bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

معاناة صلعة

صلعيانو

New Member
إنضم
5 أبريل 2013
المشاركات
9
مستوى التفاعل
0
النقاط
1
السلام عليكم :)
انا في العاده ما حب اشارك في منتديات بس هذا المنتدى صرت من مدمنيه و صرت احب اتابع يوميا اخبار زملائي الصلعان:) انا حبيت اطلع شوي من معاناتي اليوميه ما اعرف اذا كنتو تمرون فيها ولا انا الي مزودها او ممكن لاني صغير في السن ما اعرف بس بحكيلكم معاناتي من يوم كنت اسوي تسريحات الى تسريحة المبي الان:D (انا الان 24 سنه :( )
يوم كنت 17 سنه بدا شعري في التساقط انا اقول لنفسي هذي نفسيه بعدين اناظر ابوي اتروع بلاطه ما شاء الله سالته متى صلعت قالي انا اصلا صلعت بسبب المويه و ما ادري ايش و قام يصرف قدام اخواني المهم قلتله متى قال و انا 32 قلت في مده نعيش شوي شوي ولا يبدى يتساقط مره
ارووح دكتور اخذ ادويه بس نفسه بس عادي اقدر اسوي تسريحات و انا 19 بدا فروه الراس تظهر و اخوايي كل شوي انت بتصلع انت بتصلع يا فلان تعال ناظر بيصلع اوووووووووووووووووووف و انا اصرف ارووح حلاق اقوله سوي كذا يقوول شعرك خفيف :eek: صدمني مسوي متفاجا

بدا عندي الشعوور بالانسان الاصلع و انا اهدى عمري بيرجع ثاني توك صغير شويولا خلاص الفروه مره الي يشووفني من فووق يقوول هاي ترااك خلاص صلعت هو يقوولها عادي بس و الله اني احزن :(
بعدين اي صور اي شي في اضائه الاقي نفسي طالع مصلع:confused:
اناظر في المرايه اشووف الفروه صرت اكره اناظر :(
لو جلست و اخوااي واقفين يناظروون و يركزون صرت ما اخلس و احد واقف :(
ولا كزحت مع احد ابسط رد اقول اسكت يا ابو صلعه:(
هذا و انا كان عندي 21 سنه متخيلين المحنه:(
تجي سبرة الحلاق ولا شي اصرف يروحون سوا يقولولي خليك ولا تجي تسشور لحيتك :(
تجي سيره عرس ولا شي يقولولي ما عاد بنات تاخذ صلعان انت و رااسك:(
يوميا عذاااب بعد ما كنت اكثر واحد واثق و ما استحي من شي الحين منعدم الثقه :(
ممكن اغلب الي في المنتدى فوق 30 و ما يتعرضون اهذي المواقف بس حبيت اشاركم المعانا بما اننا زملاء صلاعه وحده :p
بس طلعت الكلام الي ما اقدر اقوله و شكرا
 

تـركـــي

متميز
صاحب تجربة
إنضم
26 يناير 2012
المشاركات
975
مستوى التفاعل
1
النقاط
18
وعليكم السلام ورحمة الله وبركاته

حياك يا أخوي في المنتدى

موضوعك ضحكني بصراحه :p

الكلام اللي كتبته ينطبق علي 90%

وأعتقد هذي المعانات مروا فيها كل المصلعين اللي طاح شعره بعمر صغير
 
إنضم
25 مايو 2011
المشاركات
372
مستوى التفاعل
0
النقاط
16
الله يعين الجميع اخوي
أنا لي ياحبيبي سنتين ماكشفت راسي عندي أهلي
ماودي يقولون شي يأثر على نفسيتي
مع ذلك هم حاسين اني مخبئ شي
لكن الله يصبرني حتى أنا مليت من وضعي
لكن امني نفسي بالزراعة وأقول فترة وتعدي وعلى الله تعدي
 
إنضم
1 أكتوبر 2011
المشاركات
302
مستوى التفاعل
1
النقاط
18
انا بدأ التساقط معاي من 20 تقريبا او 21 والان 24 والفراغات والخفة ملحوظة وسبق وعانيت من الاشارات
موضوع يقهر بصراحه , هالصلع , بس الله كريم
 

صلعيانو

New Member
إنضم
5 أبريل 2013
المشاركات
9
مستوى التفاعل
0
النقاط
1
الله يعين يا اخواني و الله ما اقدر اوصفلكم النفسيه الي انا فيها ماثره على كل شي في حياتي كل شي بمعنى الكلمه حتى اهلي ما سلمت من الكلمات و الغمز و اللمز و اصبر نفسي و اقوول بكره ازرع
الله كريم
 
