bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

الحجامة وتساقط الشعر (تجربتى الشخصية مع الصور)

zius

New Member
إنضم
29 أكتوبر 2012
المشاركات
5
مستوى التفاعل
0
النقاط
1
السلام عليكم ورحمة الله


اولا اعتزر لو فى اى غلطات إملائية لوحة المفاتيح عندى المانى ومفيش عربى والدنيا ظالمه:)
ثانيا انا مقدرش اجزم ان التجربة هتفيد كل الناس كل الحكاية انا بنقلكم تجربتى الخاصة


بسم الله الرحمن الرحيم هبدأ



اولا القصة باختصار انا بدأت افقد شعر فجأة بسبب فترة طويلة من الضغك النفسى والإحباط اكيد كل المصريين حسيين بيا , لاحظة الموضوع فشهر مارس 2012 وابتدى التساقط فى الجانب الشمال الامامى روحت لدكتور ومكنش عندى اى فكرة عن الصلع الوراثى وانه ملهوش علاج جزرى وان العلاجات المثبته مجرد تعامل مع عرض
المهم كتبلى هى مونيجسدول minoxidil بخاخ اسمه بريفورما وحبوب اسمها بورهاير prohair عبارة عن فايتامينز معينه مستخلصة من التوابل لتنشيط الدورة الدموية فى فروة الرأس وكمان كتيلى على شاميو طبى
استمريت على العلاج شهر ومشوفتش نتيجة خالص وقولت لنفسى دى حالة عرضية خصوصا انى كنت فحالة احباط وضغط وكمان خسيت حوالى 8 كيلوجرام فاقل من 3 شهور قولت يمكن ضعف من قل الاكل
بعد حوالى 6 شهور الحالة بقيت ملحوظة اوى وانشرت , روحت حالق شعرى خالص وقولت اكرر العلاج
وبدأت اعمل بحث على النت عن حل وطبعا صدمت من حقيقة الصلع الوراثى ونفسيتى اتنيلت اكتر
خصوصا ان المونيكسدول كان بيوقع شعرى اكتر وده طبيعى حسب ما فهمت من تجارب الناس
المهم طبعا قولت يا رب ودعيت ربنا انه يشفين من الصلع خصوصا انه خاله نفسيتى اسوأ من الاول بكتير
ومرة وحدة جيه فبالى موضوع الحجامة وانها سنه عن الرسول عليه افضل الصلاة والسلام
قولت اما ادور عنها وابحث اذا كانت بتعالج تساقط الشعر وبالفعل لاقيت فيديوهات على اليويتوب وكمان احد الاعضاء هنا كان بيتكلم عن الفكرة وبياخد اراء الاعضاء فيها من خيث المبدا
اخدت القرار انى اجرب قولت مش هخسر حاجة اتوكلت على الله وصلية صلاة استخارة وعملتها


دلوقتى هقلكم تجربتى مع الحجامة بس لازم تفهموا كويس الجزئية دى



من اهم الحاجات اللى لازم تفهموها ,ان انا كنت متوكل على الله وكنت مؤمن بان ربنا هيجعل فالحجامة الشفه وفالوقت نفسة كنت محضر نفسى لاحتمال انه متجبش نتيحة وكنت مقرر انى هقبل الوضع وهجرب طريقة علاج تانيه , اعتقد دى حاجة مهم فاى علاج انت ممكن تستخدمة ديما توكل على الله وحضر نفسك لاسوء الاحتمالات وان شاء الله طالما بتعمل اللى عليك ربنا هيكرم


اول حاجة حابب اقولها المواضع اللى عملتها انا عملت مواضع السنه عن الرسول علية الصلاة والسلام

1-الاخدعين......... على الرقبة تحت الاذن بشوية

2-الكاهل............على الظهر اول فقرات الرقبه

3-اليافوخ............ منطقة قمة الرأس

الحجام اللى عملى الحجامة هو امام جامع فالمنطقة اللى انا ساكن فيها وبيعملها من غير مقابل ربنا يجزيه خير , اما كنت بعملها طلبت منه يعملها كمان على الاماكن اللى ادام والشعر كان بيقع منها بكثافة رد قالى الافضل نعملها على الجنبين من الجبها (طبعا انا كنت فحالة صدمة شوية اثناء الجلسة عشان اول مرة وكمان الشيخ ربنا يديله الصح كان قوى اوى والشفت كان شوية زيادة عن اللزوم ومقدردش اناقش)

