بعد مرور ثمانية أشهر .. تعالوا شوفوا جبهتي كيف صارت بالصور !!

[علي99]

اتمنى من الله لك التوفيق

والله يستر عليك

 

[انسام الفجر]

مبروك اختي على نجاح العملية
ربي يتمم عليك الهنا والرضا
وعقبال ما يصير شعرك مثل ما كنتي تتمنين واكثر يارب

 

[غصات حزن]

اختي جبهه حرب وين سويتي العمليه ومين الدكتور واسم المستشفى

 

[جبهة حرب]

هلا أختي

الموضوع كامل تلقينه تحت

تعالوا شوفوا جبهتي وش صار عليها

عملتها عند د.بسام جباعي
الرياض
العيادات العالمية لزراعة الشعر

وفيه د.جمال جمعه بس كان سعره أغلى شوي فاخترت د.بسام

بس احتمال أن اسعار د.بسام زادت حسب ما أشوف من التجارب الأخيره

احجزي عند كذا دكتور واستشيري اكثر من دكتور واللي ترتاحين له أعملي عنده

تحياتي

 

[جبهة حرب]

الله يبارك فيكم جميع ... ربي لا يحرمكم من كل شي تحبونه

تحياتي

 

[شاعر قديم]

الحمد لله على سلامتك

وآن شاء الله تشوفين النتائج اللي تسرك

 

[صالحه]

اختى جبهه حرب كيفك

بسالك الحين الشعر المزروع يطيح مع القشور بعد الزراعه ويرجع ينبت من جديد

اشرحي ذى النقطه مو فاهمتهااا

 

[جبهة حرب]

ايه نعم الشعر المزروع يطيح مع القشور وتبقى البصيلة تحت الجلد .. وتبدأ بالظهور بعد 3 شهور

اتمنى أن تكون المعلومه وصلت

تحياتي

 

[صالحه]

مشكوره ي قلبي ماقصرتي ايوه وصلت بس سوال ضغنون يعني تجلس المنطقه خاليه من الشعر زي قبل الزراعه ويستني الواحد 3 شهور صح كذا

 

[marea]

مرحبا جبهة حرب
انا سويت مثلك منطقة الجبهه من 3 اسابيع تقريبا
وبسالك
انا الان طاحت كل القشور والشعر المزروع 80 بالميه منه طاح
متى بدا معاك يطلع الشعر ؟
وثاني حاجه هل مبين انه مزروع ولا طبيعي ؟
لاني خايفه يبين انه حاجه ماهي طبيعيه عن شعري الطبيعي مااعرف !!

 

[lights]

مرحبا عزيزتي
ألف مبروك على النتيجه الحلوه والله يهنيك بالنيو لوك
يشهد الله من أهم الأسباب اللي حمستني وطمنت أمي أني أقدم على هالخطوه وأسوي زراعه.. أنا زيك ماعندي صلع بس جبهتي كبيره وأبي اسوي زراعه عند دكتور بسام جباعي إن شاء الله.. بس محتاره من ناحية أفضل وقت اسوي فيه العمليه هل من رأيك أنها أفضل بإجازة صيف؟ يعني شكل البصيلات المزروعة مع القشور بيكون محرج وواضح ويحتاج تغطيه؟ وإذا جوابك "نعم" كيف كنتي تغطينه؟ وبالنسبة للاستحمام وإلاستشوار مثلا بعد كم فتره أقدر أستشور واصفف شعري عادي؟
والسؤال الاخير منظر الشعر أول مابدأ يطلع ملفت؟ؤكيف سرعة نموه؟
عذرا ع الإطاله وآشكر لك رحابة صدرك

 

[جبهة حرب]

هلا اختي صالحه ايوه يسقط الشعر كله ويرجع زي اول ما كأنك زرعتي ..ويبدأ الشعر بالظهور لكن ماراح يبان إلا بعد 3 شهور

-------------------------------

marea
الشعر لاحظت ظهوره بعد 3 شهور وبعد 6 شهور طال اكثر بس صعب تطلعي فيه لإنه بيكون شكله غريب

بالنسبه لي مو باين إذا فرقت الشعر ابداً ابداً مو ملاحظ حتى خواتي اللي مايعرفون مالاحظوا اني زارعه بس قالوا كذا احلى .. يمكن لإني من أول ما أطلع جبهتي .. بالنسبه للي عنده خبره في زراعة الشعر ممكن يعرف

لكن عامة الشعب ماراح يعرفون

تحياتي

 

[جبهة حرب]

