السلام عليكم ورحمة الله وبركاته
اكتب لكم اليوم عن تجربتي في زراعة الشعر طبعا من سنة وانا افكر في موضوع الزراعة خصوصا
بعد مابدأ الزحف من الامام الى الخلف فقلت خليني الحق عليه من الان ,
طبعا دورت في النت عن موضوع الزراعة واكثر مكان استفدت منوا كان هذا المنتدى الغالي
بصراحة تجارب الاعضاء المصورة كانت كافيه ووافيه واحس واجب عليا اني انزل تجربتي
عشان الاعضاء الباقين يستفيدون منها .
طبعا انا اللي راح اكتبوا هذا تجربتي الشخصية يعني لاحد يعتبرها دعاية
لمستشفى اوعيادة او منسق وراح انقل كل اللي صار معي بامانه .
طبعا قررت اسافر لتركيا لوحدي دون مرافق وهذا اصعب قرار انك تروح
بلد جديدة عليك لوحدك واغلبهم مايتكلمون عربي او انجليزي .
بعد القرار كان اكثر مركز شدني مركز شيفر اغلب المواضيع عن هذا المركز كانت ممتازة
والجميع يمدح في المنسق ابراهيم التركي وطبعا طلبت رقموا من الاخوان هنا وماقصروا ,
راسلت الاخ ابراهيم على الواتس اب وطبعا يتكلم عربي بشكل ممتاز بس هنا صارت المشكلة
ابراهيم ترك شيفر وراح لمستشفى اوتا جانميد , طبعا مالقيت أي موضوع عن هذي المستشفى
وهنا انا وقفت واحترت وفي نفس اليوم لقيت موضوع لاخوي صقر الكويت اذا ماخانتني الذاكرة عن هالمستشفى ,
واستخرت وقلت انا محتاج منسق ثقة وابراهيم التركي الكل يمدح فيه وتوكلت على الله .
للامانه ابراهيم ماقصر معايا ارسلت له صورة الحجز ووقت الوصول وقالي خلاص هنا انتهى الموضوع لاتشيل هم أي شي ,
رحت على الخطوط التركية يوم الاحد من مطار جدة 13-10-2013
وانصحكم التأشيرة تاخذوها عن طريق النت 34 دولار احسن من زحمة المطار .
وصلت مطار اتاتورك وخلصت من الجوازات ولقيت السواق قدامي معاه لوحة باسمي
اخذني وعلى الفندق , الفندق في حي جدا جدا جدا جميل تحس انك في مسلسل تركي
هوا اعتقد مو فندق اعتقد يسموه موتيل بس كان احلى تجربة هوا صغير بس جدا مرتب ونظيف
وبس تطلع منوا كل المحلات عندك من مطاعم وبنوك وكل شي يخطر في بالك
وقدامه على طول كافيه عنده معسل (ارجيله ) هذا اهم شي عندي .
انا وصلت الصباح ونمت للظهر واتصل علي ابراهيم واخذني من الفندق وكان معاه اخصائية اسمها سارة
وعزموني على الغدا وشرحولي كل شي عن العملية ,
وبعدها انا رحت اتمشي لوحدي لان الحي اللي فيه الفندق يطل على مضيق البوسفور
طبعا انا في اسطنبول اوربا وانتا واقف تشوف قدامك اسطنبول اسيا منظر خيالي الصراحه .
وانصحكم يكون النت شغال معاكم على شريحة الجوال باقات النت الدولية في السعودية رخيصه 100ريال لمدة اسبوع 1 جيجا
لاني استخدمت الملاحة في تمشيتي وكانت جدا مفيدة .
بعد يوم حافل من التمشية في جو خيالي رجعت نمت لان الصباح موعد عمليتي .
