الزراعة في الهند ، مواضيع مدمجة / يمنع فتح موضوع مستقل .

[فهد]

يارب حقق مرادي ليش الخوف اذا كان الدكاترة في باكستان مثلا افضل من الي عندنا بكثير عندهم من الخبرة الشي الكثير وبنفس الوقت ارخص بعد <<<زرعت عند الدكتور احمد التركي قبل سنة ب 30000صراحة استغلال ولا لا هناك في الهند ارووح واتمشى وازرع حق 3 معي بعد

 

[ابو بدر]

فهد ممكن توضحلنا تفاصيل العمليه الللي تقول سويتها عند د التركي قبل سنه وهل هي ناجحة بالنسبه لك ؟؟
شكرا وربي يوفقك

 

[متحمسه]

والله وانا اختك مادري وش اللي صاير
كل مادخلت موضوع ادور النتائج ما الاقيها
كلها بداية العمليه وبعد سنه ولا شهور يختفي اللي سواها
واللي سافر مارجع يمكن عجبتهم الديره وقعدو
ننتظر اللي مسافرين الله يوفقهم ويعطونا اخر الاخبار
هنا شفت مصر وايران وسوريا وباكستان والحين الهند

 

[Mit3eb]

انا الشخص الثاني المشارك بهذه الرحله :d

بانزل تقرير قريب ان شاء الله عن الزراعه اللي الحمدلله سوينا والحين عند اهلنا سالمين

 

[فهد]

الحمد للة على السلامة
وبشرنا عسى الامور تماام

 

[ابو بدر]

الف حمد الله على السلامه
وبالتوفيق ان شاء الله
وننتظر منكم التقارير عن رحلتكم كامله ان شاء لله لكي نتعرف من خلال تجربتك على احد مراكز زراعة الشعر بالهند

تقبل مروري

 

[متحمسه]

الحمد لله ع سلامتكم
في انتظار التقارير

 

[mayaj]

رأيكم في هذا الدكتور في الهند

السلام عليكم

يا شباب ممكن تفيدوني انا شفت دكتور بالهند وكلمته وعطاني كل التفاصيل

الغرافت الواحد بدولار على طريقة الFUT ودولار ونص لطريقة الFUE

بس ابيكم تعطوني رايكم فيه

هذا موقعه

http://www.hairtransplant-india.org/

 

[أسير أهات]

والله وانا اختك مادري وش اللي صاير
كل مادخلت موضوع ادور النتائج ما الاقيها
كلها بداية العمليه وبعد سنه ولا شهور يختفي اللي سواها
واللي سافر مارجع يمكن عجبتهم الديره وقعدو
ننتظر اللي مسافرين الله يوفقهم ويعطونا اخر الاخبار
هنا شفت مصر وايران وسوريا وباكستان والحين الهند


والله أنك صادق

 

[yourssa]

الحمد لله على السلامه و قدامكم العافيه أن شاء الله

الله لا يهينكم إذا تنزلون تفاصيل تجربتكم كي يستفيد بقية الأعضاء و عسى الله يكتب أجركم أن شاء الله تكون تجربه ناجحه و يكررها غيركم و يستفيد أو ما تنصحون فيها و تجنبون أخونكم التعب و في كلى الحالتين كسبتو دعوة مؤمن في ظهر الغيب.....

أخوكم / ابو محمد

 

[mayaj]

شباب محد يعرررررفه ؟

 

[yourssa]

زراعة الشعر في الهند

الأخوه الأعزاء الذين عملو زراعه في الهند فضلا لا أمرا لو تكرمتو تضعون تجربتكم و التي أتمنى من الله أن تكون موفقه مع ذكر أيجابيات و سلبيات هذه التجربه و الله يكتب أجركم...

أخوكم / ابو محمد

 

[ابو بدر]

هلابك ابو محمد
يفضل زيارة قسم تجارب الاعضاء بزراعة الشعر والاطلاع على التجارب المطروحه فيه من تاريخ افتتاح المنتدى لعله يكون سبب مساعد يضاف على تجاوب الاخوه هنا
https://www.hairarab.com/vb/forumdisplay.php?f=7

موفق اخوي

 

[mayaj]

ان شاء الله هالاربعاء الى الهند للزراعه بالاقتطاف

السلام عليكم ورحمه الله وبركاته

اشكر ربي واشكركم والمنتدى الي ما تشجعته غير منه ، كنت من زمان اقول لاهلي بخاطري اسوي زراعه مليت من الادويه والعلاجات الي ما شفت منها شيء .

قررت وعزمت وقريت وايد تجارب واحترت بين باكستان وايران وما الله كتبلي ( خيره ان شاء الله ) بسبب الاوضاع السياسيه ، وشفت غلاء الاسعار بديرتي الكويت وبالسعوديه ايضا وبأمريكا وغيرها

واخيرا رسيت على دكتور بالهند ارتحت له وقرأت عنه اشياء حلوه

وهو الدكتور Dr. Tejinder Bhatti

http://www.hairtransplant-india.org

ان شاء الله مسافر يوم الاربعاء 6 / 7 / 2011 وراجع الاثنين 11 / 7 /2011

وراح اسويها بالاقتطاف ( 2600 غرافت ) وراح تكلفني 1040 دينار كويتي

وراح اوافقكم بكل شي وعد مني لكم

الله يوفق الكل ادعولي الله يخليكم

 

[تركي]

خـذني مـعك

تـوصل وتـرجع بالسـلامه خـيو .. والله يبـلغك مـرادك

والله الله بالتفـاصيل والصـور .. مـن طقطق للسـلام عـليكم

 

[mayaj]

يا بعد هالدنيا يا تركي ان شاء الله ايي اليوم وتروح وتسويها

وما طلبت الا عزك يا غالي ان شاء الله كل صغيره وكبيره بقولها لكم

 

[فخر ملك]

اخوي ترووح وترجع بالسلامه

نبي تقرير كامل عن رحلتلك

هو وين بالهند بالعاصمه ولا كيرلا ولا بومبااي ؟

لو تتكرم علينا وتعرفنا كيف خاطبة المركز ؟

ولك كل الشكر والتقدير ​

 

[MASK_LOVER]

بالتوفيق أخوووي وترجع بالسلامه مع الصور ههههههههههه

 

[أبومشعل 2007]

تروح بالسلامة يا غالي والله يحفظك من كل شر ويتمم لك بالعافية مرادك

 

[mayaj]

الله يسعدكم ويخليكم يارب ان شاء الله

فخر ملك عشت يا غالي والعياده بمنطقة اسمها شاندي جار اهي تبعد عن دلهي ب ساعه ونص بالتاكسي

انا راح انزل بدلهي وانا معطيهم خبر يخلون تاكسي ينطرني من طرفهم ويوصلني لي منطقة شاندي جار وانا الفندق حجزته هناك احسن

وبالنسبة لخاطبة المركز ما فهمتك يا غالي