bnr1 bnr1
bnr1 bnr1 bnr1 bnr1
bnr1 bnr1 bnr1 bnr1

تجربتي الثانيه في مركز ستار هير بتاريخ 22/10/2012

بدري عليك

New Member
إنضم
30 أكتوبر 2010
المشاركات
28
مستوى التفاعل
0
النقاط
1
السلام عليكم ورحمه الله وبركاته


اللهم يارب لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حال




ندخل بالموضوع :


تم تجربة زراعتي الاولى بمركز اوباجي عند الدكتور سمير على طريقة الشريحه لاكن مارضيت عن النتايج والحمدلله على كل حال :(


بعد البحث والكرف والكشف والطحن على الثبات على مركز معين وبعد توفيق رب العالمين تم اختيار (( مركز ستار هير ))


عند الدكتوره يليز


تم الاتصال على المنسق خالد وتم عمل الحجز وارسال العربون + طلب توفير المنسق والسائق

وتم الرد علي عن طريق الاميل بتاريخ وقت العمليه

بتكون الجلسه الاولى ان شاء الله يوم الاثنين بتاريخ 22/10/2012


والجلسه الثانيه بعدها بيوم صادف يوم الثلاثاء تاريخ 23/10/2012



توكلنا على الله وتم الحجز على طيران الخليج سعر التذكره 2500 الذهاب يوم الاحد قبل العمليه بيوم والرجعه بعد العمليه بيوم راح تكون الرجعه يوم الاربعاء


تم الحجز

اقلاع الطائره 9 ونص صباحاً ,, تقريبا الوصول 1 ونص تقريبا ,, وصلت المطار وكان يتواجد المنسق الاخ خالد (( مغربي الجنسيه )) والسائق عبدالله (( تركي الجنسيه ))

وتم الترحيب والسلام وراح يتم الانتقال للفندق لااخذ الراحه بعد مشوار الرحله

الفندق اسمه مارتا 5 نجوم

تم حجز الفندق من يوم الاحد الى الاربعاء + الفطور + تعشيت في الفندق طيلة الايام اللي كنت ساكن فيها

طلع حساب الفندق كله 643 دولار مع الفطور والعشاء كل يوم


فاصله :

جاني اتصال يوم الاثنين من ثنين من اعز اخوياي وقالوا أجل رحلتك الى الاسبوع اللي بعده لانهم بيجون سياحيه وتوكلت على الله واجلت رحلتي من يوم الاربعاء الى يوم الاحد واستانسى ولفينا نص تركيا هـع :D



الصور والتعليقات


الجلسه الاولى عدد البصيلات 2480 كانت فقط لمقدمة الراس

الجلسلة الثانيه عدد البصيلات 2400 كانت للمنطقه الخلفيه


تفصيل اكثر // 40بالميه احاديه ,, 40بالميه ثنائيه ,, 20بالميه ثلاثيه

طبعا النسبه المؤويه هذا كم شعره عند خروج البذره او البوصيله


عدد الممرضين 3 وبعض الاوقات يكونون 4

+

الدكتوره كل اشوي مرتني

مدة العمليه الاولى 7 ساعات

العمليه الثانيه 7 ساعات ونص

كل ثلاث ساعات ,, غدا وراحه تقريبا ربع الى نص ساعه


العمليه الاولى من الساعه 2 ظهراً الى 9 مساءاً

العملية الثانيه من 9 صباحاً الى 4 ونص عصراً

وقت العمليه ماتحس باي شي لاكن فقط وقت البنج هو اللي المني لاكن الحمدلله

ومدة العمليه اشوي ممله لاكن الحمدلله



الصور


قبل العمليه





الاخ خالد اول المستقبلين (( مسكين الطائره فاتته كان ماخذ اجازه اسبوع لاكن ماربي كتب يسافر وكانت وياه اغراضه ))






