bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

تجربه زراعه الشعر فى مصر

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
السلام عليكم ورحمه الله وبركاته انا عملت عمليه زراعه شعر فى مصر واحب ان اروى تفاصيلها عليكو انا كنت بعانى من تساقط الشعر من وانا 17 سنه ومكنتش بسلم من كلام الناس حتى اللى مكنش بيسخر منى وكان بس يقولى انت شعرك خف كنت بضايق اوى وعمرى منسى انه قالى كلمه ضيئتنى مخدتش اى علاج خالص وكنت رافض انى اروح حتى لاى دكتور وبدا التساقط معايا سنه ورا سنه دلوقتى انا عندى 22 سنه وقررت انى اتعالج وقبل مروح اتعالج بالصدفه كتبت على جوجل زراعه الشعر وكنت مستبعد نهائيا انى اعمل عمليه زراعه خالص عشان كنت خايف من اضرارها لكن بعد مقريت تقريبا لمده شهر وشفت فيديوهات كتيره الى حد ما اطمنت واللى خلانى اخد قرار نهائى انى ع الاقل خالص لو منجحتش العمليه مش هضر فى اى حاجه لان اضرارها بسيطه زورت دكتورين فى مصر الاتنين وصلت منهم لنتيجه واحده وهى عدم وجود اى اضرار نهائيه وكان الدكتورين دول بيطلعو ديما فى قنوات فى التلفزيون وبصراحه اطمنت ليهم كتير اتوكلت على الله واخترت دكتور من بينهم وارتحتله اوى وروحت اتفقت معاه قالى الاول ممكن تتعالج ونحقن ميزوثيرابى وتشوف لو جابت نتيجه معاك تتشجع وتكمل ومتعملش زراعه رفضت الفكره تماما وقولتله انا حابب انى ازرع .. درجه الصلع عندى الدرجه 4 مع انى ابويا شعره كثيف وجدى كان ذلك وخالى عنده جزء اصلع بسيط من الامام ولكن اخوال خالى صلع تماما ف مش عارف ان كنت وراث هذا الجين الى هو من اخوال خالى ولا لاء؟؟ وعمامى كمان مليئى الشعر بس الحقيقه انى مررت بتجربه نفسيه سيئه جدااا بسبب ظروف عائليه بالاضافه انى مدخلتش الكليه الى انا عاوزها بس ارجو من الاعضاء والمشرفين يقولولى هل اصيبت بالصلع الوراثى من اخوال خالى ام ده سببه حاله نفسيه ؟؟ ارجو منكم ابداء الاراء؟؟
والاسباب الاخرى للصلع الحمد لله مش موجوده عندى يعنى صحتى كويسه ومفيش فقر دم ولا كنت باخد اى ادويه اكتئاب ولا عملت عمليات قبل كده خالص
المهم روحت للدكتور واتفقت معاه انه يزرعلى اقصى حد للزراعه فى الجلسه الواحده وهو تقريبا 2300 بصيله ب 8000 جنيه مصرى وللعلم انا سئلت عن اسعار العمليات فى مصر وكلو كان تقريبا ما بين ال 8000 و 9000 ده اقصى حد للتكاليف يعنى عمرى مسئلت دكتور وقالى 24000 زى مثلا دكتور احمد التركى او 15000 زى دكتور بسام جباعى
المهم توكلت على الله وحددت مع الدكتور معاد العمليه وروحت مركز زراعه الشعر الخاص بالدكتور وعملت تحليل دم وتحليل كمان مش فاكره بالظبط وكنت خايف جدااا
اول مدخلت اوضه العمليات كنت مرعوب موت المهم صورنى الدكتور وقالى عشان ان شاء الله لما يطلع الشعر تقدر تقارن دخلت اوضه العمليات كانت الساعه 7.15 مساء وانتهينا 1.30 صباحا يعنى تقريبا اكتر من 6 ساعات
وكان الطاقم مكون من 3 دكاتره كلهم دكاتره ماشاء الله يعنى الدكتور الى روحتله فى الاول ومعاه دكتورين كمان واحد بالاضافه الى 3 ممرضين وكل واحد فيهم عارف شغله المهم نمت على بطنى وقام الدكتور بحقن حقن التخدير فى امنطقه المانحه ومكنش فيه وجع تقريبا يذكر ولكن بعد كده قالى الدكتور هتحس بشويه وجع كده استحملهم قولتله طيب
