bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

زراعة شعري فالسعوديه د.خالد الغامدي

إنضم
28 ديسمبر 2013
المشاركات
2
مستوى التفاعل
0
النقاط
1
السلام عليكم ورحمة الله وبركاته :emoji15:

بدخل للموضوع ع طول بالاول مثلي مثل اي وحده عندها
هاجس ومشكله مأرقتها وتبي لها حل نهائي
ما اخفي ان هالشي كآن مضايقني من بداية مراهقتي :emoji14::emoji35:

كنت اعرف ان في شي اسمه زراعة شعر وكنت مستصعبه الفكره
وانها تتسوا بمبالغ باااهضه توصل ل 100000 ههههه
بس بعدين جات منقذت احلامي ومنقذت انوثتي:emoji37: وقالتلي
ليش ماتسوين الزراعه فتركيا قلت ياحلوك تبين الغالي
يطيرني تركيا ويسويلي الزراعة , كانت اول مفاجئه قالتها
لي انها رخيصه 14000 , ومن بعدها يجيني امل فأني برتاح
وعيش حره طليقه بدون الغره(القصه, الشعر اللي يخفي المصالع
وما حولها) بعدين بديت ابحث وابحث وابحث قعدت فتره طووويله
, ورحت للغالي اقنعه واشد فالغره ع ورا واوريه المستور
وان قلبي الصغير ما يتحمل وما اخفي اني قعدت فتره طويله اقنعه
وكان يقولي شوفي فالسعوديه تركيا مسسستحيل يضحكون علينا ووو
وانا وقتها اخذت رقم سعيد (منسق الاستشاري محمد جوتشلو)وتواصلت معه
وارسلت له صورت مصالعي المحترمه بس والله كان تجاوبه معي باااااارد
ولا استفدت منه , سبحان الله ماكان خير لي لاني قبل استخرت , بعدها بدا
التنقيب عن احسن دكتور لزراعة الشعر فالسعوديه وابببحث لقيت وحده
تتكلم عن الدكتور بسام جباعي (العيادات العالميه لزراعة الشعر)
وانها كانت تتواصل معاه وبعدين قلهامقدر اجي جده ووو وفي دكتور
انس غزال شاطر وفنفس عيادتي البنت قالت انها ارتاحت واثنت عليه كثير
وانه مو مادي ووو وسوالها 1500 بصيله ب1400 الف اقتطاع , وقريت موضوع انه
وحده او واحد ناسيه عند البرفسور خالد الغامدي وفي وحده من التعليقات اعتقد
المشرفه قالت هذي تجربه جديده ناجحه عن البرفسور خالد بصراحه كلمتها
اذكر هي اللي حمستني اكثر له وبحثت عنه حسيته فاهم بس ما اخفي عليكم
قلت برفسور اكيد بيكون المبلغ عنده جامد , خذيت رقم العياده العالميه
وخذيت رقم عيادة البرفسور كادينا , طبعا حابه انوه اني قبل كل شي استخير ربي
وماخاب من استخاره , كنا في رمضان دقيت ع العياده العالميه واخذت
موعد 6|10|1435 , وقتهااستصعبت اني اروح للرياض عند عيادة البرفسور مع ذلك
دقيت على العياده اخذ موعد وكان وقتها شهر 10 كلها اجازه عند البرفسور
واقرب موعد كان 14|11|1435 وجاي يوم موعدي عن د.انس غزال وقابلني وابوي
كان يحاول بيدينه ورجوله يقنعنا بالاقتطاع مع اني كنت شايله هالفكره بالمره
وعلشان كيذا كنت ابي تركيا وعلبالي مافي هنا اقتطاف , قالي يحتاجلك 1500
بصيله قلناله كم السعر قال بعد كم يوم تردلكم المنسقه !!!!!!! وهو وش دوره!!!
بعد كم يوم دقت المنسقه تقول اذا اقتطاع 25000 وفوق واذا اقتطاف 28000 وفوق
خييييييييييييييييييييييييير ع 1500 بصيله 28000 !!!!!!!!!!!!!!!!!!!!!!!!
صكت فوجهي مو بس لان السعر مبالغ بس ليش النهب وحده مسويلهاب 14000ريال ل1500 بصيله
يعني هم اسعارهم ع كيفهم اللي يشوفونه أن شكله مريش زادو عليه السعر !!
, بعدها بكم يوم وانا مهمومه يجيني اتصال ويااا سعدي يطلع من عيادة كادينا
يبوني ااكد الموعد اللي مع البرفسور يوم 14 وتهب فيني الامل من جديد







اللحين بتكلم عن مقابلتي مع البرفسور وعملية زراعتي :emoji15::emoji36:


