زراعة الشعر افضل طبيب زراعة شعر في تركيا افضل مركز لزراعة الشعر زراعة الشعر في تركيا

آخر المشاركات

زراعة الشعر في الصينافضل دكتور زراعة شعر
افضل مركز زراعة شعرزراعة الشعر في تركيا
مساحة إعلانية متاحة|زراعة الشعر في تركيامساحة إعلانية متاحة
إضافة رد
 
أدوات الموضوع
قديم 20-08-2011, 02:28 AM   #1
عضو نشيط


الصورة الرمزية القصيمي
القصيمي غير متواجد حالياً

بيانات اضافيه [ + ]
 رقم العضوية : 4389
 تاريخ التسجيل :  Apr 2011
 أخر زيارة : 26-09-2013 (11:24 AM)
 المشاركات : 29 [ + ]
 التقييم :  10
افتراضي تقرير غيرعن زراعة الشعربمستشفى cevre باسطنبول


تقرير غيرعن زراعة الشعربمستشفى cevre باسطنبول

بسم الله الرحمن الرحيم

الاخوة الافاضل اعضاء المنتدى

التقرير مقسم الي ثلاثة اقسام

البحث والتخطيط-المستشفى-التجربه

البحث والتخطيط للرحلة العلاجيه

كغيري من الأعضاء المعاناة طويلة والرغبة شديدة في ايجاد علاج
ملاحظة:اللي مايحب كثر الكلام والتفصيل يشوف الارقام والصور

في البداية زرت مستشفى **** قبل خمس سنوات وطلبو مني 18000 ريال للزراعة عن طريق قص الشريحة لم اقتنع بكلام الدكتور لسببين الاول ندبة الشريحة والسبب الاخر ان الدكتور قالي تستخدم بخاخ مدى الحياة