المهم بصراحه ده كان اكتر وجع حسيته حسيت ان لما كان بيفتح مكان الشريحه عشان يخدها كنت بحس ان فى سنه كهربا كده بسيطه بس كانت توجع واول ميتوقف ارتاح وشويه ويشتغل تانى وقبل كل ده طبعا حطلى على دماغى مطهر عشان ينضف قبل العمليه وبعد م اخد الشريحه حط ميه ومطهر تانى المهم بعدها طبعا خيط مكان الجرح ودبسهالى بالدبابيس وقمت ركبولى محلول فى ايدى الشمال حسيت انى دماغى من روا فيها تنميل ومش حاسس بيها وقام الممرضين بشغلهم فى الشريحه وكان بيساعدهم دكتور من ال 2 دكاتره الى كانو مع الدكتور الى كنت متفق معاه وبعد م خلصو شغلهم قمت انا ونمت على ضهرى وبدا عمليه الغرز الاول بوضع حقنه تخدير فى المنطقه الممنوحه وبعد كده عمل ثقوب تقريبا محستش بوجع اثناء عمليه الغرز واشترك ال 3 دكاتره فى عمليه الزرع بالتنسيق يعنى اتنين يشتغلو شويه وواحد يريح هههههههههه وبالتبادل بئا ههههههههههه
دى اكتر حاجه طمنتنى انى مكنتش عاوز ممرضين هما الى يزرعولى وكل ده طبعا وانا واخد مخدر ومهدىء المهم انتهت العمليه تماما عند الساعه 1.30 صباحا وقام الممرضين وبربط دماغى بقطن وشاش والحاجات الطبيه دى (مش عارف ايه تعليقاتكو على ربط الدماغ لمده 4 ايام بعد العمليه) ياريت تقوليلى رايكم ايضا المهم مقدرتش اروح بصراحه وكان المركز بعيد عن بيتى قلت انام شويه فى المركز ده لانه كان مهيئى مثل المستشفيات تماما المهم كان فى امكانى انى اروح بصراحه بس كنت خايف ادوخ او يحصلى حاجه وانا بطيبعتى قلووق جدا المهم نمت 4 ساعات كده ومشيت الصبح الساعه 7 تقريبا بصراحه كان فى وجع شديد مكان الغرز وبالاخص مكان الجرح المهم روحت البيت وكان فيه الم طبعا فى اول 3 ايام بعد العمليه بس كنت بنسى نفسى بالكممبيوتر الفيس بوك صوحابى الحاجات دى كانت بتنسينى الوجع تماما الدكتور كتبلى على علاجات ومسكنات ومضادات حيويه وابر عشان العدوى كانت بتخف كتير من الالام يعنى تقريبا المسكن اعدت اخده لمده 3 ايام وخلاص بعدها محستش باى حاجه اطلاقااااااااا روحت للدكتور بعد العمليه ب 4 ايام عشان يفك الشاش والربطه الى فى دماغى وفكها خالص وقالى تغسل الشعر بعنايه ورفق ومفركش والكلام ده طبعا انا من كتر خوفى مكنتش بحط ايدى على دماغى اصلا كنت بنزل ميه كده وبس من غير اى دعك او فرك زرت الدكتور مره تانيه بعد اسبوع من العمليه وقالى انى لازم اغسل دماغى بطريقه اشد نسبيا من الطريقه الاولى وفعلا عملت كده بس وروحتله مره تانى بعدها باسبوع ايضا عشان افك الغرز المهم اول مشفنى الدكتور عاتبنى كتير عشان مكنتش بغسل دماغى كويس وان مكان القشور لسه فى دماغى قام الممرض الى عند الدكتور غسلى دماغى الله يكرمه ونضفهالى تماما بس انا كل خوفى انى اغسل ددماغى او ادعك ف البصيلات تقع وعاوز اعرف منكم بردو هل 18 يوم بعد العمليه كافيين تماما لان البصيلات تثبت فى مكانها لان بعد 18 يوم من العمليه الممرض غسلى شعرى وقام بأزاله كل القشور
المهم بدات استخدم علاجات الشعر بعد 20 يوم من العمليه اللى هى كالتالى
1- بروبيشيا ( عندنا فى مصر اسمه نوبيشيا)
