زراعة الشعر افضل طبيب زراعة شعر في تركيا افضل مركز لزراعة الشعر زراعة الشعر في تركيا

آخر المشاركات

زراعة الشعر في الصينافضل دكتور زراعة شعر
افضل مركز زراعة شعرزراعة الشعر في تركيا
مساحة إعلانية متاحة|زراعة الشعر في تركيامساحة إعلانية متاحة
إضافة رد
 
أدوات الموضوع
قديم 04-04-2017, 03:47 PM   #1
عضو جديد


الصورة الرمزية The truth
The truth غير متواجد حالياً

بيانات اضافيه [ + ]
 رقم العضوية : 32625
 تاريخ التسجيل :  Apr 2017
 أخر زيارة : 22-05-2017 (11:57 PM)
 المشاركات : 1 [ + ]
 التقييم :  10
افتراضي تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

السلام عليكم
بدخل بالموضوع مباشره..
انا بنت شعري جميل و يعتبر كثيف نوعاً ما لكن مع الحجاب ويمكن عوامل أخرى صارت مقدمة شعري خفيفة و ضايقني الموضوع و كمان جبهتي كبرت..
و لصعوبة سفري خارج المملكة للزراعه و الاختيار من عدة مستشفيات و متخصصين طبعا اضطريت اسويها هنا في السعوديه..
سمعت عن مستشفى الموسى انه تعاقد مع فريق تركي يجي اسبوع كل شهر للأحساء..
توكلت على الله و حجزت عندهم بعد عدة أيام من الاتصال الين بطلوع الروح ردوا على جوالهم الخاص بالتنسيق، و لما ردت الاخت المنسقه تحسها تبي تتضارب معاك اسلوب جدا سيء و بعيد عن الاحترافيه.. قلت خلاص يا بنت طنشي يمكن الشغل نفسه كويس..
قالت لي ارسلي صور شعرك و راح ارد عليك
المهم ارسلت الصور و مرت أيام بدون أي رد الين اتصلت و تشادينا بالكلام ايضا بسبب التأخير وبسبب انها تتصل عليك دقه و تسكر يعني انتوا ارجعوا كلموها!!!!




المهم عملت موعد .. فقط .. بدون ارشادات بدون تنبيه او اي اسئله طبيه او طلب فحوصات مسبقه .. و طلبوا مني عربون !!
طيب عربون وانا لسا ما شفت الدكتور؟؟