الموضوع ماخدش وقت طويل اقل من نص ساعة و بالنسبة للألم لا يذكر اى حد ممكن يتحمله

ثانيا عايز ادى ملاحظات عشان اى حد بيفكر يخوض التجربة

1- الافضل لو تلاقى حجام فاهم شوية ويكون ممارس(خصوصا انك هتعملها فالرأس لازم يكون متمرس انا لى اصاحبى كتير بيعملوها رفضوا يعملوهالى فالراس عشان هما مش متمرسين اوى)

2-طبعا لازم هتحلق شعرك بالموس يعنى تعمل حسابك تحلق يوم الجلسة او بالكتير قبلها ب 24 ساعة

3-متعملش الحجامة فمواضع كتير يعنى لو هتعملها بس فالرأس مش اكتر من 4 مواضع بشكل عام على مستوى الجسم كله الافضل متزيدش عن 6 مواضع

4- طبعا حضر مع الحجام قبل ما تعملها اعرف منه هتجيب اية واعرف كل التفصيل قبل ما تعمل اى حاجة واكيد مش محتاج اأكد على النظافة

ثالثا حابب اكلم على الاحساس بعد الحجامة لان ده الشئ الوحيد اللى ممكن يضايف فيها

1-بعد الجلسة ممكن تلاقى نفسة متوتر وحاسس شوية بارهاق هو فاعتقاد مش من الحجام على قد ما هو من التجربة اول مرة ,الواحد بيبقى خايف من اى حاجة جديدة خصوصا لو فيها دم وتشريط

2-بعد الحجامة خصوصا فمنطقة الرأس هتلاحظ بروز فالجلد (شبه الورم) ممكن يستمر ليوم او اتنين وهيبقى ظاهر جدا فاول كام ساعة من بعد الحلسة متقلقش خالص من الموضوع ده طبيعى جدا لان الكاسات بتشفط الجلد عشان تجمع الدم تحته ,انا فضل البروز عندى حوالى يوم ونص او يوم واختفى

3-مكان مواضع الكاسات لون الجلد بيتغير حسب قوة الشفط اللى حصلت وكمان حسب طبيعة الدم ,فحالتى انا الحجام كان شافط بقوة كبيرة فكان اللون بنفسيجى , طبعا اللون بيفضل فترة من يومين لاسبوع او 10 ايام بتختلف من شخص للتانى , عشان كده اعمل حسابك فكاب او طقيه تلبسها المدة دة ,واستعمل من اول تانى يوم زيت زيتون ادهن بيه الجلد مكان الحجامة هيساعد الجلد انه يستعيد لونه بسرعة

4- الافضل بمجرد ما توصل البيت تاخد دش دافى من غير صابون او حاجة ماية فاترة دافيه بس (انا اخدت دش ونمت كام ساعة), و لازم تستريح يوم كامل (طبعا اعملوا حسبكم على يوم اجازة من الشغل او اعمولها اخر يوم شغل فالاسبوع)وتاكل كويس و فى نصايح على المواقع المتخصصة فالحجامة على نوعية اكل معينه بعد الحجامة ونواهى عن اللحوم والفراخ و بس انا بصراحة كنت باكل عادى اى حاجة تيجى ادامى ملتزمتش باى قواعد بس كنت باكل كويس وبشرب عصاير

بردوا حابب اقول انى بستخدم مونيكسدول مرة فاليوم كوسيلة لتنشيط فروة الرأس مش كا علاج

انا كده خلصة معلش لو الموضوع طويل ومش مترتب كويس ولو اى حد عنده استفسار انا تحت الامر وبالشفاء ليكم كلكم ان شاء الله ولكل مريض قولوا امين