2- حبوب بنتوجار وهى مفيده جدا للشعر لان فيها كل الفيتامينات المغذيه للشعر
3- رفيفوجين ثيرابى وهو محلول 60 مل يباع فى الصيدليلات المشهوره فقط لانه مستورد ومش مصرى وهو بيقوم بنفس عمل البروبيشا كونه مستهدف للهرمون ال دى اتش دى المدمر لبصيلات الشعر عن طريق انه بيعمل طبقه بتكسى البصيله وتحميها من هرمون ال دى اتش دى والميزه انه ملوش اى اعراض جانبيه خااااااااالص غير لو حصل وده نادر حكه بسيطه جدا ولكن معايا محصلش كده وهو دهان موضعى بيتحط على فروه الراس ويقوم بنفس عمل البروبيشيا بس الفرق انه ملوش ااى اعراض جانبيه زى البروبيشيا
4- شامبو ولوشن اسمه ريجو مفيد جدا ايضا للشعر ومن غير اى كيماويات وبه ماده البايوتين المفيده للشعر بستخدمه مرتين فى الاسبوع والريفيفوجين مره كل يوم
دى كانت الادويه الى بعد الزراعه الى انا ماشى عليها بس فى حاجه كانت قلقانى ان الدكتور كتبلى انى اخد 2 قرص من بروبيشيا فى اليوم كل 12 ساعه يعنى 4 اقراص يوميا وكذلك البنتوجار البنتوجار ملوش اى اعراض جانبيه وامن تماما بس كان خوفى انى اخد 4 اقراص بروبيشيا فى اليوم مش عارف ده كتير ولا غلط ولما سئلت الدكتور قالى مفيش اى خطر بدليل انى لحد دلوقتى بعد استخدام العلاجات دى لمده شهر ونص مفيش اى خطر او اى حاجه ظهرت عليا ف اطمنت شويه ف ارجو منكم ايضا ابداء الراى فى انى باخد 4 اقراص فى اليوم بروبيشيا
وفى حاجه بردو قلقانى هو لو حصل ووقع شعر طبيعى مع القشور نتيجه التلاصق هل هذا ممكن ؟؟ ولو حصل فعلا ؟؟ هيطلع مكانه شعر جديد؟؟
المهم اكملكو باقى الحدودته ههههههههههههه
فات دلوقتى شهر و 21 يوم تقريبا من تاريخ الزراعه وتقريبا 80 ف الميه من الشعر المزروع وقع بس مش عارف ال 20 فى الميه الباقين هيقعو ولا ايه؟؟ ولا هيستمرو فى النمو دون تساقط ؟؟
بس وبراجع عند الدكتور كل فتره لما احب اعرف او اطمن على حاجه
حاليا النتيجه ان مفيش شعر لسه ظهر بس لما بقرب اوى فى المرايه بشوف شعر صغير جدااااا لكن لما ببعد شويه متر تقريبا مش بلاحظ وجود الشعر لكن حتى الشعر المزروع الى بلاحظه مش كثيف وقليل ومستنى انه يكثف بعد مرور 6 شهور
دلوقتى بعد موقع الشعر مكان الزراعه حاسس ان فى سنه احمرار بسيطه اوى وسئلت الدكتور وقالى ده طبيعى واول ميطلع الشعر مش هيبان اى حاجه
وانا على فكره سئلت الاستاذ ماجد كم سؤال كده عشان اطمن ان الى جرى معاه نفس الى جرى معايا والحمد لله هو طمنى وجزالك الله خير يا استاذ ماجد
دلوقتى انا بئالى شهر و20 يوم ومفيش شعر كتير ظهر وانا قلقان بصراحه المفروض انى استنى ال 6 شهور عشان اشوف النتيجه ؟؟ حاسس ان 6 شهور كتير جدا
واهم حاجه دلوقتى بحمد ربنا عليها ان مفيش اى صدااااع اطلاقا يعنى مفتكرش ان حصلى اى صداع او اى وجع حتى المنطقه المانحه اصبحت طبيبعه ومفيش اى شد ولا اى الم خالص
اسف جدا للاطاله واعذرونى واهم حاجه الى يقرا موضوعى يقوله رايه ايه خصوصا ف الى انا سئلت فيه فى موضوعى وادعولى امانه عليكم وارجو على وجه الخصوص من الاخ ماجد ان يقولى رأيه ولو فى اى تعليقات او عتاب عليا انا مسئلتش فيه الدكتور او عملته غلط ياريت تقولى يا اخ ماجد وشكرا لكم واسف للاطاله والسلام عليكم ورحمه الله وبركاته
 