صحيت صباح الاثنين لقيت ابراهيم وساره في الاستقبال اخذوني للمستشفى اللي هي في الشارع اللي ورانا
دقيقه بالسيارة وخمس دقايق مشي , وصلنا المستشفى اخذوا صورة الجواز ووقعت اوراق الدخول وفي دقيقتين انا في غرفتي ,
قابلت وقتها شباب من الكويت والسعودية بصراحة والنعم فيهم اكثر من اخوان واخذوا منا عينة دم
للتحاليل وبعد النتائج جات الدكتورة الصراحه ناسي اسمها بس الحلو فيها تتكلم انجليزي كويس
وهنا ماكنت محتاج ابراهيم بعدها كل واحد دخل غرفة خاصة لعمليته .
البنج كان ممتاز بدون ابره عن طريق المغذي ماتحس باي شي
كان في دكتور تخدير و3 ممرضات طبعا كلهم يتكلمون تركي وابراهيم كان موجود اغلب الوقت
للترجمه مع انك مايحتاج تكلمهم خلك مع التليفزيون اللي قدامك احسن ,العملية 7 ساعات
وكانوا جدا دقيقين مع ان المساحه عندي مو كبيره بس اعطوها حقها وزيادة ,
وبعد العملية رجعنا غرفنا وفي الليل عزمونا ابراهيم وسارة على العشا ورحنا انا والشباب معاهم ,
تعامل ابراهيم معانا كان اكثر من اخويي,
واليوم الثالث رجعنا الفندق وكملنا تمشيتنا وفي ربطه خفيفه على الراس عشان تغطيها عن الشمس ,
والغسلة الاولى كانت بعد يومين من الزراعة وهناك راح يشرحلكم طريقتها والاشياء اللي لازم تلتزموا فيها
من طريقة نوم وعدم التدخين في اول الايام .
انا عن نفسي جدا راضي عن الزراعة وعن العيادة وعن المنسق واعتبرها اروع تجربة .
طبعا الحكم النهائي على الزراعة بعد كم شهر لغاية مانشوف النتائج
هذي تجربتي باختصار وان شاءالله تستفيدوا منها .
اعذروني الصور مو مرتبه بس راح يكون واضح اللي قبل واللي بعد
وكمان الادوية وراح اتابع معاكم كل شهر بتحديث باذن الله
اكتب لكم اليوم عن تجربتي في زراعة الشعر طبعا من سنة وانا افكر في موضوع الزراعة خصوصا
بعد مابدأ الزحف من الامام الى الخلف فقلت خليني الحق عليه من الان ,
طبعا دورت في النت عن موضوع الزراعة واكثر مكان استفدت منوا كان هذا المنتدى الغالي
بصراحة تجارب الاعضاء المصورة كانت كافيه ووافيه واحس واجب عليا اني انزل تجربتي
عشان الاعضاء الباقين يستفيدون منها .
طبعا انا اللي راح اكتبوا هذا تجربتي الشخصية يعني لاحد يعتبرها دعاية
لمستشفى اوعيادة او منسق وراح انقل كل اللي صار معي بامانه .
طبعا قررت اسافر لتركيا لوحدي دون مرافق وهذا اصعب قرار انك تروح
بلد جديدة عليك لوحدك واغلبهم مايتكلمون عربي او انجليزي .
بعد القرار كان اكثر مركز شدني مركز شيفر اغلب المواضيع عن هذا المركز كانت ممتازة
والجميع يمدح في المنسق ابراهيم التركي وطبعا طلبت رقموا من الاخوان هنا وماقصروا ,
راسلت الاخ ابراهيم على الواتس اب وطبعا يتكلم عربي بشكل ممتاز بس هنا صارت المشكلة
ابراهيم ترك شيفر وراح لمستشفى اوتا جانميد , طبعا مالقيت أي موضوع عن هذي المستشفى
وهنا انا وقفت واحترت وفي نفس اليوم لقيت موضوع لاخوي صقر الكويت اذا ماخانتني الذاكرة عن هالمستشفى ,
واستخرت وقلت انا محتاج منسق ثقة وابراهيم التركي الكل يمدح فيه وتوكلت على الله .