إنضم
25 مايو 2011
المشاركات
372
مستوى التفاعل
0
النقاط
16
صلعيانو
كلنا نفس الوضع

الله يفرج لنا عاجلا غير اجل
 

مسك

Member
إنضم
7 أبريل 2012
المشاركات
156
مستوى التفاعل
0
النقاط
16
ههههههههههههههههههه
يا صديقي عمري الآن 23 عام . يعني أصغر منك بسنة تقريبا بس هذا الفرق اللي بيني وبينك باقي الكلام 100% ينطبق
تدري المشكلة وين ؟ انه حتى لو زرعنا الحين باااااقي فيه شعر راح يطيح ونحتاج زراعة ثانية يعني ما بين الزراعتين راح تظل تعاني نسبيا صحيح ما راح يكون مثل وضعنا الحالي بس برضو فيه مشااااكل . ننتظر حل قريييب عسى الله يفرجها عننا أما بالخلايا الجذعية أو أي طريقة ثانية .
بالتوفيق ,,
 

صلعيانو

New Member
إنضم
5 أبريل 2013
المشاركات
9
مستوى التفاعل
0
النقاط
1
اللهم احفظ الشوي الي باقيين قولو امين
ههههههههههه بغير اصدقائي بصير اجلس مع شياب عشان لا احد يلاحظ و بتعدي
 
إنضم
1 أكتوبر 2011
المشاركات
302
مستوى التفاعل
1
النقاط
18
حتى الشيبان , ما راح يخلونا في حالنا , بدري على الصلع توك صغير , وهاتك الم واهات

والمشكلة الزراعة ماتعطي نتيجة مرضية راح تبقى اسير الخفة والفراغات وماراح تعيش عمرك

ممكن الزراعة كحل اخير بعد الاربعين لكن قبل الاربعين وخاصة قبل الثلاثين سيقى شعور النقص ملازم

والحمد لله على كل حال
 

صلعيانو

New Member
إنضم
5 أبريل 2013
المشاركات
9
مستوى التفاعل
0
النقاط
1
ههههههههههه حطمت امالي في الحياه الله يزجاك خير يعني و ش نسوي يا ناس ننتحر احبطني فوق احباطي برب افرفش و اجيك ههههههه[/b]
 

جبهة حرب

متميزة
صاحبة تجربة
إنضم
26 أكتوبر 2011
المشاركات
614
مستوى التفاعل
1
النقاط
18
الإقامة
المملكه العربيه السعودية , الرياض
عليكم السلام

اكيد هذي معاناة الكل فلا تحزن ...

المشكلة ماهي فيك المشكله في الناس اللي حواليك .. غير اصدقائك وصادق صلعان هههههههههه


نصيحتي لك كلم اقرب صديق لك وقله انك تتضايق من هالكلام وخله يوصله للبقية عشان اذا كان عندهم شوية دم يسكتون

فيه حلول مؤقته إذا شعرك خفيف ولسه مابانت الصلعه استخدم بودرة التوبيك تغطي الفروة وتفيدك


لكن لا تخضع نفسيتك للمشاكل هذي .. خل ثقتك بنفسك اكبر ... الحمدلله الصلع مو عيب ولاهو نقص

كثير صلعان مبدعين ويظهرون صلعاتهم ماعندهم مشكله


تحياتي
 

صلعيانو

New Member
إنضم
5 أبريل 2013
المشاركات
9
مستوى التفاعل
0
النقاط
1
و الله في جروب اعرفه من اخوياي الصلعان صرت امشي معهم هالايام ههههههههه اقل شي بننسى نتكلم عن كريمات الشعر و التسريحات
 

SkoOoN AlGaR7

Member
إنضم
20 مايو 2010
المشاركات
279
مستوى التفاعل
0
النقاط
16
نفس معاناتي والحين عمري 27 والنفسيه دمـــار

بدأ التساقط من عمر 19 تقريبا وماكنت معطيه اي اهتمام واقول لنفسي مستحيل انا اصلع يمكن لان شعري كان كثيف جدا

وكان ستايلي الشعر الطويل يعني اخوياي متعودين يشوفون شعري طويل

بفتره قصيره شعري يتساااااقط بقوه وكل من شافني تشوف بعيونـه كأنه مستغرب وبعضهم يحسسني اني مريض والا فيني شي خخخخخخخخخخخخ

مره جالس مع الشباب وواحد منهم ( نفسيه ) وقلق جالس وراي

وصاح بصوت عالي يووووه يافلان صلعت ليشش وش فيه شعرك ؟ خخخخخخخخخ سلامات طيب وش اسوي انا !! حلوه ليششش شي ماهو بيدي يانااااااس ,, واللي يقول كم عمرك انت ؟ شكلك تلعب علينا آآآآه بس ياكرهي لهالاسئله

ولاول مره بحياتي جالس بالاستراحه واحد من الشباب يناديني يا ( صلعــان ) اووووووووم التحطيم

عــاد اكثر موقف حطمني جالسين نتغدى مع جدي شاااايب عمره فوق الثمانين

الشايب يلمس راسي يقول من وين جتـك هالصلعه والعيال ضححححححححك

اوووووووووووووما عـاد حتى انت ياجدي شباب اوكي لكن حتى الشيبان يحطمون

خلها على ربك بس اقدر اقولك بعد ماصلعت ماقد قابلت واحد الا يسألني عن ذا الصلعه عقدوني في حياتي

