ماشاء اللله تبارك الله بصراحة شغل عدل اللله يدوم الفرحة عليك وتحصل على نتيجة نهائية افضل من المتوقع ،،
انا ناوي اروح اسوي زراعة لحية وبقعد بالكثير عشرة ايام ولما ارجع ما ابغى مخلوق يعرف اني مسوي زراعة ���� كتوم الولد
تتوقع انه بعد عشرة ايام تمشي على الناس وما يلاحظون ولا بيكون الموضوع ملاحظ ؟ ابغى رأيك من واقع تجربتك.
ومشكور يالاخو
اول شي اشكرك من قلبي على الكلام الجميل ❤❤
بخصوص استفسارك
عشرة ايام بتكون اثار العملية للحين موجودة مثل القشور في الشعر المزروع
والمنطقة المانحة بتكون للحين ما تعافت بالكامل.. والشعر المزروع راح يكون اغلبه موجود يعني ما يمديه يتساقط كامل في عشرة ايام.. بالكثير عشرين يوم ويتساقط الشعر.. واذا تساقط الشعر يبدأ يبين الاحمرار مكان الزراعة(طبعا الاحمرار يعتمد على نوع بشرتك فيختلف من شخص لشخص ومدة زواله بعد تختلف من شخص لشخص ).. فأنصحك اذا نويت تسويها تاخذ اجازة شهر عشان تقدر تحلق الشعر المزروع بالمكينه.. والمنطقة المانحة تصير 80٪ طبيعية خصوصا اذا شعرك يطول بسرعه.. والاحمرار ما اقدر اجزم لك يختفي في شهر لانه يعتمد على نوع بشرتك يعني اذا بقى عندك الاحمرار بعد شهر راح يكون هو الشي الوحيد اللي يبين انك مسوي عملية.. لكن اذا اختفى منك الاحمرار وحلقت الشعر بالمكينة امورك بتكون في السليم.
وبالنسبة للناس اللي ما تعرفك اتوقع يحسبونك صابغ اللحية ما اعتقد يخطر في بالهم انها عملية( الا اللي عنده خلفية عن العملية يمكن يعرف )
ونصيحة مني لا تشغل بالك في راي الناس وكلامهم او هل يعرفون عملية او ما يعرفون.. هالشي راح يخليك تتردد وتتخوف من العملية.. لكن انا اجزم 100٪ ان حتى لو عرفوا انها عملية ردة فعلهم بتكون مختلفة اختلاف كلي عن اللي في بالك.
اتمنى لك التوفيق
مع جزيل الشكر
تحياتي لك
عبدالرحمن