدا صغير بالنسبة لعدد الاشخاص اللي تزرع بشكل يومي

وتحس المكان زحمة على طول و مافي تنظيم .. يعني بالنسبة للدخل اليومي اللي يجيهم المفروض يكون المكان كبير وراقي

وبالنسبة للنظافة والتعقيم كلشي تماام .


في النهاية انا هذي الاشياء ما تهمني واجد

اللي يهمني ان العملية تمت الحمدلله وراضي عنها كل الرضى ومتفائل خير بالنتايج

وقبل الصور احب اذكر هالنقاط بشكل عشوائي


* سبب عدم ظهور شعر اللحية والشارب هو مرض فقر الدم المنجلي
* انا في مرحلة تساقط القشور والشعر
* انا ما زلت في إسطنبول والأمور بخير الحمدلله
* تنسيق الموضوع متعوب عليه هههههههههههههههههههههه










اليوم السادس بعد العملية








اتنمنى ان الكل يستفيد من تجربتي
واي استفسار انا حاضر ولا تنسونا من دعواتكم
واذكروا الله يا جماعة
معاكم اخوكم عبدالرحمن

تحياتي




تجربتي في زراعة الذقن
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
اليوم الثالث بعد العملية والانتفاخ كان واضح شوي









اليوم السادس بعد العملية والانتفاخ اختفى ولله الحمد


 
إنضم
17 أكتوبر 2013
المشاركات
150
مستوى التفاعل
0
النقاط
16
ماشاءالله تبارك الله

اول شي مبروك عليك الزراعه

وصراحه الرسمه ممتازه جدا ولايقه عليك ، الله يهنييييك وتشوف افضل النتائج الي تتمناها


ومشكور على الكلام الي قلته بخصوصي
كلنا هنا انحاول انساعد بعض والشباب الي اطرحو تجاربهم او شاركو بمعلومات عن تجربتهم مشكورين

وان شاءالله يتسفيد من موضوعك اكبر عدد

وبخصوص الزراعه مره ثانيه .. الف مبروك عليك الزراعه وصراحه الرسمه على قولتهم فانتاستك :emoji14:
ماشاءالله تبارك الله

وشهر عن شهر بتشوف النتيجه ان شاءالله للافضل



مشكور على طرح تجربتك
وبأنتظار التحديثات ان شاءالله

المشعلاني
 

Meme ronti

Member
إنضم
24 يناير 2015
المشاركات
423
مستوى التفاعل
1
النقاط
18
ماشاء الله تبارك الله الحمد لله على سلامتك ياخوي وان شاء الله ترجع بالسلامه وألف مبروك على العمليه عقبال مانشوف
النتايج الممتازه أتمنى لك التوفيق يالغالي
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
ماشاءالله تبارك الله

اول شي مبروك عليك الزراعه

وصراحه الرسمه ممتازه جدا ولايقه عليك ، الله يهنييييك وتشوف افضل النتائج الي تتمناها


ومشكور على الكلام الي قلته بخصوصي
كلنا هنا انحاول انساعد بعض والشباب الي اطرحو تجاربهم او شاركو بمعلومات عن تجربتهم مشكورين

وان شاءالله يتسفيد من موضوعك اكبر عدد

وبخصوص الزراعه مره ثانيه .. الف مبروك عليك الزراعه وصراحه الرسمه على قولتهم فانتاستك :emoji14:
ماشاءالله تبارك الله

وشهر عن شهر بتشوف النتيجه ان شاءالله للافضل



مشكور على طرح تجربتك
وبأنتظار التحديثات ان شاءالله

المشعلاني





الله يبارك فيك ويهنييك حبيبي ولا تنسوني من دعواتكم


وان شاء الله من يصير معاي تطور في الزراعة راح انزل تحديث


مع جزيل الشكر لك
تحياتي
 

Aliaq

New Member
إنضم
2 يونيو 2015
المشاركات
6
مستوى التفاعل
0
النقاط
1
الأخ حمني مشالله تبارك الرحمن انشالله النتيجه تكون حلوة مع أنها باين من الآن ممتازة
الف الحمدالله عالسلأمه ومبروك العملية
نستنا التحديثات منك
انشالله على بدايه السنه الجديده اسويها
وخلاص حددت سركان من كثر الأعضاء اللي سووها عنده وطلع نتاايجهم حلوة
موفق اخوي حمني
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
ماشاء الله تبارك الله الحمد لله على سلامتك ياخوي وان شاء الله ترجع بالسلامه وألف مبروك على العمليه عقبال مانشوف
النتايج الممتازه أتمنى لك التوفيق يالغالي



الله يسلمك ويخليك يالغالي والله يبارك فيك ويوفقك
اشكرك جزيل الشكر على هالكلام الجميل
تحياتي
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
الأخ حمني مشالله تبارك الرحمن انشالله النتيجه تكون حلوة مع أنها باين من الآن ممتازة
الف الحمدالله عالسلأمه ومبروك العملية
نستنا التحديثات منك
انشالله على بدايه السنه الجديده اسويها
وخلاص حددت سركان من كثر الأعضاء اللي سووها عنده وطلع نتاايجهم حلوة
موفق اخوي حمني



الله يبارك فيك ويسلمك يالغالي
اشكرك من كل قلبي على كلامك الرائع وان شاء الله من يصير معاي تطور بنزل تحديث
الله يحفظك ويوفقك في الزراعة وننتظر تجربتك ان شاء الله


تحياتي
 

Aliaq

New Member
إنضم
2 يونيو 2015
المشاركات
6
مستوى التفاعل
0
النقاط
1
ما قالولك اذا لازم تستخدم بخاخ ولا حبوب فايتمينات للشعر؟
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
ما قالولك اذا لازم تستخدم بخاخ ولا حبوب فايتمينات للشعر؟