ودى الصورة (ملحوظة الصورة البعد شعرى فيها اقصر من القبل)

 

المرفقات

  • before and after.jpg
    before and after.jpg
    205.6 KB · المشاهدات: 7,733

semsem

Member
إنضم
8 نوفمبر 2012
المشاركات
236
مستوى التفاعل
0
النقاط
16
النتيجة ما شاء الله فعلا ممتازه من الصور اللي موجوده والحمد لله علي توفيق ربنا ليك .....علي فكره انا حالتي والله زي حالتك بالظبط ولما شوفت الصوره حسيت انها صورتي انا اللي قبل طبعا موضوع الحجامة بس ليا سؤال مكنش واضح ليه اجابة في الموضوع هل الموضوع سببه نفسي فقط ام هناك عامل وراثي ايضا كان سببا لخفة الشعر .......والف مبروك للنتيجه وربنا يحميك من العين ويسعدك
 
إنضم
1 أكتوبر 2011
المشاركات
302
مستوى التفاعل
1
النقاط
18
انا جربت الحجامة لمرة واحدة فقط قبل شهر تقريبا والافضل عملها في الايام 17 19 21 واذا دعت الحاجة باي وقت ,,

طبعا والشهادة لله احس بان مظهر الشعر متغير , والتساقط كانه خف , ونصحني احد الحجامين في مدينة جده

بان اسويها بشكل منتظم لاكثر من 7 شهور وساجد نتيجه بإذن الله حسب ما يلاحظ

بإذن الله راح اسويها للمره الثانية بعد كم يوم ( لكن ابحث عن حجام يسويها بدون حلاقة شعر الرآس )

نتيجتك اخوي ماشاء الله تبارك الله واضح فيه تغير بس ياليت تزودنا بالمدة بين الحجامة والصورة الاخيرة ,,
 

zius

New Member
إنضم
29 أكتوبر 2012
المشاركات
5
مستوى التفاعل
0
النقاط
1
النتيجة ما شاء الله فعلا ممتازه من الصور اللي موجوده والحمد لله علي توفيق ربنا ليك .....علي فكره انا حالتي والله زي حالتك بالظبط ولما شوفت الصوره حسيت انها صورتي انا اللي قبل طبعا موضوع الحجامة بس ليا سؤال مكنش واضح ليه اجابة في الموضوع هل الموضوع سببه نفسي فقط ام هناك عامل وراثي ايضا كان سببا لخفة الشعر .......والف مبروك للنتيجه وربنا يحميك من العين ويسعدك
انا اخويا عنده منطقة قمه الرأس فيها صلع , انا عمرى 28 وهو 34 وكمان ولدى الله يرحمه كان عنده صلع فقمة الرأس بس مش كبير ,اما بالنسبة للحالة النفسية اللى عرفته من خلال البحث على النت ان الضغظ النفسى بيأثر على الجسم بيزود افراز هرومن التستيستيرون وبالتالى معدل ال DHT اللى هو المسؤل الاول عن تساقط الشعر فشكله المعروف عند الرجال اللى هو الصلع الوراثى , انا اعتقد انى عندى الجينات والحالة النفسية اللى مريت بيها سرعة ظهور الصلع ,انا معملتش اى فحوصات او تحاليل نظرا للحالة المادية,وعلى النت والمواقع المتخصصة فالحجامة معظمهم اكد انها بتعالج حتى الصلع الوراثى مش مجرد تساقط الشعر العادى , بالمناسبة المواقع اللى انا دخلت عليها كانت من اماكن متعددة ابرزها موقع بكستانى لحجام اسمه عثمان بلوم ده فيديو لية هو شخصيا كان بيعانى من تساقط الشعر وعملها على نفسة وعلى القناة بتعته هتلاقى الفديوهات كلها لية قبل وبعد , الفيديو ده لية اول فيديو بعد الحجامة
/watch?v=ysQYDSRK560
اكنب اسم موقع يوتوب عشان انا مش مسمحلى اعمل شير للنكات
انا جربت الحجامة لمرة واحدة فقط قبل شهر تقريبا والافضل عملها في الايام 17 19 21 واذا دعت الحاجة باي وقت ,,

