تجربتي في زراعة اللحية والشارب / عيادة الدكتور سركان / 28 سبتمبر 2015

[zomeh14]

يا هلا والله
اول شي بالتوفيق لك والله يكتب لك اللي فيه الخير ♡

بالنسبة لإستفسارك .. الدكتور وقت تحديد الرسمة يحدد المناطق الخالية والمناطق اللي محتاجة تكثيف والمناطق اللي ما تحتاج زراعة شعر إن وجدت.. وبالنسبة للحلاقة فتكون بالمكينة على الصفر فتكون رؤوس الشعيرات ظاهرة قليلا فأتوقع هالشي يساعدهم ان يسدون الفراغات بين الشعر القديم بشعر جديد.

وبالنسبة لزرع بصيلة جديدة فوق قديمة مادري والله شلون نظامهم لكن بكلمك عن تجربتي الشخصية.. انا الزلوف عندي كثافتها جيدة وتحتاج تكثيف قليل جدا.. بعد العملية استغربت من عدد البصيلات المزروعة في منطقة الزلوف كان عددها كبير بالنسبة للكثافة الموجودة وسألت نفسي هالسؤال هل انهم زرعوا فوق الشعر القديم او سدوا الفراغات ؟؟.. والان بعد 70 يوم ولله الحمد زادت كثافة الزلوف بشكل ملحوظ جدا واتوقع بتزيد في الاشهر الق****.. فلا تحاتي من هالناحية كل ما زرعوا بين شعر قديم كل ما زادت كثافته.

بالتوفيق لك مرة ثانية ♡
ونترقب تجربتك ان شاء الله
تحياتي

الله يسعدك عزيزي كفيت ووفيت

 

[7amani]

الله يسعدك عزيزي كفيت ووفيت

حبيب والله حاضرين ♡

 

[A T N F S K]

أخوي حمني كنت ابي اعرف بما أنك زرعت شعر لكامل الوجه كامل
هل في شعر تحت الرقبه سابقا ام لا لو خفيف مثلا او مافي ابدا
ولاتنسانا من الصور حمني لاني بزرع قريبا ودي اشوف مكان البصيلات
باقي مفتوحه او لا اذا قدرت لاني زارع قريب بعد 3 شهور​

 

[7amani]

أخوي حمني كنت ابي اعرف بما أنك زرعت شعر لكامل الوجه كامل
هل في شعر تحت الرقبه سابقا ام لا لو خفيف مثلا او مافي ابدا
ولاتنسانا من الصور حمني لاني بزرع قريبا ودي اشوف مكان البصيلات
باقي مفتوحه او لا اذا قدرت لاني زارع قريب بعد 3 شهور​

يا هلا والله

بالنسبة لإستفسارك

لا انا ماكان فيه شعر في الرقبة لكن الحمدلله الرسمة صارت ممتازة على وجهي ومثل اللي في بالي وصار ما يبين خط النهاية الا اذا رفعت راسي .

وبالنسبة للقنوات لا تشيل همهم لانهم مو واضحين ابدا الا اذا لصقت في المنظرة وقعدت تدقق.

بالتوفيق لك
تحياتي

 

[alzahrani]

السلام عليكم اخوي حمني انا قررت اعمل زراعه بس متردد اعملها بتركيا او بالسعوديه
بعضهم يقول يمكن تحتاج تراجع الدكتور وكذا وش رايك .انا اشوف بتركيا عندهم خبره اكثر ز
ثاني شي انا عندي الشنب موجود بس خفيف كيف يتعاملون معه . وعندي بعد الزلف خفيف هل يمكن زراعته وشكرا

 

[7amani]

السلام عليكم اخوي حمني انا قررت اعمل زراعه بس متردد اعملها بتركيا او بالسعوديه
بعضهم يقول يمكن تحتاج تراجع الدكتور وكذا وش رايك .انا اشوف بتركيا عندهم خبره اكثر ز
ثاني شي انا عندي الشنب موجود بس خفيف كيف يتعاملون معه . وعندي بعد الزلف خفيف هل يمكن زراعته وشكرا

يا هلا والله

بالنسبة لمكان العملية ما انصحك تسوي في السعودية او في الخليج بشكل عام للأسباب التالية :

* قلة الخبرة وجودة العمل
* اغلب العيادات في الخليج تستخدم طريقة الشريحة( واللي هي يقصون جزء من راسك في الخلف ويشيلون منه البصيلات وبعدها يخيطون راسك وبيكون عندك خط من الاذن اليمين للإذن اليسار بسبب الخياطة).
* ارتفااع السعر بشكل مبالغ.