أ م ل

عضو مميز
إنضم
13 مايو 2010
المشاركات
311
مستوى التفاعل
0
النقاط
16
و عليكم السلام و رحمة الله و بركاته

ما شاء الله ..
أبارك لك ، و أتمنى لك نتائج مذهلة .

و حاول المداومة على استخدام العلاج ، فالزراعة وحدها لا تكفي ، بل لا بد من استخدام الدواء ، و الذي هو ( فيناسترايد ) و له أشكال دوائية ، و هو معروف لدينا باسم ( بروسكار ) ، و محلول المينوكسيدل ، و أظن ان النوع الذي نسبته 5% أكثر فاعلية من النوع الذي نسبته 2% .

ملحوظة : أول مرة أقرأ مقالا باللهجة المصرية !! ، و رغم أني استغرقت وقتا طويلا لفك شيفراته إلا أني اني استمتعت به ..^_^
 

عزام

Member
إنضم
30 أبريل 2010
المشاركات
58
مستوى التفاعل
0
النقاط
6
الحمدلله على السلام يا اخونا احمد احمد

انت تقريبا مثل حالتي من نايحة الصلع والوراثة لان ابوي شعره خفيف من قدام شوي مو واجد وخوالى ماشالله شعورهم حلويين مرررة وعمامي بعد , بس ما ادري انا شلون ابتليت بالقررررررررعه < اللهم لك الحمد طبعا

ولكن انا اقولك في عوامل غير الوراثة ممكن انها تتحكم بتساقط الشعر انا كنت استخدم الجل كثير على ايام شعري كان كثيف

وكنت بعد استخخدم الاستشوار شبه يومي فـ اتوقع هذا الى بهدلني وخلى شعري يتساقط

صراحة 2300 كثير بنسسبه لدرجة الصلع عنددك اما اذا كانت المساحة المزروعه كبيرة شي ثاني

انا اتمنى انك تنزل لنا صورة قرعتك الكريمه عشان نستفيد قبل وبعد !!

ومن ناحية البربشيسا < انا الى اعرفه حبه كل 24 ساعه ما سمعت انها تستخدم اكثر من كذا بس الدكتور اكيد بيكون اخبر منا

وفي النهاية اتمنى لك زراعه طيييييييييبه وشعر دائم قول اآآمين
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
اهلا بك اخت امل وشكرا على كلامك .. انا ان شاء الله هستمر ع العلاج زى م الدكتور هيقولى بالظبط انا هعمل
يعنى انا دلوقتى واخد كورس العلاج 3 شهور وانا بئالى شهر و10 يام بستخدم العلاج وربنا يكرمنى ان شاء الله
عندى ليكى سؤال ولكل الى حابب يضيف رد هى البصيلات بتاخد كم من الوقت لكى تثبت فى الرأس من بعد عمليه الزراعه طبعا؟؟ بحيث انى لو غسلت شعرى لا ضرار على البصيلات ؟ واعذرينى على اللهجه المصريه معلش بئا تعبتك معايا
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
اهلا بك عزام هو فعلا زى م انت قلت مساحه الصلع عندى كبيره وكمان الدكتور كثفلى فى منطقه قمه الرأس عشان كده تلاحظ انه زرعلى 2300 بصيله .. بس انا حتى يعم عزام ابويا مش اصلع خالص وشعره كثيف جدا بس يمكن عشان هو شعره مجعد وانا شعرى ناعم فا مش واخد طبيعه شعره الله اعلم وان شاء الله هنزل الصور قريب
امين يارب العالمين واتمنى لك انت بردو زراعه طيبه وكل الى عمل زراعه قولو امييين
 

بومشاري

New Member
إنضم
5 مايو 2010
المشاركات
23
مستوى التفاعل
0
النقاط
1
الحمد لله على السلامة ولي رجعة مع موضوعك اخي احمد
 

ليقاند

New Member
إنضم
26 أبريل 2010
المشاركات
28
مستوى التفاعل
0
النقاط
1
أهلاً بك أخي أحمد

أولاً : حمداً لله على سلامتك وأرجو أن تحظى بنتيجة مرضية تسر الناظرين، واسعدنا طرحك لتجربتك خاصة انها قادمة من ارض الكنانة وبهذا تتنوع وتتعدد التجارب وتعم الفائدة بإذن الله

ثانياً: من الواضح أخي انك قاسيت ظروف معينة خلقت لديك شكوكاً كثيرة تتمثل في القلق وكثرة التساؤل والطبيب الذي ارجع سبب تساقط شعرك الى ظروفك النفسية لم يبتكر هذا من فراغ، ولا يخفى عليك أن العامل النفسي يلعب دور مهم في صحة الإنسان لذا اوكل امورك اولاً وآخراً للمولى فهو المعين وهذا سبيل ناجح في راحة البال وطمئنينة القلب.