طبعا والشهادة لله احس بان مظهر الشعر متغير , والتساقط كانه خف , ونصحني احد الحجامين في مدينة جده

بان اسويها بشكل منتظم لاكثر من 7 شهور وساجد نتيجه بإذن الله حسب ما يلاحظ

بإذن الله راح اسويها للمره الثانية بعد كم يوم ( لكن ابحث عن حجام يسويها بدون حلاقة شعر الرآس )

نتيجتك اخوي ماشاء الله تبارك الله واضح فيه تغير بس ياليت تزودنا بالمدة بين الحجامة والصورة الاخيرة ,,
انا عملت الحجامة من حوالى 25 يوم الصورة اللى بعد النتيجة عملتها امبارح والصورة قبل الحجامة بتاريح 19 اكتوير 2012 يعنى من حوالى شهرين

احب اوضح حاجة ان حجامة الرأس ليها فوائد كبيرة اوى انا كان عندى صداع على طول من اول ما اصحى من النوم لحد ما انام وكان بيستمر لمدة 3 ايام مكنش فيه اى مسكن بيأثر الحمد لله مليون مرة من تانى يوم لحد الان مجليش صداع خالص وبنام بعمق عن الاول بكتير
 
إنضم
1 أكتوبر 2011
المشاركات
302
مستوى التفاعل
1
النقاط
18
طيب اخوي انا دخلت على قناته بس المقاطع كثير فوق 100

ياليت تزودنا بروابط لعثمان ( قبل و بعد )

وهل عملت الحجامة في احد التوارخ 17-19-21 امن الشهر الهجري و في غيرها ؟!
 

semsem

Member
إنضم
8 نوفمبر 2012
المشاركات
236
مستوى التفاعل
0
النقاط
16
جزاك الله كل الخير علي التواصل انا شوفت الفيديو فعلا عالرابط اللي قلت عليه كان ظاهر فيه وكان باين فعلا شعره خفيف الي حد ما من منطقة وسط الرأس وشوفت الفيديو الثاني اللي بعد التحديث ما شاء الله نتيجة الحجامة فعلا لو كده تبقا هيا حل جزري للصلع طبعا دا بارادة ربنا ومرة تانيه جزاك الله كل الخير علي التواصل والمشاركه ...
 

semsem

Member
إنضم
8 نوفمبر 2012
المشاركات
236
مستوى التفاعل
0
النقاط
16
طيب اخوي انا دخلت على قناته بس المقاطع كثير فوق 100

ياليت تزودنا بروابط لعثمان ( قبل و بعد )

وهل عملت الحجامة في احد التوارخ 17-19-21 امن الشهر الهجري و في غيرها ؟!
اخوي اللي بيسأل عن رابط الفيديو الرابط اللي اخي الفاضل وضعه هتدخل عليه هتلاقي الراجل دا ظاهر بدقن وهو اول فيديو في الفيديوهات اللي موجوده ودا كان قبل الحجامة او كان في فترة العلاج بالحجامة والنتيجة النهائية بتلاقيهاهنا /watch?v=QQlRHvzxCTA[/url
 

zius

New Member
إنضم
29 أكتوبر 2012
المشاركات
5
مستوى التفاعل
0
النقاط
1
طيب اخوي انا دخلت على قناته بس المقاطع كثير فوق 100

ياليت تزودنا بروابط لعثمان ( قبل و بعد )

وهل عملت الحجامة في احد التوارخ 17-19-21 امن الشهر الهجري و في غيرها ؟!

