bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

الصور الأولى لعمليتين زراعة عند الدكتور بسام الجباعي

meshal

متميز
صاحب تجربة
إنضم
17 أغسطس 2010
المشاركات
51
مستوى التفاعل
0
النقاط
6
السلام عليكم
حيالله الزملاء ،،
بداية اشكر اخونا صاحب الموقع ماجد على إنشاء هذا الموقع فما كنت أفكر يوم بزراعة أو عودت شعري لكن الصدفه الطيبه مع هالموقع هي إلتي أوصلتنا إلى توديع الصلع . فشكراً يا أخ ماجد وشكراً لزميلي العزيزي عبدالله الذي لم نستغني عن سؤاله و اليوم اعرض لكم النتائج الأولى بعد تجاوز مدة 6 أشهر .



معلومات العملية : -

حالة الصلع : الدرجة السادسه ( لا تتوفر لدي صور لحالتي للأسف لكن بالإمكان الإستدلال بالصوره وطبعاً حالة اللمعه المعروفه للصلع )
تاريخ العملية : 28/10/2010 .
عدد الجرافت : 2126 تقريبي 4900 شعره ( عدد الجرافت ضرب 2.3 )
نوع العملية : الشريحه fut .
وقت العملية : من الساعه 9:30 صباحاً حتى السادسة مساءاً .
التكلفة كامله ( كشف + العملية + أدوية ) : 14800 ريال سعودي
أدوية مستخدمة بعد العملية : ( روكسل + بندول اكسترا + شامبو جونسون وما إلى ذلك بعد العملية لفتره بسيطه ) .

صورة توضح الدرجة السادسه .
w1a1-8381e8de1e.jpg


صورة أخذتها بعد العملية بعشرة أيام .
w1a1-92eb9e62f3.jpg




نتيجة الست شهور الأولى .
w1a1-6e7f888210.jpg


وهذه صورة بعد غسيل الشعر مباشره وحتى تتضح الصوره اكثر لكن اذا نشف الشعر لله الحمد الحاله افضل كما هي بالأعلى .
w1a1-65cf89dec1.jpg

هذا ولله الحمد والفضل النتائج جداً مرضيه وشافني الدكتور بسام الجباعي بعد 6 شهور الله يوفقه على تواضعه واخلاصه في عمله . قال ها إنت راضي الحين قلت له يا دكتور فوق الراضي وما توقعت هالنتائج قال لي بعد راح يطلع لك كثرهم لأخر السنه هذا اللي تشوفه 50 % - فسوالي الدكتور استشوار بعد ما غسلوا شعري واخذ يصور النتائج .




العملية الثانية

الأن نأتي إلى العملية الثانيه للمنطقه الخلفيه والتي مضى عليها 10 أيام تقريبا غادرت في سيارة ووصلت الرياض الساعه 2 فجراً في يوم العملية .

معلومات العملية : -
تاريخ العملية : 2011/04/20 .
عدد الجرافت : 1900 بهذا الحدود .
نوع العملية : الشريحه fut + إصلاح الندبه .
التكلفة كامله ( كشف+ العملية + أدوية ) : 14800 ريال سعودي
أدوية مستخدمة بعد العملية : roxil عشر أيام + بندول اكسترا عند اللزوم + شامبو مخصص لعمليات الزراعه GraftCyte
وقت العملية : من الساعه 9:30 صباحاً حتى الخامسة مساءاً .
دكتور بسام + خمس ممرضات وبعدها صارو 4 ممرضات استمروا معي حتى انتهاء العملية .

الصورة الأولية للعملية .
w1a1-a54e534941.jpg
ومثل ما تلاحظون عندي منطقه صغيره بالخلف مهيئة جداً لفقدان الشعر لكن هذا ما يهمني واعتقد خلصت 90% من حالة الصلع وهالمكان له حلول وما تسوى عمليه ثانيه .

هذا وأغلب وقت العملية قضيتها بالنوم كالعاده مثل العمليه السابقه وبعدها الساعه 5 وشي دقيت سلف ورجعت للكويت ووصلت إلى الأهل بفضل الله وبكرمه الساعه 2 فجراً .

هذا صورة شامبو مخصص لجروح عمليات الزراعة وقالي الدكتور بعد ما تخلص هالشامبو استخدم اي شامبو تبيه بكيفك . وماشاء الله على حرفيه وثقه الدكتور بسام في شغله .
21TbK1LLg6L._SL500_AA300_.jpg

دعواتكم لنا بالتوفيق .
 