بالصدفة وجدت هذا الموقع الرائع وبداءت البحث فيه والمقارنه وكنت مستبعد الشريحة مع ان منطقة الصلع عندي كبيرة فضلت الاقتطاف لعدم وجود ندبه ولعودة نمو الشعر في المنطقة المناحة كما تفضل احد الاعضاء ممن زرعوا في تركيا
كنت اقارن السعر والجودة والتجارب المعروضة فكانت ايران افضل ماطرح في المنتدى راسلت مسعود وقالي ان منطقة الصلع كبيرة عندك ولازم نزرع على مرحلتين يعني سفرتين فكرت اسافر بعد عيد الفطر بفترة مع متابعة مايطرح بين فترة واخرى لفت انتباهي تقارير الاخوان عن مستشفى cevre بتركيا حيث كانت التجارب مقنعة والسعر لعملية الاقتطاف مناسب لكونه 2400 يورو ومايميز المستشفى ان السعر يشمل الاقامة مع الوجبات والعناية والعلاج استخرت وقررت الذهاب في اقرب فرصة اتصلت بالاخ بهاء الدين بعد ان اعطوني الشباب في المنتدى جزاهم الله الف خير رقمه وايميله وتفاوضت معه على السعر ونزلي مئتان يورو مع اني ما فاصلتة كثير عشان يتوصى بي المهم حجزت على رحلة يوم الخميس الموافق 2011/8/18 الاقلاع الساعة 2:20 ليلاً على الطيران التركي بسعر2100 ريال والوصول الساعة 6 صباحاً تاخرت بالخروج من المطار لوجود زحمة في المطار ولعدم علمي بمكان شراء الفيزة فكان فيه سعودي وعائلة امارتيه ماسكين سرى وهم واصلين قبلي بفترة وقدامي بالسرى بعد عشر دقائق وصلهم السرى وطلبت الموظفة بالمطار من الشاب السعودي استخراج الفيزه بنبرة حادة <<<<ابوك ياللغة بلاي من حر ما اوجس منه ولولا خوفي من اتاخر على السواق كان تلاقطت معه لانه حاقدة على العرب على ما يبدو – المهم راح الرجال يفيز ولحقه الرجال الاماراتي وعائلته يبي يفيزون انا بيني وبينهم سرى طويل طلعت من السرى ولحقتهم عشان اعرف مكان استخراج الفيزه <<< طيب قنا وينه لا نضيع مثلك المكان بعد ماتلقى الناس ماسكين سرى على كونترات الجوازات بعده مباشرة على اليمين تلقاه مثل مكاتب بيع العمله – استخرجت الفيزة بمبلغ 25 دولار والسعودي فيز وخلص الاماراتي مدري وش صار عليه وسمعته يقول انهم قالو له الاماراتيين مايطلب منهم فيزه ورحت امسك سرى الربع شافو غيرالسعلوه عشان ماتهاوشهم انا رحت له هي بشوف وش سالفتها المهم فتحو مكاتب زحمة وتفرقت الناس صارت الساعة 6:30ص دق علي بهاء الدين قلت له عشر دقايق وانا عند السواق وصلت موظفة الجوازات القشرى ام عيون زرق تقل اسرائليه >>قلت انا اوريك مفطر مفطر الله لايعوق بس تذكرت اني متاخر على السواق وبتمشكل معه مانب طالع الا الساعة 9 تعوذت من الشيطان وقلت خل اطلع مكان الفيزه عشان تعرف اني فاهم وماتلقى علي شي <<<اقول اخلص صارت سالفه (طيب)جلست ادور الفيزة وقلب بالصفحات المليانة ختوم مالقيته مدري عشانه صغيره ولا من الحماس جتن الصيحه وانا افرك بصفخات الجواز وماقدامي الا حرمه جالسة تخلص الختم المهم لقيته الحمد لله وفتحت على الصفة وسلمته اياه قلبت الجواز ولقت كل شي تمام قالت ارفع الكاب عاد تخبرون وش تحته رفته شوي وهاشتن قالت افسخه كل هذا باللهجة التركي واشرت للكمره تقول بتصورك هذا اللي فهمته قلت يالله خل نفرج الناس على النظرة الاخيرة لصلعتي ورفعت القبوع وطالعت في الكمرة وبتسمت ابتسامة ساخرة لتصوير مشاهد اخر موقف محرج لي بسبب صلعتي الموقرة تقرير غيرعن زراعة الشعربمستشفى cevre smile.gif ختمت الجواز الله لايوفقها واخذته وانا ودي ادخل انتفه المهم--- خرجت لستلام امتعتي ولم اجد مكانها لاني اتجهت الي اليمين ووصلت حتى اخر رقم واضنه رقم 11 سالت موظف في المطار عن مكان امتعة رحلتي برقم الرحلة ووجهني للمكان رقم 4 <<<طيب علمنا وينه وانت طالع تلقاه على يدك اليسار تلقى رقم الرحلة في منتصف السير وبعدين – اخذت امتعتي وخرجت بالمناسبة معي كمرا نكون احترافيه ولاب توب وهاردسك عشان ما أمل بعد العملية وجدت السائق الخاص بالمستشفى في انتظاري على سيارة حديثة وجميلة مطبوع على بابها رابط واسم المستشفى وكانت الساعة تقريبا 6:50 وهاذي صورة السائق واعتذر عن جودتها لكوني لم اظبط اعدادت الكميرا

تقرير غيرعن زراعة الشعربمستشفى cevre www.hairarab.com408a


التجربة
الطريق من مطار اسطنبول للمستشفى تقريبا ربع ساعه بالكثير وصلت للمستشفى وسلمتهم جوازي وجلست في اللوبي وهذه صورة له


تقرير غيرعن زراعة الشعربمستشفى cevre www.hairarab.com39be


بعد دقائق جاء بهاء الدين وسلم علي وطلب لي شاي وقال تعال نجلس برى واخذت له هالصورة



