اخيراً الاسطوري وعملية زراعة الشعر تاريخ 10/4/2012

[تـركـــي]

من كثر ماقريت عن تجارب الاعضاء قاعد احاتي ٣ اشياء

١: ابر البنج
٢: طول وقت العمليه
٣: حبوب منع الانتفاخ التي تسبب حموضه و الحموضه عندي مزمنه

الى ان يحين موعد العمليه يحبها الف حلال هههههه

ابر البنج بالبدايه والنهاية فقط تكون مؤلمه

بالبدايه لأنك فريش وابر براسك أكيد ألم دقيقه ويختفي

ونهاية العمليه لأن رأسك تشبع من البنج تحس كثر ما يعطونك فيه ألم خفيف

وقت العمليه ما راح تحس فيه صدقني راح يمر " طياره " كنايه انه الوقت راح يمر بسرعه ان شاء الله

حبوب منع الانتفاخ والمضادات الحيويه شي لابد منه والله يسهل عليك

ونصيحتي لك قبل يوم العمليه نام فترة طويلة ما تقل عن 8 ساعات

 

[اصلع كوم]

من كثر ماقريت عن تجارب الاعضاء قاعد احاتي ٣ اشياء

١: ابر البنج
٢: طول وقت العمليه
٣: حبوب منع الانتفاخ التي تسبب حموضه و الحموضه عندي مزمنه

الى ان يحين موعد العمليه يحبها الف حلال هههههه

اخوي الاسطوري لاتحاتي الا من ابر البنج والله يعينك اول ربع ساعة وطول الوقت هذي مقدرو عليها
لكن حبوب الانتفاخ انا بلغت مجدي انه عندي مشاكل بسيطه في الباطنيه ورفض يعطيني اياها وقلتله عادي بأخذهم لاني كنت خايف من الانتفاخ ورفض وابشرك الحمدلله انه لا جاني انتفاخ ولاوجع ولا اي احساس بألم بعد العمليه ولكن نصيحه اول ثلاث ايام خل نومتك بالفندق مثل نومتك وقت مايزرعون البصيلات انا اتكلم بخصوص اذا كانت جلسة واحده لكن أذا جلستين ما ادري لانه البنج راح يكون بكميات اكبر اعتقد فلابد من اخذ الحبوب
تمنياتي لك برحلة موفقه انشالله

 

[سام]

الله يوفقك ويسهل عليك الامور وترجع بالسلامه.

 

[الاسطوري]

مشكورين اخواني على النصايح

للتو كلمت مجدي وقالي ان بكره العصر موعد فحص الدم والكشف لان بعد بكره موعد العمليه
راح اعطيكم اخر الاخبار بعد الفحص مباشره والي عنده سؤال يبيني اوصله للدكتوره انه حاضر
اذا الله قدرني.
اما بخصوص السياحه اليوم اخذت وحله في مضيق البوسفور وبعدها توجهنا الى تل
اظن يسمى بـ تل العرايس مكان ول احلى

مشكورين اخواني على نصايحكم وراح اكون معاكم على تواصل ان شاء الله

 

[احمد50]

مبرووووووووك اخوي الاسطوري


والله يتمم عليك بخير

وترجع بالسلامة

 

[renad]

بالتوفيق أخي الأسطوري وأحسن شي إنك خذيت المدام معاك تخفف عنك لحظات الألم
اللي أسأل الله إنك ماتمر فيها أبد
للعلم أنا رجل المعرف هو اسم بنتي البكر ريناد

 

[الاسطوري]

مبرووووووووك اخوي الاسطوري


والله يتمم عليك بخير

وترجع بالسلامة

مشكور يالكبير الفضل لله ثم انت الي خلاني اعزم و اسوي العمليه
والله يقدرني اني اسوي موضوع ينافس موضوعك لان بكل امانه اتعبت من بعدك
كل الشكر لك على مرورك يالغالي وراح احاول احضر لك مفاجأة من العيار الثقيل
راح تعرفها في حينها في موضوعي الجديد الي راح اسويه بد العمليه

 

[الاسطوري]

بالتوفيق أخي الأسطوري وأحسن شي إنك خذيت المدام معاك تخفف عنك لحظات الألم
اللي أسأل الله إنك ماتمر فيها أبد
للعلم أنا رجل المعرف هو اسم بنتي البكر ريناد

هههههه مشكور يالغالي والله اهي كانت فره في اوربا وختمتها بتركيا لعمل الزراعه
واخذت كم يوم سياحه في تركيا قبل العمليه

