الله يوفقني في زراعة شعري

[ابو همس]

اخوي الصور الي انت حاطها قبل ولا بعد العمليه

ياليت اذا كانت بعد العمليه تزودنا بالي قبل او العكس نبي نشوف الفرق

 

[عبدالله علي]

السلام عليكم
مشكور اخوي عالرد
وانا ان شاء الله راح ازوره واستشيره
لاني الى الان زرت كذا مركز بالرياض وماطلعت لنتيجه نهائيه
يمكن يكون الحل عند الدكتور نصر والله يكتب اللي فيه الخير
وبالنسبه لك متى ان شاء الله راح تعمل العمليه
وهل وصلت معاه لاتفاق نهائي ؟
اشكرك مره ثانيه وبيض الله وجهك

ووجهك

انا عمليتي الثلاثاء
1/3/2011مـ

غدا يعني

انا اتفقت وبشكل نهائي ودفعت 5000 قبل العمليه بأربع ايام

 

[عبدالله علي]

اخوي الصور الي انت حاطها قبل ولا بعد العمليه

ياليت اذا كانت بعد العمليه تزودنا بالي قبل او العكس نبي نشوف الفرق

اصبر علي العمليه بكرة الثلاثاء

الصور قبل العمليه

وصدقني راح اخذ كاميرا معي للمركز وراح اصور كل شي حتى مدخل المركز اللي على الشارع

ويارب تنجح عمليتي وتستفيدون من تجربتي

 

[london]

سبحان الله توني انتبه اخوي عبدالله وانا ايضا غدا موعد الزراعه عندي الثلاثاء الصبح..بطريقة fue

دعواتكم ياجماعه لي..الله يجمعنا معكم جميعا في الفردوس الاعلى اللهم امين

 

[المصدر الاول]

موفقين أن شاء الله أثنينكم أجمعين بس عطونا التفاصيل أول باول​

 

[عبدالله علي]

موفقين أن شاء الله أثنينكم أجمعين بس عطونا التفاصيل أول باول​

ابشررر من عيوني الثنتين


من زود الحرص اخاف اصور شغالتنا


والله اني متحمس وخايف

ابي نتايج مرضيه لي

وابي افيد مثل ما استفدت انا من هذا المنتدى

 

[المصدر الاول]

ههههههههة ضحكتني وتسلم عيونك ياعبود والله يعطيك على قد نيتك وأن شاء الله نيتك طيبة بمشئية الله​

 

[le homme]

السلام عليكم عبدالله وعلى الجميع
الله يوفقك مع هالفجر
وتشوف النتايج اللي ترضيك بحول الله
ننتظر ياقي تقريرك ويالتوفيق لك وللجميع يارب

 

[le homme]

اخوي لندن الله يوفقك ويسهل امرك ونشوف تقريرك
وانت معافى مشافى يارب

 

[أبومشعل 2007]

بالتوفيق يا ابوعابد ... اليوم يومك وعقبال نجاح العملية

 

[المصدر الاول]

بس دخلت أدعيلكم أسال الله العظيم رب العرش الكريم التوفيق لكما​

 

[عبدالله علي]

بسم الله والحمد الله

تمت العملية

تم زرع 2000 بصيله في منطقة الصنادح

دخلت الغرفه الساعه 6 المغرب وطلعت الساعه 9.30 بعد العشاء

للأسف كنت ناوي ازرع منطقة الوسط بس الدكتور قال 2000 بصيله كلها على منطقة الناصيه

ويقول اذا ما اعجبتك النتايج انا راح ازرع لك اللي تبي


الدكتور فادي كان والله مثل الاخ وكان ودود جدا ما كنه طبيب

ان شاء الله راح انزل جميع الصور اللي خذيتها


خذيت صور + مقاطع فيديو

طبعا تفاصيل العمليه كما يلي :

اول شي تم اقتطاف 2000 بصيله من المنطقة المانحه

في ساعه ونصف وكنت نايم على بطني على كرسي خاص لزراعه الشعر يشبه الي حد كبير سرير المساج