تقرير غيرعن زراعة الشعربمستشفى cevre www.hairarab.come319


جلسنا نسولف وقلت له تراي مانسيت السكري اللي وعدتك به قال طازج قلت افى عليك وهو ضميد وش اقوله لا تقرير غيرعن زراعة الشعربمستشفى cevre biggrin.gif المهم يحمد ربه سكري القصيم من قده
شربنا الشاهي وطلعنا لغرفتي غرفة صغيرة بدورة مياة الله يعزكم وثلاجة صغيرة زي أي مستشفى المهم قلت متى موعد العملية قال لازم ترتاح ساعة قبل التحليل عشان الظغط الجوي ومن هالفلسفه انسدحت بالسري اشوي الا اسمع سعوديين يسولفون ويضحكون عند الباب اشوي الاطق الباب وفتحت لقيت 2 من الشباب معي هم الحين بنفس الدور واحد من القصيم وواحد من حائل المهم السلام عليكم السلام متى الوصول ومتى مواعدينك بالعملية قلت عمليتي الساعة 9:30 -10 تقريبا قالو كلنا مواعدنا بهالوقت قلت الظاهر بيقصبوننا جميع استاذنتهم عشان انام شوي بعد اقل من ساعة جاء بهاء الدين يقول مشينا للتحليل سحبو الدم وطلعت للغرفة المهم جاء موعد العملية وما شاوروني عن البنج وخلوه موضعي حلقوني ورسمو الخط لاحظت انه رفيع قلت نزل الخط شوي يا كمال<<<<تراه غشيم شوي حتى بغسل الشعر طبعا مايعرف عربي كرجو كتا ومن هالقرق يحسبك تفهم عليه المهم قاس المسافة من الذقن للغشم ومن الغشم لخط الشعر قال ابنزله هالمسافة بس لانه صار فيه فرق وخليته يظبط الخط وظبطه ويالله انسدح على بطنك تبنيج وبداء الشغل الحقيه الالم مافيه الا شي بسيط اذا صارو على طرف الخط المرسوم اخذو الطعوم وضمدو الجرح وكانت ولله الحمد 3375 جرفت ولا قالو عدهم الظاهر تعودو علينا حتى ماعلموني كم الا يوم سالتهم خلصوني بسرعه تقريبا ساعتين وطلعت لقيت رفيقي القصيمي ينتظر يبي يدخل يزرع لانهم مخلصين له اخذ الطعوم دعيت له بالتوفيق ونزلت للغرفه انا وبهاء الدين اشوي الا رفيقي نازل ورانا واخذنا صورة تذكاريه


تقرير غيرعن زراعة الشعربمستشفى cevre www.hairarab.com34c7


نبي نتكلم قصيمي ملينا من هرج المدرسين
بعد تقريبا ساعتين ونص او ثلاث ساعات قالو قم زراعه ضيعت الرجال اللي يدلن الغرفة وودتن ممرضه لغرفة لقيت فيها خوينا راعي حايل يزرعون له ودخلت غرفت العمليات الساعه 2:30 الظهر وبدو يزرعون


تقرير غيرعن زراعة الشعربمستشفى cevre www.hairarab.comf3f6

وماطلعت الا الساعة 5:30 العصر كانت اطول 3 ساعات بحياتي مليت ملل لاني مقدر اتحرك اخاف احوس شغلهم وشوي ارفع رجلي وشوي يدي تمنيت ابرة شامان <<<<<< سجلنها باسمه يستاهل رجال خدوم وهو اللي عرفنا بهالمستشفى الله يجزاه الف خير المهم كل نصف ساعه اقول النص الجاي يبي يخلصون وما ودي اقولهم مليت اخاف يستعجلون ومايكملون الشغل مالي الا اصبر وامري لله خلصو وركبو لي حذوة الحصان على قولة شامان منب قايل حذوة شامان عشانها على رقبتي تقرير غيرعن زراعة الشعربمستشفى cevre biggrin.gif طبعا ارشادات بخصوص النوم لان النزف والمويه بتكون على الحذوه ولازم ترفع راسك عشان ماتنزل المويه لجبهتك انا الحمد لله ماشي على التعليمات والشباب فالينه في اللوبي بنفس يوم العمليه وانا ماغير رافعن راسي وعيوني شاخصة بالغمى<<< سطح الغرفه صورتي وانا لابس الحذوه يومين تقرير غيرعن زراعة الشعربمستشفى cevre confused.gif