انا عملتها من حوالى 25 يوم اعتقد كان يوم 24 او بعد كده , لكن يقال انه الافضل فالتواريخ اللى انت ذكرتها وكمان ففصل الربيع لكن مش شرط تلتلزم بالامور دى ممكن تعملها اى وقت تحتاجها وادى الفيديوهات بالترتيب

youtube(.)com/watch?v=tsefbGktGfE اول جلسة

youtube(.)com/watch?v=ysQYDSRK560 اول نتيجة

youtube(.)com/watch?v=RQmfTA_vheM تانى جلسة

youtube(.)com/watch?v=QQlRHvzxCTA النتيحة النهائية

شيل الاقواس اللى حولين النقط فكلمة .com عشان انا مش مسمحلى اشارك لنكات

جزاك الله كل الخير علي التواصل انا شوفت الفيديو فعلا عالرابط اللي قلت عليه كان ظاهر فيه وكان باين فعلا شعره خفيف الي حد ما من منطقة وسط الرأس وشوفت الفيديو الثاني اللي بعد التحديث ما شاء الله نتيجة الحجامة فعلا لو كده تبقا هيا حل جزري للصلع طبعا دا بارادة ربنا ومرة تانيه جزاك الله كل الخير علي التواصل والمشاركه ...

شكرا على الدعوة الحلوة , انا عارف الاحساس اما بتحس انك اقتربت من الصلع وعارف اد اية بيضايق وكنت مقرر انى لو ربنا جعل فالحجامة خير انى اشارك التجربه مع الناس عشان ادى الناس شوية امل وان شاء الله تجيب مع الناس نتيجى كويسة وفعلا اهم حاجة انك تؤمن بفاعلية اى علاج وان الشفاء من ربنا حتى العلم بياكد انك اما بتؤمن بفاعلية حاجة تاثرها بيكون ايجابى , وتفائلوا بالخير تجدوه
 

semsem

Member
إنضم
8 نوفمبر 2012
المشاركات
236
مستوى التفاعل
0
النقاط
16
اخي الفاضل بجد موضوعك ريحني بشكل كبير بس انتا عارف بقا نصيحتي ليك الاهتمام والعتايه بشعرك لاني متاكد ان اهتمامك بيه قبل ما يتساقط مكنش بالشكل المطلوب يعني كنت بتستخدم كريمات ومكنتش تعرف اضرارها اعتقد دلوقتي انتا هتكون حريص علي شعرك بسبب معاناتك في الفنرة الماضيه وكمان اعتقد ان انتا بقيت علي درجة كبيره من الخبره اللي تؤهلك للعناية والاهتمام بشعرك قدر المستطاع اوعي تكسل وخليك مهتم وربنا يكرمك دايما ويحققلك مبتغاك.......تقبل مروري......
 

r0chid

New Member
إنضم
17 أكتوبر 2012
المشاركات
8
مستوى التفاعل
0
النقاط
1
الله يفرج همك يا أخي و يشافيك و تحيا مصر ان شاء الله
 

r0chid

New Member
إنضم
17 أكتوبر 2012
المشاركات
8
مستوى التفاعل
0
النقاط
1
أنا الأن لي أسبوع أستخدم المنوكسيديل نفس التساقط أو أقل قليلا لكن أفكر الأن في إستخدام الحجامة اللهم أصلع لشهر و ينبت الشعر و لا أصلع دائما سوف أستمر على المنوكسيديل لأن أتم الشهر و أقوم بالحجامة و نتظر النتيجة ان شاء الله يكون خير يا رب لنا و لجميع المسلمين
 
إنضم
1 أكتوبر 2011
المشاركات
302
مستوى التفاعل
1
النقاط
18
اليوم بحمد الله وقبل ساعة عملت الجلسة الثانية للحجامة بتاريخ 28 - 1

حقيقة لاحظت فرق بين الحجامه الاولى والثانية من ناحية الراحة ,, فالاولى كانت سريعة والشخص المحجم وضح عليه قل الخبرة وشغل ( شختك بختك ) ,,

اما الثاني فكان رجل كبير مسن ( صحيح انه حجم بمقابل بس مثله مثل اي طبيب ) والرسول صلى الله عليه وسلم

دفع اجرة للحجام , كما ورد , والاهم هو نية الشفاء وليس العكس وبارك الله له فيما اخذ ونفع به وشافاني وعافاني واياكم

طبعا عملتها في اكثر من 6 مواضع ولم اقم بحلق شعر الرأس وتم تثبيت الاكواب بالفايزلين

