تجربتي في زراعة اللحية والشارب / عيادة الدكتور سركان / 28 سبتمبر 2015

zomeh14 · 8 يناير 2016

السلام عليكم
مساء الخير
اليوم ابشرك سويت التحاليل , بس محمد المصري نصب علي في الموعد يوم قلت له اني وصلت اليوم قال تواصل مع علي هذا كله بعد ما دفعت الفلوس وكان اتفاقي معاه على بكره, والله شئ يكسر الخاطر انا متقص اخذ فتره ست ايام عشان اراجع الدكتور سركان في هاذي الفتره , استغل موقفي لاني ما اعرف اتكلم انجليزي المفروض على اتفاقنا العمليه بكرا وتكنسلت ليوم الثلاثاء

zomeh14 · 8 يناير 2016

ما ابغى اتجادل معاهم عشان لا يحطون حرتهم في وجهي ابغاهم يشتغلون على رواقه هذا الي مصبرني , حاجز التذكره قبل شهر ومبلغه قبل شهر على اساس يحجز الموعد , على كذا وش فائدته كمنسق , الله يعين بس

ابوشنب · 8 يناير 2016

7amani قال:
يا هلا والله

القشور هذا شي طبيعي جدا لا تحاتي.. وبخصوص سقوط القشور يبدأ قبل اللوشن ولكن بعد استخدام اللوشن تزيد نسبة تساقط القشور يوم عن يوم.

بالتوفيق لك يارب
وان شاء الله تجوف نتيجة ترضيك
واي استفسار انا حاضر

تحياتي

الله يسعدك ويفرحك بالنتائج اللي ترضيك شكراً لك .

وثاني شيء عندي سوال بخصوص المكينة اذا جيت احلق اي درجة على كيفي ؟ يعني صغر مافيه مشكلة ؟

ابوشنب · 8 يناير 2016

اخوي حازم الله يكون بعوننك .
ترا محمد المصري جالس ينسق لك وهو ب مصر .
عشان كذا روح كلم الدكتورة اسراء او كلم المنسق عبدالهادي.

7amani · 8 يناير 2016

hazim قال:
السلام عليكم
مساء الخير
اليوم ابشرك سويت التحاليل , بس محمد المصري نصب علي في الموعد يوم قلت له اني وصلت اليوم قال تواصل مع علي هذا كله بعد ما دفعت الفلوس وكان اتفاقي معاه على بكره, والله شئ يكسر الخاطر انا متقص اخذ فتره ست ايام عشان اراجع الدكتور سركان في هاذي الفتره , استغل موقفي لاني ما اعرف اتكلم انجليزي المفروض على اتفاقنا العمليه بكرا وتكنسلت ليوم الثلاثاء

يا هلا والله

هذا عيب العيادة كامل مافي تنظيم في المواعيد كلش وعلى طول لخبطة.. بس اللي فهمته انك الحين في تركيا وانت بتقعد 6 ايام بس والعملية يوم الثلاثاء.. يعني تسوي العملية ويوم ثاني تسافر عشان ترجع.

* يعني بتروح يوم ثاني بعد العملية عشان غسيل وفي نفس اليوم بتسافر.. وهو الغسيل المفروض يكون يومين ورة بعض .

* اول ثلاثة ايام بعد العملية ما بتقدر تتكلم بأريحية من البنج وبالاضافة ان ما يصلح تمشي واجد ولا تنسى تعبة المطار والانتظار وغيره من امور يعني احتمال يصير لك اضرار في العملية.. انصحك تحاول تقدم موعد العملية

7amani · 8 يناير 2016

hazim قال:
ما ابغى اتجادل معاهم عشان لا يحطون حرتهم في وجهي ابغاهم يشتغلون على رواقه هذا الي مصبرني , حاجز التذكره قبل شهر ومبلغه قبل شهر على اساس يحجز الموعد , على كذا وش فائدته كمنسق , الله يعين بس

مو شرط تتجادل معاهم .. كلمهم وفهمهم وضعك وهالشي من حقك ان تختار الموعد اللي يناسبك بحكم انك بتقعد 6 ايام بس .. وهالشي غلط منهم.. فيه غير ممرضات يتكلمون عربي وممرضين بعد تقدر تتواصل معاهم وتفهمهم الوضع.. لاني ما انصحك كلش اذا كان يوم السفر بعد العملية بيوم!

بالتوفيق لك والله يتمم لك على خير
وطمنا عليك شصار معاك

7amani · 8 يناير 2016

ابوشنب قال:
اخوي حازم الله يكون بعوننك .
ترا محمد المصري جالس ينسق لك وهو ب مصر .
عشان كذا روح كلم الدكتورة اسراء او كلم المنسق عبدالهادي.

