bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

يا اهل الخبره سؤال عن المينوكسيديل والادويه الى المفروض تتاخد معاه؟؟

إنضم
14 مايو 2014
المشاركات
35
مستوى التفاعل
0
النقاط
6
السلام عليكم ورحمة الله وبركاته
انا اسمى احمد من مصر ودى اول مشاركه ليا فى المنتدى اتمنى انى الاقى اصدقاء جدد هنا يساعدونى على حل مشكلتى (الى ملهاش حل)

انا عندى 24 سنة بدأ التساقط عندى وانا فى سن 20 سنه (وراثى) لان بابا الله يرحمه كان اصلع واعمامى كلهم صلع انا تعبان نفسيا من موضوع الصلع ده ومش قادر اتخيل شكلى وانا اصلع وعايش فى حالة نفسيه صعبة لدرجة انى بتعالج بمهدئات وباخد كمان منوم علشان اعرف انام (زولام) المهم انا قررت اضع حل لمشكلتى روحت لدكاترة كتير فيهم الى قالى تقبل شكلك كده وانت شكلك حلو والى قالى مشكلة الصلع ملهاش علاج المهم روحت لدكتورة قالتى تاخد دواء بخاخ اسمه (ريهير مينوكسديل 5%) اخدته ومشيت عليه شهر بدون نتيجه وبعدين وقفته وبعدين كلمت احد الصيادله المشهورين على الفيس بوك ونصحنى انى اخد دواء (روجين مينوكسيديل 5%) وقالى تمشى عليه 3 شهور انا اشتريت علبه كامله ( الله وحده عارف انا جمعت فلوسها ازاى ) اسمها روجين مينوكسيديل 5% بس المشكله الى قلقانى ان الدواء ده مش زى الى بشوفه على المواقع اولا مكتوب عليه active made in italy وشكل العلبه غطاها اسود ومكتوب فى النشره انها لمنطقة الصلع الخلفيه وانا فعلا عندى فراغ فيها هى ومنطقة الشعر الاماميه اعلى الجبهه انا جيبت دواء كمان نصحنى بيه صيدلى اسمه بانتوجار وجيبت فيامين اسمه فيتازنك وانا كلى امل فى ربنا انه يدينى نتيجه كويسه ومرضيه فى انبات الشعر خصوصا فى الفراغات اه كمان جيبت شامبو نيزورال
انا اسف طولت عليكم بس المهم الى عاوز اسئله هو ان الدواء ده فعلا هو الروجين وحد جربه قبل كده اصل انا قلقان جدا ارجو من اخوتى فى الجروب مساعدتى فى الاجابه وشكرا
 
إنضم
27 يونيو 2012
المشاركات
791
مستوى التفاعل
1
النقاط
18
السلام عليكم خوى
ربي يفرج عليك ويريحك وحل مشكلتك

بالنسبة للروجين هو نفسه المينكسوديل المعروف عندنا اختلاف اسماء و شركات

والمينكسوديل اكتر فاعليه فى المنطقة الخلفيه للراس التاج لاكن ايضا له تأتير فى باقى المنطقه

ويعمل على المحافظ على الشعر الدى لم يسقط بعد ويقوى الشعر الضعيف لاكن يجب ان تستمر عليه دائماً
فـ بمجرد ان تتركـه يرجع الشعر الى التساقط
 
إنضم
14 مايو 2014
المشاركات
35
مستوى التفاعل
0
النقاط
6
شكرا ولكن هل البانتوجار والفيتازنك مفيدين مع المينوكسيديل
 

star2014

Member
إنضم
7 مايو 2014
المشاركات
35
مستوى التفاعل
0
النقاط
6
واستخدم هيردال مفيد مع المينوكسديل بس الاستمرار ولا تياس واستمر
 
أعلى