الأصلع

Member
إنضم
18 مايو 2010
المشاركات
173
مستوى التفاعل
0
النقاط
16
الحمد لله على سلامتك
وما شاء الله النتائج جدا مرضيه وان شاء الله تكون افضل على نهاية السنة
وتودع الصلع للابد
 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
ماشاء الله نتايج حلوه الله يسعدك اكثر
انا نفس حالتك بالضبط والحين كملت 9 ايام من زراعة المقدمه فقط 1880 قرافت عند نفس الدكتور بسام
لكن مااخفيك انا متخوف شوي من الشعر المزروع انه مايطلع لان شعري ناعم وخفيف
سؤال
1- نوعيه الشعر عندك ايش ؟
2- هل استخدمت اي بخاخات مقويه مثل المينوكسيديل بعد مانبت الشعر او مااستخدمت اي شي
3- هل العمليه الثانيه اخذت من مكان العملية الاولي اقصد نفس مكان الشريحة من الاذن الى الاذن اشرحلي الطريقه لاهنت ؟
4- هل الشعر عندك تساقط كامل بعد الزراعه ام استمر ينمو ؟
5- اذا كان الشعر تساقط فمتى بدأ تساقطه ومتى بدات عملية الانبات ؟
6- بالنسبه لغسيل الشعر بعد الزراعة مباشره اشرحلي كيف كانت طريقتك ؟ وكم مدهجلست تغسلة ؟ ومتى زالت القشور ؟
7- كيف كانت حياتك بعد الزراعه الاولى طبيعية تروح وتجي وتشيل وتحط ولا استرخااااااء كامل يعني بمعنى كلمة استرخاء ؟
هذا رابط تجربتي عند الدكتور بسام ارجو الاطلاع عليه
https://www.hairarab.com/vb/showthread.php?t=1914
وافادتي عن الاتي
1- هل بامكاني عمل زراعة مره اخرى وباي طريقه ؟
2- هل الشعر المزروع كثافته جيده ؟
كم تتوقع يكفيني من قرافت لتغطية باقي الراس ؟
3- بعد كم شهر اقدر اسوي عملية ثانيه لزراعة باقي الصلعه اذا وفق الله ونجحت العملية الاولي وطلع الشعر المزروع ؟
اريد نصايح منك لان فعلا التفكير غالب ع وضعي

انا ابي نفس نتايجك ويكفيني مشالله الف عليك جد وسعت صدري بنتايجك بس ضايق صدري من خوفي مايطلع شعري المزروع !!!

اشكرك وادري ثقلت عليك بالاسئله بس والله محتاج اجوبتهن ولاتترك اي سؤال تكفا
واااسف عالاطاله
 

أبومشعل 2007

عضو مميز
إنضم
11 أغسطس 2010
المشاركات
244
مستوى التفاعل
0
النقاط
16
الإقامة
الدمام - السعودية
ماشاء الله النتائج جدا كويسة والله يتمم لك في العملية الثانية كل خير ...

أخوي مشعل ودي أسألك الدكتور سوي عملية تعديل للندبة الاولى، ليش؟ هل كانت غير ناجحة؟
 

meshaln

New Member
إنضم
17 أغسطس 2010
المشاركات
1
مستوى التفاعل
0
النقاط
1
هلا يا أخوان وحياكم الله ومشكورين على تفاعلكم وان شاء الله أرد عليكم بعد الدوام.
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
ما شاء الله تبارك الله قضيت على الصلع الله يوفقك ويتمم لك على خير

موفق ياغالي وتسلم يدينك على التقرير والصور

شجعتني اسوي المنطقه الخلفيه ممكن بعد العيد اذا الله كتب
 

meshal

متميز
صاحب تجربة
إنضم
17 أغسطس 2010
المشاركات
51
مستوى التفاعل
0
النقاط
6
الحمد لله على سلامتك
وما شاء الله النتائج جدا مرضيه وان شاء الله تكون افضل على نهاية السنة
وتودع الصلع للابد

أخوي الأصلع الله يسلمك وشاكر مرورك يالحبيب والله يجزاك خير على دعائك .
 

meshal

متميز
صاحب تجربة
إنضم
17 أغسطس 2010
المشاركات
51
مستوى التفاعل
0
النقاط
6
أخوي بدر حياك الله يالغالي وعسى ربي يوفقك ولا تحاتي واترك الخوف وعليك أن تثق بالله وبالدكتور بسام . وياما ناس شعرهم خفيف وطلع لكن الأكيد الشعر الخفيف ما يظهر بتغطية المساحة مثل الشعره اللي فيها سُمك هذا من وجهة نظري الشخصيه .

