البصيله الي طاحت! لا هذي القشره ! نصائح وتنبيهات للي بيزرع اللحيه والشارب " الدقن " من البدايه للنها

مرحبابك يالمشعلاني اليوم صارلي 11 يوم على العمليه وهذا اليوم الثاني لوضعي اللوشن على اللحيه يعني بديت باللحيه من اليوم العاشر وهو المفروض إني أبدابها من اليوم الثاني عشر علشان أكمل 7 أيام من وضع اللوشن على المانحه أنا ماكملت خمس أيام إلا وبديت باللحيه وطيحت عدد كبير من القشور معاها شعر أمس واليوم ماتبقى الا العدد القليل من القشور وتكون اللحيه صافيه من القشور ماتحس إني استعجلت على تحريك القشور ..!؟ علما إن التعليمات تقول بعد 7 أيام تبداء تحط اللوشن على اللحيه بعد ماتخلص من المانحه

مسافر ولكن..! قال:

مرحبابك يالمشعلاني اليوم صارلي 11 يوم على العمليه وهذا اليوم الثاني لوضعي اللوشن على اللحيه يعني بديت باللحيه من اليوم العاشر وهو المفروض إني أبدابها من اليوم الثاني عشر علشان أكمل 7 أيام من وضع اللوشن على المانحه أنا ماكملت خمس أيام إلا وبديت باللحيه وطيحت عدد كبير من القشور معاها شعر أمس واليوم ماتبقى الا العدد القليل من القشور وتكون اللحيه صافيه من القشور ماتحس إني استعجلت على تحريك القشور ..!؟ علما إن التعليمات تقول بعد 7 أيام تبداء تحط اللوشن على اللحيه بعد ماتخلص من المانحه

أنقر للتوسيع...

ياهلا ومسهلا

بالنسبه للوشن ، التعليمات تقول 7 ايام وهذا الصحيح
لكن دامك بديت تستخدم اللوشن على المنطقه المزروعه ف اتوقع الوضع عادي مافي مشكله لك ان شاءالله

وانت بالاصل ماراح تتوقف على انك تحط اللوشن بالمنطقه المانحه

الاسبوع الاول ، كنت تحط اللوشن على المنطقه المانحه فقط

اما الاسبوع الثاني ف تبدا تحط اللوشن على المنطقه المانحه والمنطقه المزروعه الدقن ، ف نفس الشي

اهم شي انك ما تتوقف عن وضع اللوشن بالمنطقه المانحه بالاسبوع الثاني !


والاهم انك ما تحاول تشيل القشور بيدك ، خلها هي من نفسها تطيح


وان شاءلله تشوف افضل النتايج

المشعلاني

السلام عليكم

الحمدلله وصلنا الى 80 تعليق مابين سؤال وجواب ..
واتوقع ان الاسئله والاجوبه الي طرحوها الشباب والي جاوبت عليها ، كافيه ان شاءالله انها اتجاوب على استفسار
اي شخص ناوي يزرع او زرع



الموضوع هذا والاجوبه هذي ، ان شاءالله فادت ناس وبتفيد ناس بالمستقبل وهذا الهدف من الموضوع .. لان اي شخص يقدر يستفيد منه الان وبعد سنه وبعد ب ان شاءالله

اي شخص عنده سؤال حاب يسأله ، يراجع الصفحات السابقه وبيلقى جواب سؤاله او استفساره ان شاءالله



والي ما يحصل جواب لأستفساره ، يسأل هنا واذا جت فرصه ان شاءالله بدخل المنتدى و اجاوب عليه بأذن الله
لكن الافضل انه يبحث بالصفحات السابقه لاني ان شاءالله متأكد انه بيحصله



اسمحولنا على القصوور ، والله يوفق كل شخص في زراعته ويشوف افضل النتايج ..


المشعلاني

السلام عليكم..انا كان عندي فراغات باللحية وقمت من 6 اشهر و7 ايام بزراعة ما بقارب 1300 بصيلة ..طبعا الاحمرار تغلبت فيو ولليوم موجود الخفيف وومكن اللي مضايقني عدم التجانس الكامل بين الشعر الاصلي والمزروع وخطين الزراعة من الاذن للشارب واضحات كانه محدد وانا صراحة ما ابي هالشي لانه ابي يكون اكثر طبيعي بالشكل العشوائي..شو رايك اخوي مشعلاني باللي بحكي كونه انا قريب من مدتك بالزراعة

الله يبارك لك بالدقن الجديد ، ا
انا عندي سوال محيريني ، وهو مخليني متردد .
بعد كم يوم يرجع وجهك طبيعي ، لاني بتركيا حاليا ومحتار صراححة .