تنسيق فقير جداً .. المهم رحت الاحساء و اخذت غرفه في فندق كورال لانه اقرب شي تروحله مشي طبعا الفندق تجربه سيئه أخرى بمعنى الكلمه الشقق المفروشه احسن منه بمليون مره .. مابي اطول بالكلام عنه لكن سييييء جدا السرير وصخ صوت قاعة الزواج كأن العرس عندك بالغرفه .. معسلة الايدين مسدوده و تطفح مويه .. اللمبات محروقه غير نفسية الاستقبال السسسسسيئه حدا كأنك عدوهم ..*
عموما التجربه ككل كانت سيئه والوحده بوضع زي كذا تحتاج نفسيه حلوه ومراعاه لان الاجراء جداً حساس..
المهم وصلت للعياده كل اللي في الاستقبال عرف معلوماتي كامله ورقم جوالي واسمي مافيه اي خصوصيه .. كان فيه موظفة الاستقبال اسمها سُكينه تونسيه رائعه و ذوق و محترفه صراحه الله يذكرها بالخير هي الشي الوحيد الكويس في كل هالرحله العلاجيه فهمت بسرعه اني متضايقه وعرفت تتعامل معاي بكل ذوق .. المهم جات لحظة الدخول على العياده عند الدكتور ارباتشي ارباجي .. اوكي وش اقول ووش اعبر؟ دكتور نفسيه انجليزيته سيئه لا يسلم و لا عرف بنفسه و لا شرح العمليه و لا اي شي ممكن تتخيلوه .. جالس على كومبيوتره و جواله .. فجأه بدون مبالغه قام و فتح القلم و بدأ يرسم على جبهتي !!! قلتله لحظه عندي اسئله واستفسارات انا جيت بمعلومات عامه من النت او من اصحاب تجربه سابقه لكن احتاجك انت تشرح وضعي .. رمى القلم ورجع على كرسيه منفس يتصنع ابتسامة اللي يلا خلصينا !! طيب انا توي دخلت ماامداك تطفش اصلا !! المهم بالعله يفهم مقصدي و بالعله يرد و الممرضه العسوله اللي معاه تحاول ترقع و تشرح لانه واضح اني توترت..
المهم رسم الجبهه رسمه غير متناسقه زي رسمة الرجال و بعيده جدا عن خط الشعر الطبيعي قلت له لا رجعها شوي ورا المهم انواع الشخبطه وعدم التوازن طيب اذا ما تبي تشتغل ياخي مو غصب ترا .. يعني شغلك هذا بيحدد مصير شكل بنت العمر كله مو معقول ما يحسون او يفهمون هالشي ..*
الموضوع اللي ضايقني فجأه رفع جواله و قام يصورني بدون اذني !!!! المهم انا هنا تضايقت كثير و قلت سوري لازم اغطي وجهي عالاقل او تستأذن مني ، قممممة قلة الادب و الاحترام يا ناس مااقدر اوصفلهم كيف قلة الذوق ..
المهم جا وقت يعطوني ابره ماعرفت الممرضه تسويها وقامت نادته .. جا بكل بساطه بدون قفازات وبدون كحول على ايده و دخلها بقوه في يدي ومشيت الموضوع وطنشت قلت يابنت يمكن كذا طبع الاتراك منفسين و خشنين .. المهم قالت الممرضه انتظري هنا بالعياده وطلعت قام هو قاللي اطلعي انتظري برا بكل قلة ذوق .. انا هنا نفسيتي خلاص طاحت بالارض لاني متوتره بس ماسكه نفسي .. طلعت رحت لسكينه وقامت تقول لا تخافي انا معاك و اشرحلك كل شي الله يسعدها و كمان كل شوي تطل علي في غرفة العمليه ..
المهم صار وقت العمليه اقسم بالله يدخلون الغرفه يشوتون الباب من النفسيه اللي فيهم ثلاثه مساعدين كأنهم عصابه و كأني قتلت لهم احد كل شوي أفز اذا احد دخل شلة عرابجه .. لا سلام ولا كلام و لا تعريف بأسمائم او حتى وش الخطوه الجايه اللي بيسوونها والله يشهد على كلامي فجأه مسكوا شعري بيبدوون تحليق و اخذ كميه كبيييير من شعري قلت لا لحظه الدكتور قال 2 سانتي فقط و يتأففون و يعورون شعري .. بحياتي ماحسيت بخوف مثل كذا .. وجا اكبر عربجي فيهم يتأفف و يحط ايديه على خصره يعني وبعدين معاك ؟؟ المهم جا الدكتور قالهم ايه ايه احلقوا بس كذا و بكل دفاشه حلقوا المنطقه ما كأنهم يحلقون لبنت بتفقد شعرها الطويل !!! المهم اضطريت اكون لطيفه معاهم وافتح حوار لعل وعسى ارتاح شوي و بس يتكلمون تركي و اصواتهم عاليه غير دفاشة الشغل قطططع شعري الباقي بيده واحد منهم مره عربجي طويل وعريض و مسوي زراعه هو بعد .. واحد منهم كان لطيف شوي بعد ما حاولت اتكلم معاه .. و لا يسمعون لك و لا يعبرونك و لأول مره بحياتي أحس اني قطعة أثاث مو آدميه لحم ودم ويقولون الاتراك رومانسيين و لطيفين لا والله الا نفسيات و دفاشه و قلة ذوق و احترام .. المهم يبدو ماعندهم خبره مع النساء لان المناطق غير متساوية الزراعه و لا التوزيع و أهم منطقه بمقدمة جبهتي اللي رحت اصلا عشانها مازرعوها !!! طيب ليش انا متكلفه وجايه ؟!*
الدكتور يفتح القنوات و هم يزرعون فيها .. هو فتح فيها قنوات و هم طنشوها يعني تجرحت عالفاضي..*
المهم خلصت خمس ساعات متواصله كنت مابين نومه وقومه على دفاشتهم الله ياخذهم .. المهم المصيبه وين ماعندهم غسيل شعر !!!!!! نعم ؟؟ طيب والحل يعني ؟
قالوا نرسل لك فيديو شوفيه وطبقيه احنا في تركيا نغسل شعر المريض لكن هنا ما وفرولنا المغسله!!
المهم طلعت من غرفة الاجراء حق العرابجه العصابه اللي طول الوقت يتأففون ويرمون الاشياء و يسكرون الباب ويفتحونه بقوه ورحت لعيادة الدكتور .. جيت لقيته برضو على جواله وكومبيوتره ولا حتى قام يشيك على الشغل وهل فيه مناطق ماانزرعت كان صححتها من وقتها ..