1- نوعيه الشعر عندك ايش ؟اذكر الدكتور بسام في نهاية العملية قال لي نوعية شعرك ممتازه للزراعه هذا من دون ما سأله وما عندي اي فكره ان كانت في اسماء للنوعية الشعر لكن عادي لا هو الحرير الناعم حيل ولا هو خشن :)

2- هل استخدمت اي بخاخات مقويه مثل المينوكسيديل بعد مانبت الشعر او مااستخدمت اي شي .ما إستخدمت أي علاج والدكتور بسام قال ما تحتاج .

3- هل العمليه الثانيه اخذت من مكان العملية الاولي اقصد نفس مكان الشريحة من الاذن الى الاذن اشرحلي الطريقه لاهنت ؟والله ياخوي ما سألت لكن اتصور نعم بحكم اني اشوفها نفس مكان القديمه لكن في العملية الثانيه أخذ زياده في الطول .


4- هل الشعر عندك تساقط كامل بعد الزراعه ام استمر ينمو ؟تساقط الشعر لكن ليس بالكامل وان كنت اعطي نسبه اتوقعها 50% .

5- اذا كان الشعر تساقط فمتى بدأ تساقطه ومتى بدات عملية الانبات ؟سلمك الله على ما أذكر ثالث أسبوع والإنبات حسيت فيه بالضبط بعد شهر ونص .

6- بالنسبه لغسيل الشعر بعد الزراعة مباشره اشرحلي كيف كانت طريقتك ؟ وكم مدهجلست تغسلة ؟ ومتى زالت القشور ؟
القشور تاخذ معاك شهر تقريباً والغسيل تقريبا الثلاث اسابيع او الأربعه الأولى ما اذكر بالضبط لكن بهالحدود او طوف الشهر واسبوع من اجل تضمن الشغله . وطريقة الغسيل كالتالي :
1- احني راسك واخذ الدش بيدك ولا تخلي الماي ينزل بقوة خله ينزل خفيف كثر ما تقدر على مكان الندبه وبيدك غير اتجاه الماي وخلك ينزل على المنطقة المزروعه .
2- ابدأ بالندبه حط شامبو على ايدك وحرك راحة ايدك من الأعلى للأسفل وبالعكس .
3- المنطقه المزروعه : قبلها جرب هالتمرين براحة إيدك اليمين حركها بشكل دائري بإتجاه واحد على أيدك الثانيه . نفس الشي طبقه على المنطقه المزروعه بعد ما تحط الشامبو على راحة ايدك بدون ما تضغط .

7- كيف كانت حياتك بعد الزراعه الاولى طبيعية تروح وتجي وتشيل وتحط ولا استرخااااااء كامل يعني بمعنى كلمة استرخاء ؟طبيعية جداً ولا كأني سويت عملية زراعة لا وأزيدك سويت بنجر جيب بعد العملية بيومين :)
وعلى فكره انا سألت الدكتور قلت له على هالتعليمات المشدده قال لي انا اخوفهم ابيهم يهتمون أكثر :)


1- هل بامكاني عمل زراعة مره اخرى وباي طريقه ؟تقدر اخوي بنفس طريقة الشريحه .

2- هل الشعر المزروع كثافته جيده ؟فوق التمام وراح تشوف بعينك وبكل الأحوال الكثافه بترجع بشكل نسبي وعلى كلام الدكتور70% من ما كان عليه .

3- كم تتوقع يكفيني من قرافت لتغطية باقي الراس ؟ نفس العدد السابق راح يكون ممتاز في منطقة الخلف وعلى فكره حالتي متقدمه اكثر منك .

3- بعد كم شهر اقدر اسوي عملية ثانيه لزراعة باقي الصلعه اذا وفق الله ونجحت العملية الاولي وطلع الشعر المزروع ؟6 شهور .