رحت الرياض وقابلة البرفسور خالد كان قمه فالاحترام للأمانه وقال للممرضه اعطيها
الكمام (علشان اقدر اغطي نص وجهي ):emoji13:وهو كشف على مصالعي وشعري من ورا عند
المنطقه المانحه رسملي رسمه مبدئيه ونزل خط المقدمه سانتي ومن الجوانب
مكان الصلع كان واحد ثلاث سانتي والثاني اربع ساعنتي تقريبا وقالي
تحتاجين 1500 بصيله قلت له ابي تكثيف كمان قال لا اذا احتجتي للتكثيف
نسويلك مره ثانيه تكثيف إذا احتجتي وان شاءالله اني ما احتاج قال تبون اقتطاع ولا اقتطاف
قلت اقتطاف قال نحسبلكم السعر 16000 ابوي قاله ماتسويلنا تخفيض
على طول قال خلاص 12000 اتفقنا اقرب موعد
لعملية الزاعه كان 25|11|1435 وقتها اعتقد اليوم الوطني رحت سويت تحاليل
عنده ب700 ورجعنا من مكان ماجينا .....

رجعنا الرياض اليوم اللي قبل العمليه ..

وصاني الدكتور افطر ززززين يوم العمليه ..

يوم العمليه فالصباااح .. صبح صبح يعمي الحج ..

فطرت اخذتلي شور ومشينا
وصلت العياده وقلبي يقول طربق طرربق دخلت غرفة العمليات والفرحه مو سايعتني
الغاليه كانت بتجلس معي مدري ليش مصر الحبيب بس لما قلتلها يالغاليه في حلاقه
حطت رجلها وهجت ههههههههه فرقولي شعراتي مسكو الشعر اللي فالمنطقه المانحه

وبيحلقونها تقولي الممرضه بوجه حزين في يحلق شعر:emoji29: قلت مو مشكل صديق احلقي :emoji37:وتحلقلي والممرضات حولنا وانا شاقه الابتسامه ويناظروني مفجوعين :emoji33:هع

بعدها بطحوني وقامو يحطور ابر البنج فراسي (المها جدا محتمل) بدو الاقتطاف
وخلصو بعدين دخل الدكتور وشاف البصيلات ومنطقتي المانحه بعدين

رسملي خط المقدمه وكان اخلاقه قافله شويتين
مازبطلي الرسمه وقلتله يعيدها للمره الثالثه
قام اعطاني القلم وقال انتِ ارسمي وبمشي على رسمك طبعا يديني
ترجف قلت له ما ابي يكون في فرق بين الجهتين فالرسمه وابي القلب يكون فالوسط
قالي الشكل الطبيعي يكون فيهم اختلاف اذا نسخه من بعض فراح يبين انه مو طبيعيي
المهم فالنهايه رسملي رسمه مثل ما ابي و اقتنعت فيها الحمدلله وقلتله نزلي شوي
قال ما اقدر انزل اكثر العضل مايمسك فيها الشعر (تعرفون لما ترفعون حواجبكم
مو تجي عضلات فالجبهه اول عظله فوق مايقدر يتسوي فيها زراعه حدك للمنطقه
اللي فوقها فقط) هذا كلامه بس اكتشفت انه غلط لما قريبتي سوت العمليه وسوتها على العضله ,


جابولي غدا بعد الغدا , خدرلي الدكتور المنطقه
المزروعه الالم كمان محتمل وسوالي الفتحات حقت البصيلات وكملو الممرضات الغرس

مدة زراعتي من 8 صباح إلى 6 مساء تقريبا


كان فيني شويت دوخه وكان لازم احد يمسكني علشان ما اطيح واضر بصيلاتي المزروعه


^ هذا الموضوع كتبته بعد عمليتي بثلاث شهور او اقل
قبل لا تبان لي النتايج صح ..


#الحين سارلي سنه وسبعة اشهر بوثقلكم بالصور وانتم احكموا
هل العمليه ناجحه او لا ؟؟؟؟؟

علمًا بأن عدد البصيلات المتفق عليه من 1500 إلى 1800 وسعر العمليه 12700 مع التحاليل


للأسف دورت صورة قبل العمليه ومالقيت بس جميع الصور بتكون
بعد العمليه /



attachment.php


attachment.php


مميزات:
1- الرسمه جميله ومناسب لوجهي
2- توزيع الشعر مثل توزيع الشعر الطبيعي مو مثل باقي الزراعات تبين توزيع الشعر مو طبيعي

عيوب:
1- عدد الشعر المزروع قليل وازمة الفراغات باقيه
2- الشعر خشن خشن خشن عكس تمامًا شعري الطبيعي (هذا يدل أن الغدد الدهنيه وقت العمليه تأذت او ما
نقلو الشعر المقتطف بشكل صحصح )