المهم الممرضه الفلبينيه العسوله أصرت انها تصرف لي ادويتي و تمشي معاي لما الفندق وقالت تعالي بكره عشان نشيل الغيار من فوق المنطقه المانحه..
رجعت ثاني يوم و شالتها و جا هذا ارباجي او ارباتشي كالعاده دخل العياده بدون سلام ولا كلام وقام يشيك عالشغل قلتله هنا منطقه ما زرعتوها يقول الا الا قلت انتظر الى هنا حدك وخلاص انا اقولك مو مزرووعه مو عمياء انا قال ايه بس الحين مانقدر نزرع شي عشان المنطقه مورمه بعد فتره تعالي وممكن نسويلك مراجعه للمناطق اللي فاتتنا !!
والله مااكذب عليكم..
انا وقتها خلااااااص ابي اسافر ارجع ضاقت فيني الدنيا*
لا شرح زي الناس و لا توضيح و لاشي حتى الفيديو حق غسيل الشعر بالعله ارسلوه اقعد اطاردهم اتصل كل شوي اقول وين الفيديو ؟
المهم صار تورم في الحبهه وقالوا متوقع يعني و المخدات و السرير كللللللللله دم دم دم و جسمي نزل عليه دم لانهم بخوا شعري بمويه قبل مااطلع وصخوه زياده ..*




الاجراء من هذا النوع حساس جدا لاي انثى او حتى رجل ايضا..
العامل النفسي مهم جدا جدا جدا*
لا تصاحب المرضى لكن عالاقل اشتغل باحترافيه عرف باسمك اشرح العمليه جاوب عالاسئله لازم مهارات الاتصال سواء مع مريضك او فريقك تكون ممتازه مو يجي بالصدفه بعدين يقول لا لا تحلقون كثير ما تبي حلاقه كثير كانوا على بعد ثانيه من حلاقة نص شعري !!




ندمانه على هذي التجربه وغير سعيده فيها و ما أخفيكم بكيت كثير بعد العمليه و اثناء التعافي و ناويه بعد ما يطلع الشعر أعدل الرسمه البايخه اللي سواها عن طريق ازالة الشعر بالليزر يعني شعر صحي و خسرته من ورا ومن قدام بس عشان العجنهيه و الدفاشه اللي فيهم ..*




تكلفة العمليه*
9700
غير شامله للادويه*
فقط كريم مرطب وشامبو اطفال
و ايضا جلسات البلازما المستقبيله على حسابي*



 
أخر مواضيع

0 تجربتي السيئة جدا في زراعة الشعر عند الطاقم التركي في مستشفى الموسى في الاحساء



رد مع اقتباس
قديم 14-04-2017, 10:09 AM   #2
عضو جديد


الصورة الرمزية ساحة تفحيط
ساحة تفحيط غير متواجد حالياً

بيانات اضافيه [ + ]
 رقم العضوية : 32714
 تاريخ التسجيل :  Apr 2017
 أخر زيارة : 02-07-2017 (06:12 PM)
 المشاركات : 3 [ + ]
 التقييم :  10
افتراضي رد: تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

السلام عليكم اختي*

انا سجلت بالمنتدى بعد ماقرأت موضوعك ..