blowman قال:

السلام عليكم..انا كان عندي فراغات باللحية وقمت من 6 اشهر و7 ايام بزراعة ما بقارب 1300 بصيلة ..طبعا الاحمرار تغلبت فيو ولليوم موجود الخفيف وومكن اللي مضايقني عدم التجانس الكامل بين الشعر الاصلي والمزروع وخطين الزراعة من الاذن للشارب واضحات كانه محدد وانا صراحة ما ابي هالشي لانه ابي يكون اكثر طبيعي بالشكل العشوائي..شو رايك اخوي مشعلاني باللي بحكي كونه انا قريب من مدتك بالزراعة

أنقر للتوسيع...

يامرحبا ، وكل عام وانت بخير

انا اشوف من الصعب جدا ان دكتور " يزرع على خط مستقيم " ويكون على شكل كأنه محدد

انت تشوف ان الزراعه على خط مستقيم من الاذن ل الفم ، لان الاحمرار مازال موجود والاحمرار هو الي يرسم الخط هذا ، والاحمرار هو عقدتنا ! ، حاول اتقرب عيونك على شعر الدقن ، بتشوف شعره فوق وشعره تحت ..

خل يتقلص الاحمرار ويروح كامل .. بتشووف تغيير ، انا فاهم قصدك من ناحية التعرجات الي انت تبيها

لكن خل الاحمرار يروح كامل ، وبتشوف ان النتيجه افضل


الحل ؟ اذا انت ما اقتنعت بالامر هذا

عندك يا اخوي حلين فقط


الاول .. تزرع التعرج ، يعني تسوي عملية زراعه ثانيه وتخليهم يعرجون الشعر الي من الاذن ل الفم !

الحل الثاني
تروح عياداة تحديد اللحيه بالليزر ، وتخليهم يعرجون لك المنطقه ب الليزر ، يخففون الشعر الي من الاذن ل الفم ويبنون التعرج الي انت تطلبه منهم ، لان الليزر ايضا رسمه ، وانت تقدر ترسم لحيتك من جديد وتبني التعرج


هذي الحلول الي اشوفها متوفره صراحه ، مع اني انصحك تنتظر للشهر ال 10 على الاقل ، لين يختفي الاحمرار كامل



والله يوفقك


المشعلاني

السلام عليكم

وكل عام وانتم بخير، وعيدكم مبارك
وكيف عيدكم ؟ انا بالنسبه لي سلمت و افطرنا ب مسجد حارتنا مفاطيح ورجعت البيت شغلت المكيف مع حر السعوديه ونمت ، صحيت من النوم واشتغلت كومار ودي جيب :emoji32:


نجي الحين للموضوع


اول شي بنوه على شي ، وابي منكم العذر فيه .. انا صراحه اعتذر اني اجاوب على أي سؤال متكرر
واتمنى منكم تقدير الشي هذا ، لان الامر متعب انك ترجع وتجاوب على سؤال انت مجاوب عنه بصوره مفصله !

سؤال الاخ " بلو مان " كان سؤال جديد ، ف جاوبت عليه .. والعذر منكم ثانيه



في تنويه



من خلال تصفحي لاجوبة الدكاتره في امريكا واوربا ! عن المده المسموح لك ل حلق الدقن موس !
جميع الدكاتره الي اطلعت على اجوبتهم اجمعو على " انك تقدر تحلق موس بعد شهر ونص من العمليه " !


بعطيكم امثله



شوفو هذا سأل سؤال ، وجابو 4 دكاتره ، من لوس انجلوس و شيكاقو وغيرها ..



يقول .. هل تشوفون ان فترة اسبوع كافيه اني ابدا احلق مقص ، وفترة شهر كافيه بعدها اني احلق بالموس ؟


وهذي اجوبتهم



هذا يقول ، فترة الشهر كافيه انك تحلق تحديد وتعديل او تشيل موس !




نفس جواب الاول ، متفق على بعد شهر تقدر !



وهذا ايضا متفق على بعد شهر !



وهذا ايضا متفق معهم كذالك !


لكن



ومن خلال تصفحي ل دكاترة الزراعه في تركيا ف جميع الدكاتره متفقون على 6 شهور !




زي ما تشوفون مكتوب في مركز تركيا للزاعه ، و العياداة جميعها في تركيا متفقه ان اقل مده تقدر تشيل فيها موس 6 شهور اقل شي كاتبين ! هذا معناه انهم جريصين على هذا الشي



--------------------

الخلاصه ، حاولت اعرف الاسباب والدراسات الي تفرق بينهم وبين الدراسات الغربيه ، لكن ماقدرت .. لان الاجوبه المعتدمه من كل طرف ، ماتبين السبب الي خلتهم يتفقون على شهر من ناحية الغربيين او 6 شهور من ناحية الاتراك ! علمن ان الاتراك يسمحون لك بعد شهر تحلق بالمكينه ..

