bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

علاج لثعلبه

إنضم
23 يوليو 2016
المشاركات
1
مستوى التفاعل
0
النقاط
1
السلام عليكم ورحمة الله وبركاته

اسعد الله أوقاتكم

اخواني انا صارت فيني ثعلبه بقعه وحده وما أكتشفتها الا ببداية رمضان , وسألت ناس صارت فيهم واوصفو لي ][ صالون رجالي بالكويت باكستاني الجنسيه ][ ورحت له وحط علاج وما فاد ,, من ثم قريت بالانترنت وقالو عليك بالثووم , وانا ما قصرت قمت افرك فيها بالثوم لين يطلع دم ويومياً على هالحال وفجاه مع الوقت صارت حمره وسااابه وتحك بزيادة .. ورحت لمستشفى الملك سلمان بالرياض وفي دكتور شافها وقال ملتهبه من الثوم واعطااني علاج حق اللتهاب][ فيوسيدين ][ قال استعمل هذا لمدة 7 ايام لين يخف الاللتهاب وبعد السبع ايام قال تستخدم][ هيرجين , خاص بالرجال و عطاني ثاني بتنوفيت ][ إذا تعرفون هالادويه تفيد مع الثعلبه او توصفوني وصفه ,, انا على وجه زواج واكون شاكر لكم

ارجو مساعدتي
 

ولد نجد 1

Active Member
إنضم
27 أغسطس 2014
المشاركات
2,704
مستوى التفاعل
0
النقاط
36
رد: علاج لثعلبه

شوف الثعلبة سببها من المناعة يعني جهاز المناعة عندك فيه خلل وصار يهاجم بصيلات الشعر على انها عدو للجسم عشان كذا تسقط البصيلات وتصير على شكل بقعه دائرية خاليه من الشعر وبعضهم تجي بقعتين وبعض الناس تجيهم الثعلبة كاملة على كل شعر الجسم يعني السبب مناعي بحت وليس نقص فيتامين ولا صلع ولا شي والثعلبة ماينفع معها لازيوت ولا ثوم ولا منكسيديل ولا بخاخات حتى لو طلع الشعر مجرد تترك العلاج يطيح الشعر علاجها الوحيد وللاسف علاج مؤقت هو الحقن بالكورتزون يعني الدكتور يضربك ابره كورتزون ويدخل الكورتزون لجسمك ويهبط جهاز المناعة عندك بحيث يخليه مايهاجم الشعر بعدها يطلع الشعر عادي بس للاسف مثل ماقلنا هو علاج مؤقت مجرد مايبدا الجسم يتخلص من مادة الكورتزون ترجع المناعة تتلخبط وتهاجم البصيلات وحقن الكورتزون انواع فيه حقن تدون شهر وفيه ثلاث شهور ومشكلته الكورتزون لانه يهبط جهاز المناعة فهوا ايضا يتسبب باضرار جانبية خصوصا لما تحقن اكثر من مره مثلا من اضرارة ترقق الجلد يصير الجلد حساس من اشعه الشمس واي حرارة يكو احمر ويحك وايضا من اضرارة من كثرة الاستخدام ترقق العظام ويرفع مستوى السكر بالدم عشان كذا المصابين بالسكر ممنوع يحقنون كورتزون الا بحالات ضرورية جدا فالثعلبة للاسف مالها حل نهائي الا اذا جهازك المناعي عقل وتعوذ من ابليس ورجع يعمل زي الناس وصار مايهاجم اي عضو بالجسم بعض الناس تستمر لخبطة الجهاز المناعي عندهم سنة وبعضهم سنتين وبعضهم خمس وست على حسب يختلفون الناس .. وبلاخير اذا انت على وجه زواج قبل زواجك بشهر احقن ابره كورنزون حق ثلاث شهور ويطلع الشعر بس بعد الزواج بشهرين او اقل تلاحظ انه يسقط وتطلع الثعلبة لان المادة طلعت من جسمك بس انت تستفيد وقت الزواج والسفر شهر العسل ولازم تتاكد قبل الحقن انك سليم خصوصا السكر وهشاشه العظام مايصلح لهم الكورتزون الا اذا اخذوا معاه ادوية معينه .. وربي يساعدك ولاتضيع فلوسك على بخاخات وزيوت وثوم لانك او ماتتركها بيطيح الشعر وممكن تحوس باقي الشعر السليم.
 

كوكتيل

Member
إنضم
19 يناير 2016
المشاركات
477
مستوى التفاعل
2
النقاط
16
رد: علاج لثعلبه

اخي طنش ولا تشيل همها وان شاء الله يرجع كل شي كما كان الثعلبة تجي وتروح من نفسها انا زميلي جاته ثعلبة دوائر على راسه كله حتى المدرسه فصلوه وتعافى من نفسه والحين ما شاء الله عليه كثافه وشعر ودايم يحلق صلعه خايف ترجعله وهذا ما الاحظه على الي فيهم ثعلبه انهم يحلقون صلعة واظن انها مفيده لهم وشوف الطريقة الصحيحية لعمل الثوم ووضعه لانه يجيب نتيجة مع الثعلبة .
 
أعلى