الشمالي عند الدكتور بسام جباعي

[زمـن بـكـانـي]

لبى قلبك ياشيخ على هيك موضوع

اقسم بالله اني اني قريته حرف حرف واستفدت منه كثييييير

لأني قريب بإذن الله بسويها عند الدكتور بسام الله يخليه لنا

ماقصرت الله يوفقك وانشاءالله النجاح فالك والشغل واضح مرتب

من الدكتور بسام

 

[الشمال]

عبدالله 99

لااحد يدري خصوصا من اخوياك لانهم بيشغلونك يبون يشوفون وكل مايقابلونك بيسألون وشلون صلعتك هههههه

ايه مو هذاا اللي مخليني متكتم على ام الموضوع حتى عن اهلي ... خخخخـ

نون

الله يبارك لك في عمرك و امين ان شااء الله

الحيران

الله يسلمك من كل مكروه و يبارك لك في عمرك.. و هذا المغزى من هذا المنتدى و الموضوع و هو افاده اخواننا اللي تراودهم الفكره و اعطائهم فكره شبه كاامله و الكامل وجه الله سبحانه و تعاالى..
واعلم اخي لو استفااد واحد من هذاا الموضوع ولو بشئ بسيط ف اني بكون سعيد جداا ..
أحب لأخيك ماا تحب لنفسك ...

اهم واحد

الله يسلمك و يوفقك يالغاالي..

ابو طاقية
الله يبارك لك في عمرك ,.,, ويسمع منك ...

زمـن بـكـانـي

لبى قلبك ياشيخ على هيك موضوع

اقسم بالله اني اني قريته حرف حرف واستفدت منه كثييييير

لأني قريب بإذن الله بسويها عند الدكتور بسام الله يخليه لنا

ماقصرت الله يوفقك وانشاءالله النجاح فالك والشغل واضح مرتب

من الدكتور بسام

يطولي في عمرك ... و زي ماا قلت انا قبل يابو بكااني .. هالموضوع هو لكم انتم يالاعضااء اللي تفكرون بالزرااعه بس تبون البانورااماا عن الموضوع من مجرب ...لا أكثر أو اقل ...

و الله يوفقك ان شااء الله و ينجح لك عمليتك ...و اذاا تبي اي استفساار لو عن شئ بسيط لايردك كيبوردك ...

 

[حياة بلا حدود]

الحمد لله على سلامتك يالشمالي
الله يفرحك بشعرك قبل الستة شهور كمان
والله العظيم أنا الى الان متردد أسويها ولا لأ
بس عجبني تصوير ليلة الزراعة والتردد اللي نقلته لنا كأنه فيلم أكشن ما شاء الله تبارك الله
الله يعطيك العافية ونحن اللاحقون بإذن الله....

 

[the_count]

السلام عليكم ، صار لي زمان ما شاركت بالمنتدى ، موضوعك ما شاء الله مفصل ومرتب مثل ما قالوا الاخوان فيلم اكشن ،

ألحين عاد ويش يصبرك ست شهور ، بتمر الست شهور كأنها ست سنين هههههه

الله يعطيك الصحة والعافية وتشوف النتايج اللي تسرك يا خوي

 

[ابو همس]

ماشاء الله موفق خير ان شاء الله

بس ياليت اخوي زودتنا بااكثر من صوره ابعد من هالصوره شوي

لاهنت يبو قذله ^_^

 

[Sweet & Sour]

الحمدلله عالسلامه .. وعقبال ماتلعب لعب بالشعر الحرير :d

حبيت انك كتبت التجربه بالتفصيل وعيشتنا معاك بالجو .. :d

الله يعطيك العافيه وعقبال ماتسدح لنا الصوره وانت خايف من الحسد على شعرك :d

 

[الشمال]

حياة بلا حدود

الله يسلمك يالغالي ,,و يوفقك في اتخااذ القرار الصائب ان شاء الله ,,,
موفق خير

the_count

و عليك السلام و رحمه الله و بركاته
عادي نصبر السته شهور اهم شي تكون النتايج مرضيه ..
و الله يطولي في عمرك و يوفقك يالغالي..

ابو همس

اجمعين ان شاء الله
والله و انا اخوك ابعد من كذا معنااهاا واحد ياخذ الصور و ان متكتم على الموضوع

Sweet & Sour

الله يسلمك ... موفق خير ..​

 

[الشمال]

السلام عليكم

ابضيف 3 صور قبل و بعد العمليه للموضوع

قبل العمليه مع خط المقدمه المطلوب

بعد 10 ايام من عمليه الزراعه .. تبين القشور صارت غامقه اللون و بدأت تتساقط مع الفرك في عمليه الاستحمام.. طبعاا فركها بطريقه معطااه من الدكتور بساام سباعي..

