كيفية علاج الصلع بعد توقف البروبيشيا 7 سنوت

كبمارو · 21 يناير 2018

السلام عليكم ورحمة الله وبركاته

اخواني بختصار لمي ستعملة بروبيشيا قالي الطبيب اذا تزوجت أقطعها قبلها بالقليل 8 اشهر لانه بتسبب مشاكل بالجنين
وقريت ان البنات هم اكثر ضرر بالجنين عن استخدامهم للبروبيشيا

المهم انو شعري زين ولا فيه اى صله ونتيجه ممتازه جدا بس المشكله ان شعري الحين الي يتساقط مايطلع مثل اول وحسيت انو في فراغات ومع مرور الوقت راح تطلعلي صلعه بتأكيد ونا ودي ارجعلها وخايف تطلعلي صلعه وفينا فراغات قاعد تلع ضايقتني وعرسي بعد شهر ونص هل في احد استعملها وهو متزوج يقولي ولا اواجه الحياة وارضي بقدوم الصلعه المنتظرة

(عبدالعزيز) · 21 يناير 2018

رد: بعد توقف البروبيشيا 7 سنوت

اخوي اختلفت الاراء بالنسبة لهذا الاستفسار انصحك تروح لطبيب مختص يجاوب على هذا السؤال

Ab_7rb · 24 يناير 2018

رد: بعد توقف البروبيشيا 7 سنوت

عليك بالمينوكسيديل انا عن نفسي قاعد اشوف نتايج مستمره لدرجه حيرتني الي فيني صلع وراثي ولالا على العموم لاتضحي بصحتك ولا بابناء المستقبل علشان شوية شعر يغطي راسك الصحه مالها قيمه
وحتى لو حصلت احد يستعملها وهو متزوج ولا حصل سلبيات لاتستخدمها ماتدري يمكن تنجح معه وتفشل معك

ولد نجد 1 · 25 يناير 2018

رد: بعد توقف البروبيشيا 7 سنوت

يعني انت الحين قاطعها وشعرك يتساقط لانك قاطعها ؟؟ ولا مازالت تستخدمها وشعرك يتساقط مع استخدامها ؟ على العموم مو شرط تاثر على الجنين لان مساله تاثر الجنين تخص الانثى حيث يمنع على المراه الحامل لمس الحبوب او تعاطيها اما انت اذا هي ما اثرت فيك والعمليه الجنسيه عندك عاديه لم تتاثر والسائل المنووي كويس فما اتوقع انها تاثر على النطف ولكن ولكن ولكن عليك انك تروح وتستشير دتور تناسليه وذكوره لازم تروح تسوي تحاليل وتطمن على السائل المنوي وتسال الدكتور هل تكمل عليها او تقطعها . وعندي كم سؤال عن تجربتك
كم صار لك سنه تاخذها وهل تاخذها بانتظام يعني كل يوم

هل فعلا توقف تساقط الشعر وشعرك معها الان كثيف وممتاز

هل حسيت باي اثار جانبيه من ناحيه الجسم مثل التثدي وغيره او من ناحيه العمليه الجنسيه والبول

كبمارو · 28 يناير 2018

رد: بعد توقف البروبيشيا 7 سنوت

اقتباس:
المشاركة الأصلية كتبت بواسطة ولد نجد 1

يعني انت الحين قاطعها وشعرك يتساقط لانك قاطعها ؟؟ ولا مازالت تستخدمها وشعرك يتساقط مع استخدامها ؟ على العموم مو شرط تاثر على الجنين لان مساله تاثر الجنين تخص الانثى حيث يمنع على المراه الحامل لمس الحبوب او تعاطيها اما انت اذا هي ما اثرت فيك والعمليه الجنسيه عندك عاديه لم تتاثر والسائل المنووي كويس فما اتوقع انها تاثر على النطف ولكن ولكن ولكن عليك انك تروح وتستشير دتور تناسليه وذكوره لازم تروح تسوي تحاليل وتطمن على السائل المنوي وتسال الدكتور هل تكمل عليها او تقطعها . وعندي كم سؤال عن تجربتك
كم صار لك سنه تاخذها وهل تاخذها بانتظام يعني كل يوم