تقرير غيرعن زراعة الشعربمستشفى cevre www.hairarab.com06b5


وهذي صور بعد الزراعة


تقرير غيرعن زراعة الشعربمستشفى cevre www.hairarab.com6305



تقرير غيرعن زراعة الشعربمستشفى cevre www.hairarab.come589


تقرير غيرعن زراعة الشعربمستشفى cevre www.hairarab.com94a0


سلموني ادويه وشامبو واشتريت منهم شامبو بمبلغ 30 ليرة هو اخر واحد بالصوره يمين طبعا بالكيس ربطتين سود


تقرير غيرعن زراعة الشعربمستشفى cevre www.hairarab.com97a0


اليوم الجمعة ليلة السبت دخلنا باليوم الثالث وناوين نصوم ادعو لنا ان الله يصبرنا
اذان المغرب الساعه 8:10 والغريب ان التوقيت واحد يعني مايحتاج تضبط الساعه لتوقيتهم طبعا علمت بهاء الدين اننا بنصوم ان شاء الله وكلمهم عشان السحور والدواء


المستشفى
بالقرب من المستشفى مقاهي ومولين الاول يمين المستشفى والثاني هو المبنى الابيض الطويل في هالصوره


تقرير غيرعن زراعة الشعربمستشفى cevre www.hairarab.com0218




بالنسبة للصرف انا صرفت يورو ودولار من مطار الرياض والليرة التركية عطيت بهاء الدين وصرف لي الـ 100 دولار بـ 176 ليرة الرجال بصراحة ماقصر معي بشي وكل شوي يجي يتطمن ورقمه موجود على الموقع على هذا الرابط

http://www.cevrehospital.com/arabic/contact.php
اخر رقم من الارقام رابع واحد

واللي يبي يتفرج على المستشفى كنه يتمشى برجليه يظغط على هالرابط

http://www.cevrehastanesi.com.tr/sanaltur/index.html

في المستشفى قابلت ايطالي جاي يزرع واتراك وشاهدت صور صينين وقائمة في مكتب بهاء الدين تضم مواعيد لاشخاص من جنسيات مختلفه المستشفى يضم عدة اقسام تجميليه وولادة ايضا الفرفة اللي جنبي فيها وحده شكلها مسوية شد للوجه.

اخيراً اللاب توب انا اشوفه ضروري لكسر الملل وقميص<<<فنيلة مفتوح من الامام تلبسه بعد العملية مباشرة وتمر للي يبي يجي برمضان وسجادة للصلاة طبعا الصلاة وانت جالس لانهم يمنعون انحناء الظهر بعد العملية وأتقو الله ماستطعتم .

اسال الله في هذه الليلة ان يجزى من دلنا على الخير خيراً كثير وان ينفع الله بما كتبت فوالله اني لم اكتب هذا دعاية ولكن حباً في التعاون على الخير وعرفانا لهذا المنتدى
الرائع
تحديث
امس السبت 2011/8/20 قابلنا مالك المستشفى في اللوبي ولما عرف اننا صايمين لزم علينا على الفطور وفطرنا بوفيه مفتوح في مطعم قريب من المستشفى

بالنسبة للمطاعم يوجد مول كبير فيه مجموعة كبيرة من المطاعم مكانه ونت طالع من المستشفى تروح يمين يجيك مبنى على شكل مثلث رح يساره ليين ينزل بك الطريق اخر النزله خذ يمين تلقاه قدامك

ايضاً يوجد مول اسمه جواهر ووصفه ونت طالع من المستشفى خذ يسار يجيك الكبري خذ يمين وطول مع الشارع حوالي 2 او3 كيلو يجيك يسار

ميدان تقسيم وشارع الاستقلال تقدر تطلع له من محطات المترو اللي عند الكبري القريب من المستشفى امسك الشارع تلقى اول محطة بعد الاشارة على اليسار وعلى طول على محطة تقسيم

بالنسبة لغرف المستشفى تتفاوت من حيث الاثاث والاطلاله<<<<ماصارت علاج صارت سياحه تقرير غيرعن زراعة الشعربمستشفى cevre biggrin.gif غرفه 301 مطله بالدور الثالث ايضاً الغرف في الدور الخامس غرف ديلوكس وتفتح النفس.

