تجربتي في الزراعه بمستشفى شيفر

[أمل رغم الألم]

هلا اختي هند مبروك مقدما و توكلي على الله المناسبات تجي و تروح اهم ما عليكي صحتك

انا كان اكبر همي حلاقة شعري بس فضلت هالطريقة على الشريحة عشان عدد بصيلات اكثر و كمان شعري يتساقط كثير فخفت بعدين يصير يبين مكان الجراجة

لي تقريبا شهر بعد العملية مابعد طال الشعر ولا بينت النتيجة

 

[وداد]

أهلا أختي ،،

بالنسبة للشعر اللي ما طال تقصدين الشعر المزروع و لا الشعر في المنطقة المانحة ؟

لان الشعر المزروع بيبدأ ينمو في نهاية الشهر الثالث ونموه راح يكون بطيء نوعا ما ولكن راح تزيد كثافته قليلا في الشهر الرابع والخامس ،،

لا تحاتين وتحياتي،،

 

[سنا]

السلام عليكم اختي

االحمد لله على سلامتك واتمنى ان تكون عمليتك موفقة وبانتظار التحديثات

ازا ممكن تبعتيلي طريقة التواصل مع المركز
وهل بهاء هو المنسق ام الطبيب؟

شكرا لك

 

[أمل رغم الألم]

مشكورة وداد لي الحين شهرين من بعد العملية يالله شعري طال تقريبا 1 سم ولا شايفة اي تغيير مكان الزراعة بس بنتظر كمان شهرين قبل لابدأ احكم عن النتيجة و الله يساوي اللي فيه الخير

 

[أمل رغم الألم]

اختي سنا بهاء هو المنسق العام في المستشفى و هو الوحيد اللي تقدري تتواصلي معاه اما باقي المستشفى بما فيهم الدكتورة ما يعرفون انجليزي و الشعب التركي كله يعاني من ها المشكلة :d
فتعلمي لغة الاشارة قبل لتنوي السفر و بالنسبة للرقم برسله لك على الخاص

 

[nosha]

اختي ممكن الرقم ؟
الله يعطيج النتايج الطيبه ويعطينا يارب
الف شكر

 

[سيد المعرفة]

السلام عليكم

بس بغيت اعرف كم كلفتك قيمة الزراعة فقط في مركز شيفر ؟؟؟؟؟؟؟؟

 

[أمل رغم الألم]

كان المتفق عليه 2000 يورو و تم خصم المبلغ

 

[توني صغير]

والله ياختي اني اكلمك وانا بالغرفه عندهم على السرير :dوخاااايف خووف مو طبيعي الله يستر

 

[أمل رغم الألم]

والله ياختي اني اكلمك وانا بالغرفه عندهم على السرير :dوخاااايف خووف مو طبيعي الله يستر

ما في شي يخوف توكل على الله بس . و طمنا عليك بعد ما تطلع من العملية
الله يوفقك و تكون النتايج مرضية

 

[وداد]

مرحبا أختي ،،

يرجى تحديث الموضوع بارك الله فيك للاستفادة ،،

موفقة بإذن الله ،،

تحياتي ،،

 

[أمل رغم الألم]

تجربتي لها 3 شهور و ماصار شي جديد لاحدث الموضوع
ان شاء الله اول ما تبدا تظهر النتايج بقوم بالتحديث
مشكورة على لفت النظر اخت وداد

 

[وداد]

بالتوفيق أن شاء الله أختي الكريمة ،،

 

[درع الحجاز]

بالتوفيق يارب وتشوفي النتايج اللي تسرك

 

[ام السلطان78]

مرحبا يالغاليه انا شعري كله خفيف وجربت هير جرو وكان بيقضي علي ارق ونفسيه وزغلله بالعين وصداع شنيع ودي اسوي الزراعه بس هل تنفع لشعري الخفيف واهم سؤال هل المنطقه المانحه تنبت ولا بعد تصلع الله يخليج فيديني كرت نفسي والملفع ماانزله من راسي

 

[ام السلطان78]

ارجوكم ابي جواب شافي تكفون

السلام عليكم اختي الكريمه انا شعري خفيف كله هل تصلح لي الزراعه لسد الفراغات والمنطقه المانحه بعد الاخذ منهاًش يصير فيها تنب ام تبقى فاضيه

 

[ام عمار]

يعني يا اختي تشجعين اني ازرع عندهم

بس انا ما ابغا يحلقون شعري احسة صعب علي

طيب كم التكلفة كلها سفر واقامة وعملية ومترجم كمان
ياليت التوضيح اكثر

 

[أمل رغم الألم]

قبل العملية كان شعري خفيف نوعا ما الخلف و من الامام فيه فراغات . الحين بكمل 5 شهور على العملية ولاني شايفة اي نتيجة تذكر شعري من الخلف صار خفيف جدا جدا و المنطقة المزروعه قبل العملية اكنت الفراغات ارحم من الحين

و للاسف المنسق اللي كنت اتواصل توفى الله يرحمه . و صار لي بعض المضاعفات في المنطقة المزروعه انتفاخ للحين مو نفس باقي فروة راسي و طلعت لي حبوب كبيرة متقيحة و من تواصلت مع منسق ثاني يقولي شوفي دكتور جلدية عندكم .

اقيم نتيجة تجربتي انها فاشلة . مش عيبا في المستشفى لا و الله الصدق ينقال كانت جيدة لكن مو عارفه السبب الحقيقي للمضاعفات اللي صارت لي ولا لعدم ظهور الشعر المزروع للان و خفت المنطقة المانحة

 

[أمل رغم الألم]

اختي ام عمار تقدري تستفسري من المنسق هل يقدرو يسوون لك العملية بدون حلاقة لكامل الشعر . بالنسبة لي قالولي لازم حلاقة لكامل الشعر عشان يقدرون ياخذون اكبر عدد ممكن من البصيلات.
بس ما اعرف هل في كل الحالات يحلقون الشعر كامل او لا

 

[جبهة حرب]

أختي أمل رغم الألم

عوضك الله خير مما فقدتيه

والحمدلله على كل حال

ورزقك الله شعر جميل

توكلي على الله

تحياتي