هل فعلا توقف تساقط الشعر وشعرك معها الان كثيف وممتاز

هل حسيت باي اثار جانبيه من ناحيه الجسم مثل التثدي وغيره او من ناحيه العمليه الجنسيه والبول

السلام عليكم أخوى سوألك عن مدة الاستعمال ونتايج بقولها لك انا من الناحية الجنسية بدايتي حسيت بضعف بسيط بس قلت بستمر وشوف ثالث شهر وش بصير المهم توقف التساقط بـ80% وياي او اكثر
اما ناحيت الثدي هاذى احس خرافه يرجال مافي شي الحمدلله رياضي وشعري ممتاز وردت اموري عاديه وكليوم أسافر ( افهم )

والتبول وقذف ممتاز

ستعملتها 7 سنوات بنتضام جدا منتظم كليوم حبه قبل النوم
بس الفتره هاذي الي قطعتها حسيت بفراغات والشعر الي يطيع ما يطلع نفس السنوات الي طافت قبل يطيح بس مافي فراغات وللامانه توني جاي من الدكتور قالي استمر عليها مارح يضر الجنين الموضوع يتعلق على المرأه الحامل وليس لك

وتوني شريت 3 علب حق 3 شهور قدام عرسي باقي عليه شوى حرام مهتم بشعري وطويل وقصات واخر شي داش على مرتي صنديحه هههههههه اذا في اي سوال انا حاضر بس ترا مو سريع برد وشكرا

Ab_7rb · 29 يناير 2018

رد: بعد توقف البروبيشيا 7 سنوت

اخوي معليش لكن الحبوب ذي مالها اثار جانبيه ؟ يعني بعد هالمده ذي كلها من الاستعمال ماسويت تحاليل على هرمونتاك ؟ او وصلت لمرحله الخطر بعد هالمده لاقدر الله
ولا الحبوب تثبتك على مرحله معينه وهل يأثر على شعر الشنب والدقن يأخر نموهم او يرجعهم للصفر وهل انت تستخدم معه شي مثل المينوكسيديل او زيوت ولا بس لحاله وبشرنا متى تظهر النتيجه عند العوده له ياليت تتكلم عنها بشكل اوضح وتفدينا

ولد نجد 1 · 29 يناير 2018

رد: بعد توقف البروبيشيا 7 سنوت

^^
^
مكتوب على نشهر حبوب البروبيشيا انها ليس لها دخل بشعر الجسم ... بس فيه كم شخص بالمنتدى هنا يقولون البروبيشيا قللت عندهم شعر الجسم . والله اعلم

الرومي · 30 يناير 2018

رد: بعد توقف البروبيشيا 7 سنوت

السلام عليكم ورحمة الله وبركاته اخوي عندي استفسار بخصوص بروبيشيا اول مابديت تستخدمها هل صار لك تساقط شعر من عند الصنادح ؟
ومتى بدأت تلاحظ النتائج ؟ وهل منطقة الصنادح رجع فيها الشعر ولا لا ؟

كبمارو · 31 يناير 2018

رد: بعد توقف البروبيشيا 7 سنوت

اقتباس:
المشاركة الأصلية كتبت بواسطة Ab_7rb

اخوي معليش لكن الحبوب ذي مالها اثار جانبيه ؟ يعني بعد هالمده ذي كلها من الاستعمال ماسويت تحاليل على هرمونتاك ؟ او وصلت لمرحله الخطر بعد هالمده لاقدر الله
ولا الحبوب تثبتك على مرحله معينه وهل يأثر على شعر الشنب والدقن يأخر نموهم او يرجعهم للصفر وهل انت تستخدم معه شي مثل المينوكسيديل او زيوت ولا بس لحاله وبشرنا متى تظهر النتيجه عند العوده له ياليت تتكلم عنها بشكل اوضح وتفدينا