وهنا الصوره بعد 15 يوم من العمليه ...
و واضح القشور اختفت اي بمعنى تساقطت كلهاا ..
طبعاا بعد اسبوعين رحت للحلاق يعني البارح و حلقت على رقم ثلاثه عشان اساوي الشعر ...
شكلي اول غلط ...طبعا الدكتور بسام حلق لي مقدمه الراس على الموس و خلا الباقي يعني شكلي صاير مثل الهنود الحمر
يوم رحت للحلاق و نزلت الشماغ و جلست على الكرسي الحلاق شكله صار زي كذاا قلت ايه معاي قشره و عالجت الشعر من قدام ,,, شوي الا قال مبروك زراعه الشعر .. انا شكلي كن واحد صفقني كف .. من جد لخمني بعدين صارحته هههههههههه ... ياشين الكفشه و انت مسوي فيه ذكي ..
نراكم بعد ثلاث شهور
​

 

[حياة بلا حدود]

ما شاء الله تبارك الله
أسأل الله العظيم رب العرش العظيم انه ما يمر ثلاثة شهور الا والمنطقة كلها مليانة شعر غزير
قول امين بس

 

[ياقلبي قلبك]

مبروك الزراعة والحمد لله على السلامة وان شاء الله تشوف نتايجها الكبيرة قريباً وتفرح بشعرك


الدكتور قرر أنك تحتاج 1900 جرافت ، حاب أعرف يعني كم بصيلة زرعلك ؟ والجرافت كم بصيله فيه ؟​

 

[الشمال]

ما شاء الله تبارك الله
أسأل الله العظيم رب العرش العظيم انه ما يمر ثلاثة شهور الا والمنطقة كلها مليانة شعر غزير
قول امين بس

امين ان شاء الله ,,, مشكور على هالدعاء الصادق و الله يرزقك و يفرج لك كل كربه .. قل امين

مبروك الزراعة والحمد لله على السلامة وان شاء الله تشوف نتايجها الكبيرة قريباً وتفرح بشعرك


الدكتور قرر أنك تحتاج 1900 جرافت ، حاب أعرف يعني كم بصيلة زرعلك ؟ والجرافت كم بصيله فيه ؟​

الله يبارك لك في عمرك..
ايه نعم الدكتور قرر العدد ... كل جرافت تختلف من شخص الى اخر و تخلف مع نفس الشخص من جرافت الى اخرى ,,,
بمعنى الجرافت يجي فيه من واحد الى ثلاث شعرات ... و نفس الشخص تلقى 10% منهاا 3 شعرات في الجرافت الواحد و الباقي على شعره في الجرافت و النسبه تختلف,,
بالنسبه لي انا كل الجرافت كانت على شعره وحده بس و الحمدلله على كل شئ,,,

 

[ابو همس]

اخوي وش صار معك بشر عسى النتايج زينه ان شاء الله

 

[الساهرر]

نا مشكلتي انا كنت استخدم باروكة ابولو لمدة 9 شهور وخلاص الناس تعودت على شكلي بس تعبت منها رغم الناس اللي اعرفهم يفكرون انه شعري الطبيعي قررت ثم قررت اسوي عملية زراعة طبيعي اخذت اجازة شهر وسويت الزراعة بس مشكلتي الناس لان عملي راح اكون مكشوف الراس فكرت احلق صفر بس الندبة راح تكون واضحة والندبة كبيرة من الاذن الي الاذن وش الحل ارجو من الجميع المشاركة بالموضوع ؟؟؟

 

[ابو همس]

دامك زرعت خلاص واذا عرفو انك اصلع عادي او انك زرعت نو بربلم كلها سنه بالكثير وتطلع بالوك الجديد ان شاء الله

حلق مووس وخلك على هالشكل لين يطلع شعرك

 

[محال]

وينك ولا طلع لك شعر وسحبت علينا

 

[مجنونها 99]

بشررررنا وش صار
ياليت تعطينا الاخبااار والصوور اذا ممكن
وعافاااك الله ماقصرت الله يجزاااك خير

 

[faris.no1]

مبروووك أخوي على الشعر

والله يوفقك على هالتقرير ويجزاك خير

ترى ننتظر باقي أخبارك ، لا تطول علينا يالغالي

 

[الاصيلع]

اخوي الشمالي ترى موعدي قرب ومتحمس اشوف الصور عشان اطمن ع النتيجه

 

[مجنونها 99]

بشرر ياخوي وش صار
ياليت نشوف صوره من الامام مو من فووق الله لايهينك عشان تبين النتيجه
والحمدلله على سلامتك
ويعطيك العافيه على النصااايح ماقصرت الله يجزاك خير

 

[المصلعجي]

السلام عليكم
اشكرك اخ الشمال وربنا يتمم عليك بخير انا اول مره ادخل الكنز على قولك المنتدى الجميل
ونفس الشعور الي حسيت فيه اخي انا من الدمام ممكن تعلمني الدكتور بسام الجباعي بأي مستشفى يعمل وكذلك الدكتور التركي مع احترامي لهم ولكم جميعا
وصدقني بعد ما قريت موضوعك قررت اعملها فلا تهمل رسالتي وانا اعتقد انني في المستوى 7 فإيش رايك يقول إسئل مجرب ولا تسئل طبيب