حرصت على المواضع الاساسية ( الاخدعين و اليافوخ و القمهدة والكاهل )

واضفت موضعين في اماكن تساقط الشعر في

الاول المقدمة بموقع يسمى في العادة المغيث وهو في اول خط الشعر من الامام وقد يكون قبله قليلا

والثاني على جوانب ( اليافوخ ) تقريبا

طبعا المناطق الفرعية كان خروج الدم منها ( قطرات فقط ) وكما ذكر لي المحجم ان هذه الاماكن لا يتجمع فيها الدم

والهدف من الحجامه فيها نوع من التنشيط والقطرات هذه هي الفاسد والتشريط هو السبب بعد الله وليس خروج الدم

اما المناطق الريئسية المتعارف عليها ( القمهدة و اليافوخ والكاهل والاخدعين ) كان الدم منها كثير واسود ومتجلط خصوصا في اليافوخ

بإذن الله راح اواضب على فعل الحجامه وراح افيدكم بكل جديد وكل ملاحظة وانتظرو تقرير بإذن الله اوفى واشمل سواء بالسلب لاقدر الله او بالايجاب بإذنه وقدرته تعالى

بعد ما انجز 4 شهور بإذن الله عز وجل ( دعواتكم لي بالشفاء من الصلع شفانا الله وإياكم )


طبعا الحظ الان ( خفة بالرأس عجيبه وشعور اقرب لكلمة لذيذ ) وكان رأس كان يحمل شيئا وسقط عنه
 

zius

New Member
إنضم
29 أكتوبر 2012
المشاركات
5
مستوى التفاعل
0
النقاط
1
اليوم بحمد الله وقبل ساعة عملت الجلسة الثانية للحجامة بتاريخ 28 - 1

حقيقة لاحظت فرق بين الحجامه الاولى والثانية من ناحية الراحة ,, فالاولى كانت سريعة والشخص المحجم وضح عليه قل الخبرة وشغل ( شختك بختك ) ,,

اما الثاني فكان رجل كبير مسن ( صحيح انه حجم بمقابل بس مثله مثل اي طبيب ) والرسول صلى الله عليه وسلم

دفع اجرة للحجام , كما ورد , والاهم هو نية الشفاء وليس العكس وبارك الله له فيما اخذ ونفع به وشافاني وعافاني واياكم

طبعا عملتها في اكثر من 6 مواضع ولم اقم بحلق شعر الرأس وتم تثبيت الاكواب بالفايزلين

حرصت على المواضع الاساسية ( الاخدعين و اليافوخ و القمهدة والكاهل )

واضفت موضعين في اماكن تساقط الشعر في

الاول المقدمة بموقع يسمى في العادة المغيث وهو في اول خط الشعر من الامام وقد يكون قبله قليلا

والثاني على جوانب ( اليافوخ ) تقريبا

طبعا المناطق الفرعية كان خروج الدم منها ( قطرات فقط ) وكما ذكر لي المحجم ان هذه الاماكن لا يتجمع فيها الدم

والهدف من الحجامه فيها نوع من التنشيط والقطرات هذه هي الفاسد والتشريط هو السبب بعد الله وليس خروج الدم

اما المناطق الريئسية المتعارف عليها ( القمهدة و اليافوخ والكاهل والاخدعين ) كان الدم منها كثير واسود ومتجلط خصوصا في اليافوخ

بإذن الله راح اواضب على فعل الحجامه وراح افيدكم بكل جديد وكل ملاحظة وانتظرو تقرير بإذن الله اوفى واشمل سواء بالسلب لاقدر الله او بالايجاب بإذنه وقدرته تعالى

بعد ما انجز 4 شهور بإذن الله عز وجل ( دعواتكم لي بالشفاء من الصلع شفانا الله وإياكم )


طبعا الحظ الان ( خفة بالرأس عجيبه وشعور اقرب لكلمة لذيذ ) وكان رأس كان يحمل شيئا وسقط عنه