دعائكم لي بالتيسير و التوفيق

 

[الاسطوري]

مرحبا شباب

بما ان موعد الكشف وفحص الدم اليوم العصر( طافت الساعه12). ولانني لست متأكد
وخوفاً من ان يقومي بحلق رأسي غداً اخذت لكم كم صوره لما قبل العمليه من عدّة جهات
من خلال ال آي فون وان شاء الله كل الصور راح انزلها في موضوع جديد ومنسق تنسيق
ممتاز ان شاء الله وسيوكن هذا بعد الرجوع الى ارض الوطن اما هذا الموضوع خصصته
لاعطيكم اخر التطورات و اجوابكم على اي استفسار اذا امكنني.

الشكر موصول للجميع وان شاء الله غداً اعطيكم اخر التطورات

 

[الاسطوري]

في طريقي لعمل الفحوصات الى المركز وسألتقط فكم بعض الصور للمركز وللاشخاص ان امكن ان شاء الله

 

[الاسطوري]

في الوقت الحالي اسالف مع مجدي داخل المستشفى انتظر دوري لفحص الدم ومنبعدها سوف اتوجه للدكتوره لعمل الحط الامامي وعدد البصيلات المطلوبه
وقد تم اختلاس بعض الصور من داخ المستشفى

 

[الاسطوري]

انتقلت الى المبنى الاخر لمقابلة الدكتورة بعد الانتهاء من فحص الدم
تم تملية استمارة وقد تم اخذ صور لهذه الاستماره و الآن انتظر للدخول على الدكتوره
ولاتخافون اسألتكم بالبال راح اسألها عن كل شي قيل لي منقبلكم ان شاء الله

 

[ابو بدر]

ترجع بالسلامه ان شاء الله وشاكر لك تفاعلك بالردود وافادة من يحتاج ذلك من الاخوه الاعضاء

وننظر تقريرك مع الصور ياذن الله

دعواتي لك بالتوفيق مقدما


تحياتي اخوك

ابو بدر

 

[صلعاوي 2]

ما شاء الله عليك يالأسطوري متواصل لحظة بلحظة

الله يقويـــــــك يا الغالي وغدا هو اليوم المرتقب

 

[الاسطوري]

مادري ليش تم نقل موضوعي من قسم تجارب الاعضاء
مما سبب لي بعض الاحباط الي خلاني ما اكمل التقرير فحظه بلحظه
ولكن سوف اكتب ماحصل في الليل ان شاء الله
واتمنى ان يعاد الموضوع الى قسمه الاصلي

 

[الاسطوري]

دخلت على الدكتوره رسمت خط المقدمه و اماكن المنطقة المانحه واقتنعت بالتحديد حيث انه كان حسب توقعاتي
وقدرت لي عدد البصيلات التي ستستخرج ب ٤٨٠٠ الى ٥٣٠٠ ..
ان شاء الله تكون فوق ال٥٠٠٠ يارب
دفعت المبلغ كامل كلفني ٣٧٥٠ يورو حيث انني ارسلت ٢٥٠ يورو ك مقدم اي المجموع ٤٠٠٠ يورو +٤٥ يورو للادويه

هذا بالمختصر وعمليتي ان شاء الله ١٠ ونص صباحاً. غداً دعواتكم لي

 

[صلعاوي 2]

اليوم يومك يا الأسطوري

نصيحتي لك الإسترخاااااااااء وفكر افكار حلوه وتخيل نفسك بالشعر

لأن الوقت طويــــل :d عادي تصير مينون من كثر الافكار اللي بتفكر فيها

هههههههههههههه

سلم لي على مجدي وعبدالله سلام كثيـــر

وقولهم ( ناسلسين ) :d​

 

[الاسطوري]

راح انقطع عنكم لمدة اقلها 3 ايام لظروف العمليه

دعواتكم لي بالتوفيق واذا الله قدرني ادخل راح اعطيكم التطورات

 

[تـركـــي]

الله يوفقك يا الغالي وعسا ربي يسهل عليك ويوفقك

دعواتي لك بالتوفيق

 

[صلعاوي 2]

راح انقطع عنكم لمدة اقلها 3 ايام لظروف العمليه

دعواتكم لي بالتوفيق واذا الله قدرني ادخل راح اعطيكم التطورات

دخول حزين جدا ...

وين مضيف البوسفور وسلطان باشا والضحكه اللي ما تفارق محياك

هههههههههههههههه أكيد البنج عامل عمايل :d​