- هل تعيدين التجربه عند البرفسور او تنصحين فيه ؟؟!
غرتي اللي للحين انزلها على جبهتي تجاوبكم :)


& بإذن الواحد الأحد عمليتي الثانيه واللي بتكون ناجحه بسويها في تركيا وبإذن الله اني راح اكتبلكم تجربتي
والله يفرحني بالنتايج وييسرلي امري الماده متوفره لكن الموضوع ماتيسر الحمدلله على كل حال


بكل صراحة هذا المنتدى كثيير كثيير فادني وحاسه بشعور ككككل من يبي يسوي الزراعه
قد ايش حيران وخايف وكثير مايقدرون يسوون العمليه مره ثانيه
لما تكون العمليه الاولى فاشله , ولما كل شخص يكتب تجربته كامله من
العمليه إلى بعد سنه يخلينا كلنا نتفادى الفشل فتجاربنا مع الزراعه
ونختار الدكاتره الأكفاء.



سبحانك اللهم وبحمدك أشهد أن لا إله الا أنت استغفرك واتوب إليك.
 

المرفقات

  • IMG_1069.jpg
    IMG_1069.jpg
    633.4 KB · المشاهدات: 7,489
  • IMG_5634.jpg
    IMG_5634.jpg
    5.4 KB · المشاهدات: 5,584
إنضم
28 ديسمبر 2013
المشاركات
2
مستوى التفاعل
0
النقاط
1
رد: زراعة شعري فالسعوديه د.خالد الغامدي

الصورتين اللي نزلتها ليش مو طالعه !:emoji24::emoji24:
 

Rhita

New Member
إنضم
5 مارس 2016
المشاركات
19
مستوى التفاعل
0
النقاط
1
رد: زراعة شعري فالسعوديه د.خالد الغامدي

والله يبغالك جلسة تتكتيف تانية عشان تقدري ترفعي شعرك ورا
ممكن تقوليلنا كم من بصيلة زرع لك الدكتور
 

كوكتيل

Member
إنضم
19 يناير 2016
المشاركات
477
مستوى التفاعل
2
النقاط
16
رد: زراعة شعري فالسعوديه د.خالد الغامدي

الي اعرف وجربت عند البرفسور خالد الغامدي انه ممتاز ويركز على العلاجات اكثر من الزراعة يعني ممتاز من ناحية العلاجات بعكس الدكتور احمد التركي عيادة ا د م هـ مركز على الزراعة اكثر من العلاجات لكن احمد التركي اسعاره غالي تفرق تقريبا 5000زياده عن سعر الدكتور خالد الغامدي هذا الي لاحظته عن تجربه لكن انصحك لا تقرب المينوكسيدل وخصوصا البروبيشيا على اساس تغطي باقي الفراغات .
 

ali1989

Member
إنضم
12 مايو 2017
المشاركات
105
مستوى التفاعل
0
النقاط
16
رد: زراعة شعري فالسعوديه د.خالد الغامدي

حرام والله 1600 بصيله بسعر 12000
بتركيا 4000 بصيله ب 7000
 

ali1989

Member
إنضم
12 مايو 2017
المشاركات
105
مستوى التفاعل
0
النقاط
16
رد: زراعة شعري فالسعوديه د.خالد الغامدي

اذا تبين كثافه وتغطية كل الفرغات انصحك ب 3500 بصيله
 

Dream81

New Member
إنضم
7 يوليو 2017
المشاركات
8
مستوى التفاعل
0
النقاط
1
رد: زراعة شعري فالسعوديه د.خالد الغامدي

اختي انا شعري كله خفيف وعندي تساقط فضيع تنفع لي الزراعه
 

فهد2211

Member
إنضم
22 مايو 2017
المشاركات
38
مستوى التفاعل
0
النقاط
6
رد: زراعة شعري فالسعوديه د.خالد الغامدي

اختي انصحك اطلعي تركيا اقسم بالله ماتكلفك الزراعه مع السكن والطيران 10 الاف وشغلهم ممتاز جداً*
 

Yasser.JH

Member
إنضم
29 ديسمبر 2014
المشاركات
30
مستوى التفاعل
0
النقاط
6
رد: زراعة شعري فالسعوديه د.خالد الغامدي

اول شي حاب اهنيك على الخطوه الي اتخذتيها ثاني شي الحمدلله على كل شي وخليك صبوره ومقتنعه وثالث شي الافضل انك سوتيها في تركيا عدد البصيلات أكثر وسعر أرخص على كلام اخونا ما تكلفك مع الطيران ١٠٠٠٠ الاف ريال لكن لا تيأسين عندك فرصه ثانيه وفي النهاية ' اتمنى لك وللجميع التوفيق والاختيار .*
 
أعلى