للامانه ابراهيم ماقصر معايا ارسلت له صورة الحجز ووقت الوصول وقالي خلاص هنا انتهى الموضوع لاتشيل هم أي شي ,
رحت على الخطوط التركية يوم الاحد من مطار جدة 13-10-2013
وانصحكم التأشيرة تاخذوها عن طريق النت 34 دولار احسن من زحمة المطار .
وصلت مطار اتاتورك وخلصت من الجوازات ولقيت السواق قدامي معاه لوحة باسمي
اخذني وعلى الفندق , الفندق في حي جدا جدا جدا جميل تحس انك في مسلسل تركي
هوا اعتقد مو فندق اعتقد يسموه موتيل بس كان احلى تجربة هوا صغير بس جدا مرتب ونظيف
وبس تطلع منوا كل المحلات عندك من مطاعم وبنوك وكل شي يخطر في بالك
وقدامه على طول كافيه عنده معسل (ارجيله ) هذا اهم شي عندي .
انا وصلت الصباح ونمت للظهر واتصل علي ابراهيم واخذني من الفندق وكان معاه اخصائية اسمها سارة
وعزموني على الغدا وشرحولي كل شي عن العملية ,
وبعدها انا رحت اتمشي لوحدي لان الحي اللي فيه الفندق يطل على مضيق البوسفور
طبعا انا في اسطنبول اوربا وانتا واقف تشوف قدامك اسطنبول اسيا منظر خيالي الصراحه .
وانصحكم يكون النت شغال معاكم على شريحة الجوال باقات النت الدولية في السعودية رخيصه 100ريال لمدة اسبوع 1 جيجا
لاني استخدمت الملاحة في تمشيتي وكانت جدا مفيدة .
بعد يوم حافل من التمشية في جو خيالي رجعت نمت لان الصباح موعد عمليتي .
صحيت صباح الاثنين لقيت ابراهيم وساره في الاستقبال اخذوني للمستشفى اللي هي في الشارع اللي ورانا
دقيقه بالسيارة وخمس دقايق مشي , وصلنا المستشفى اخذوا صورة الجواز ووقعت اوراق الدخول وفي دقيقتين انا في غرفتي ,
قابلت وقتها شباب من الكويت والسعودية بصراحة والنعم فيهم اكثر من اخوان واخذوا منا عينة دم
للتحاليل وبعد النتائج جات الدكتورة الصراحه ناسي اسمها بس الحلو فيها تتكلم انجليزي كويس
وهنا ماكنت محتاج ابراهيم بعدها كل واحد دخل غرفة خاصة لعمليته .
البنج كان ممتاز بدون ابره عن طريق المغذي ماتحس باي شي
كان في دكتور تخدير و3 ممرضات طبعا كلهم يتكلمون تركي وابراهيم كان موجود اغلب الوقت
للترجمه مع انك مايحتاج تكلمهم خلك مع التليفزيون اللي قدامك احسن ,العملية 7 ساعات
وكانوا جدا دقيقين مع ان المساحه عندي مو كبيره بس اعطوها حقها وزيادة ,
وبعد العملية رجعنا غرفنا وفي الليل عزمونا ابراهيم وسارة على العشا ورحنا انا والشباب معاهم ,
تعامل ابراهيم معانا كان اكثر من اخويي,
واليوم الثالث رجعنا الفندق وكملنا تمشيتنا وفي ربطه خفيفه على الراس عشان تغطيها عن الشمس ,
والغسلة الاولى كانت بعد يومين من الزراعة وهناك راح يشرحلكم طريقتها والاشياء اللي لازم تلتزموا فيها
من طريقة نوم وعدم التدخين في اول الايام .
انا عن نفسي جدا راضي عن الزراعة وعن العيادة وعن المنسق واعتبرها اروع تجربة .
طبعا الحكم النهائي على الزراعة بعد كم شهر لغاية مانشوف النتائج
هذي تجربتي باختصار وان شاءالله تستفيدوا منها .
اعذروني الصور مو مرتبه بس راح يكون واضح اللي قبل واللي بعد
وكمان الادوية وراح اتابع معاكم كل شهر بتحديث باذن الله