تجربتي في زراعة اللحية والشارب / عيادة الدكتور سركان / 28 سبتمبر 2015

[alza3eem]

ماشاءالله تبارك الله فيه تحسن كبير واضح وبالنسبه لصوره مو واضح ابداً انها زراعة بالتوفيق ان شاءالله وترجع بالسلامة

 

[7amani]

ماشاءالله تبارك الله فيه تحسن كبير واضح وبالنسبه لصوره مو واضح ابداً انها زراعة بالتوفيق ان شاءالله وترجع بالسلامة

أجمعين ياارب والله يسلمك


اشكرك من قلبي على الكلام الجميل


تحياتي

 

[ابو ليلى المهلهل]

ما شاء الله تبارك الله
الله يسعدك بالنتائج الطيبه


عندي طلب مهم جدآ

ياليت او سمحت بعد ما تكمل ٣٠ يوم من الزراعه وتكون حلقت الدقن مكينه تنزل لنا صوره هنا عشان نشوف هل تكون واضح ان الواحد مسوي زراعه او لا ..

الطلب يهمني كثير لاني متردد من هذي الناحيه ودي اكون بعد شهر من الزراعه وبعد ما ارجع الدوام انه ما يكون واضح اني مسوي زراعه


الله يوفقك ويجزاك خير على تجاوبك مع الناس ..

 

[7amani]

ما شاء الله تبارك الله
الله يسعدك بالنتائج الطيبه


عندي طلب مهم جدآ

ياليت او سمحت بعد ما تكمل ٣٠ يوم من الزراعه وتكون حلقت الدقن مكينه تنزل لنا صوره هنا عشان نشوف هل تكون واضح ان الواحد مسوي زراعه او لا ..

الطلب يهمني كثير لاني متردد من هذي الناحيه ودي اكون بعد شهر من الزراعه وبعد ما ارجع الدوام انه ما يكون واضح اني مسوي زراعه


الله يوفقك ويجزاك خير على تجاوبك مع الناس ..

أجمعين يارب


اشكرك على الكلام الجميل


وإن شاء الله اذا كملت شهر وحلقت الشعر راح انزل الصور




تحياتي

 

[ibrahim23753]

متابع بشدة انتظر بعد الحلاقة بفارغ الصبر لاني عندي نفس الخوف من ما بعد الحلاقة وياليت تعطيني طريقة التوصل فيها لنفس الدكتور شغله بطل

 

[7amani]

متابع بشدة انتظر بعد الحلاقة بفارغ الصبر لاني عندي نفس الخوف من ما بعد الحلاقة وياليت تعطيني طريقة التوصل فيها لنفس الدكتور شغله بطل

ان شاء الله بعد 10 أيام بحلق بالمكينه وبنزل الصور ..


وبخصوص العيادة راح تحصل الإعلان فوق ع اليسار ( أول إعلان ) .. عيادة الدكتور سركان إيجين




تحياتي لك

 

[رعبوب]

من المنسق استاذي

 

[7amani]

من المنسق استاذي

محمد المصري

تحياتي

 

[msalem]

ماشاء اللله تبارك الله بصراحة شغل عدل اللله يدوم الفرحة عليك وتحصل على نتيجة نهائية افضل من المتوقع ،،

انا ناوي اروح اسوي زراعة لحية وبقعد بالكثير عشرة ايام ولما ارجع ما ابغى مخلوق يعرف اني مسوي زراعة كتوم الولد
تتوقع انه بعد عشرة ايام تمشي على الناس وما يلاحظون ولا بيكون الموضوع ملاحظ ؟ ابغى رأيك من واقع تجربتك.