اختي جبهه حــرب >> ماتعرفين الشباب اصلا يدورون الزلــه ونقطه الضعف عشان يعلقون عليها ولو اقول لواحد اني اتضايق وكلمهم خلاص يمسكونهـا عليك ( طبعا بمزح ) واللي حاقد عليك اصلا مايصدق خبر يشوف عليك شي
الحل طبعا انك تبين انك قوي ولاهمك شي والصلعه ماتعيب الرجال ومن هالكلام والا انت من داخلك مقهووور

الكلام هذا طبعا عن اللي يصلع في بدايه العشرين تكون صدمه بالنسبه لـه ,, لكن الصلع في سن متأخر اشوفه طبيعي جدا ومايأثر كثير

الحمد لله على كل حال
 

صلعيانو

New Member
إنضم
5 أبريل 2013
المشاركات
9
مستوى التفاعل
0
النقاط
1
هذي المشكله انك ما تقدر تقول لاحد لا تقول صلعه علطول بمسكونها عليك سبحان الله يدوررون الشي الي يجرحك و يقولونه مدري ليش انا الي يقولي ولا اهتم مسوي واثق بس الكلمه رصاصه في صلعتي ههههههههه و الله مره توجعني الكلمه و خصوصا اول مره انقالتلي اقسم بالله بغيت اصيح و لا الناس النفسيه كل يوم تراك صلعت اقوله عادي ثاني يوم مسوي متفاجا يا فلان بصووت عالي تراك بتصلع انا اقول خلاص يا ابو الشباب ايش اسوي بعده اووووف ترا عندك صلعه قاصد يضايقني يوميا
و اذا قلت شي ما عجب احد خلاس بس اسكت انت و صلعتك انا ما اسكت في العاده بس ايش ارد عليه كلهم عندهم شعر
اكثر شي ضايقني يوم كنت اخلي شخري يطول العالم توصفتي ل خوياي ابو شعر طويل الحين يقولون ابو صلعه ههههههههههه
شر البليه ما يضحك لو يخترعون شي هاليومين يخلونا زي اول اخ بس
 

semsem

Member
إنضم
8 نوفمبر 2012
المشاركات
236
مستوى التفاعل
0
النقاط
16
هههههههههههههههههههههههههههههههههه انتوا موتوني ضحك بجد والله الاحساس دا واحد تقريبا هيا نفس المعاناه وخاصة للشباب اللي أعمارهم بالعشرينات كل ما الاقي قصه اضحك جدا ااااااااا عشان انا مريت بيها فعلا بنفس تفاصيلها .
 

مجهول1

Member
إنضم
6 يناير 2013
المشاركات
50
مستوى التفاعل
0
النقاط
6


سبحان الله القصص متشابهه .... ااجمل مافي المنتدى الصراحه
 

جبهة مركزه

New Member
إنضم
28 نوفمبر 2013
المشاركات
26
مستوى التفاعل
0
النقاط
1
والله ضحكتنى يا صلعون الله يسعدك ياخى دنيا واخره

شوف يا اخى العزيز خد هذا المثل المصرى اللى يشوف مصيبه غيره تهون عليه مصيبته... احمد ربك انها جت على صلعه شوف انا عمرى 31 وبدات اصلع تقريبا من سنه 23 بس من قبلها الناس تتريق عليا من شكل راسى وهذا وانا عندى شعر لانى كنت بحلق واحد او 2 بس لما جات موضه الكدش انقذتنى وصارت الناس تسمينى كدش!!!!

ومالحقت اتهنيت الا التساقط زاد والجبهه كبرت والوضع مزرى كا حال الشباب...المشكله لو تدرى العالم ان اى كلمه جارحه حتى لو كنت مزح انها ممكن تدمر حياه شخص...لكن الناس مابترحم.

الواحد مايقول الا الحمدلله على كل حال


يسعدكم ربى
 

قتالة

New Member
إنضم
13 ديسمبر 2013
المشاركات
5
مستوى التفاعل
0
النقاط
1
السلام غليكم يوجد حل لصلع ولتساقط وانه لايوجد داء الاوجعل الله له دواء يوجد زيت سرالاعشاب وهو المعالج لصلع الوراثي اهم حاجة انك ماتكون فيك مشكلة بالدم والله ياخوان عالج كم حالة وهوالان مصرح من هيئة الدواء وسوف اجيبلكم مكان المكتب الذي يوجد لدية هذاالزيت وااكد انه معالج لصلع
 
إنضم
9 يونيو 2013
المشاركات
26
مستوى التفاعل
0
النقاط
1
والله لسه اليوم شايب بأشر عليه وبحكي عني هالاصلع طبعا انا نفسي اقتلوا بس ضحكت ومسكت نفسي

واخوي اكبر مني وما صلع كاتب على صفحتي على الفيس بوك :

اعرف شخصيتك من نوع شعرك

..
.
.
.
لغينا الفقرة حفاظا على مشاعر الصلعان





وكل يوم لازم اسمع كلمة شعرك خفيف ما ضل عندك شعر واصلع افففففففففففف:mad: :mad: :mad:

الله يعين الجميع
 
أعلى