bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

معلومة قد تفيد البعض

اوبتمست

New Member
إنضم
9 سبتمبر 2014
المشاركات
19
مستوى التفاعل
0
النقاط
1
كالعادة كنت ابحث بالمنتديات عن أدوية لتساقط الشعر،وأغلبها عن البصل والثوم بس مستحيل استخدم احدهما،
واللي تقول زيت واللي يقول استخدم هالمنتج ترى مفيد بس ما عمري اقتنعت،إلى أن قرأت في منتدى عن فوائد الشاي للشعر والتساقط ،صراحة حسيت بمبالغة وان الشاي مثله مثل باقي المواد بس لأن الأمر تكرر أكثر من مرة قلت خلني اجرب مو خسران شي بالنهاية هو عشبة وطول عمري اشربه..
وبدون ما أتقيد بطريقة الاستخدام اللي مكتوبة قلت انا بسوي طريقتي الخاصة فقمت وملئت الابريق أو البريق أو غوري الشاي كما يسميه البعض وحطيته على النار وانتظرته إلى أن بدأ يغلي وحطيت أربع ملاعق شاي يعني صار ثقيل شوي وكل ما زودت كان احسن،وشلته وخليته الى ان برد.

وغسلت شعري فيه و خلصت كل الكمية على شعري وما انتظرت كثير وقمت غسلت بشامبو...حسيت أن الموضوع مفيد بس قلت انتظر شوي...لكن فعلا مو قاعد أتخيل ،الشاي له مفعول وقلت خلاص استخدمه يوميا..وطبعا بحوثي بالنت مستمرة وانا من عادتي ابحث بمنتديات عربية وانجليزية ولقيت مقال عن مادة اسمها Quercetin تفيد في موضوع التساقط بحثت عنها ولقيت انه تعمل على تثبيط انزيم يسمى pgd2 له علاقة بتساقط الشعر ذكوري النمط واذا هذا الإنزيم وقف عن العمل فتلقائيا الديهيدروتيستيستيرون يوقف حسب كلام دكتور الجلدية في جامعة بنسلفانيا اسمه George cotsarlis اللي له دراسة قبل سنتين تقريبا عن هذا الإنزيم وموضوع الدراسة لقيته بالصدفة اصلا... فسبحان الله...واتوقع لو قدرنا ندخل Quercetin لفروة الراس الفايدة ستكون أكبر وهذا لن يحصل الا بواسطة مادة باستطاعتها اختراق الجلد بإمتياز وحسب علمي لا يوجد زيت يتفوق بهذا الأمر مثل زيت دهن النعام والله اعلم
الحين واحد يسأل طيب وش علاقة الشاي بالموضوع ...العلاقة اني لقيت الشاي الاسود والأخضر يحتويان على Quercetin بكمية كبيرة والأخضر اكثر وحتى البصل ،،،و بإمكانكم البحث والتحري وأفادتنا و كلامي ادري مو مبني على أسس علمية لكن أتمنى أحد المختصين يعمل على هذا الموضوع ويدرس وقد يفتح الله عليه واملي كبيييييير برب العالمين سبحانه.

وأحسن تخصص ممكن يفيدنا هم أخصائيي الطب الجزيئي والله أعلم لأن عملهم يكون على مستوى الخلية وامراضها..

انا هنا مو مسؤول عن استخدام أي شخص الشاي مع أنه عشبة لكن وجب القول..والموضوع يخص التساقط ذكوري النمط

فقر الدم والحديد والفيتامينات لا يخص الموضوع.
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
يارب ينفع شكلي بجرب بس شلون يعني اجيب ابريق شاي واحط فيه مويه واربع ملاعق شاي اسود واغليه واخليه يبرد ثم اصبه على شعري طيب اذا صبيته على شعري اخليه ينشف ولا اروح اتروش على طول وهل فعلا يوم جربته قلل التساقط يعني وش لاحضت انت عليه

وفيه شي ثاني نقدر تدخله بفروه الراس عن طريق الحقن بابرة او نشربه وهو ينتقل مع الدم للشعر اعتقد كذا

الله يعيطك العافيه على هالمعلومات وووواااصل البحث وحنا ورااك
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
ونسيت اقول اني وانا اقرا وابحث عن التساقط قريت ان شرب الشاهي الاخضر باستمراار لمدة طوويله يحافظ على الشعر يعني مايمنع التساقط بس مايخلي الواحد يصلع يحافظ على شويه شعر
 

