bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

الدكتور وليد الغامدي ، مواضيع مدمجة / يمنع فتح موضوع مستقل .

الاصلع

New Member
إنضم
27 مايو 2010
المشاركات
1
مستوى التفاعل
0
النقاط
1
السلام عليكم ورحمه الله وبركاته ...

كيفكم ان شاء الله بخير ..

انا يا اعضاء المنتدى العربي لزراعه الشعر سالفتي سالفه وهي باختصار

انا عمري 23 سنه واعاني من تساقط الشعر من ثلاث سنوات تقريبا وصلعي تقريبا من الدرجه 3 او اقل بشوي :)
وقررت اني ازرع شعري واخذت موغد مع الاستشاري وليد الغامدي بمستشفى ادمه ورحت له وقالي استعمل دواء البروبيشيا اللي هو الحبوب حبه واحد يوميا والبخاخ المينوكسيديل %5 وشامبو اسمه فيشي وقالي استعملهم لمده ثلاث شهور بعدين تعال لي وقالي بالنسبه للزراعه انه راح يزرع تقريبا من 3500 الى 5000 شعره قالي ما اقدر احددها بالضبط بسعر 16000 ريال

اسئلتي بارك الله فيكم
س/ وش رايكم بالدكتور وليد الغامدي وهل فيه احد جرربه ؟

س/ هل سعره معقول وكلامه معقول ؟

واذا فيه احد عنده نصيحه ممكن تفيدني ياليت ما يبخل علي باي شي ويعطيكم الف عافيه

تحياااتي لك أصلع :d
 

ليقاند

New Member
إنضم
26 أبريل 2010
المشاركات
28
مستوى التفاعل
0
النقاط
1
أهلاُ بك أخي الأصلع

في مثل عمرك - كثير من الأطباء ينصحون بالتأني ووضع خيار الزراعة في ذيل القائمة الى ان تصل لعمر الثلاثين وهو العمر المناسب لاجراء زراعة الشعر كون التساقط في حينها غالبا ما يتوقف وتتجلى مرحلة الصلع.

فإجراء العملية في مرحلة مبكرة يضطرك لتعاطي الأدوية بشكل مستمر حتى تأمن من تساقط الشعر وان فرطت في ذلك لربما اتسع الصلع في اماكن لم تقم بزرعها مما يعطي منظر غير محبب للرائي.

واود ان استفسر منك حول الزراعة حيث قلت انها ما بين 3500 الى 5000 شعرة - لأن المتعارف عليه في لغة زراعة الشعر - استخدام لفظ بصيلة بدل شعرة - لأن البصيلة تحمل عددا من الشعيرات تكون اما 2- او 3- او 4
فهل كان يقصد طبيبك شعرة ام بصيلة ؟؟

س/ وش رايكم بالدكتور وليد الغامدي وهل فيه احد جرربه ؟

لا املك معلومات عن الطبيب - لكن عيادة ادمة سابقة في مجال زراعة الشعر ولها شهرتها


س/ هل سعره معقول وكلامه معقول ؟
اترك الاجابة الى ان تتأكد مما عناه طبيبك - هل كان يقصد البصيلة ام الشعرة !!


ودي وتقديري لك....
 

أبو مشعل

مشرف
إنضم
25 أبريل 2010
المشاركات
75
مستوى التفاعل
0
النقاط
6



أولا ( أنصحك بالتريث والتأني في عمل العملية ) لأن عمرك يعتبر صغير بالنسبة للزراعة
( إلا اذا كان العامل وراثي ) في العائلة ومافي أمل يتعالج بالأدوية

وهذا شيء راجعلك أنت اللي تحدد

ثانيا : أما عن الدكتور وليد ( والله ما أعرفة ) ولكن المركز مشهور ومعروف مثل ما قال مشرفنا الغالي ( ليقاند )

ثالثا : أرجوا أنك تراجع الدكتور وتسأله عن كمية الشعر المزروع لأنة أتوقع إن الكمية كثيرة شوي ( ليس المتعارف عليها )

وإذا كانت بنفس الكمية فالسعر يعتبر رووووووعه

نصيحتي لك ( إنك تختار الدكتور المناسب لك , واللي ترتاح لكلامة , وشفت له تجارب سابقة )


تحياتي وتقديري واحترامي
 

healing touch

Member
إنضم
4 سبتمبر 2010
المشاركات
31
مستوى التفاعل
0
النقاط
6
عمليتي بإذن الله بتكون بعد العيد بس من الافضل د. بسام ام د. وليد الغامدي بمستشفى أدمه

السلام عليكم ..