اخوى مافيني الا العافيه وقلتلك انا كل هل مده وضعي زين وعادي ترا احتلم وينتصب عندي وسافر لبلاد برا وهيص والوضع اوكي
سالفة شعر الوجه او الجسم مالها دخل فيه انا لمي استعملتها لحيتي مو كامله وصافه الحين لحيتي اوكي صفت وحددها كليوم
استعمالات اضافيه عندك المينوكسيديل %5 بس مو ملتزم فيه زيوت كل الزيوت استعملها وبالاسبوع او بلسبوعين من 1 الي 3 مرات ادهن وفي عندك مرات استعمل حبوب فيتامينات لشعر مثل الزنك او البيوتين

كبمارو · 31 يناير 2018

رد: بعد توقف البروبيشيا 7 سنوت

اقتباس:
المشاركة الأصلية كتبت بواسطة الرومي

السلام عليكم ورحمة الله وبركاته اخوي عندي استفسار بخصوص بروبيشيا اول مابديت تستخدمها هل صار لك تساقط شعر من عند الصنادح ؟
ومتى بدأت تلاحظ النتائج ؟ وهل منطقة الصنادح رجع فيها الشعر ولا لا ؟

وعليك السلام اخوى انا طال عمرك ستعملتها ونا ليلحين ماطلعتلي صنادح بس فراغات بمنطقت التاج عندي وخفت وشعري يطيح بشكل مرعب جدا

البروبيشيا خففت التساقط حييل وبدت الفراغات اتسكر بعد كم شهر المنطقه الاماميه عندي زينه بس الفتره هاذى الي قطعتها حسيت شعري من قدام خف والحين رجعت للبروبيشيا خفت تطلعلي صنادح وبديت وياها المينوكسيديل عشان عرسي قرب

ياجماعه انا قلتلكم للامانه خف وياي الانتصاب بالبدايه قبل سبع سنوات بس بعد ماتتعود عليها ترد كما كنت ليين يتأقلم جسمك عليها لانها حبوب دخيله عليك

سالفة الثدي كذب الي يقولونها ماعندي ثدي ولو طلعلي قطعت ديودي ونتحرت ههههههههه

Ab_7rb · 1 فبراير 2018

رد: بعد توقف البروبيشيا 7 سنوت

هههههههههههههههههه حلوه قطعت ديودي وانتحرت معليش بس انا سمعت شخص استخدمها لمده ٤ سنوات على ما اعتقد وطلعت له نتيجه فوق المرضيه ورجع شعره كما كان قبل الصلع لكن يوم سوا تحاليل شيك على الحيوانات المنويه طلعت عنده معدوووومه يعني لو تأخر شوي ماكتشف هالشي صار فيه عقم
وللمعلوميه يوم تركها قال ان الحيوانات عنده بدت تكثر وبدت صحت البتاع تتحسن
العقم يالغالي راعيه يحتلم ويجامع واموره طيبه لكن المحتوى ناقص ياليت تسوي تحاليل علشان تطمن نفسك وتفيدنا بنفس الوقت لان اذا نتايجها كذا راح نشتغل عليها بالتوفيق حبيبي ومبروك الزواج مقدماً .

