رد: تجربتي في زراعة اللحية والشارب / عيادة الدكتور سركان / 28 سبتمبر 2015
اخوي salam
انا الان نفس حالتك احمرار لازال واليوم 41 يوم من العمليه بس خفيف كأنه صبغه وعندي حبوب تحت الشفه من اليوم 25 نفس حالتك وكذلك طلعلي عند الشنب من اليوم السابع 7 والله يستر ماراح من بصيلات الشنب لانها طلعت بدري ورحت لكذا طبيب جلديه وكل واحد يفتي من راسه كلهم صرفولي فيوسيدين بس الفيوسيدين يختلف عن بعض في بعضه يجي معه مادة الكرتازون وبعضه لا جربتهم كلهم مانفعت معي كل ما استخدمتها زادت الحبوب وسببتلي ارق لانها حبوب كبار ملتهبه وجوتها زي القيح الابيض والان بدت تختفي خليتها بدون علاج ورجعت الامور زينه .
وعندي مشكله ثانيه مسببتلي ارق الي هي انتفاخ الوجه صحيح خف عن اول ايام العمليه ولكن متغير وجهي كل من شافني قال وش في وجهك منتفخ فسؤالي للي سوو التجربه هل مر عليكم انتفاخ الوجه وطول معك واختفى بعد فتره. وبالنسبه لهذي الاعراض ان شاء الله انها بسيطه وبتزول عشان ما اخوف الي بيزرعون في المستقبل وبالنسبه لي على هذي الاعراض ماندمت نهائي اني مسوي زراعه وان شاء الله ما اندم في المستقبل وتطلع النتائج المتأمل بها تفألو بالخير تجدوه .
بالنسبه لسؤال شخص عن البخاخ ووين يحصله ووش اسمه بعطيك الاجابه الله يحييك .
اسم العلاج : رغوة روجين 5% بالانقليزي Rogaine 5% foam
وين تحصله : سوق كوم طبعا سجل فيه التسجيل سهل جدا هو عباره عن برنامج تشتري اي شي في خاطرك من برى السعوديه او داخلها ما عليك الا كتابة المنتج الي تبغى ويجيبه لين عن بابك واحسن شي عندهم ميزه الدفع عند الاستلام تزود 17ريال فقط وتضمن انه يوصل خلال 5 ايام .
مواصفاتة : علبه مربعه لونها ازرق غامق يوجد منه صنفين حق 3 شهور 3 بخاخات وحق ست شهور اتوقع اربع بخاخات .
السعر : انا اخذت حق ثلاث شهور مع التوصيل 287 ريال وفي حق ست شهور اتوقع سعره 380
ارجو اني افدتك وارجو من الاخوان افادتي بخصوص انتفاخ الوجه . واعذروني على الاطاله .