اولا .. الله يجزى القائمين على هالمنتدى المتخصص خير الجزاء
ثانيا .. الله يجزاها خير اللي دلتني على المنتدى لاني تعبت بين المواضيع المشتته في قوقل

انا اعاني من تساقط كثيف سبب لي وجود فراغات في مقدمة الرأس .. زرت د. وليد الغامدي بمستشفى ادمه اعطاني بخاخ للشعر وفيتامينات وحبوب بروسكار استمريت عليها حول 6 شهور والنتيجه نوعا ما مقبوله بس لسى مشكلة الفراغات موجوده ..
لي اكثر من شهرين موقفه العلاجات لاني تعبت من العلاج و مقرره اسوي زراعه ..
بحثت وقريت عن الزراعه كثير وبصراحه متخوفه مره من الألم من ناحيه وخايفه من النتائج من ناحيه ثانيه لان وراي زواج والوقت قاعد يمر ومو في صالحي ابد التأخير

قريت تجاربكم واحترت زياده لاني شفت كثير يمدحون د. بسام وتحمست اروح له وحجزت عنده موعد بعد العيد وبنفس الوقت حجزت عند د. وليد بمستشفى أدمه احترت كثير بين الاثنين لاني لما بحثت ماحصلت ولا معلومه عن د. وليد تخص عمليات الزراعه

بإذن الله العمليه بتكون بعد العيد بس محتاره اي دكتور أروح ..
وفيه شي بعد لاحظته من تجاربكم اسعار الزراعه متفاوته
يعني تقريبا عند د. بسام حوالي 15000 وبمستشفى ادمه 24000 فرق السعر كبير بينهم .. ليه !!

اسأل الله ان لايختم لنا شهرنا هذا الا بذنب مغفور وسعي مشكور وعمل متقبل مبرور وان يجعلنا ووالدينا وأهلينا وأحبتنا من عتقائه من النار إنه ولي ذلك والقادر عليه
 
إنضم
24 أبريل 2010
المشاركات
26
مستوى التفاعل
0
النقاط
1
د بسام لقيت كثير يمدحوه واغلب اللي سووا عمليات هنا في المنتدى اعتقد عنده
وبإمكانك زيارة قسم التجارب


نصيحتي اذا الزواج قريب .. تأجليها لبعد الزواج

والله يكتب لك الخير ويسره لك
 

ahmed.ahmed

Member
إنضم
4 مايو 2010
المشاركات
442
مستوى التفاعل
0
النقاط
16
نصيحه لوجه الله الدكتور بسام ممتاز جداااا ولو فكرت اعمل زراعه تكثيف اخرى مش هتكون غير عنده ان شاء الله ...
 

healing touch

Member
إنضم
4 سبتمبر 2010
المشاركات
31
مستوى التفاعل
0
النقاط
6
د بسام لقيت كثير يمدحوه واغلب اللي سووا عمليات هنا في المنتدى اعتقد عنده
وبإمكانك زيارة قسم التجارب

نصيحتي اذا الزواج قريب .. تأجليها لبعد الزواج

والله يكتب لك الخير ويسره لك

انا ماعرفت د. بسام الا من هالمنتدى وبعد ماقريت تجارب الأعضاء بس متخوفه شوي
انا أبي اسوي الزراعه قبل الزواج ماودي اروح للرجال وانا مصلعه :d
وزواجي اذا ربي تمم على خير بيكون بداية السنه الجديده

الله يسعدك يارب

نصيحه لوجه الله الدكتور بسام ممتاز جداااا ولو فكرت اعمل زراعه تكثيف اخرى مش هتكون غير عنده ان شاء الله ...

انا حجزت موعد عنده .. وبروح اشوف وش راح يقول
والله يكتب اللي فيه الخير

الله يسعدك يارب ..
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
الله يكتب لك الخير ويوفقك بزواجك بس هاااااااه لو ماتعزميناا كلنا بنروح للدكتور بنخليه مايسوي العمليه لك ههه >>>امزح

انا سويت العمليه عند الدكتور بسام والحمدالله الأمور تمام الى الان كملت 3 اسابيع

الدكتور وليد ماسمعت عنه شي لكن بحاول ابحث لك عنه
 
إنضم
1 يونيو 2010
المشاركات
74
مستوى التفاعل
0
النقاط
6
دام انك حاجزة موعد عند الأثنين روحي شوفيهم وسويها عند الدكتور اللي ميال له قلبك اكثر
ولا تنسين تستخيرين ونسبة لما قاله المشرف احمد عن الدكتور بسام فماراح اضيف شيء على كلامه
لأنه صحيح وانا انصحك فيه وعن تجربة بعد
والله يكتب لك كل خير .
 