ومشكور يالاخو

 

[7amani]

ماشاء اللله تبارك الله بصراحة شغل عدل اللله يدوم الفرحة عليك وتحصل على نتيجة نهائية افضل من المتوقع ،،

انا ناوي اروح اسوي زراعة لحية وبقعد بالكثير عشرة ايام ولما ارجع ما ابغى مخلوق يعرف اني مسوي زراعة ���� كتوم الولد
تتوقع انه بعد عشرة ايام تمشي على الناس وما يلاحظون ولا بيكون الموضوع ملاحظ ؟ ابغى رأيك من واقع تجربتك.

ومشكور يالاخو

اول شي اشكرك من قلبي على الكلام الجميل ❤❤

بخصوص استفسارك
عشرة ايام بتكون اثار العملية للحين موجودة مثل القشور في الشعر المزروع
والمنطقة المانحة بتكون للحين ما تعافت بالكامل.. والشعر المزروع راح يكون اغلبه موجود يعني ما يمديه يتساقط كامل في عشرة ايام.. بالكثير عشرين يوم ويتساقط الشعر.. واذا تساقط الشعر يبدأ يبين الاحمرار مكان الزراعة(طبعا الاحمرار يعتمد على نوع بشرتك فيختلف من شخص لشخص ومدة زواله بعد تختلف من شخص لشخص ).. فأنصحك اذا نويت تسويها تاخذ اجازة شهر عشان تقدر تحلق الشعر المزروع بالمكينه.. والمنطقة المانحة تصير 80٪ طبيعية خصوصا اذا شعرك يطول بسرعه.. والاحمرار ما اقدر اجزم لك يختفي في شهر لانه يعتمد على نوع بشرتك يعني اذا بقى عندك الاحمرار بعد شهر راح يكون هو الشي الوحيد اللي يبين انك مسوي عملية.. لكن اذا اختفى منك الاحمرار وحلقت الشعر بالمكينة امورك بتكون في السليم.

وبالنسبة للناس اللي ما تعرفك اتوقع يحسبونك صابغ اللحية ما اعتقد يخطر في بالهم انها عملية( الا اللي عنده خلفية عن العملية يمكن يعرف )


ونصيحة مني لا تشغل بالك في راي الناس وكلامهم او هل يعرفون عملية او ما يعرفون.. هالشي راح يخليك تتردد وتتخوف من العملية.. لكن انا اجزم 100٪ ان حتى لو عرفوا انها عملية ردة فعلهم بتكون مختلفة اختلاف كلي عن اللي في بالك.


اتمنى لك التوفيق
مع جزيل الشكر
تحياتي لك
عبدالرحمن

 

[msalem]

بارك الله فيك اخوي ومشكور على التجاوب
انا انشالله راح اخذ بنصيحتك و احاول ازيد الفترة شوي

 

[7amani]

بارك الله فيك اخوي ومشكور على التجاوب
انا انشالله راح اخذ بنصيحتك و احاول ازيد الفترة شوي

حاضر لك افا عليك
بالتوفين

تحياتي

 

[ابو ليلى المهلهل]

هانت ان شاء الله

باقي ٣ ايام وتحلق مكينه

لا تنسانا من الصور

ف الانتظار الله يسعدك

 

[7amani]

هانت ان شاء الله

باقي 3 ايام وتحلق مكينه

لا تنسانا من الصور

ف الانتظار الله يسعدك

يا هلا والله

والله شكلي بأجل الحلاقة شوي.. لان الشعر موجود حاليا والاحمرار عندي خفيف.. قصيت الشعر بالمقص وخليته متساوي فصار الشكل تقريبا طبيعي يعني اللي يجوفني حسباله مخفف اللحية .. الا اذا قرب مني وقام يدقق

ف ما ابغي اجازف واحلقه لان الاحمرار بقى عندي في خط الرسمة قليل وفي منطقة السكسوكة واضح شوي.. والشعر يغطي ع الاحمرار شوي


بوافيكم بالصور قريب إن شاء الله

تحياتي

 

[ابو ليلى المهلهل]

اتمنى لك التوفيق

اهم شي لا تنسانا من الصور الله يسعدك

 

[fake hair]