بالتوفيق للجميع






 
أخر مواضيع

0 تقرير غيرعن زراعة الشعربمستشفى cevre باسطنبول



رد مع اقتباس
قديم 20-08-2011, 02:51 AM   #2
عضو مميز


الصورة الرمزية أسير أهات
أسير أهات غير متواجد حالياً

بيانات اضافيه [ + ]
 رقم العضوية : 1052
 تاريخ التسجيل :  Sep 2010
 أخر زيارة : 26-04-2014 (02:05 AM)
 المشاركات : 110 [ + ]
 التقييم :  10
افتراضي


تقرير غيرعن زراعة الشعربمستشفى cevre باسطنبول

الحمدالله على سلامتك
الله يسعدك وتنول رضاك وترجع بالسلامة ألى أرض الوطن خليتني أضحك وأنا أقرا التقرير ماشاءالله تقرير مفصل
قصمنجي كم قرافت زراعولك


 
أخر مواضيع

0 نتيجه زراعتي بعد سبعه شهور وعشرة أيام
0 تقرير عن زراعه شعري في ماجيك هير يوم الأثنين الموافق 26/12/2011 (تحديث بعد 7 أشهر)
0 نتيجه زراعتي بعد سبعه شهور وعشرة أيام
0 أبي المشورة
0 من يجري الزراعة بالاقتطـــــــاف ، مواضيع مدمجة / يمنع فتح موضوع مستقل .



رد مع اقتباس
قديم 20-08-2011, 02:54 AM   #3
عضو مميز


الصورة الرمزية اهم واحد
اهم واحد غير متواجد حالياً

بيانات اضافيه [ + ]
 رقم العضوية : 164
 تاريخ التسجيل :  May 2010
 أخر زيارة : 10-11-2012 (12:31 AM)
 المشاركات : 143 [ + ]
 التقييم :  10
افتراضي


تقرير غيرعن زراعة الشعربمستشفى cevre باسطنبول

الحمد لله على السلامه وعقبال النتائج الي تسرك
بس استغرب التقييم على طول النجوم تلامع على الموضوع


 
أخر مواضيع

0 الدكتور / احمد التركي ارجو الرد
0 صور جديدة لعمليتي بعد مرور 3 اشهر من اجراء العلمية



رد مع اقتباس
قديم 20-08-2011, 03:10 AM   #4
متميز
صاحب تجربة


الصورة الرمزية tareq s
tareq s غير متواجد حالياً

بيانات اضافيه [ + ]
 رقم العضوية : 4646
 تاريخ التسجيل :  May 2011
 أخر زيارة : 08-04-2017 (07:19 PM)
 المشاركات : 118 [ + ]
 التقييم :  10
افتراضي


تقرير غيرعن زراعة الشعربمستشفى cevre باسطنبول

الف مبروك أخوي وتقرير جدآ مميز وان شاء الله تشوف النتائج اللي تسرك والحمد لله على السلامه


 
أخر مواضيع

0 تجربتي في مستشفى cevre بتركيا موضوع محدث شهريآ



رد مع اقتباس
قديم 20-08-2011, 04:17 AM   #5
عضو جديد


الصورة الرمزية Ari
Ari غير متواجد حالياً

بيانات اضافيه [ + ]
 رقم العضوية : 4379
 تاريخ التسجيل :  Apr 2011
 أخر زيارة : 01-04-2014 (01:38 AM)
 المشاركات : 21 [ + ]
 التقييم :  10
افتراضي


تقرير غيرعن زراعة الشعربمستشفى cevre باسطنبول

الحمدلله على سلامتك بيض الله وجهك وكثر الله شعر راسك ..عزالله وفيت وكفيت ..تقرير اكثر من رائع ..بانتظار الصور بعد عودتك الى ارض الوطن سالم ومعافى انشاءالله .