ولد نجد 1 · 1 فبراير 2018

رد: بعد توقف البروبيشيا 7 سنوت

^^
^
البروبيشيا مالها اي علاقه بالحيوانات المنويه ..البروبيشيا تستهدف هرمون dht وهذا ماله دخل بالحيوانات المنوية بل المسؤل عن الاخصاب والحيونات المنويه هو هرمون التستسترون وهو ينتج من الخصيه ومن هرمون التستسترون ينشق هرمون اخر اسمه الداهيتستسترون المعروف ب (dht ) وهذا الهرمون المشتق هو المسؤل عن اضعاف بصيلات الشعر واسقاطها والبروبيشيا والبروسكار تمنع انشقاقه من هرمون الذكوره او نقول تخفف من اخروجه وانشقاقه من هرمون الذكورة التستسترون عن طريق غلق المستقبلات الخاصه فيه المعروفه علميا بمستقبلات الفا 5 اما هرمون الذكوره التستسترون الذي ينتج الحيوانات المنويه لايتاثر ابدا بالبروبيشيا ول البروسكار ولا مشتقاتها .. واي شخص يحصل له ضعف بالحيوانات المنويه فهو لايخرج عن ثلاثه اما انه اصلا عنده ضعف بالحيوانات المنويه قبل استخدام البروبيشيا وماكان يكشف على نفسه فلما استخدمها وكشف عرف بالموضوع والثاني ربما يكون حصل له شي اثر على الخصيه وانتاج الحيونات المنويه مثل دوالي الخصيتين او غيرها وهو ياخذ البروبيشيا والثالث يكون الموضوع نفسي فقط تحصله ياخذ الحبوب وهو يوسوس وخايف ويقول لنفسه يبي يصير لي كذا وكذا فحصل له هالشي ومعروف ومثبت علميا ان التوهم النفسي المصحوب بالقلق يسبب المرض الذي يفكر فيه الشخص . ... مثل سالفه الحرمه المريضه والمتوهمه ان فيها كل امراض الدنيا وجاء ولدها وقال اعرف شيخ يقرا وتراه ممتاز تبين اجيب لك منه مويه مقري عليها قالت ايه وراح البقاله وجاب علبه مويه وعبها من الحنفيفه ودخل على امه وقال هذا المويه جبتها من هالشيخ وتراه مضمون وشربت منها واغتسلت ثم سالها هاه انشاء الله خفيتي قالت ايه ياوليدي والله الحمد لله مافيني الا العافيه هههههههههههه وهي اصلا مافيها الا العافيه بس الوساوس والقلق والاوهام المفسيه مسببه لها امراض .

ولد نجد 1 · 1 فبراير 2018

رد: بعد توقف البروبيشيا 7 سنوت

ههههههههههههههههههه المفسيه اقصد النفسيه ياناااس فعلوا ايقونه التعديل خلونا نعدل الاخطاء عشان مايحصل كوراث

كبمارو · 1 فبراير 2018

رد: بعد توقف البروبيشيا 7 سنوت

اقتباس:
المشاركة الأصلية كتبت بواسطة Ab_7rb

هههههههههههههههههه حلوه قطعت ديودي وانتحرت معليش بس انا سمعت شخص استخدمها لمده ٤ سنوات على ما اعتقد وطلعت له نتيجه فوق المرضيه ورجع شعره كما كان قبل الصلع لكن يوم سوا تحاليل شيك على الحيوانات المنويه طلعت عنده معدوووومه يعني لو تأخر شوي ماكتشف هالشي صار فيه عقم
وللمعلوميه يوم تركها قال ان الحيوانات عنده بدت تكثر وبدت صحت البتاع تتحسن
العقم يالغالي راعيه يحتلم ويجامع واموره طيبه لكن المحتوى ناقص ياليت تسوي تحاليل علشان تطمن نفسك وتفيدنا بنفس الوقت لان اذا نتايجها كذا راح نشتغل عليها بالتوفيق حبيبي ومبروك الزواج مقدماً .

والله بالامور هاذي امرها عند الله ولاكن لاباس بتشييك على الحيوانات المنويه
وان شاء الله خير ويمكن بعد الشغله هاذى تفرق من شخص الي اخر اما انا اذا فضيت الايام هاذي يمكن اسوى تحاليل حيوانات وبلغكم ان شاء الله

كبمارو · 1 فبراير 2018

رد: بعد توقف البروبيشيا 7 سنوت

اقتباس:
المشاركة الأصلية كتبت بواسطة ولد نجد 1

ههههههههههههههههههه المفسيه اقصد النفسيه ياناااس فعلوا ايقونه التعديل خلونا نعدل الاخطاء عشان مايحصل كوراث

ونا اقرا اقول الرجال ليه ماقال ونتو كرامه هههههههههه زين صححت
بس كلامك من ذهب وصحيح بس مايمنع نشيك اخاف تجيني مفسية وتختنق حيواناتي المنويه وتموت ههههههه

دووعابه ياصديقي

Ab_7rb · 1 فبراير 2018

رد: بعد توقف البروبيشيا 7 سنوت

يعطيك العافيه ياولد نجد على تفاعلك بكل موضوع وانت ياكمبارو ماعليك زود استفدت منك
وبتضيف لمسه جميله بحياتي وحياة اغلب المصلعين لو زودتنا بالنتيجه بعد تحليلك
اذا على كذا العلاج الجذري للصلع الحبوب ذي راح ابتدي فيها قريب باذن الله لانها اريح من موضوع المينوكسيديل