أبو ليلى بخصوص واضح ومو واضح
اذا ما تبي احد يعرف يبي لك ما بين 3 شهور الى 6
أول شهر الانتفاخات تروح والقشور تسقط مع بعض الشعر
الشهر الثاني يستمر التساقط يبدا يبين معك الاحمرار كانه رسمه بالمناطق المزروعه كامله
المنطقه المانحه ترجع زي اول خلال ثلاث الى خمس شهور

 

[ابو ليلى المهلهل]

أبو ليلى بخصوص واضح ومو واضح
اذا ما تبي احد يعرف يبي لك ما بين 3 شهور الى 6
أول شهر الانتفاخات تروح والقشور تسقط مع بعض الشعر
الشهر الثاني يستمر التساقط يبدا يبين معك الاحمرار كانه رسمه بالمناطق المزروعه كامله
المنطقه المانحه ترجع زي اول خلال ثلاث الى خمس شهور

يا عزيزي اكثر الاعضاء يقولون تقدر تحلق مكينه على اي درجه ترغب بعد العملية بشهر يعني اكيد اذا بتحلق بتكون القشور والشعر المزروع كله طاح وممكن راح يتبقى الاحمرار فقط وهذا يختلف من شخص الى شخص


ودمت بود

 

[المشعلاني]

يا عزيزي اكثر الاعضاء يقولون تقدر تحلق مكينه على اي درجه ترغب بعد العملية بشهر يعني اكيد اذا بتحلق بتكون القشور والشعر المزروع كله طاح وممكن راح يتبقى الاحمرار فقط وهذا يختلف من شخص الى شخص


ودمت بود

ابوليلى كلام فيك هير صحيح !

صح انك تقدر تحلق بعد شهر .. لكن اثار الزراعه بتكون موجوده .. غير الشكل الي اتوقع انك متخليه !
يعني صح بتروح القشور وبيكون اغلب الشعر طايح وبتقدر تحلق مكينه بأي نمره انت تبيها
لكن الاثار راح تكون واضحه .. بداية الشهر الثاني الي نص الثالث هي المده الكافيه للتعافي المقبول جدا ! وتختلف بين شخص وشخص

لكن اذا انت مهتم فقط ب سقوط القشور وطيح الشعر وانك تقدر تحلق مكينه .. ف فترة شهر كافيه


المشعلاني

 

[ابو ليلى المهلهل]

شكرآ اخوي المشعلاني

استغسار اخير .. انا عندي شنب خفيف وعندي سكسوكه وودي ازرع الشنب والزلوف واللي تحت الشفاه ( التفله ) وممكن ازرع التوصيله اللي من الشنب للسكسوكه عشان اسوي قفل ..
سؤالي .. هل شهر كافي واحلق مكينه للاماكن اللي ذكرت وهل راح تبقى اثار بعد الشهر ولا ان شاء الله كل شي تمام ؟

 

[المشعلاني]

شكرآ اخوي المشعلاني

استغسار اخير .. انا عندي شنب خفيف وعندي سكسوكه وودي ازرع الشنب والزلوف واللي تحت الشفاه ( التفله ) وممكن ازرع التوصيله اللي من الشنب للسكسوكه عشان اسوي قفل ..
سؤالي .. هل شهر كافي واحلق مكينه للاماكن اللي ذكرت وهل راح تبقى اثار بعد الشهر ولا ان شاء الله كل شي تمام ؟

ياهلا ومرحبا

انت سئلة نفس السؤال في موضوعي بالصفحه ١٩ ، وجاوبت عليه بالتفصيل !

عموما الاثار ماراح تكون قويه ، ابر البنج اقل و القنوات المفتوحه للزراعه اقل بكثير !! من زراعة الوجه كامل


واهم شي اتبع التعليمات بحذافيرها
ولا تنسى تطلع على الشروط والاحكام الشرعيه

التوفيق ان شاءالله

المشعلاني