البخاخ والفيتامينات هذي أشياء اختيارية وغير أساسية


وظيفتهم يسرعون من ظهور الشعر فقط


لكن اذا استعملتهم او ما استعملتهم الشعر بيطلع في النهاية بإذن الله


انا بالنسبة لي ما افكر استخدم البخاخ لانه يزيد الاحمرار مكان الزراعة خصوصا اول شهر


تحياتي
 

faisal007

New Member
إنضم
14 يوليو 2015
المشاركات
16
مستوى التفاعل
0
النقاط
1
ماشاء الله تبارك الله
ان شاء الله ربي يفرحك بالنتائج اللي تسرك وزياده
بس عندي استفسار بسيط لو سمحت , بالنسبه لرسم المنطقه
هل من الممكن انك تعدل في طريقة رسمها او الرسم يكون
من قبلهم هم بدون اي تدخل منك ؟
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
ماشاء الله تبارك الله
ان شاء الله ربي يفرحك بالنتائج اللي تسرك وزياده
بس عندي استفسار بسيط لو سمحت , بالنسبه لرسم المنطقه
هل من الممكن انك تعدل في طريقة رسمها او الرسم يكون
من قبلهم هم بدون اي تدخل منك ؟



آمين يارب .. اشكرك على الكلام الجميل


بالنسبة للرسمة .. هم يرسمون لك ويعطونك المراية عشان تجوف .. اذا عجبتك يثبتون عليها
اذا ما عجبتك تقدر تقولهم التغييرات اللي تبيها .. وهذا الشي اللي لازم انك ما تستحي منهم واذا ما عجبتك الرسمة
تقولهم لا عدلوا هني وعدلوا هني .. ولا تخاف من ناحيتهم ما راح يدخلونك ع العملية الا اذا اتأكدوا انك راضي عن الرسمة .


تحياتي
 

fake hair

New Member
إنضم
20 مايو 2015
المشاركات
14
مستوى التفاعل
0
النقاط
1
ماشاءالله تبارك الله
مبروك الزراعه والحمدلله على السلامه وبالفعل إسماعيل تحس فيه حنيه ووسيع صدر حتى بعد ما يحلقك يسالك عن رضاك ههههههه
وبالنسبه للمنسق انا سبق ونسقت مع علي صحيح ضاغط نفسه بس انه يجاوبك ويداريك ويضحك معك حتى بعد العمليخ وهذا المطلوب
الرسمه جميله بس دامك قاعد في إسطنبول قبل لا تمشي بليله راجع العياده هم يرسلون لك سياره تجي تاخذك وترجعك بدون تكاليف عشان لا سمح الله كان فيه شي غلط
واهم شيئ النظافه وتحريك الفم اول عشر أيام
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
ماشاءالله تبارك الله
مبروك الزراعه والحمدلله على السلامه وبالفعل إسماعيل تحس فيه حنيه ووسيع صدر حتى بعد ما يحلقك يسالك عن رضاك ههههههه
وبالنسبه للمنسق انا سبق ونسقت مع علي صحيح ضاغط نفسه بس انه يجاوبك ويداريك ويضحك معك حتى بعد العمليخ وهذا المطلوب
الرسمه جميله بس دامك قاعد في إسطنبول قبل لا تمشي بليله راجع العياده هم يرسلون لك سياره تجي تاخذك وترجعك بدون تكاليف عشان لا سمح الله كان فيه شي غلط
واهم شيئ النظافه وتحريك الفم اول عشر أيام



الله يبارك فيك ويخليك حبيبي , اشكرك على النصايح والكلام الجميل
وان شاء الله قبل ما امشي من إسطنبول راح امر ع العيادة يجوفون الأمور تمام او لا


مع جزيل الشكر لك
تحياتي
 
إنضم
17 أكتوبر 2013
المشاركات
150
مستوى التفاعل
0
النقاط
16
السلام عليكم

بشرنا يا عبدالرحمن كيف الوضع معاك ؟ ان شاءالله الامور كلها ممتازه

المشعلاني
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
السلام عليكم

بشرنا يا عبدالرحمن كيف الوضع معاك ؟ ان شاءالله الامور كلها ممتازه

المشعلاني



عليكم السلام يا هلا والله


الحين صار لي 12 يوم من سويت العملية


والحمدلله الأمور كلها تمام تساقطت كل القشور تقريبا والدم المتيبس في اللحية وفي المانحة ..


والمنطقة المانحة الحمدلله قاعدة تتشافى مع الأيام ( راح انزل صور تدريجية للشفاء بعد جم يوم ان شاء الله )


وتساقط بعض الشعر مع القشور وكل يوم تقل الكثافة وبدأ يبين الاحمرار عندي بس الأمور في السليم الحمدلله




مع جزيل الشكر لك
تحياتي
 

alza3eem

Member
إنضم
23 أغسطس 2015
المشاركات
631
مستوى التفاعل
0
النقاط
16
ماشاءالله رسمة جميله وانا امس سويت العملية عند سركان بس الى الان الام بوجهي وانتفاخ واضح
 

7amani

Member
إنضم
18 يوليو 2014
المشاركات
334
مستوى التفاعل
0
النقاط
16
ماشاءالله رسمة جميله وانا امس سويت العملية عند سركان بس الى الان الام بوجهي وانتفاخ واضح


اشكرك على الكلام الجميل
ومبروك عليك العملية والحمدلله على سلامتك


والانتفاخ لا تشيل همه بالكثير اسبوع ويختفي
بالتوفيق لك وان شاء الله تجوف النتيجة اللي ترضيك
مع جزيل الشكر
تحياتي
 
أعلى