+1

zomeh14 · 8 يناير 2016

والله خلوها عللى ربكم ماني داري احصلها من التكاسي ولا من العياده , الي قلقان منه برضوا دفعت 1500يورو بس في ايصال مو موضح رقم العياده ولا شئ بس ايصال استلام نقدي

zomeh14 · 8 يناير 2016

باضغط عليهم سلامات بأجن
تخيلو عاد انسرق ب1500 يورو , بديت اوسوس الي مرت عليه ورقه زي هاذي يطمني

7amani · 9 يناير 2016

hazim قال:
والله خلوها عللى ربكم ماني داري احصلها من التكاسي ولا من العياده , الي قلقان منه برضوا دفعت 1500يورو بس في ايصال مو موضح رقم العياده ولا شئ بس ايصال استلام نقدي

اي والله صدقت التكاسي نصابين بشكل مو طبيعي
الله يكون في عونك ويتمم لك على خير

hazim قال:
باضغط عليهم سلامات بأجن
تخيلو عاد انسرق ب1500 يورو , بديت اوسوس الي مرت عليه ورقه زي هاذي يطمني

بالنسبة للورقة انا مامرت علي لاني سويت العملية في نفس اليوم اللي دفعت فيه فما احتاج ايصال ؛ ولا تحاتي ولا توسوس وكلشي بيكون بخير ان شاء الله دام الايصال مكتوب فيه اسمك والمبلغ واسم اللي عطاك الايصال وتوقيعه يعني امورك في السليم لا تحاتي.. بس لا تنسى تذكرهم عن موعد العملية.. وحاول تتفاهم معاهم عشان يغيرون لك اليوم.

alza3eem · 9 يناير 2016

الورقه صحيحه اخي العزيز انا دفعت قبل العملية بأسبوع واعطوني نفس الورقة هذي وانصحك تروح العيادة فيه كثير مترجمات يتكلمون عربي وفيه شخص مصري مسؤول عن المواعيد نسيت اسمه يداوم معهم وموجود يومياً وتطمن ان شاءالله امورك كلها بخير

ابوشنب · 9 يناير 2016

الله يسهل لك ويتمم لك ،

ابوشنب · 9 يناير 2016

ياشباب انا باليوم السابع وراسي لليوم وهو يطلع افرازات عادي؟.

zomeh14 · 9 يناير 2016

حولني محمد على علي , وعلي مايرد لا في الواتس ولا على الجوال

ابوشنب · 9 يناير 2016

عبدالرحمن ، انا شعري المنطقة المانحة يوم حطيت عليها اللوشن جتني قشرة كثييرة لونها مو ابيض لونا قريب من لون الجلد.

7amani · 9 يناير 2016

aziz_m قال:
الورقه صحيحه اخي العزيز انا دفعت قبل العملية بأسبوع واعطوني نفس الورقة هذي وانصحك تروح العيادة فيه كثير مترجمات يتكلمون عربي وفيه شخص مصري مسؤول عن المواعيد نسيت اسمه يداوم معهم وموجود يومياً وتطمن ان شاءالله امورك كلها بخير

+1

7amani · 9 يناير 2016

ابوشنب قال:
الله يسهل لك ويتمم لك ،

+1

7amani · 9 يناير 2016

hazim قال:
حولني محمد على علي , وعلي مايرد لا في الواتس ولا على الجوال

حاول تروح لهم العيادة وتتفاهم معاهم ؛ لان التواصل معاهم في الواتساب بطيئ خصوصا بعد ما تدفع الفلوس

7amani · 9 يناير 2016

ابوشنب قال:
عبدالرحمن ، انا شعري المنطقة المانحة يوم حطيت عليها اللوشن جتني قشرة كثييرة لونها مو ابيض لونا قريب من لون الجلد.

يا هلا والله

لا تحاتي هذا شي طبيعي ؛ هذا الدم المتيبس في المنطقة المانحة من اثر الاقتطاف ؛ بعد ما تحط اللوشن وتغسله وتحط الشامبو بعده ؛ افرك المنطقة المانحة بالشامبو عشان يتساقط الدم المتيبس . مع العلم( ان مافيه مشكلة لو فركت المنطقة المانحة بإيدك في هذي الفترة) واللوشن والشامبو وظيفتهم يساعدونك ان تتخلص من القشور في المنطقة المزروعة والدم المتيبس في المنطقة المانحة.

بالتوفيق لك
تحياتي

ابوشنب · 9 يناير 2016

الله يجزاك الف خير وتشوف النتائج اللي ترضيييك .
انا اللهم لك الحمد مبسوط ب الرسمة وان شاء الله نتائج جميلة دعواتكم.

وثاني شيء كثافة الشعر بعد ما تطيح القشور تختلف كثير ولا قليل لان الحمدلله كثافتي حلوة وما ادري هل الكثافة نفسها او عشان القشور معطيه لون قريب للاسود

تجربتي في زراعة اللحية والشارب / عيادة الدكتور سركان / 28 سبتمبر 2015

Member

Member

Member

Member

Member

Member

Member

Member

Member

المرفقات

Member

Member

Member

Member

Member

Member

Member

Member

Member

Member

Member