بالشفاء انشاء الله , بص بقى نصيحتى متعملش اى بحث على النت عن تساقط الشعر, او حتى تفتح المنتدى لا لضرورة ,طلع الموضوع من دماغك وخليك واثق ان الحجامة هتجيب نتيجة ان شاء الله , وابتدى بص على النتيجة بعد اسبوعين على الاقل ,مش كل يوم تبص فالمراة والكلام ده :d ,خليك ريلكس وعيش ايامك عادى وان شاء الله تشوف نتيجى ترضيك وبالتوفيق والشفاء مرة تانية
 
إنضم
24 يونيو 2011
المشاركات
197
مستوى التفاعل
0
النقاط
16
والله جديدة هاذي يلا علمونا بنتايجكم والله يشفي الجميع ان شاء الله
 

r0chid

New Member
إنضم
17 أكتوبر 2012
المشاركات
8
مستوى التفاعل
0
النقاط
1
السلام عليك

يا إخواني هاته الأيام أبحث كثيرا في موضوع الحجامة و أسأل الناس و أقرأ مواضيع و كتب و أريد أن أنقل لكم أحد الردود لشيخ يقوم بالحجامة درسها .

أقو بارك الله فيك تناقشت مع الدكتور (0000) الذي كان يدرسنا علم الأمراض و وضائف الأعضاء و علم التغذية بالإضافة للأسعافات الأولية و كان الدرس سبحان الله عن الإسعافات الأولية و من جملة ما درسنا معه كيف التصرف مع حالات التسمم أي نوع كان من التسمم الغذائي و غيره .
و قبل الدرس حوالي شهر تقريبا كان هناك ايضا حوار مع بعض ممن لديه خبرة في علم الحجامة إذ كان مستنكرا كيف لا يكون أن الدم الخارج من الحجامة لا يكون فاسد و حمى النقاش و طال . و هذا الأخ ليس بدكتور و لا طبيب .
نرجع للموضوع أقول بارك الله فيك فخلال شرح الدكتور لنا موضوع التسمم و كيفية التصرف معاه و الدواء اللازم له و ما هو دورنا كمسعفين في حال إذا شرب احد ما ماء ملوث أو طعام فيه سم أو شرب مادة كيماوية على العموم لا أطيل ،،، قلت للدكتور و أنا أراجع ما دار بيني و بين الأخ يا دكتور إن كانت هناك حالة لم تعالج بالصورة المطلوبة و لم تعطى المضادات أو الإسعافات اللازمة لشخص ما أكل طعام ملوث و هو بعيد عن المدن كم مدة يستطيع العيش فيها قال الدكتور إذا لم يسعف يعيش 72 ساعة ثم يموت قلت له لمذا قال : يتسمم كامل البدن و يفسد الدم فهلك المريض بحيث يؤثر على عضلة القلب فيموت بسبب فساد الدم .
قلت له و على هذا الأمر أن دم الحجامة ليس بفاسد كما يدعي البعض أن دم الحجامة فاسد أعطيك مثل فالشخص منا لم يعمل الحجامة منذ أكثر من عشر سنوات فهذا كفيل بوجود الدم الافسد فمن المفروض أن يكون الشخص مات فبالمفهوم الطبي ليس بفاسد قال صح فلو كان فاسد لمات الإنسان .
فالقدماء قالو أن الدم فاسد نعم هذا ضنهم و لكن على حسب المفهوم الطبي ليس بفاسد .

أما دم الحيض و النفساء نعم هو فاسد لعلي لم أفصل أكثر في هذا الأمر لتقصير مني بارك الله فيك .
نعم هود دم فاسد كما قال الله تعالى هو أذى فنعتزل النساء فيه ثم هذا الإفساد راجع لفساد البويضة التي لم تلتقط ماء الرجل فلو مسكة ماء الرجل لحصل الحمل و لم ينزل الحيض و دمه فلو راجعنا كلام إبن القيم في قضية الحيض فقال ( إذا الرحم لم يتلقط ماء الرجل بكى الرحم دم كم تبكي العين الدمع ) أو كما قال أو قريب من هذا النص .