 


رد مع اقتباس
قديم 20-08-2011, 06:50 AM   #6
عضو نشيط


الصورة الرمزية القصيمي
القصيمي غير متواجد حالياً

بيانات اضافيه [ + ]
 رقم العضوية : 4389
 تاريخ التسجيل :  Apr 2011
 أخر زيارة : 26-09-2013 (11:24 AM)
 المشاركات : 29 [ + ]
 التقييم :  10
افتراضي


تقرير غيرعن زراعة الشعربمستشفى cevre باسطنبول

اقتباس:
المشاركة الأصلية كتبت بواسطة أسير أهات مشاهدة المشاركة
الحمدالله على سلامتك
الله يسعدك وتنول رضاك وترجع بالسلامة ألى أرض الوطن خليتني أضحك وأنا أقرا التقرير ماشاءالله تقرير مفصل
قصمنجي كم قرافت زراعولك
كاتبه في الموضوع 3375 قرافت قولو ما شاء الله>>اهم شي عشان يطلع شعري
شكراً على الدعوة واياك حبيبي شاكر لك مرورك

اقتباس:
المشاركة الأصلية كتبت بواسطة اهم واحد مشاهدة المشاركة
الحمد لله على السلامه وعقبال النتائج الي تسرك
بس استغرب التقييم على طول النجوم تلامع على الموضوع
ههههههههههههه تعرف يسوقون للموضوع حركات قصمان احس اني هذاك عزيزاللي بأم الحاله



اقتباس:
المشاركة الأصلية كتبت بواسطة tareq s مشاهدة المشاركة
الف مبروك أخوي وتقرير جدآ مميز وان شاء الله تشوف النتائج اللي تسرك والحمد لله على السلامه
الله يحييك اخوي ويسلمك ترى انا ذاك اللي ارسلت لي الرقم الله يجزاك خير بس غيرت معرفي بعد تغير شكلي ارجع للرسايل وتعرفن

اقتباس:
المشاركة الأصلية كتبت بواسطة Ari مشاهدة المشاركة
الحمدلله على سلامتك بيض الله وجهك وكثر الله شعر راسك ..عزالله وفيت وكفيت ..تقرير اكثر من رائع ..بانتظار الصور بعد عودتك الى ارض الوطن سالم ومعافى انشاءالله .
ان شاء الله دعواتكم وابشرو بالصور ان شاء الله


 
أخر مواضيع

0 تقرير غيرعن زراعة الشعربمستشفى cevre باسطنبول



رد مع اقتباس
قديم 20-08-2011, 01:44 PM   #7
متميز
صاحب تجربة


الصورة الرمزية _ ok _
_ ok _ غير متواجد حالياً

بيانات اضافيه [ + ]
 رقم العضوية : 3747
 تاريخ التسجيل :  Feb 2011
 أخر زيارة : 13-10-2013 (10:50 PM)
 المشاركات : 317 [ + ]
 التقييم :  10
 الجنس ~
Male
 MMS ~
MMS ~
افتراضي


تقرير غيرعن زراعة الشعربمستشفى cevre باسطنبول

هلا بالقصيمي :


الحمدلله عالسلامه وعقبال ما تشوف اللي يسرك



* ابرز الملاحظات السلبيه اللي واجهتك
* يحتاج تحويل مبلغ قبل الوصول لتركيا
* خلال كم يوم ويسون لك العمليه يعني لو اكلمهم اليوم متى يعطوني موعد العمليه




المشكله ما عندنا بالرياض سكري علشان العب على بهاء : )



وسلاااااااامتكـ


 
أخر مواضيع

0 اكبر عدد ممكن للزراعه
0 العملية الثانيه عند د/ بسام جباعي بتاريخ 27/2/2012
0 ( تحديث بعد 6 اشهر ) بحمدالله تمت الزراعه عن د/ جباعي الاثنين 11/ 7 / 2011
0 قبل طرح تجربتك تفضل هنا
0 الان من غرفة العمليات احدثكم



رد مع اقتباس
قديم 20-08-2011, 03:14 PM   #8
عضو مميز


الصورة الرمزية F2000H
F2000H غير متواجد حالياً

بيانات اضافيه [ + ]
 رقم العضوية : 262
 تاريخ التسجيل :  Jun 2010
 أخر زيارة : 07-08-2015 (12:15 PM)
 المشاركات : 308 [ + ]
 التقييم :  10
افتراضي