مشاري3

Member
إنضم
19 يونيو 2010
المشاركات
181
مستوى التفاعل
0
النقاط
16
صغيرونه بس خطيره خلص البنت بتتزوج قلبها ماعاد بيميل لحد هع
نصيحتي لك ما خاب من استخار ولا ندم من استشار
والشورى اشوفهم اجمعوا على الدكتور بسام.. واستخيري الله واعقليها وتوكلي
ولو باقي على زواجك ازود من ثلاث اشهر سويها عقب العيد عطول ولو اقل أجليها
وبالرفاء والبنين ومنك المال والعيال 0_0
 

ابتسام

متميزة
إنضم
22 يونيو 2010
المشاركات
109
مستوى التفاعل
0
النقاط
16
اول شي مبروك حبيبتي عالزواج والله يوفقج ان شاءالله

بس ديربالج اذا اقل من 3 اشهر بلاش تسوين العمليه

لانه النتيجه ماتجي باقل من 3 شهور


وبصراحه انا من دخلت هالمنتدى وانا اقرا تجارب الاعضاء عند الدكتوور بسام

وكنت اتمنى اني مسويه العمليه عنده بس صادف اني كنت بلبنان وسويتها هناك الحمدلله

ولاتحاتين الالام لانها راح تكوون الام خفيفه

استخيري حبيبتي والله يوفقج ان شاءالله
 

healing touch

Member
إنضم
4 سبتمبر 2010
المشاركات
31
مستوى التفاعل
0
النقاط
6
الله يكتب لك الخير ويوفقك بزواجك بس هاااااااه لو ماتعزميناا كلنا بنروح للدكتور بنخليه مايسوي العمليه لك ههه >>>امزح
انا سويت العمليه عند الدكتور بسام والحمدالله الأمور تمام الى الان كملت 3 اسابيع
الدكتور وليد ماسمعت عنه شي لكن بحاول ابحث لك عنه

هههههههههههههههه الله يحييكم كلكم
انا قريت تجربتك وشفت صورك وهذا اللي حمسني اضيف د. بسام للقائمه
من بحثي حصلت د. أحمد التركي في مستشفى أدمه كثير تكلمو عنه
شكلي بضيفه للقائمه

الله يوفقك وينبت لك شعرك ويكثره لك ويصير اكبر واحلى كدش

دام انك حاجزة موعد عند الأثنين روحي شوفيهم وسويها عند الدكتور اللي ميال له قلبك اكثر
ولا تنسين تستخيرين ونسبة لما قاله المشرف احمد عن الدكتور بسام فماراح اضيف شيء على كلامه
لأنه صحيح وانا انصحك فيه وعن تجربة بعد
والله يكتب لك كل خير .

كلكم مدحتو د. بسام
بستخير وبعقلها وبتوكل

الله يسعدك يارب

صغيرونه بس خطيره خلص البنت بتتزوج قلبها ماعاد بيميل لحد هع
نصيحتي لك ما خاب من استخار ولا ندم من استشار
والشورى اشوفهم اجمعوا على الدكتور بسام.. واستخيري الله واعقليها وتوكلي
ولو باقي على زواجك ازود من ثلاث اشهر سويها عقب العيد عطول ولو اقل أجليها
وبالرفاء والبنين ومنك المال والعيال 0_0

ان شاء الله بسويها بعد العيد على طول علشان كذا محتاره هالايام ولازم اقرر اي دكتور
كلكم اجمعتو على د. بسام
بستخير وبإذن الله بنزل تجربتي

الله يسعدك يااارب

اول شي مبروك حبيبتي عالزواج والله يوفقج ان شاءالله
بس ديربالج اذا اقل من 3 اشهر بلاش تسوين العمليه
لانه النتيجه ماتجي باقل من 3 شهور
وبصراحه انا من دخلت هالمنتدى وانا اقرا تجارب الاعضاء عند الدكتوور بسام