وهذا الفندق من برا




وهذا الغرفه من داخل








بعدها كلمني شخص اسمه مصطفى (( عراقي الجنسيه وقال انا اللي بتواصل وياك بسبب اجازة خالد ,, كنت احاتي هالشي ,, لاكن يعلم الله الاخ مصطفى الف نعم فيه + ماقصر وياي طول وقت الرحله اي ترجمه او اي شي اتصل عليه باي وقت غير كذا كل اشوي اتصلت عليه وسئلته عن العمليه بمعنى الرجال الف نعم فيه والله ))

وهذا الاخ مصطفى







وهذا السائق





وهذا الفريق الطبي





وهذا بعد الوصول الى الفندق بعد الجلسه الثانيه





وهذا بعد ماشلت الشاش بعد يوم من العمليه + وضع الكريم + دم خفيف









المخده بعد يومين يوجد بعض اثار الدم




العلاجات




بعد اربع ايام من العمليه + بعد غسيل الراس كامل








وهذا الصور الختاميه بعد اسبوع بالضبط من العمليه














وان شاء الله نرضى بالنتايج اللي تسرنا والحمدلله والشكر على كل حال



وبسسس :D




عدّت مخارج

الجلسه الاولى ماقدرت اصورها لسبب التعب + دمجت كل الصور بعد الجلسه الثانيه


طول وقت رحلتي الاسبوع كامل شفت مايقارب 12 الى 13 شخص مسوين عمليات زراعه ولما تتمشى وتشوف الاشكال اللي مثلك تستانس :D:p


غير اللي يسئلوني عن المكان والاسئله المعروفه عن العمليه


اتمنى توفقت بطرح التقرير


واي اسئله او استفسارات انا حاظر


والحمدلله رب العالمين


ملاحظه راح يتم تحديث الصور الجديده بعد شهر من الان ان شاء الله انتظرونا
 

بدري عليك

New Member
إنضم
30 أكتوبر 2010
المشاركات
28
مستوى التفاعل
0
النقاط
1
حجز المكان

لتحديث الصور ان شاء الله


بعد شهر

+
شهرين

+
3 شهور



:d​
 

saeedsaud

متميز
صاحب تجربة
إنضم
26 يونيو 2011
المشاركات
372
مستوى التفاعل
3
النقاط
18
الله يوفقك وتتكلل بالنجاح رجعتي الى ايام الزراعة هناك سؤالي وياليت اتجاوبني على الخاص وين المنسق مجدي وترسل لي رقم المنسق خالد واللي اعتقد هو رقم مجدي بس حابب اتأكد
هل غيروا من فندق التايتانك والا انت اللي حجزت الفندق على حسابك الخاص

شكرا
 

SkoOoN AlGaR7

Member
إنضم
20 مايو 2010
المشاركات
279
مستوى التفاعل
0
النقاط
16
ماشاء الله من اروع التقارير اللي شفتها موضوع كافي ووافي

والحمد لله ع السلامه اخوي وان شاء الله تشوف النتائج اللي تسرك
 
إنضم
4 مارس 2011
المشاركات
10
مستوى التفاعل
0
النقاط
1
مشاء الله الله يسر ناظرك بشعرك

ونحن بانتظار النتائج القادمة الي عليها الكلام وشكرا اخوي
 

mm505mm

Member
إنضم
3 أبريل 2012
المشاركات
231
مستوى التفاعل
0
النقاط
16
ليه كل مأشوف واحد مسوي عمليه احس انه انا
 
إنضم
13 يوليو 2010
المشاركات
42
مستوى التفاعل
0
النقاط
6
الحمد لله على السلامه
ماشاء الله تبارك الرحمن
أخي العزيز أنا حالتي مشابهه لحالتك الى حد كبير وأنا مسوي زراعة بطريفة الشريحه في مستشفى أوباجي دكتور سمير قبل 5 سنوات بس كانت العملية الثانية لأني سويت قبل كذا عملية بطريقة الشريحه في مستشفى ديرما دكتور جمال قبل 13 سنة تقريبا , واليوم حجزت على نفس المركز يوم 21 /11 والعوده 26 /11 لاجراء العملية الثالثة ..
وعندي استفسار ولاعليك أمر هل الغسيل في اليوم الثالث من العمليه أو لازم اليوم الرابع ؟؟ لاني حسب ماعرفت من الأخت المنسقه ومن بعض التقارير في المنتدى ان الغسيل في اليوم الثالث .
ربي يوفقك وينولك اللي في بالك .​
 