اوبتمست

New Member
إنضم
9 سبتمبر 2014
المشاركات
19
مستوى التفاعل
0
النقاط
1
انا انتظرت الماء يغلي وبعدها حطيت الشاهي وطفيته على طول ما خليت الشاي يغلي وانتظرت يبرد تماما وكبيته على راسي وانتظرت خمس دقايق بس ورحت تروشت ..ما ابي استبق الأحداث وافرح مع اني مستخدمه امس وأول أمس والحمدلله أخاف اقول النتيجة وأنصك بذيك العين ..ماشاء الله تبارك الله اللهم بارك..بالنسبة للشاي الاخضر انا قرأت أن واحد شربه وزادت قدرته الجنسية بس التساقط زاد..الموضوع مو شرب ..الموضوع استخدام موضعي لأن الشاي الأخضر فيه مادة نسيت اسمها تقوي الجنس صح بس تزود التساقط لكن سبحان الله الأمر يختلف لما تحطه مباشرة على رأسك وللأمانة انا استخدمت شاي اسود..

انت متأكد ما فيك فقر دم؟أو خلل بالغدة الدرقية يا ولد نجد؟
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
لا مافيني اخر مرة حللت قبل تسع شهور الغدة سليمة والحديد 12
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
يعني تنصحني اجرب مغلي الشاي اذكر بمنتدى غير هذا واحد قال جرب الخل خففه بالماء واشطف شعرك فيه بعد ماتنتهي من الاستحمام خله اخر شي واستمر عليه اسبوعين ويقل التساقط بس صراحة ماجربته لحد الان خايف من الخل شكله حار على الراس
 

اوبتمست

New Member
إنضم
9 سبتمبر 2014
المشاركات
19
مستوى التفاعل
0
النقاط
1
جرب ما راح يضرك

بس طبعا ما ينبت شعر..

بالمناسبة ابي استشيرك انا شعري قاعد يروح مني ومو عارف اسوي له شي ..وحاليا ما فيه إلا الأدوية المعروفة المينو والبروبيشيا بس

مرات اقول بستخدم بروبيشيا واللي يصير يصير. بس ارجع اقول يعني انسى الزواج لأن الحنش يصير وجوده وعدمه واحد

حييييييييييييرة. ...مو مستوعب أن الصلع والتساقط اعجز العلم..سبحان الله
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
والله وانا مثلك وللحين ماستخدمت الا زيوت وكرهتها لانها دمرت شعري ومثلك حطيت ببالي البروبشيا والمنكسيديل بس البروبيشا خاص استبعدتها بعد ما قريت عنها لمدة شهر كامل وانا اقرأ عنها بكل المنتديات حتى الاجنبيه وصراحه طلعت بنتيجة انها تخووف مره ياليت على الجنس والانتصاب تهون الا المشكلة طلعت اكبر لانها ممكن تسبب سرطان ثدي للي عندهم قابليه جينيه وهنا بالمنتدى قبل اسجل كنت اقرا عنها وكثير كتبوا انها تسبب الالم بالعضو الذكري وكثيرة التبول الصراحة يوم شفتها كذا قلت الفكة فيه بديل ثاني وهو الروجين حتى لو فيه اثار جانبية بس يكفي انها اخف من هالحبوب انا ماستبعدت الروجين والان اتابع قراءتي فيه هنا وبمنتديات ثانيه وطلعت بنتيجة شبه نهائية انه الروجين فوم + شامبو النيوزرال + مدة ستة شهور وفوق = شعر قوي وكثيف بس لحد الان ادرس الموضوع لاني لو بديت خلاص ماراح اوقف لانه اخر حل يا اصلع يا يزبط الشعر اتابع الان الاخ بانوراما والاخ محمد الشمري لانهم يستخدمون العلاج وبشوف وابدا مثلهم والي مانعني من المنكسيديل الان ثلاث اشياء خايف منها 1- الصداع 2- نبضات القلب 3- زيادة شعر الجسم لو اضمنها والله لابدا من اليوم اما القشرة والحكة عادي اتحملها اهم شي الشعر انا ادرس الموضوع لحد الان احتمال ابدا
 

اوبتمست

New Member
إنضم
9 سبتمبر 2014
المشاركات
19
مستوى التفاعل
0
النقاط
1
صح البروبيشيا دواء مخيف لا ويقولك يمكن ينفخ الثدي..يعني الواحد يطلع كاشخ بشعره الجميل بس صدره مترين..دواء مقرف

ما فيه إلا مينوكسديل فوم بس انا خايف من مرحلة shedding بالبداية عند استخدامه..يا ليت الشباب يساعدونا بتجاربهم. .
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
لازم هالمرحلة باول الاستخدام يعني لازم الواحد اذا جزم يتستخدم الدواء يحط بباله ثلاث شهور يطلعها برا حياته يربطها بكيس ويسكر عليها وينساها حتى اذا دخل الشهر الابع يطلعها وانا مثلك خايف بس الي من كثر قراءة التجارب لاحظت ان مرحلة التساقط الفضيع ماتغير مظهر الشعر قريت تجارب ناس كثير يقولون شعرنا يتساقط بكثافة بس مايتغير نفس الكثافه وتزيد بعد حتى الشهر الثالث او الرابع يقل التساقط
 