وكنت اتمنى اني مسويه العمليه عنده بس صادف اني كنت بلبنان وسويتها هناك الحمدلله

ولاتحاتين الالام لانها راح تكوون الام خفيفه

استخيري حبيبتي والله يوفقج ان شاءالله

الله يبارك فيك ياقلبي وعقبال كل العاوزين
زواجي اذا ربي تمم لي خير ماراح يكون الا بداية السنه الجديده يعني ان شاء الله معي وقت
بروح د. بسام وبشوف وش يقول و بستخير والله يكتب اللي فيه الخير

الله يوفقك ويسعدك يااارب
 

أبومشعل 2007

عضو مميز
إنضم
11 أغسطس 2010
المشاركات
244
مستوى التفاعل
0
النقاط
16
الإقامة
الدمام - السعودية
مبرووووك مقدما
الدكتور الغامدي ما شفنا احد جرب عنده لكن تقدري تطلبين ارقام ناس عملوا عنده عمليات، وثقي تماما الدكتور الواثق لن يمانع بارشادك..
والدكتور الجباعي عندنا كثير من الشباب عملوا عنده ويمدحوه....

ولو كنت في مثل حيرتك فمالي الا خيارين : الدكتور الجباعي أو الدكتور احمد التركي فكلاهما متمكن وفيهم حس فني في الزراعه حسب ما شاهدنا. واخيرا عليك بالاستخارة ونتمنى لك التوفيق.
 

هلابش

Member
إنضم
15 مايو 2010
المشاركات
124
مستوى التفاعل
0
النقاط
16
الإقامة
K S A
حياك اختي ومبروك مقدمآ الزواج والعمليه بإذن الله وأنا رأيي تأجليها لبعد الزواج إذا كان زواجك بعد شهرين أو ثلاثه ماراح يمديك على الدكتور بسام لأني مكلمه وحجزت عنده موعد وبعد حبة خشوم عطاني موعد في 21 شعبان طبعآ حجزت في 6 رمضان عنده ضغط وحجوزات ماتتخيليها إلآ إذا حبيتي تشتري مني موعدي فعاد سومي ومانختلف ههههههههه والله اكلمك من جد انا رجال بياع موعدي إذا حبيتي ... وأسأل الله لك التوفيق اختي في زواجك وحياتك وان يحقق لك ماتتمني وجميع المسلمين يارب ... تحياتي للجميع
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
حياك اختي ومبروك مقدمآ الزواج والعمليه بإذن الله وأنا رأيي تأجليها لبعد الزواج إذا كان زواجك بعد شهرين أو ثلاثه ماراح يمديك على الدكتور بسام لأني مكلمه وحجزت عنده موعد وبعد حبة خشوم عطاني موعد في 21 شعبان طبعآ حجزت في 6 رمضان عنده ضغط وحجوزات ماتتخيليها إلآ إذا حبيتي تشتري مني موعدي فعاد سومي ومانختلف ههههههههه والله اكلمك من جد انا رجال بياع موعدي إذا حبيتي ... وأسأل الله لك التوفيق اختي في زواجك وحياتك وان يحقق لك ماتتمني وجميع المسلمين يارب ... تحياتي للجميع

معقوله حجزت في 6 رمضان وعطاك موعد في شعبان يعني بعد سنه ؟؟؟؟؟؟
 

healing touch

Member
إنضم
4 سبتمبر 2010
المشاركات
31
مستوى التفاعل
0
النقاط
6
مبرووووك مقدما
الدكتور الغامدي ما شفنا احد جرب عنده لكن تقدري تطلبين ارقام ناس عملوا عنده عمليات، وثقي تماما الدكتور الواثق لن يمانع بارشادك..
والدكتور الجباعي عندنا كثير من الشباب عملوا عنده ويمدحوه....
ولو كنت في مثل حيرتك فمالي الا خيارين : الدكتور الجباعي أو الدكتور احمد التركي فكلاهما متمكن وفيهم حس فني في الزراعه حسب ما شاهدنا. واخيرا عليك بالاستخارة ونتمنى لك التوفيق.

الله يبارك فيك
امس كلمت مستشفى ادمه على اساس اكنسل حجزي عند د. وليد واحجز عند د. أحمد الموظفه جلست تتناقش معاي ليش غيرت دكتوري ووضحت لها اسبابي قالت لي كل الدكتورين مستواهم واحد وحتى د. وليد عنده حجوزات كثيره زراعة شعر بس اللي يفرق بين د. أحمد متخصص بس في زراعة الشعر و د. وليد متخصص بزراعة الشعر والجلديه .

