مرحبا دايموند
أربع استفسارات فقط .. ..
* البروبيشيا أو البروسكار هل تستخدمهم مدى الحياه ؟ أو فتره معينه فقط ؟
* 20 ألف ريال هل هي كافيه للسفر هناك وعمل العمليه ؟
* أبي منك أبرز المعوقات اللي واجهتك علشان أتفاداها ؟ ووش سويت من قبل تطلع لايران من بلدك الى ايران ؟ يعني وش الترتيبات الي قمت بها ؟
* كم تعطي نتيجة رضاك عن العملية ؟ بالنسبه المئوية ؟
أتمنى تفيدني , لأني ناوي أطلع هالأيام إن شاء الله , والله يستر العالم حوووسه , وهو اللي مخوفني أكثر !!
لكن الله يستر , بتوكل على الله بإذن الله .
ويعطيك العافيه مقدماً .
البروبيشيا قالوا لي استخدمه مده 6 شهور ، بس انا كنت استخدمه قبل العملية ولا زلت مستمر عليه ، وبستمر عليه بعد أكثر حتى يمنع التساقط في المنطقة الخلفية.
20 الف ريال كافية للعملية والسكن والمترجم والتذاكر، لكن لازم تودي معاك احتياط على الاقل 25 الف!
بالنسبة لرضاي عن العملية ما أقدر أقولك ألحين ، توني كملت 4 شهور والشعر ابتدى يطلع ويملي المساحات لكن خفيف ، على حسب ما قرأت ومن تجارب الناس ان أكثر الشعر يطلع من الشهر الرابع للسادس ، وحتى لمدة سنة يظل الشعر ينمو. أنا احس لحد ألحين اوكي يعني ابتدى شكلي يتغير لكن لا زالت الفراغات موجودة .
أنا خبرت الأعضاء ان بعد 6 شهور بنزل صوري ، باقي شهرين واكمل 6 شهور.
أنا الفيزا سويتها قبل لا أسافر طبعا ، وما صادتني مشاكل يعني بالسفر وجدي كان كل شي طبيعي ، أهم شي تودي معاك لابتوب وأفلام وأشياء تشغل وقتك لان هناك بتتملل التيفي ما فيه شي الا كم قناة ايرانية !
السلام عليكم
اخوي انا سويت العملية بنفس المركز وعند الممرضة كهرماني وان شاء الله ان الامور طيبة وصارلي اسبوع تقريبا
بس المشكلة بعد مارديت صار فيني التهاب واذا عندك معلومة عن الالتهابات ارجوا النصيحة وشكرا
انا اللي سوت لي اسمها خانم شاعري ههههههه للحين حافظ اسمها خوش بنية والله من كثر ما كنت اشوفها للحين شكلها في بالي حافظنها.
بالنسبة للالتهاب والله ما صادني وما عندي فكرة ، بس نصيحتي تتصل لمسعود تخليه يسأل العيادة أكيد في دواء او مسكن معين يوصفونه للمرضى في هالحالات ، لا تسكت عن روحك لا تصيدك مضاعفات.