اخي الحبيب محتاجين صور ليك قبل الزراعة علشان نشوف خط المقدمة عندك كان عامل ازاي ، وعايزين صور تطمنا فيها علي عمليتك ، واضح ما شاء الله ان الدكتور ممتاز بس السعر غالي جدا اغلي من هيرميد وترانسميد اللي عندهم البوصيلة ب2 يورو بس ، فياريتك تقولنا ايه سبب تفضيلك الدكتور ده عن المراكز دي وتطمنا عليك...
شوف يا اخي الفاضل انا عضو في المنتدي هنا من اكتر من سنة ونص وعمري ما شككت في حد وماليش مصلحة اساسا في ده ، انما الدعاية لما تكون مكشوفة قوي كده بتبقي صعبة شوية ، واعتقد ان الفيصل هو راي الاعضاء في المنتدي واللي انت شايفه بوضوح ، والموضوع مالوش علاقة لا بثقتي في المنتدي ولا ثقتي في نفسي وانما...
يا اخي ابشر ان مع العسر يسر ان شاء الله ربنا يفرح قلبك وتبقي عملية ناجحة وتسعد بيها علي قد تعبك طول الفترة اللي فاتت ولا تنسي اخوتك بالتحديثات المستمره لتطمنا عليك
الحقيقة انا بحيي صاحب الموضوع لانه بجد كان عايز يقنعنا بحاجه ونجح باقتدار انه يقنعنا بعكسها ، اولاً مافيش مركز مش بيصور العملية بعد الزراعة مباشرة لان التصوير ده من ابجديات متابعة نتائج العملية ، ثانياً الاخ نزل صور بوشه قبل كده وسحبها وكانت مختلفة تماما عن الصور اللي عارضها دلوقت وطلبنا منه...
الحقيقة كاتب الموضوع بيتعمد يخرجنا عن الموضوع بكل الطرق الممكنة لو سمحت يا اخ نادر لو عندك صور بعد الزراعة مباشرة انشرها علشان المصداقية ، لان فعلا اعتقد ان الانطباع السائد عند كتير من اعضاء المنتدي هو انك بتعمل دعاية واضحة ومكشوفة للدكتور ده ، فياريت وحرصاً علي الدكتور وعلشان ما يخسرش بزيادة...
يا جماعة انتم سبتم الموضوع الاصلي ليه؟؟؟ الاخ كاتب الموضوع عليه انه ينشرلنا صور ما بعد الزراعة مباشرة علشان المصداقية وياريت الناس اللي بتدخل تعمل كذا اشتراك علي المنتدي علشان تأيد نفسها تبطل علشان شكلهم مقفوش قوي.
بضم صوتي لصوت اخويا في المنتدي وبقولك ورينا صورك بعد الزراعة مباشرة وصورتك القديمة اللي كنت ظاهر فيها بوشك علشان الناس تتاكد ، وعايز اكد للاخ صاحب الموضوع ان الناس في المنتدي بتفرق بين المواضيع الحقيقية والدعاية اللي بتبقي واضحه لتمجيد دكتور معين
حضرتك متخيل ان حد هيقتنع بالموضوع ده؟؟؟؟فين صور ما بعد الزراعة مباشرة؟؟؟؟؟وفين الصور اللي كنت منزلها وكان ظاهر فيها وشك ومختلفة عن الصور دي تماما؟؟؟؟وليه بتطرح تجربتك بعد ما خلصت في منتدي مافيهوش ولا تجربة للدكتور ياسر؟؟؟!!!!!!!!!!
الي الاخوة اللي قرأوا الموضوع ده عايز اقولكم ان الموضوع ده حصل من سنتين تقريبا وصاحب الموضوع اختفي من اكتر من سنة عن الرد او تنزيل صور للعملية فرجاء الي الاخوة عند قراة اي موضوع انكم تشوفوا تاريخه الاول وهل صاحب الموضوع بيتواصل مع الناس في صفحات الموضوع الاخيرة ولا لا علشان ما تتعبوش في قراية...
اتمني التوفيق يا اخي العزيز وان كنا عايزين صور لشكل زراعة التكثيف لانها اكيد مختلفة عن الزراعات الاخري فنأمل منك امدادنا بتلك الصور وانطباعاتك عن العملية وهل زراعة التكثيف مضرة بالشعر المزروع اول مره؟؟؟؟