ثالثاً : المرحلة التي يجب ان تعيشها الآن هي مرحلة نقاهة واستجمام وانتظار ثمار تعبك في الايام المقبلة لذا لاتشغل نفسك بكثرة الهواجس والمخاوف التي ربما ستلحقك بالضرر النفسي وانت بحاجة للاسترخاء والهدوء، ولا اخفيك اني قرأت لك في مواضيع اخرى واعتقدت انك في بداية رحلتك للبحث عن زراعة الشعر من خلال أسئلتك، ولكنك الآن تحمل معلومات جيدة وانت من يجب طرح الاسئلة عليه..

ودي وتقديري لك ...


 

أ م ل

عضو مميز
إنضم
13 مايو 2010
المشاركات
311
مستوى التفاعل
0
النقاط
16
الأصل أن البصيلات تكون ثابتة ، و قد يتساقط الشعر ،و لكن يعاود نموه من جديد بإذن الله .

بالنسبة لمقطع الفيديو النتيجة ممتازة ، و مع هذا لي عليها ملاحظتان ، الأولى / طريقة زرع الشعر في مقدمة الرأس كان بدقة شديد و كأنها موضوعة بالمسطرة ، بحيث أن الشعرات في وضع مستقيم ، و هذا خلاف الطبيعي الذي خلق الله عليه كثيرا من الناس ، فقد يظن من رآه أنه اجرى زراعة ، و هذا الأمر يوليه بعض المختصين بزراعة الشعر مزيد عناية ، بحيث يزرع البصيلات بطريقة فيها نوع عشوائية .
أما الأمر الثاني فلا أدري إن كان صحيحا أم لا ، و هو أن بعض من يزرع للرجال يترك مثل المثلثين على جانبي الرأس خاليين من الشعر ، لماذا ؟ ! .
 

أبو مشعل

مشرف
إنضم
25 أبريل 2010
المشاركات
75
مستوى التفاعل
0
النقاط
6
أولاً : الحمدلله على السلامة يااااابااااااشاااااااااااا

وما تشوف شررررررررررررر

وثانياً : التنميل في الرأس شئ طبيعي بعد العملية يستمر فترة ويختفى ( زي ما حصل معالك ) يعني مفيش خوف يا ميدو

أما الوراثة فهي طبيعية ممكن تأخذها من أعمامك أو أخوالك وهي عبارة عن جينات وراثية منتقلة مع مرور الأجيال

أنا عندي أولاد خالتي مفيش ولا حد منهم أصلع وأبوهم ماهو أصلع
لكن واحد منهم طلع لوالدي ( الله يرحمة ) اللي هو خاله
وأنضم معانا في ركب الصلع

أما عن ( فترة نمو الشعر ) ياعـــــــــــــم أصبر أصبر أصبر

صبرت السنين دي كلاها مش عايز تصبر 6 شهور أو 8 شهور

وترى النتيجة النهائية حتكون فعليا بعد ( سنة كاملة )