أبو دانا1

New Member
إنضم
16 سبتمبر 2011
المشاركات
3
مستوى التفاعل
0
النقاط
1
مرحبا

انا عضو جديد واول مشاركه هذي لي

الي محيرني ان المنتدى محضر من ستار هير ؟؟ ومن نفس الدكتوره ؟؟؟ ماتشوفون الموضوع مثبت فووق ؟؟؟

شلون تروحون. له والمنتدى محضركم ؟ بصراحه ماني فااااهم شي ؟؟

احد يفهمنا من الاعضاء او المشرفين لو سمحتووووو


وشكراً
 

أبو دانا1

New Member
إنضم
16 سبتمبر 2011
المشاركات
3
مستوى التفاعل
0
النقاط
1
والله عجيب ؟

الصقر الجارح اخوي انت قبل تمدح بالموضوع ماشفت موضوع فوق مثبت يحذر من ستار هير ؟؟

ولا المسألة تطبيل ؟؟

بديت اشك في مصداقية المنتدى ؟؟

في تناقض عيييبببببببب ؟؟؟؟؟



انتظر احد يوضح لنا لو سمحتووو
 

أصلع ملعلع

متميز
صاحب تجربة
إنضم
18 مايو 2011
المشاركات
2,574
مستوى التفاعل
1
النقاط
36
ماشاء الله ماشاء الله
مبروك أخوي (( بدري عليك ))

شغل مرتب وتوقعاتي بوجود الشعر السابق راح تكون الكثافه عندك أنشاء الله مرضيه
بس لا تستعجل ولا توسوس قبل 8 أشهر من الأن
تمنياتي لك بالتوفيق والنتائج اللي ترضيك إنشاء الله
تحياتي
 

تـركـــي

متميز
صاحب تجربة
إنضم
26 يناير 2012
المشاركات
975
مستوى التفاعل
1
النقاط
18
مبروك اخوي على العمليه

والحمد لله على سلامتك

وان شاء الله تشوف النتايج اللي تسرّك

بالتوفيق ..
 

عبدالله 99

عضو مميز
إنضم
4 أغسطس 2010
المشاركات
844
مستوى التفاعل
2
النقاط
18
ما شاء الله تبارك الله :) حمستني اسوي الثانيه في اقرب وقت هههههههههه

الحمدالله على سلامتك وفالك التوفيق وان شاء الله اشوف قذلتك

بصراحه العدد ممتاز ومتفائل خير انه بتعجبك النتائج *_*

موفق ان شاء الله
 

بدري عليك

New Member
إنضم
30 أكتوبر 2010
المشاركات
28
مستوى التفاعل
0
النقاط
1
الله يوفقك وتتكلل بالنجاح رجعتي الى ايام الزراعة هناك سؤالي وياليت اتجاوبني على الخاص وين المنسق مجدي وترسل لي رقم المنسق خالد واللي اعتقد هو رقم مجدي بس حابب اتأكد
هل غيروا من فندق التايتانك والا انت اللي حجزت الفندق على حسابك الخاص

شكرا



تم الرد عليك في الخاص
 

بدري عليك

New Member
إنضم
30 أكتوبر 2010
المشاركات
28
مستوى التفاعل
0
النقاط
1
ماشاء الله من اروع التقارير اللي شفتها موضوع كافي ووافي

والحمد لله ع السلامه اخوي وان شاء الله تشوف النتائج اللي تسرك



حبيبي والله ,, والله يسلمك ,, واللهم امين يآرب ,, شكراً لك
 
أعلى