اذا ما بتستخدم البخاخ لا تزرع عندي !! هذا ما قاله لي الدكتور

مساء الخير للجميع ما ابي اطول عليكم .. جاتني فكرة اروح اخذ استشارة طبية عند دكتور خبيرة بزراعة الشعر وفي ناس كثير تمدحه .. رحت له بالرياض وانا مسوي قبل زراعة شعر وابي اسوي مرة ثانية .. في نهاية الاستشارة قال لي ليش ما استخدمت البخاخ قبل . قلت له خفت منه واحس اني بمل من استخدامه واذا تركته بيرجع لي ردة فعل عكسية . قال لي اذا ما بتستخدم البخاخ وانا اعتذر لك ولا تفكر تزرع عندي اذا ما راح تستخدم البخاخ.. استغربت من كلامه لانه دكتور قدير وله خبرته وللحين انا افكر ليش قال لي هالكلام ... هل هو يبي مصلحتي ويعرف ان الزراعة بدون البخاخ ما تسوي شيء او هو مثلا يبي يحسن سمعته لو طلع شعر كثيف بعد البخاخ ويثبت للناس ان عمليات الزراعة اللي يسويها ناجحة وممتازة .. انا صراحة ما ابي اظن فيه شيء بس للحين ما دري ليش قال لي كذا مع ان اغلب الاطباء حول العالم ينصحون فقط باستخدام البخاخ يعني حتى لو ما استخدمته ماراح يأثر على نتيجة الزراعة .. وثانيا هو منزل مقال او موضوع في احد الصحف المحلية يقول بأن زراعة الاقتطاف تحتاج دكتور خبيرة وله خبرة طويلة ومو اي واحد يسوي اقتظاف وعدد الدكاترة اللي يسون اقتطاف حول العالم هو معدودين على عد اصابع اليد .. ولما سألته عن هؤلاء الدكاترة قال لي اجابة سريعة : ما ادري ما اعرفهم !!!!!!!!!!!!!!!!!!!!!!!

تمنيت تكون هناك شفافية بس هذا حال دكاترتنا في الوطن العربي اهم شيء الكسب المادي .. والاسعار النار .. ودايما يحاولون يقنعونك انك تسوي زراعة بالشريحة لانها تعطيبصيلات كثيرة وكثافة وينسون الاثار اللي تخلفها هالنوع من الزراعة .. طبعا اقصد الندبة اللي راح تلازمك طول العمر .. طبعا الشرحية بالنسبة لهم سهلة وسريعة وما تاخذ وقت والممرضات هم اللي يكملون بقية غرس البصيلات ..

انا افكر اسوي عملية اخرى ,, بس للحين الحيرة في راسي وين اسوي وعند اي دكتور اسوي ؟؟

ان شاء الله . . الله يفرجها


( ينقل للقسم المناسب )

الادارة

السلام عليكم
اولا البخاخ ماله خص في نجاح الزراعه .. لان البخاخ يساعد على نمو الشعر المزروع ,,, بس ... ويحافظ على الشعر الغير مزروع ,,,بحيث انه ينشط الدوره الدمويه ,,,يعني لو انت بتزرع ,, لا اتخاف على الشعر المزروع من البخاخ ,,, وحتى لو ما استخدمته ,,, عادي ,, الشعر المزروع باذن الله بيطلع ,, وما راح يتاثر من شي لانه مأخوذ من منطقه لا تؤثر عليه الهرمونات ,,,وانا انصحك لا تستخدمه ,,, الا اذا كان عندك شعر غير مزروع ويمكن يتساقط ,,, ولكن لو عمرك فوق ال 35 ثلاثين لا اتخاف ,, لان بعد هذا العمر ما يتساقط الشعر الغير مزروع الا في حالات بسيطه جدا ,,, ولكن لو كان شعرك كله مزروع لا تخاف لو استخدمته وحتى لو ما استخدمته بعد لا اتخاف .
وانا مستغرب ليش هالدكتور قال لك هالكلام ,,,شي غريب ,, يمكن هذا الدكتور قليل الثقه في نفسه .
ثانيا بقولك معلومه ... ثرى اعضاء المنتدى صارت خبرتهم احسن من الدكاتره(في المعلومات طبعا )
ثالثا انت ذكرت انك سويت عمليه قبل ,, ممكن انعرف اخبار عمليتك الاولى .. ناجحه ولا لا ,, واذا كانت ناجحه هل استخدمت البخاخ ,, ولو ما استخدمته وعمليتك ناجحه ,, هذا اكبر دليل على ان البخاخ ما يضر الشعر المزروع,, ولكن يساعده على النمو في وقت اسرع ,,, بسسسس

الله يوفقك اخوي وانشالله اتسوي عمليتك الثانيه ابنجاح ,,, وانا انصحك سوها اما في تركيا ولا شيراز

الف تحيه لك يا الغالي

ابي دكتور جيد في الاقتطاف بتركيا

ناوي اروح تركيا من يخاوي دوله تركيا لهم احتكاك من اروبا

سعدون قال:

ناوي اروح تركيا من يخاوي دوله تركيا لهم احتكاك من اروبا

أنقر للتوسيع...

أنا ناوي في 18 سبتمبر اروح على طيران ناس لتركيا راح ازرع في مركز ماجيك هير تخاويني علشان ناخذ الخصم منهم