أما دم الحجامة فيخرج من سطح الدم تحت الجلد مباشرة مع الشعيرات البسيطة بارك الله فيك و هو دم أخذ كفايته و عمره و معلوم أن الكريات لها عمر معين 120 يوم ثم تأتي كريات غيرها فتية أما تلك الهرمة فتذهب لسطح الدم فيستخرجا التشريط البسيط بارك الله فيك فهذا دم ليس بفاسد بالمفهوم الطبي .

ركزا معي في هاته الجملة دم أخذ كفايته و عمره يعني أنا الدم الدي يغدي الشعر لم يعد يقوم بعمله ؟
 

r0chid

New Member
إنضم
17 أكتوبر 2012
المشاركات
8
مستوى التفاعل
0
النقاط
1
اريد المشورة في حالتي ,,

عمري 22 سنة ذكر , مدخن للآسف ,,

اعاني من بداية تساقط للشعر وضهور فراغات ( ولم اصل للتصحر بعد ) وتبدو ملامح صلع وراثي

استخدمت علاجات طبية مفادها ( تنشيط البصيلة والشعيرات الدموية ) واستفدت منها

ولكنها باهضة الثمن وهي العلاجات الوحدية المعترف بها دوليا لعلاج الصلع الوراثي

والعلاج يستمر عليه الشخص طول العمر ويسمى ( المينوكسديل )

وعند تركه يرجع الشعر النابت للتساقط ,,

حاليا افكر بعمل الحجامه ,, فهل للحجامه فائدة للشعر والبصيلات

واذا كان ,, فأين المواضع التي تنصحوني به وكم مره وهل هناك تاريخ معين .!؟


اتمنى افادتي وفقكم الله لسوء حالتي النفسيه ,,

واذا كان هناك تجارب من الاعضاء امل افادتي


اخيرا اعلم واثق ان الشفاء بيد الله عز وجل والحجامه سبب ,,

ولكن اثق تماما بالهدي النبوي وان لكل داء دواء , والبحث عن السبب مطلب ..


وفقكم الله وانتظركم


( هدا سؤال لأحد الأشخاص في أحد المنتديات للرقية الشرعية )


وعليكم السلام ورحمـة الله وبركاته

حياك الله

أنصحك بالحجامة النبوية في الأخدعين و الكاهل و وسط الرأس فقط

أكل السلطة الخضراء المتنوعة

أكل المكسرات الغير مطبوخة

خيث نستفيد من الفيتامينات لتغذية الشعر

وضع هلام نبات الصبار على الشعر بعد ضرب بالخلاط يوميا لمدة 4 ساعات إلى أن تتحسن الحالة .

هدا جواب الشيخ
 
إنضم
1 أكتوبر 2011
المشاركات
302
مستوى التفاعل
1
النقاط
18
اشكرك اخي الكريم على تعقيبك , وصاحب السؤال في منتدى الرقية للشيخ هو انا ,

والان فعلت الحجامه مرتين , بتاريخ 17 - 12 و تاريخ 23 - 1 اي مرتين خلال شهر ,

وساضع مدى للتجربة ( تقريبا 6 شهور ) ومن ثم بإذنه تعلى سازودكم بالتجربة بالتفصيل الممل والنتائج
 

semsem

Member
إنضم
8 نوفمبر 2012
المشاركات
236
مستوى التفاعل
0
النقاط
16
اخي ايه جديدك منتظرين تطمنا وان شاء الله تكون امورك احسن..
 

اصلعون

Member
إنضم
14 أبريل 2012
المشاركات
627
مستوى التفاعل
0
النقاط
16
ما اصدق ان فيه علاج راح يرجع الشعر
غير الزراعه لاني جربت كثير
 

Turrki

New Member
إنضم
9 نوفمبر 2016
المشاركات
1
مستوى التفاعل
0
النقاط
1
رد: الحجامة وتساقط الشعر (تجربتى الشخصية مع الصور)

الله يكتب الي فيه الخير انا عانية من الصلع من يوم عمري 18 وذحين 22 حلقة موس وبحلق مره ثانيه للحجامه وانشاء الله تنفعني*
 
أعلى