اريد نصايح منك لان فعلا التفكير غالب ع وضعياخوي طول بالك وحط ثلاث بطيخات صيفي في بطنك ما هي وحده :) واخذ الأمور بهداوه وانسى انك زارع الحين وبتشوف النتائج بإذن الله اللي ترضيك وبعد مرور الست أشهر تحرك للعملية الثانيه بكل ثقه وترى الدكتور محترف ولا تحاتي سالفة الشعر الخفيف وهذا اخونا ماجد وتجربته موجوده وشعره يتروالي اخف من شعرك وماشاء الله الأمور ماشيه حلاوه .
فلا تشيل هم هالسالفه يالغالي وأنساها نهائي .
 

meshal

متميز
صاحب تجربة
إنضم
17 أغسطس 2010
المشاركات
51
مستوى التفاعل
0
النقاط
6
ماشاء الله النتائج جدا كويسة والله يتمم لك في العملية الثانية كل خير ...

أخوي مشعل ودي أسألك الدكتور سوي عملية تعديل للندبة الاولى، ليش؟ هل كانت غير ناجحة؟

حياك الله يالحبيب أبومشعل وجزاك الله خير على الدعاء والندبه في العملية الأولى عاديه طال الشعر واختفت كما هو معتاد . لكن الكلام في الثانيه والمقصود إن المنطقه المانحه تم إستنزافها بشكل كبير فيتوجب من ذلك إصلاح الندبه بحكم انها اتسعت وهالعملية سعرها بروحها 3 الف ريال لحالها وهي من ضمن السعر المذكور .


ما شاء الله تبارك الله قضيت على الصلع الله يوفقك ويتمم لك على خير

موفق ياغالي وتسلم يدينك على التقرير والصور

شجعتني اسوي المنطقه الخلفيه ممكن بعد العيد اذا الله كتب

هلا بالغالي الأستاذ وإياك اخوي عبدالله وشاكر مرورك يالحبيب ويالله انت قبلي هلم للثانيه :)
 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
يعطيك العافيه اخوي مشعل كفيت ووفيت بالاجابات

موفق يالغالي
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
حياك الله يالحبيب أبومشعل وجزاك الله خير على الدعاء والندبه في العملية الأولى عاديه طال الشعر واختفت كما هو معتاد . لكن الكلام في الثانيه والمقصود إن المنطقه المانحه تم إستنزافها بشكل كبير فيتوجب من ذلك إصلاح الندبه بحكم انها اتسعت وهالعملية سعرها بروحها 3 الف ريال لحالها وهي من ضمن السعر المذكور .




هلا بالغالي الأستاذ وإياك اخوي عبدالله وشاكر مرورك يالحبيب ويالله انت قبلي هلم للثانيه :)

ههههههههههههههههههههههههههههههههههههههههههههههههههههههه


اقولك شي بس ماتضحك

توني ادري انه انت مشعل هههههههههههههههههههههههه فكرت عضو جديد منزل التجربه

اه بطني بموت ضحك والله مانتبهت للاسم

بجد ياااااااخوي مشعل ربي وفقك وادعي لك من كل قلبي انه يتمم لك على خير

وسلااااااامي على أهل الكويت كلهم ;)
 
إنضم
4 مايو 2011
المشاركات
1
مستوى التفاعل
0
النقاط
1
السلام عليكم
انا من الكويت ياليت احد يجاوبني اذا رحت الرياض عند نفس الدكتور بعد مااخلص العمليه متى اقدر ارد لاني ابي ارجع لبلدي بحاله جيده ما اكون تعبان
وسؤال ثاني تكلفه العمليه للمنطقه الاماميه بس او الاماميه والخلفيه لان الصلع عندي نفس الي بالصوره
واكون شاكرلكم
تحياتي
 

يآرب حقق مرآدي

متميزة
صاحبة تجربة
إنضم
29 يوليو 2010
المشاركات
478
مستوى التفاعل
0
النقاط
16
ماشاء الله عليك
جزمت وسويت عمليه ثانيه وانت لسى ماشفت النتائج الكامله للعمليه الاولى بعد مرور سنه لها
عساها خيره لك يارب وتشوف النتائج الي ترضيك
والحمدلله على السلامه
مشكور ماقصرت
 

ابو بدر

متميز
صاحب تجربة
إنضم
1 أبريل 2011
المشاركات
2,666
مستوى التفاعل
3
النقاط
38
السلام عليكم
انا من الكويت ياليت احد يجاوبني اذا رحت الرياض عند نفس الدكتور بعد مااخلص العمليه متى اقدر ارد لاني ابي ارجع لبلدي بحاله جيده ما اكون تعبان
وسؤال ثاني تكلفه العمليه للمنطقه الاماميه بس او الاماميه والخلفيه لان الصلع عندي نفس الي بالصوره
واكون شاكرلكم
تحياتي