انا قمت بزراعه شعري قبلك وماواجهت ولا مشكله من اللي ذكرتيها بالعكس تماماً

بالنسبه للاستقبال او الاتصال عليهم*

انا ردوا علي متأخر شوي ولاكن موهم لاني كنت داقه رقم غلط ولما حولوني على الرقم الصحيح ردوا علي وفتحت ملف حتى والامر تم بسرعه ومااخذ من وقتي*

اما بالنسبه للمنسقه صحيح ماترد على الواتس يمكن انها مشغوله *لما اتصل ترد علي بنفس حلوه ولما اتصل وماترد ترجع تتصل علي مره ثانيه اما بالنسبه للدكتور فهو موعربي بالاضافه *يمكن يكون *مومسلم فسالفه السلام وكذا مفروض لما دخلتي عليه سلمتي يكفي *وانا لما تكلمت*معاه رد علي وشرح لي وفهمني اللي ابي افهمه*

وحتى اللي معه كانت روحهم حيل حلوه معي*

والطاقم الطبي بعد كانوا حيل محترمين يعني ابد ماتضايقت من تصرفاتهم ولا حتى اثناء العمليه الا بالعكس حتى موسيقى شغلوا لان الواحد يحتاج اصلاً تكون نفسيته زينه بالتالي هذي بتأثر على عمليتك فالمفروض ابد ماتكونين متضايقه او تبكين

وملاحظه : مادخلت العمليه الا وانا عارفه تماماً كم عدد البصيلات وكيف شكلي بيكون والخ .. وغير كذا اللي كانت مع الدكتور كانت تقول لي لو احتجت اي شيء اتواصل معهم بالتالي مايقدر الدكتور يعطيك كل المعلومات في عيادته .. ويعطونك ورقه فيها الاشياء المفروض تعملينها بعد العمليه وايش مفروض تتجنبين ومايمنع تقرأين اختي*


 
أخر مواضيع

0 مشكله في الشعر المزروع
0 مستشفى الموسى *******



رد مع اقتباس
قديم 14-04-2017, 02:59 PM   #3
عضو نشيط


الصورة الرمزية الذكري الخالدة
الذكري الخالدة غير متواجد حالياً

بيانات اضافيه [ + ]
 رقم العضوية : 32623
 تاريخ التسجيل :  Apr 2017
 أخر زيارة : 26-07-2017 (04:29 PM)
 المشاركات : 41 [ + ]
 التقييم :  10
افتراضي رد: تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

السلام عليكم والله اختي انا قمت أيضا بالزراعه عندهم وماوجهني اي شئ لله الحمد وعملت موضوع بتجربتي كاملةحتي مقطع الفيديو المنسقة رسلته لي بعد زراعتي بيوم بدون ما اذكرها معكي في موضوع انجليزية الدكتور ولكن هو يتحدث السهل عليه فقط عموما لاتشيلي هم طالما بيراجعون حالتك بالتوفيق


 
أخر مواضيع

0 تجربتي لزراعة الشعر بمستشفي الموسي بالإحساء (الهفوف)
0 ضروري جدا اخواني اتمني ردودكم السريعه
0 سؤال لأهل الخبرة في زراعة الشعر لاتبخلو علينا



رد مع اقتباس
قديم 21-04-2017, 03:08 PM   #4
عضو جديد


الصورة الرمزية لمسة حلا
لمسة حلا غير متواجد حالياً

بيانات اضافيه [ + ]
 رقم العضوية : 31467
 تاريخ التسجيل :  Nov 2016
 أخر زيارة : 29-04-2017 (10:58 PM)
 المشاركات : 10 [ + ]
 التقييم :  10
افتراضي رد: تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

سويت زراعه هل من الضرري اخذ جلسات بلازما؟؟؟؟


 
أخر مواضيع

0 ادوية الزراعه .. فين احصلها
0 وبفضل من الله تمت العمليه
0 بلازما للشعر بعد العملية



رد مع اقتباس
قديم 21-04-2017, 10:08 PM   #5
عضو نشيط


الصورة الرمزية الذكري الخالدة
الذكري الخالدة غير متواجد حالياً

بيانات اضافيه [ + ]
 رقم العضوية : 32623
 تاريخ التسجيل :  Apr 2017
 أخر زيارة : 26-07-2017 (04:29 PM)
 المشاركات : 41 [ + ]
 التقييم :  10
افتراضي رد: تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

البلازما مهمة وتقوي الشعر وتحيب نتائج حلوة وانتي تزرعين اغلب المراكز تعطي جلسة لو لاحظتي نتيجة لتحسن بعد المناطق اللي كانت خفيفة قبل العملية بعد شهر من الجلسة لاتتردي في أخذها مرة اخري