تقريبا اسبابهم العامه متقاربه من بعض ! لكن المده تفرق .. يعني الغرب شهر ، والاتراك 6 شهور ماتحلق موس و بعد شهر تحلق مكينه


طبعا بالموضوع هذا انا ما اطالبك انك تحلق موس ! انا بس معلومات عرفتها وحبيت اشاركها في هذا الموضوع




لكن اعيد واكرر : اتبع تلعييماااات دكتووورك لا تشيل موس او تحلق مكينه الا بالمده الي سامحها لك ! لا اتجازف وتسمع كلام غير دكتورك ! لان هو الي مطلع على الحاله وعارفك شخصيا .. لا تجااازف في " وجهك " تعليمات دكتورك هي رقم واحد بالنسبه لاي شخص زرع !



المشعلاني

السلام عليكم

لكي تعم الفائده الصحيحه على الجميع
ارجو من الشباب الي ناويين يزرعوون الدقن انهم يطلعوون بالاول على


الاحكام الشرعيه الخاصه بالزراعه
https://www.hairarab.com/vb/showthread.php?t=13


وانا من اليوم ، واتوب من امس ..


و ابرئ الى الله من أي شخص يستخدم هذا الموضوع بغرض زراعة الدقن " للتجميل فقط وتحسين المظهر "
يجب ان تطلع على الاحكام الشرعيه بالأول ، وتتأكد بأنك مستوفي الشروط والاحكام


من اهمها ان تكون الزراعه ليست لغرض التجميل ، بل لستر عيوب في الوجه او ماشابهها .. واقرئ الاحكام والشروط لكي تستوفي الشروط من كل الجهات


الله قد بلغت اللهم ف أشهد



المشعلاني

السلام عليكم والله يعطيك العافية اخ مشعلاني..انا اريد ان اصل لجواب مقنع وسيبني من المدة لانه من شهرين لليوم وضعي مثل ما هو بالرغم اني شفت تجارب عبد العزيز وعبد الرحمن وفي هذه الفترة امورهم تقريبا 100% وعلما انهم زارعين بين 3000-4500 يعني بالنسبة لي ثلث كميتهم والمفروض انه العوارض عندي تكون اخف وتختفي في وقت اسرع وبالرغم من اني قريب من طبيعة بشرتهم وانا صراحة ندمان اني قمت بها وكان لازم اصبر لحتى تسد الفراغات لكن العقل احيانا يدبر امور بطرق خاطئة ولكن الحمدلله ..ارجو المساعدة منك اخ مشعلاني اذا يوجد اي كريمات او غسول يخفف من الاحمرار والعوارض علما اني زرت دكاترة كثير ووصفو لي ادوية ولم اصل لنتيجة..ارجو منك اخ مشعلاني كونك قريب من فترتي في الزراعة ابلاغي عن وضعك وهل الاحمرار زال عندك وشكرا لك وبارك الله فيك

blowman قال:

السلام عليكم والله يعطيك العافية اخ مشعلاني..انا اريد ان اصل لجواب مقنع وسيبني من المدة لانه من شهرين لليوم وضعي مثل ما هو بالرغم اني شفت تجارب عبد العزيز وعبد الرحمن وفي هذه الفترة امورهم تقريبا 100% وعلما انهم زارعين بين 3000-4500 يعني بالنسبة لي ثلث كميتهم والمفروض انه العوارض عندي تكون اخف وتختفي في وقت اسرع وبالرغم من اني قريب من طبيعة بشرتهم وانا صراحة ندمان اني قمت بها وكان لازم اصبر لحتى تسد الفراغات لكن العقل احيانا يدبر امور بطرق خاطئة ولكن الحمدلله ..ارجو المساعدة منك اخ مشعلاني اذا يوجد اي كريمات او غسول يخفف من الاحمرار والعوارض علما اني زرت دكاترة كثير ووصفو لي ادوية ولم اصل لنتيجة..ارجو منك اخ مشعلاني كونك قريب من فترتي في الزراعة ابلاغي عن وضعك وهل الاحمرار زال عندك وشكرا لك وبارك الله فيك

أنقر للتوسيع...