بعكس عيادات تركيا تماما

* خبرة كبيرة في هالمجال ونتائج ممتازة
* استخدام طريقة الاقتطاف
* سعر العملية مناسب ومعقول
* ياخذون السعر على الجلسة مو على عدد البصيلات
* ومنها تقدر تاخذها فترة سياحة في تركيا

وبما انك ناوي تزرع لحية ف انصحك بعيادة الدكتور سركان في اسطنبول لانها العيادة الوحيدة اللي اثبتت خبرتها في زراعة اللحية والشارب والكلام مو من عندي لو تلاحظ تقريبا جميع تجارب اللحية في المنتدى عند سركان.

وبالنسبة لإستفسارك بخصوص الشنب والزلف .

اذا سويت العملية بإذن الله.. بيزرعون لك في منطقة الشنب والزلوف وبتزيد كثافتهم بشكل ملحوظ ان شاء الله.. وطبعا اللحية كامل بتكون في مستوى كثافة واحد.

بالتوفيق لك ان شاء الله
واي استفسار لا تتردد انا حاظر

تحياتي

 

[alzahrani]

مشكور اخوي حمني الله يجزاك كل خير

 

[7amani]

مشكور اخوي حمني الله يجزاك كل خير

حبيب والله حاضرين ♡

 

[فالح المشعبي]

اخوي حمني انا ابي اروح ازرع الذقن ودي اخذ سياحة يمكن شهر كامل. بسالك بعد العملية بيوم اقدر امارس الحياة بشكل طبيعي او في اﻵﻻم
والطلعة لي اسطنبول لاز تستمع بالسياحة

 

[7amani]

اخوي حمني انا ابي اروح ازرع الذقن ودي اخذ سياحة يمكن شهر كامل. بسالك بعد العملية بيوم اقدر امارس الحياة بشكل طبيعي او في اﻵﻻم
والطلعة لي اسطنبول لاز تستمع بالسياحة

يا هلا والله

بالنسبة لإستفسارك يوم ثاني بعد العملية ما راح يكون فيه الم
لكن ما بتقدر تمارس حياتك بشكل طبيعي والسبب( انك في بداية الايام بعد العملية بتكون حريص جدا للحفاظ على سلامة البصيلات) وبالاضافة انه من ضمن التعليمات انك ما تمشي مسافات طويلة لمدة عشرة ايام..

يعني بالمختضر المفيد بعد العملية تقدر تروح وتجي لكن بحرص شديد .. ونصيحة مني اذا كنت مستعجل على الطلعة والسياحة اتك تنتظر اسبوع عشان يروح الانتفاخ.. ومثل ما قلت لك المشي لمسافات طويلة بعد عشرة ايام حسب تعليمات الدكتور..

بعد اسبوعين بتكون عديت مرحلة الحرص يعني بتكون البصيلات ثابتة والقشور طايحة وامورك بتكون طبيعية تقرييا.

بالتوفيق لك

تحياتي

 

[فالح المشعبي]

الف شكر ع توضيحك اخوي حمني

 

[7amani]

الف شكر ع توضيحك اخوي حمني

حبيب والله حاضرين

 

[مزرع ملعوب]

برأيك كم اقصر مده عشان مايبان انك مسوي العمليه
يعني هل تظن 10 ايام كافيه للقشور والدم
طبعا اقصد يكون شكلك طبيعي ما اقصد اختفاء الاثار 100%
لان ودي اسوي العمليه بس منحرج من الناس والدوام والزملاء مابغاهم يعرفون

 

[عبود3]

مرحبا اخوي حمني
كيفك عساك بخير
تحمل اسئلتي لانك حمستني ^^
هل السفر مدة اسبوع تكفي لزراعة الدقن مو كامل يعني فراغات وجزء بسيط
وكم التكلفة فقط للزراعة بدون سياحة
على كلام المنسق محمد المصري ذكر لي 6000 عملية+1000 للفندق لمدة 5ايام مدري صحيح او لا
لانك ذكرت تكلف 12000ريال سعودي يعني اشوف زيادة 4000 معقوله ذي بتكون لاكل او شنو
وهل فيه رسوم اخرى غير التذاكر
والتاشيره منين اطلعها لان اول مره اسافر
اسف على اللخبطة

 

[Meme ronti]

برأيك كم اقصر مده عشان مايبان انك مسوي العمليه
يعني هل تظن 10 ايام كافيه للقشور والدم
طبعا اقصد يكون شكلك طبيعي ما اقصد اختفاء الاثار 100%
لان ودي اسوي العمليه بس منحرج من الناس والدوام والزملاء مابغاهم يعرفون

اقصر مده 14 يوم من بدأ عمل العمليه لأن القشور تزال من الرأس في هذا اليوم ويبقى شكلك طبيعي

 

[7amani]