مدري احترت اكثر ..
وبعد العيد ان شاء الله بروح للدكتور بسام وبروح للدكتور وليد وبعدها بستخير واقرر

الله يوفقك ويسعدك يارب

حياك اختي ومبروك مقدمآ الزواج والعمليه بإذن الله وأنا رأيي تأجليها لبعد الزواج إذا كان زواجك بعد شهرين أو ثلاثه ماراح يمديك على الدكتور بسام لأني مكلمه وحجزت عنده موعد وبعد حبة خشوم عطاني موعد في 21 شعبان طبعآ حجزت في 6 رمضان عنده ضغط وحجوزات ماتتخيليها إلآ إذا حبيتي تشتري مني موعدي فعاد سومي ومانختلف ههههههههه والله اكلمك من جد انا رجال بياع موعدي إذا حبيتي ... وأسأل الله لك التوفيق اختي في زواجك وحياتك وان يحقق لك ماتتمني وجميع المسلمين يارب ... تحياتي للجميع

اللهم امين .. الله يجزاك خير على هالدعوه ولك بمثل مادعيتي لي بإذن الله
اوف معقوله تقريبا سنه على موعد العمليه
لا لا تقول كنت متأمله فيه مره
إذا كذا بكنسل د. بسام من القائمه مافيني اصبر سنه كامله .
والله لو كان موعدك قريب وبعد العيد ماعندي مانع اشتريه منك بس في شعبان بعيييييد مره وماتسوى حوسته .
اليوم بكلم العياده وبسأل عن مواعيده في الزراعه
 

هلابش

Member
إنضم
15 مايو 2010
المشاركات
124
مستوى التفاعل
0
النقاط
16
الإقامة
K S A
ههههههههههههههههههههه الله يسعدك لاتواخذيني تأثير الصيام اقصد 21 شوااااال
 

هلابش

Member
إنضم
15 مايو 2010
المشاركات
124
مستوى التفاعل
0
النقاط
16
الإقامة
K S A
ويمين باللة من جدي اكلمك لو بغيتيه مستعد انسق معاهم وتاخذيه فداك اختي وبيني وبينك ماني مستعجل واعتقد انتي فحاجته اكثر وآمري بس إذا نويتي عطيني خبر ومجانآ بعد يوافق 21 شوال يوم خميس وأسأل الله لك التوفيق
 

healing touch

Member
إنضم
4 سبتمبر 2010
المشاركات
31
مستوى التفاعل
0
النقاط
6
ويمين باللة من جدي اكلمك لو بغيتيه مستعد انسق معاهم وتاخذيه فداك اختي وبيني وبينك ماني مستعجل واعتقد انتي فحاجته اكثر وآمري بس إذا نويتي عطيني خبر ومجانآ بعد يوافق 21 شوال يوم خميس وأسأل الله لك التوفيق

ههههههههههههههه تدري اني كلمت العياده وتقولي وين من قالك مواعيد الزراعه في شعبان
بس الله يهديها رفضت تاخذ لي موعد عمليه الا بعد مايشوفني الدكتور .. وعلى كلامها اول اسبوعين بعد العيد مواعيده فل

انا بروح له يوم الاثنين 11/10 وبشرح له ظروفي وان شاء ألاقي موعد قريب
وماتقصر ياخوي .. موعدك بخليه احتياط اذا ماحصلت موعد اقرب منه ببلغك وانا جاده اني اشتريه منك

الله يفرج همك وييسر أمرك ويرزقك من خيري الدنيا والاخره في هالليله الفضيله
 

روز

New Member
إنضم
13 أكتوبر 2010
المشاركات
1
مستوى التفاعل
0
النقاط
1
ردا على سؤال : أنا أتعالج عند د/ وليد الغامدي و زوجي أجرى عملية زراعة شعر من سنه معاه و كانت نتائج عمليته جدا رائعه و زوجي نصح كل أصدقائه بالزراعة معاه و مرة مبسوط على نتيجة شعرة و كثافته و زوجي كانت المنطقة الأمامية خفيفة و زود كثافة الشعر و يقول إنه ما حس بأي ألم ، و علاجاته بالنسبة لي لحب الشباب ولتساقط الشعر و الحمد لله نتائجي رائعه و حتى أسوي حقن البوتكس عنده أنا و خواتي ، و بصراحة الدكتور اخلاق عالية و خبراته كبيرة و هو إستشاري وله اكثر من 10 سنوات خبرة في الجلدية و زراعة الشعر و الأهم إنك ترتاح معاه و تثق فيه و كلامه معقول و مقنع و أن انصحك تستمر معاه و يكفي إنه يخاف الله ..
 
أعلى