 
أخر مواضيع

0 تجربتي لزراعة الشعر بمستشفي الموسي بالإحساء (الهفوف)
0 ضروري جدا اخواني اتمني ردودكم السريعه
0 سؤال لأهل الخبرة في زراعة الشعر لاتبخلو علينا



رد مع اقتباس
قديم 05-05-2017, 01:46 PM   #6
عضو نشيط


الصورة الرمزية palestine
palestine غير متواجد حالياً

بيانات اضافيه [ + ]
 رقم العضوية : 14931
 تاريخ التسجيل :  Mar 2013
 أخر زيارة : 26-07-2017 (08:29 PM)
 المشاركات : 47 [ + ]
 التقييم :  10
افتراضي رد: تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

السلام عليكم
اختي أهم شي تكون النتائج مرضية

وانا أفكر اسويها عندهم لكن ترددت بعد تجربتك


 
أخر مواضيع

0 استفسار عن عيادة لأهل الشرقية
0 تجربتي بدون نتائج مع هالمنتج
0 استفسار عن خلطة بسيطة للشعر
0 زيت الدكتور موفق الحصان
0 الي بيزرع من أهل الشرقية



رد مع اقتباس
قديم 13-05-2017, 05:46 AM   #7
عضو جديد


الصورة الرمزية ali1989
ali1989 غير متواجد حالياً

بيانات اضافيه [ + ]
 رقم العضوية : 32953
 تاريخ التسجيل :  May 2017
 أخر زيارة : 26-07-2017 (03:52 PM)
 المشاركات : 27 [ + ]
 التقييم :  10
افتراضي رد: تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

مومهم معاملتهم اهم شي النتايج كيف


 
أخر مواضيع

0 كم احتاج بصيله لكثافة طبيعية
0 الشعر الخشن بعد الزراعه



رد مع اقتباس
قديم 13-05-2017, 05:48 AM   #8
عضو جديد


الصورة الرمزية ali1989
ali1989 غير متواجد حالياً

بيانات اضافيه [ + ]
 رقم العضوية : 32953
 تاريخ التسجيل :  May 2017
 أخر زيارة : 26-07-2017 (03:52 PM)
 المشاركات : 27 [ + ]
 التقييم :  10
افتراضي رد: تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

انا الي اشوفه في زراعات الشعر على اليوتيوبلا ومن تجارب الاعضاء هنا

ان رسم مقدمة الراس سئ جدا يعني انا لو زراعة شعر انا اقرر كيف شكل مقدمة الراس مو هو والشي الي يناسب وجهي


 
أخر مواضيع

0 كم احتاج بصيله لكثافة طبيعية
0 الشعر الخشن بعد الزراعه



رد مع اقتباس
قديم 01-07-2017, 06:57 PM   #9
عضو جديد


الصورة الرمزية بذرة امل
بذرة امل غير متواجد حالياً

بيانات اضافيه [ + ]
 رقم العضوية : 33476
 تاريخ التسجيل :  Jul 2017
 أخر زيارة : 03-07-2017 (02:56 PM)
 المشاركات : 8 [ + ]
 التقييم :  10
افتراضي رد: تجربتي السيئة جدا في زراعة الشعر عند الطاقم التركي في مستشفى الموسى في الاحساء


تجربتي السيئة جدا في زراعة الشعر عند الطاقم التركي في مستشفى الموسى في الاحساء

النتيجه النهاىي في شعر نبت او لا


 
أخر مواضيع

0 هل تناسبني زراعه



رد مع اقتباس
إضافة رد

الكلمات الدلالية (Tags)
مستشفى الموسى، الاحساء، السعودي التركي، ارباتشي، ارباجي، زراعة جبهه، زراعة شعر


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه للموضوع: تجربتي السيئة جدا في زراعة الشعر عند الطاقم التركي في مستشفى الموسى في الاحساء
الموضوع
تجرتبي زراعة الشعر في مستشفى الموسى بالإحساء عند الدكتور محمود أبو طبل
مستشفى الموسى پ الاحساء


الساعة الآن 03:46 AM

خريطة المنتدى



Powered by vBulletin® Copyright ©2000 - 2017, Jelsoft Enterprises Ltd.
Content Relevant URLs by vBSEO 3.6.0 PL2


HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education

rss - XML - HTML