أما من ناحية الأدوية

حاول أنك تعمل فحص كل شهر أو شهرين للإحاطة فقط

وعلى البركة يامعلم
وعقبال ما نشوفك عريس
وشعر بهفهف

وتعمل سبايكي

ههههههه

تحياتي
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
الله يسلمك ليقاند وانا بحاول انى ابعد عن القلق اكبر قدر ممكن وربنا يعينى ان شاء الله فعلا هو السبب عنى اكيد نفسى بدرجه كبيره بس الحمد لله دلوقتى انا احسن بكتير وانا مستعد لاى اسئله من الاعضاء والمشرفين وتحت امركم
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
شكرا لك امل .. بس انا النتيجه عجبانى ياريت حتى تكون نتيجتى انا كده ويقول الناس عليا انى عامل زراعه هههههههههههههه مش مهم تهون يعنى .. اما بالنسبه للمثلثين الى فى جانبى الرأس يعنى ده بيتهيئلى فى حاله لو كانت نسبه الصلع كبيره فيقوم الدكتور برسم الخط الامامى وفيه منثلثين فارغين من الاجناب من الشعر عشان يغطى من ورا مساحه اكبر من الصلع فى حاله ان كانت المساحه كبيره وبعدين يكون فى جلسه تانيه يقوم الدكتور برسم خط الشعر مغطى جانبى الرأس الفارغين بس فممكن تكون دى الفكره وشكرا لمرورك
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
ابو مشعل شكرا لكلامك الجميل وروحك الحلوه بتمنالك من كل قلبى زراعه طيبه وتشوف الشعر كثيف وطالع وتكون نتيجه مرضيه ليك يارب .. بالنسبه للتنميل ان تقريبا دلوقتى مفيش تنميل عندى خالص .. بس الى بستغربله كل يوم انى لا ابويا ولا جدودى ولا عمامى ولا خيلانى .. بس خيلان خالى هما الى صلع تماما فهل ممكن اكون انا خدت الجين منهم على الرغم من انها قرابه بعيده؟؟ الله اعلم والحمد لله على كل شىء
 

dods

Member
إنضم
29 مايو 2010
المشاركات
110
مستوى التفاعل
0
النقاط
16
الف مبروك و اعبال النتيجة النهائية اسم الدكتور العملك العملية ايه?
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
دكتور احمد عادل نور الدين .. وشكرا على زوقك ..
 

ماجد محمد

مؤسس الموقع
إنضم
11 أبريل 2010
المشاركات
2,929
مستوى التفاعل
5
النقاط
38
اقتباس:
المشاركة الأصلية كتبت بواسطة ahmed.ahmed
دكتور احمد عادل نور الدين .. وشكرا على زوقك ..


الحمدلله على السلامة

واعتقد انك اخترت الدكتور بعد بحث جيد

الدكتور عضو في جمعية زراعة الشعر العالميه
(ternational Society of Hair Restoration Surgery (ISHRS

ولا يوجد في مصر الا طبيبين فقط اعضاء فيها

والدكتور احمد نور الدين احد الاثنين

وسبق ان وضعنا معلوماته على هذا الرابط


https://www.hairarab.com/vb/showthread.php?t=81
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
شكرا لك استاذ ماجد وعندى سؤال لك .. انا ساعات بحس بحكه فى فروه راسى بس بسيطه نسبيا .. وانا دلوقتى لاحظت نمو بعض الشعر بس خفيف اوى ومش كتير ... مش بتروح الحكه البسيطه دى الا لو حطيت شويه ميه قليلين على فروه راسى .. تفتكر ده غلط انى احط ميه على الشعر اللى نبت ده ؟؟ مع ملاحظه انى مش بفرك اطلاقا بس مجرد انزل شويه ميه على راسى وبس .. وتحياتى لك
 

ماجد محمد

مؤسس الموقع
إنضم
11 أبريل 2010
المشاركات
2,929
مستوى التفاعل
5
النقاط
38
اقتباس:
المشاركة الأصلية كتبت بواسطة ahmed.ahmed
شكرا لك استاذ ماجد وعندى سؤال لك .. انا ساعات بحس بحكه فى فروه راسى بس بسيطه نسبيا .. وانا دلوقتى لاحظت نمو بعض الشعر بس خفيف اوى ومش كتير ... مش بتروح الحكه البسيطه دى الا لو حطيت شويه ميه قليلين على فروه راسى .. تفتكر ده غلط انى احط ميه على الشعر اللى نبت ده ؟؟ مع ملاحظه انى مش بفرك اطلاقا بس مجرد انزل شويه ميه على راسى وبس .. وتحياتى لك


اشعر بانك من الحريصين جدا
فلا تقلق

ولا اعتقد ان الماء يؤثر بشئ الطبيعي ان نضع الماء ونغسل الشعر بالماء والشمبو باستمرار

حتى في الوضوء نضع الماء

وقليل من الماء او كثير لا يؤثر في اعتقادي

والاهم انك لا تشد الشعر او تفركه او تحكه بطرف الاضفر لان هذا يسبب سقوط الشعر حتى الغير مزروع

تحياتي
 
أعلى