اول شي الله يعافيك

الزراعه دايم نتايجها النهائيه من 8 شهور الى سنه .. ولابد انها تختلف من شخص لثاني ، ماتقدر انت تقول انا نفسهم او هم نفسي .. صعب انك تقرر ها الشي

الاحمرار ! كتبت عنه كثير ، وقلت ان في ناس يجلس شهر في ناس 4 شهور في ناس اكثر

انا عنذي 2 وانا ثالثهم ، هم مسوينها قبلي ، ماراح الاحمرار منهم الا بالشهر التاسع ! يعني اذا حلق موس او خفف مكينه يبين عنده الاحمرار كامل ، لكن كل شهر يكون صوره اخف

انا الى الان الاحمرار مازال موجود ، واذا حلقت مكينه صفر ، يبين عندي الاحمرار .. لكن فرق شاسع بين احمرار الان واحمرار قبل 3 شهور .. الحين احمراري يبين بالشمس تقريبا يكون واضح اما بالليل ف مايلفت النظر كثير


كثرت الحلاقه ، و التعرض للشمس بصوره دائمه تأخر من زوال الاحمرار .. استخدم واقي عن الشمس اذا كنت من الي يتعرضون للشمس بصوره دائمه

خلاصة الاحمرار ، الشباب الان الي اعرفهم راح عنهم الاحمرار نهائي ،، يعني يحلق موس ما يبين اي شي

بالنسبه لي .. باقي عندي الاحمرار حتى الان


الكريمات .. انا قد سألت في مواقع اجنبيه سألت دكاتره عن موضوع الاحمرار ..

عطوني كريم اسمه
anti Inflammatory lotions (Hydrocortisone


هذا سؤال الشخص و رد الدكاتره عليه

بالرابط هذا : What's best for reducing redness following beard transplant?

قريت عن هذا الكريم .. ينصح بأستخدامه فترت اسبوع فقط .. لكن ما ادري اذا متوفر بالسعوديه لان توي ما دورت عليه


الاحمرار مشكله .. هو الشي الوحيد الي يبين الزراعه ،، لكن من خلال التجارب السابقه ف الحمدلله الجميع راح منه الاحمرار .. لكن الصبر الصبر

اذا ما حصلت الكريم ، رح لمراكز قويه ومشهوره بالجلديه .. وان شاءالله تحصل عندهم الحل


التوفيق ولا تندم على شي سويته كل شي مكتوب ..

المشعلاني

ماشاءالله موضوع متكامل استفسار بسيط شعر دقني اغلبه ينبت تحت من جهة الرقبه يعني والعوارض شوارع ههههه المهم اني نويت على سركان هل الشعر المزروع بيكون متناسق مع الطبيعي ؟

رفع.......

fake hair قال:

ماشاءالله موضوع متكامل استفسار بسيط شعر دقني اغلبه ينبت تحت من جهة الرقبه يعني والعوارض شوارع ههههه المهم اني نويت على سركان هل الشعر المزروع بيكون متناسق مع الطبيعي ؟

أنقر للتوسيع...

ياهلا ومرحبا

اول شي ، تأكد انك مستوفي الشروط والاحكام الشرعيه اذا كنت ناوي تسوي الزراعه


بالنسبه لسؤالك



اكيد الشعر المزروع راح يكون متناسق ، لانه مأخوذ من شعرك انت الطبيعي ، والي يزروعنه ايضا بصيلات حيه طبيعيه منك انت شخصيا


لكن ممكن يطول الشعر المزروع أسرع من شعر الذقن العادي ، ومعروف ان شعر الذقن يكون اخشن شوي من شعر الرأس

لكن عموما هذا الشي ما يكون ملحوظ بصوره كبيره ، الا اذا كان شعر رأسك ناعم جدا


اذا زرعت وقت الرسمه عندك خيارين


يا تخلي الرسمه بالطريقه هذي عشان يكون نفس الطبيعي



زي ما تشوف الخط الي من الاذن الى الفم يكون متعرج ، ما يكون محدد

ك الصوره هذي





الصوره الاولى راح يكون طبيعي اكثر ، اما الرسمه الثانيه ، ف تكون كأنك محدد الذقن

يعني تفتح من التحديد وكثرة الروحه للحلاقيين ، تصير بالبيت مكينه وخلاص


الخلاصه


ان شاءالله اذا استلم العمليه طاقم ممتاز ، راح تكون النتايج ممتازه .. واهم شي تعليمات بعد العمليه ، لان هي امتداد لوقت العمليه ، يعني هذي الزراعه ما تنتهي اذا خلصت العمليه لا ! لازم تتبع التعليمات خصوصا اول شهر بدقه


والله يوفقك في الزراعه وقبلها تأكد انك مستوفي الشروط والاحكام


المشعلاني

بالنسبه للمدخن هل فيه اثر للتدخين ع الزراعه ؟

اخوي المشعلاني جزاك الله خير على الرد على الاسفسارات
والله يكتب لك الاجر
سوالي هو اني ناوي زراعة ان شاء الله عند سركان بحكم انه هو الوحيد
الي له خبره في زراعة الدقن
لكن للاسف مالقيت اي رقم للمنسقين ولا اعرف شلون اوصل لهم وارتب لي موعد للزياره
الامر الاخر يقال ان بعد العمليه ب١٠ ايام تقدر تخفف الشعر بالمكينه هل هذا صحيح ؟
تحياتي لشخصك الكريم .....