كان يسويها لي الدكتور فادي بنفسه يعطي بنج ويسحب شعرات عن طريق جهاز يشبه المسدس

وبعدها جاء دكتور اسمه سامي من مستشفى اوباجي وكانت جيته زياره من اجل تبادل الخبرات مع الدكتور فادي

اللي حسيته ان الدكتور سامي جاي يناظر طريقة الاقتطاف ويستفيد من الدكتور فادي كيف يقتطف 2000 بصيله في 1.30 فقط

بعدها رسم التاج لي الدكتور فادي

واللي زرع لي شعري

في البدايه هو الدكتور سامي من مستشفى اوباجي + الدكتور فادي

بعدين اشتغلو فيني الممرضات

طبعا اي تفاصيل انا جاهز واي اخطاء انا اعتذر من الحين لاني مصدع وراسي ملفوف بالشااش

والصور راح اضيفها اذا روقت

وشكرا لك يا احبائي

والله يشهد اني حبيت ذا المنتدى وحتى لو طلع لي شعر ببقى معكم لانكم ناس تحبون الخير لناس

وانا احب كل شخص في هذا المنتدى ...

 

[المصدر الاول]

والله العظيم كل ماأسمع هالكلام احس بسعادة وبراحة بس الحمد لله أنك طمنتنا عليك وآلف تريلون مليون مبروك ولك هدية من عندي مشط حق جدتي أن شاء الله بعد مايطلع الشعر والحين أرتاح وفي أنتظار تقرير بالتفصيل الممل والصور بعد بس ياليت أحد يطمنا على أخونا london وش صار معاه​

 

[أبومشعل 2007]

الحمد لله على السلامة وان شاء الله تشوف النتائج احلى ...
هل أعطاك الدكتور علاج تستمر عليه غير المضاد الحيوي ؟

 

[le homme]

الحمد لله على سلامتك اولا
وان شاء الله تشوف النتايج المرضيه
وما شاء الله 3.5 ساعات وقت حلو للعمليه
اهم شي ارتاح عشان تعطينا التقرير اللي هوه
تحياتي

 

[az771]

الحمد لله على السلامة
وبانتظار الصور
وعقبال الجل إن شاء الله

 

[london]

والله العظيم كل ماأسمع هالكلام احس بسعادة وبراحة بس الحمد لله أنك طمنتنا عليك وآلف تريلون مليون مبروك ولك هدية من عندي مشط حق جدتي أن شاء الله بعد مايطلع الشعر:d والحين أرتاح وفي أنتظار تقرير بالتفصيل الممل والصور بعد بس ياليت أحد يطمنا على أخونا london وش صار معاه​

السلام عليكم

اللهم اك الحمد كماينبغي لجلال وجهك وعظيم سلطانك

دخلت الساعه 9 الي ماخذ الضغط واتحلقت وبدينا 10 وخلصنا 4

طبعا كل ساعه بريك 10 دقائق

تم زرع 2500 شعره في مقدمة الراس سبحان الله أنا بعد كنت اباه يوزعها مثل الاخ عبدالله

بس الدكتور فضل هذه الاسلوب يمكن لانه عندي شعر في المنتصف فاختار ملي المقدمه

البارحه ريحت ونمت واليوم الصبح عقيت الشاش وغسلت المنطقه اللي خلف

وبعد يومين أغسل راسي

وكل الشكر للأخ المصدر ع السؤال وان شاء الله نضع لكم الصور في اقرب وقت

 

[عبدالله علي]

يا خوان انا رحت وفكيت الشاش عن راسي وغسلت عندهم بس وسوست

احس ما زرع لي 2000 فرقت احسه اقل بكثير

يعني من 1000 الي 1200

مستحيل ألفين قرفت بهذا الشكل

بنزل صوري اذا جاء عبدالله 99

لاني ما عرفت انزل الصور صراحه

بس اموت واعرف كيف اتأكد من عدد القرفت لاني احسه شوووي صراحه

والحمد الله على السلامة لندن

 

[عبدالله 99]

الحمدالله على السلامه اخ عبدالله وربي يوفقك ان شاء الله في العمليه

بنزل الصور في الصفحه الأولى

 

[طائر الحرم]

ال 2000 بصيله كم كلفتكم يااخوان من الى؟؟