Ab_7rb · 13 مايو 2018

رد: بعد توقف البروبيشيا 7 سنوت

السلام عليكم ها بشر ياكمبارو
هل رجع يتحسن شعرك ؟

dado · 17 مايو 2018

رد: بعد توقف البروبيشيا 7 سنوت

اقتباس:
المشاركة الأصلية كتبت بواسطة ولد نجد 1

^^
^
البروبيشيا مالها اي علاقه بالحيوانات المنويه ..البروبيشيا تستهدف هرمون dht وهذا ماله دخل بالحيوانات المنوية بل المسؤل عن الاخصاب والحيونات المنويه هو هرمون التستسترون وهو ينتج من الخصيه ومن هرمون التستسترون ينشق هرمون اخر اسمه الداهيتستسترون المعروف ب (dht ) وهذا الهرمون المشتق هو المسؤل عن اضعاف بصيلات الشعر واسقاطها والبروبيشيا والبروسكار تمنع انشقاقه من هرمون الذكوره او نقول تخفف من اخروجه وانشقاقه من هرمون الذكورة التستسترون عن طريق غلق المستقبلات الخاصه فيه المعروفه علميا بمستقبلات الفا 5 اما هرمون الذكوره التستسترون الذي ينتج الحيوانات المنويه لايتاثر ابدا بالبروبيشيا ول البروسكار ولا مشتقاتها .. واي شخص يحصل له ضعف بالحيوانات المنويه فهو لايخرج عن ثلاثه اما انه اصلا عنده ضعف بالحيوانات المنويه قبل استخدام البروبيشيا وماكان يكشف على نفسه فلما استخدمها وكشف عرف بالموضوع والثاني ربما يكون حصل له شي اثر على الخصيه وانتاج الحيونات المنويه مثل دوالي الخصيتين او غيرها وهو ياخذ البروبيشيا والثالث يكون الموضوع نفسي فقط تحصله ياخذ الحبوب وهو يوسوس وخايف ويقول لنفسه يبي يصير لي كذا وكذا فحصل له هالشي ومعروف ومثبت علميا ان التوهم النفسي المصحوب بالقلق يسبب المرض الذي يفكر فيه الشخص . ... مثل سالفه الحرمه المريضه والمتوهمه ان فيها كل امراض الدنيا وجاء ولدها وقال اعرف شيخ يقرا وتراه ممتاز تبين اجيب لك منه مويه مقري عليها قالت ايه وراح البقاله وجاب علبه مويه وعبها من الحنفيفه ودخل على امه وقال هذا المويه جبتها من هالشيخ وتراه مضمون وشربت منها واغتسلت ثم سالها هاه انشاء الله خفيتي قالت ايه ياوليدي والله الحمد لله مافيني الا العافيه هههههههههههه وهي اصلا مافيها الا العافيه بس الوساوس والقلق والاوهام المفسيه مسببه لها امراض .

السلام عليكم أخي هل أنت متأكد من هده المعلومات و ما دليل لانه عندي بروبشيا لسنة و لم أتناولها خوفا من أتارها الجانبية و هل انت تتناولها ؟

ولد نجد 1 · 21 مايو 2018

رد: بعد توقف البروبيشيا 7 سنوت

انا متأكد من كلامي ولو انت تبي تتطمن اكثر اسال دكتور جلدية او دكتور تناسلية وشوف رايهم

Mohammednour · 21 مايو 2018

رد: بعد توقف البروبيشيا 7 سنوت

اخوي فيه فرق بين بروشيبا 5 غرام وبروشيبا 1 غرام ! يعني بقدر استعمل بروشيبا 5 غرام وقسمها لأقسام 1 غرام ؟

كيفية علاج الصلع بعد توقف البروبيشيا 7 سنوت

Member

Moderator

Member

Active Member

Member

Member

Active Member

New Member

Member

Member

Member

Active Member

Active Member

Member

Member

Member

Member

Member

Active Member

New Member