مرحبا عزيزتي
ألف مبروك على النتيجه الحلوه والله يهنيك بالنيو لوك
يشهد الله من أهم الأسباب اللي حمستني وطمنت أمي أني أقدم على هالخطوه وأسوي زراعه.. أنا زيك ماعندي صلع بس جبهتي كبيره وأبي اسوي زراعه عند دكتور بسام جباعي إن شاء الله.. بس محتاره من ناحية أفضل وقت اسوي فيه العمليه هل من رأيك أنها أفضل بإجازة صيف؟ يعني شكل البصيلات المزروعة مع القشور بيكون محرج وواضح ويحتاج تغطيه؟ وإذا جوابك "نعم" كيف كنتي تغطينه؟ وبالنسبة للاستحمام وإلاستشوار مثلا بعد كم فتره أقدر أستشور واصفف شعري عادي؟
والسؤال الاخير منظر الشعر أول مابدأ يطلع ملفت؟ؤكيف سرعة نموه؟
عذرا ع الإطاله وآشكر لك رحابة صدرك

الله يبارك فيك

ماتفرق الأجازة او وقت الدوام

انا عملتها بإجازة الحج .. إجازة الصيف فيها التزامات ومناسبات خفت ماتناسبني .. إجازة الحج الناس مشغوله اللي يسافر يحج واللي يقضي للعيد واللي يتعبد ربه .. وكمان الجو كان حلو مو حر ولابرد .. وهي خيره وتوفيق من رب العالمين

الشعر المزروع يتخبى بشعرك عادي زي ماكنتي تخبي جبهتك اول .. انا ماكان واضح ابد لإني كنت اخبيه على طول بالغرة ...

الاستحمام من بعد العملية عادي مافيه مشكله .. بس تحاولي الدش مايجي على المنطقة المزروعه مباشره إلا بعد ماتطلع القشور .. وعالعموم الدكتور بيعطيك كل هالتعليمات بالتفصيل واحسن مني ..

شعري كله عادي استشوره بس ما أحتجته للمنطقة المزروعه إلا بعد 6 اشهر تقريباً لإنه بدا يطول ,, استشوار خفيف .. وهذي كمان يفيدك فيها الدكتور

اتمنى لك نتيجة مبهره وياليت تشاركينا تجربتك


تحياتي

 

[marea]

ايش قصدك بالي عنده خبره في زراعة الشعر ممكن يعرف ؟
يعني هل قصدك يبين انه شعر مزروع ؟
معليش اقلقناك بالاسئله

 

[جبهة حرب]

شوفي يا أختي

يمكن عشان انا على راسي بطحا فأحس إنه ممكن يكتشف الواحد ... مدري

بس انا إذا دققت احس جذور الشعره اللي لاصقه بالفروه غامقه مره وقوية مو زي مقدمة الراس عند الناس اللي ماعملوا زراعه .. لإن شعرات المقدمه تكون خفيفه شوي ... انا اقول احتمال اني اتوهم


بس حتى لو بان للناس اهم شي شكلي صار أحسن وثقتي بنفسي اكبر وكمان ما اطول قدام المرايه هههههههههههه

مع العلم أن اختي اللي عارفه بالموضوع تقول ابداً ابداً مو باين إنك زارعه

تحياتي

 

[الاصلع الذكي]

مبرووووكة اختي والله يتممها لك على خيررررر

 

[marea]

ممكن اسالك
انا لي شهر ونص تقريبا من زراعة الشعر
ولسا مابدأ ظهور الشعر المزروع
ومدري متى راح يطلع
صعب الانتظار
المهم لي اسبوعين عندي حكه اتعبتني في نفس المنطقة المرزوعه (هي الجبهه) مدري ليه !!
هل حصل لك نفس الشيء ؟

 

[فاقد شعرة]

اااااااالف مبروووووووووك

وإن شاء الله تشوفي النتائج اللي تسرك ,, وتحقق أمنياتك


تقبلي مروري

 

[جبهة حرب]

الاصلع الدكي وفاقد شعره

جزاكم الله خير وتقبل الله دعواتكم والله يبارك فيكم


---------------------------------


اختي ماريا

الشعر مايطلع إلا بعد 3 شهور

هاللحين يالله تطيح الشعرات ..

انا الحمدلله ماجتني حكه .. بس فيه ناس زرعوا قالوا فيه حكه


ادا خايفه اتصلي على الدكتور أو زوريه

اتمنى لك نتايج مبهره

تحياتي

 

[hayo0of]

مساء الخير جميعااااا اتمنى تكونو بخير وصحه وعافيه ..



اختي جبهة حرب حبيت استفسر منك
س/ انتي كان فيك شعر في الجبهه وبسبب عوامل التعريه كبرت والا هي من خلقة الله كبيره وانتي زرعتيها ,, لان سمعت انو يزرعون منابت الشعر فقط الي من خلقه الله ما يحددون زياده من الجبهه الي اساسا مافيها بويصلات

اتمنى تكوني فهمتي قصدي وياليت تردي على سوالي جزاك الله خير


و صلى الله وسلم على حبيبنا محمد .