إنضم
6 سبتمبر 2013
المشاركات
177
مستوى التفاعل
0
النقاط
16
كويس جت على الشاهي بس

يعني مافيه نصف ملعقه صغيرة من الفل الجيزاني

وربع ملعقه صغيره من البهار العماني


امز ح

الله يوفقكم وتشوفون نتائج طيبه
 

Panorama1

Member
إنضم
28 مايو 2014
المشاركات
156
مستوى التفاعل
0
النقاط
16
اللي عنده صلع وراثي لايتعب نفسه

ويبذل جهده في استعمال المينوكسيدل واهم شي العزيمه ع الاستمرار
و الصبر

ردا على ولد نجد ابشرك نتايج الروجين حلوه معي
و كل فراغات راسي اختفت بس المشكله ان الشعر الجديد رقيق وخفيف
و الحين نزلت موضوع ابحث فيه عن فيتامين يقسي الشعره الجديده
و ان شاءالله احد يرد علي من الخبراء
 
إنضم
6 نوفمبر 2014
المشاركات
131
مستوى التفاعل
0
النقاط
16
شباب لاحد ينتظر شعره يتساقط وهو مو عارف وش يسوي له اقل شي استعمل المينوكسيديل المعترف به

عالميا ، انا انصح باستعمال نيوكسيديل 2% الفرنسي ممتاز وخفيف على الشعر وماله اي آثار جانبية من تجربه

انا استعملته 3 شهور وخف التساقط ونبت بعض الشعر لكن طمعت واستعملت الروجين 5%

آثاره الجانبية بانت معي من قشرة واحسه قوي على الراس والتساقط مستمر ، لكن مرات احس شعري زاد

كثافة ومرات احسه قل شكلي بروح دكتور واشاورة اني ارجع للنيوكسيديل لانه خفيف على فروة الراس وينشف

سرعة وانصح للي مابدأ بالمينوكسيديل يتوكل على الله ويبدا في النيوكسيديل 2% الفرنسي باسرع وقت لمدة

4 شهور اذا جاب نتيجة الحمدلله ويستمر عليه واذا ماجاب ينتقل للمينوكسيديل 5% ....
 
إنضم
6 نوفمبر 2014
المشاركات
131
مستوى التفاعل
0
النقاط
16
بس باشراف الدكتور علشان ماتقولون لوجستيك ورطنا انا فقط مجرب وقدمت لكم نصيحه نقبلوا ودي
 

lulu up

New Member
إنضم
25 نوفمبر 2015
المشاركات
22
مستوى التفاعل
0
النقاط
1
سألت صيدلاني على شامبو alpcin وكذلكthicker و بدا عن طريق سؤالي عن لوشن اابانثوفيل للي صراحة نتيجتة حيل حلووة ومقبولة فسالت ع مادته لان مو مينوكسديل اي موantiandrogen فقال هذه مادة كافايين واتوقع هي نفسها بالشاي موجودة و اطباء الجلدية حاليا يوصفون مينوكسديل و بانثوفيل لوشن ...ففكرة استخدام تركيز 2% مع للوشن ممتازة لكن جيب الصبر لطول العمر ع الاستخدام
 

منصور1975

New Member
إنضم
29 أبريل 2016
المشاركات
8
مستوى التفاعل
0
النقاط
1
رد: معلومة قد تفيد البعض

يعني تنصحني اجرب مغلي الشاي اذكر بمنتدى غير هذا واحد قال جرب الخل خففه بالماء واشطف شعرك فيه بعد ماتنتهي من الاستحمام خله اخر شي واستمر عليه اسبوعين ويقل التساقط بس صراحة ماجربته لحد الان خايف من الخل شكله حار على الراس

أخوي الخل مفيد للقشرة اذا كان عندك قشرة بالرأس تدهن الخل مع شوية من الماء كل 3 أيام بتفيد وبتروح القشرة امي الله يرحمها كانت تعمل هالعملية و استفادت والله الله يعافيك يارب
 
إنضم
15 مايو 2016
المشاركات
120
مستوى التفاعل
0
النقاط
16
رد: معلومة قد تفيد البعض

شاهي اجل خير ان شاء الله مصلعين مصلعين مالكم غير البروبيشيا او*نيوكسيديل غير كذا لادور
 
أعلى