عليكم السلام اخوي فوبيا الصلع

بعد ماتخلص العمليه يلزم حضورك للعياده من بكرا عشان يغسلون شعرك ويعلمونك طريقة غسل الشعر بالبيت واشياء اخرى
وبالنسبه للتعب مافيه تعب يذكر والحمدلله في العمليات هذي ومن خلال تجربتي ماحسيت باي تعب بعد العمليه لانها تخدير موضعي وبامكانك تتحرك عادي بس الافضل طبعا انك ترتاح يوم او يومين اقل شي بحكم ان المسافه طويله عندك
واذا تقول مضطر اني ارجع عادي تقدربس يفضل يكون معك خوي عشان يسوق
واذا كانت الرجعه بطياره انا اشوف انه عادي جدا ترجع بعد ماتغسل شعرك عندهم

بالنسبه سؤالك للتكلفه تختلف اسعار الاطباء وتختلف نوع العمليات

رايي تكتب موضوع خاص بك تطلب فيه استشاره وتنزل لك صوره او صورتين للشعر وتكون واضحه عشان تقدر تحصل افادة من مختصين ومجربين واعضاء عن حالتك

موفق اخوي
 

meshal

متميز
صاحب تجربة
إنضم
17 أغسطس 2010
المشاركات
51
مستوى التفاعل
0
النقاط
6
يعطيك العافيه اخوي مشعل كفيت ووفيت بالاجابات

موفق يالغالي

الله يعفيك وإياك يالحبيب وما قصرت على تكلفك بالرد لأخونا السائل :)

ههههههههههههههههههههههههههههههههههههههههههههههههههههههه


اقولك شي بس ماتضحك

توني ادري انه انت مشعل هههههههههههههههههههههههه فكرت عضو جديد منزل التجربه

اه بطني بموت ضحك والله مانتبهت للاسم

بجد ياااااااخوي مشعل ربي وفقك وادعي لك من كل قلبي انه يتمم لك على خير

وسلااااااامي على أهل الكويت كلهم ;)

الله يوفقك يالحبيب ويسلمك من كل شر :)
ومو منك يا أستاذ :d

ماشاء الله عليك
جزمت وسويت عمليه ثانيه وانت لسى ماشفت النتائج الكامله للعمليه الاولى بعد مرور سنه لها
عساها خيره لك يارب وتشوف النتائج الي ترضيك
والحمدلله على السلامه
مشكور ماقصرت

الله يسلمك ويحفظك جزاك الله كل خير شاكر مرورك :)
 
إنضم
29 مارس 2011
المشاركات
66
مستوى التفاعل
1
النقاط
8
الف مبروك ماشاء الله النتائج تبشر بالخير اخوي بسألك اانا سويت زراعة قبل 15 يوم ولسى ما تساقط الشعر المزروع متى يسقط بالعاده ؟
 

meshal

متميز
صاحب تجربة
إنضم
17 أغسطس 2010
المشاركات
51
مستوى التفاعل
0
النقاط
6
الله يبارك فيك وياهلا اخوي وسام راح تلاحظه يتساقط هاليومين مع ظهور قشرة .
 

fayssalro

New Member
إنضم
10 أغسطس 2010
المشاركات
22
مستوى التفاعل
0
النقاط
1
السلام عليكم
ولكن الصورة الخلفية وكأنها ليست لنفس الشخص

يعني لا تشبه الصور الأولى؟؟؟؟؟
 

meshal

متميز
صاحب تجربة
إنضم
17 أغسطس 2010
المشاركات
51
مستوى التفاعل
0
النقاط
6
السلام عليكم
ولكن الصورة الخلفية وكأنها ليست لنفس الشخص

يعني لا تشبه الصور الأولى؟؟؟؟؟

أخوي أطمنك هذي صوري ويمكن لأن الثانيه صورتها بعد يومين بتلفون ثاني اوضح كاميرا 8 ميجا بيكسل .
 
إنضم
21 مايو 2010
المشاركات
143
مستوى التفاعل
0
النقاط
16
الحمد لله على السلامه وان شاء الله تعجبك النتائج يارب
 
أعلى