- s u l t a n - قال:

اخوي المشعلاني جزاك الله خير على الرد على الاسفسارات
والله يكتب لك الاجر
سوالي هو اني ناوي زراعة ان شاء الله عند سركان بحكم انه هو الوحيد
الي له خبره في زراعة الدقن
لكن للاسف مالقيت اي رقم للمنسقين ولا اعرف شلون اوصل لهم وارتب لي موعد للزياره
الامر الاخر يقال ان بعد العمليه ب10 ايام تقدر تخفف الشعر بالمكينه هل هذا صحيح ؟
تحياتي لشخصك الكريم .....

أنقر للتوسيع...

مرحبا

الشغله الاولى ، تأكد انك مستوفي الشروط والاحكام الشرعيه للزراعه



بالنسبه ، كيف توصل لسركان ، في اعلان اعلى الصفحه " dr.serkan " عيادة الدكتور سركان "
الخلفيه بيضاء وشعره طويل واسود
هذا هو دكتور سركان ، وفيه رقم الواتس اب ،، اكتب له بالعربي ، وهو راح يرسل لك رقم احد منسقينه الي يتكلمون العربيه


بالنسبه لسؤال الثاني جاوبت عنه كثير ، ولو تقرا الموضوع راح تحصل جوابك .. وجواب سؤالك
تقدر تحلق مكينه بعد شهر من العمليه بأذن الله


الله يوفقك ومره ثانيه تأكد انك مستوفي الشروط والاحكام


المشعلاني

اخوي المشعلاني

كيف اعرف اني مستوفي للشروط الشرعية

انا عندي زلوف خفيفة و كم شعرة ف الخد هذا ف اليمين ،، ف اليسار أقل بكثير من اليمين

منطقة السكسوكة فيها شعرات تنعد ع الاصابع

الشنب خفيييف جدا

والعمر فوق 25

نمر النمور قال:

اخوي المشعلاني

كيف اعرف اني مستوفي للشروط الشرعية

انا عندي زلوف خفيفة و كم شعرة ف الخد هذا ف اليمين ،، ف اليسار أقل بكثير من اليمين

منطقة السكسوكة فيها شعرات تنعد ع الاصابع

الشنب خفيييف جدا

والعمر فوق 25

أنقر للتوسيع...

يامرحبا

بالنسبه كيف تعرف انك مستوفي الشروط ، هذا شرط من اهم الشروط ، والافضل انك اذا ما فهمت انك تسأل شيخ وياكثرهم بالمواقع والتويتر ..


( القول بجواز زراعة الشعر "مقيد" بما إذا كان يقصد بها إزالة العيب وردّ ما خلقه الله، أما إذا كان يقصد بها طلب الحسن والتجمل فلا تجوز )

يعني في ناس يصير لهم حادث او يجيهم حرق بالوجه او و يجيه شخط كبير بالوجه بسبب الخيوط

ف هذا الي جائز لهم والله اعلم

اما اذا كان فقط من اجل تحسين المظهر ف مايجوز ، والله اعلم


طبعا انا مانب عالم ، اسأل شيخ عشان تعرف اكثر او ابحث في قوقل


والله يوفقك

المشعلاني

بصراحة موضوع مثل هذا استغرب من ادارة المنتدى ماتثبت الموضوع
والله العظيم الكل استفد من الموضوع

عموما يعطيك الف عافيه اخوي المشعلاني

اخوي المشعلاني
عندي سوال ماشوف احد تطرقبه
الان انا زرعت اوك
اشوف البوصيله بجانب بوصيله اوك
شي جميل
الان وقت سقوط القشور وسقوط الشعر
هل عند ظهور الشعر مره اخرى سوف يظهر الذي انزرع فقط يعني الي ابي اوصله لك البوصيله فيها شعرتين او ثلاث

هل سوف تظهر هاذي الشعرات فقط او تتزايد ؟ هذا سوالي لانه انا زرعت بس الي اشوفه ان البوصيللت المزرعه متباعده مو كثير شويه بس
شكرا لك