تقرير غيرعن زراعة الشعربمستشفى cevre باسطنبول

الحمدلله على سلامتك


 
أخر مواضيع

0 استفسار بخصوص ميد هير
0 استفسار
0 شباب ممكن مساعدة



رد مع اقتباس
قديم 20-08-2011, 06:04 PM   #9
عضو نشيط


الصورة الرمزية القصيمي
القصيمي غير متواجد حالياً

بيانات اضافيه [ + ]
 رقم العضوية : 4389
 تاريخ التسجيل :  Apr 2011
 أخر زيارة : 26-09-2013 (11:24 AM)
 المشاركات : 29 [ + ]
 التقييم :  10
افتراضي


تقرير غيرعن زراعة الشعربمستشفى cevre باسطنبول

اقتباس:
المشاركة الأصلية كتبت بواسطة _ ok _ مشاهدة المشاركة
هلا بالقصيمي :


الحمدلله عالسلامه وعقبال ما تشوف اللي يسرك
اقتباس:
المشاركة الأصلية كتبت بواسطة _ ok _ مشاهدة المشاركة
الله يسلمك ويبارك فيك


* ابرز الملاحظات السلبيه اللي واجهتك
* يحتاج تحويل مبلغ قبل الوصول لتركيا
* خلال كم يوم ويسون لك العمليه يعني لو اكلمهم اليوم متى يعطوني موعد العمليه
ابرز الملاحظات خدمة نظافة الغرفه لازم تطلبهم عشان يجون ينظفون
التلفزيون قناة ام بي سي فقط وبعض القنوات التركيه
والباقي كاتبه في التقرير

التحويل كان قصدك عربون لا مايطلبون واحد من الشباب ما حاسبهم الا بعد العملية والافضل انك تحاسبهم بعد ما تاصل وتطلع نتيجة التحليل

العمليه يسوونه لك بنفس يوم الوصول ولا من بكرى على حسب الزحمه وموعد وصولك ماعندهم مشكلة بالمواعيد خصوصا بهالوقت وعلى فكرة يسوون اكثر من عملية بوقت واحد وهذا يطلع وهذا يدخل انت استخر واحجز ودق على بهاء الدين علمه متى حجزك وقله متى بسوي العمليه يعلمك واتفق معه على السعر وحاول فيه ينزلك اقل من 2200 يورو بينزلك صدقني واهم شي تفاوضه قبل تجي في السعر

المشكله ما عندنا بالرياض سكري علشان العب على بهاء : )

ههههههههههههه جب له ذره قل برحي كبير


وسلاااااااامتكـ


اقتباس:
المشاركة الأصلية كتبت بواسطة F2000H مشاهدة المشاركة
الحمدلله على سلامتك

الله يسلمك


 
أخر مواضيع

0 تقرير غيرعن زراعة الشعربمستشفى cevre باسطنبول



رد مع اقتباس
قديم 20-08-2011, 07:29 PM   #10
عضو جديد


الصورة الرمزية cevre
cevre غير متواجد حالياً

بيانات اضافيه [ + ]
 رقم العضوية : 5829
 تاريخ التسجيل :  Aug 2011
 أخر زيارة : 24-05-2013 (05:23 PM)
 المشاركات : 1 [ + ]
 التقييم :  10
افتراضي


تقرير غيرعن زراعة الشعربمستشفى cevre باسطنبول

very good
I am happy to meet you my dear patıents.


 


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه للموضوع: تقرير غيرعن زراعة الشعربمستشفى cevre باسطنبول
الموضوع
تقرير كامل لزراعتي بمركز cevre بعد مرور سنه كامله
تم زراعة الشعر عند محمد جوتشلو (( تقرير ))
تقرير مبسط عن تجربتي في مستشفى cevre اسطنبول
تجربتي في زراعة الشعر باسطنبول (ماجيك هير)


الساعة الآن 03:47 PM

خريطة المنتدى



Powered by vBulletin® Copyright ©2000 - 2017, Jelsoft Enterprises Ltd.
Content Relevant URLs by vBSEO 3.6.0 PL2


HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education

rss - XML - HTML