برأيك كم اقصر مده عشان مايبان انك مسوي العمليه
يعني هل تظن 10 ايام كافيه للقشور والدم
طبعا اقصد يكون شكلك طبيعي ما اقصد اختفاء الاثار 100%
لان ودي اسوي العمليه بس منحرج من الناس والدوام والزملاء مابغاهم يعرفون

يا هلا والله

بعد تساقط القشور والدم المتيبس( بعد اسبوعين تقريبا) راح يكون الشكل مقبول جدا.. وفي الاسبوع الثالث والرابع بعد العملية بتزيد نسبة تساقط الشعر المزروع وبيبدأ يبين عندك الاحمرار( والاحمرار على حسب حساسية وجهك يعني يمكن يكون واضح عندك.. بس مو واضح عند غيرك ) ف اذا كان الاحمرار عندك خفيف ما راح يلفت النظر لان بيكون مو كل الشعر متساقط فتقدر تخففه بالمكينه والاحمرار الخفيف بيعطيك شكل انك مخفف اللحية وما راح يكون واضح.. لكن اذا الاحمرار عندك واضح او عندك حساسية في الجلد اتوقع راح يبين انك مسوي عملية.. وما انصحك تستخدم بخاخ المينوكسيدل بعد العملية.. لانه في الحالة الطبيعية للوجه يسبب تهيج واحمرار فما بالك بعد العملية يكون الوجه متحسس اكثر والمينوكسيدل يزيد الحساسية والاحمرار يزيد..

ومثل ما قلت من قبل في الردود السابقة.. اللي يعرفك وعلاقته زينه وياك ويجوفك كل يوم شي اكيد انه بيعرف عن العملية لكن اللي ما يعرفك مستحيل يجي في باله انها عملية الا اذا كان عنده خلفية عن الزراعة وعملياتها.. ف انصحك تاخذ اجازة شهر بتكون مدة كافية وبيكون الشكل مقبول خصوصا بعد ما تخفف الشعر بالمكينه.

بالتوفيق لك

تحياتي

 

[7amani]

مرحبا اخوي حمني
كيفك عساك بخير
تحمل اسئلتي لانك حمستني ^^
هل السفر مدة اسبوع تكفي لزراعة الدقن مو كامل يعني فراغات وجزء بسيط
وكم التكلفة فقط للزراعة بدون سياحة
على كلام المنسق محمد المصري ذكر لي 6000 عملية+1000 للفندق لمدة 5ايام مدري صحيح او لا
لانك ذكرت تكلف 12000ريال سعودي يعني اشوف زيادة 4000 معقوله ذي بتكون لاكل او شنو
وهل فيه رسوم اخرى غير التذاكر
والتاشيره منين اطلعها لان اول مره اسافر
اسف على اللخبطة

يا هلا والله

اول شي حاب اقولك مامن ازعاج و اي اسنفسار لا تتردد انا حاضر

بالنسبة للتكلفة( اذا كان الهدف من السفرة فقط للعملية)

اول شي التذكرة سعرها تقريبا بين 1000 و 1500 ريال.. اول على الموسم وموعد السفرة( يعني في الشتاء تكون تذاكر تركيا رخيصة اتوقع توصل 900 ريال )

بعدها التأشيرة .. التأشيرة السعودية اعتقد سعرها 200 ريال او ما يقاربه.


بعدها سعر العملية تقريبا بين 6200 و 6500 ريال( او على حسب صرف العملة )


بعدها سعر الفندق( وهالشي يعتمد على الفندق اللي بتسكن اللي فيه )

واخر شي مصرفك اليومي حق اكلك وشربك واذا تبي تشتري صوغات وغيره.. وهالشي يعتمد عليك بعد

واذا تبي تحمل وياك فلوس احتياط عشان اذا صار شي لا سمح الله ما تتوهق في الغربة.

فبتطلع لك التكلفة النهائية في هالحدود بين 9000 و 12000 ريال


بالتوفيق لك

تحياتي

 

[رائد علي]

حبيت أسلم عليك أخي عبدالرحمن وأدعي لك من كل قلبي يسر الله أمرك ووفقك ، أفدتني في موضوعك جداً.
تواصلت مع الأخ محمد المصري وقال تكلفة العملية 1500 يورو بعد أن شاهد اله والمنطقة المانحة قال يتوقع 3000 بصيلة تقريبا. عندي أنا السكسوكة فيها فراغ بسيط والخدين فيها شعر خرج بعد استخدام بخاخ المينوكسيديل لمدة طويلة لكنه ضعيف ويسقط شعرات منه دائما، والزلوف فيها شعر من أول قبل البخاخ خفيف.
ما رأيك يا أخ عبدالرحمن يقول المنسق ما يحتاج تحلق قبل العملية ويقول الشعر الذي ظهر بسبب البخاخ بيسقط مجرد ما توقف البخاخ. هل تنصحني بالزراعة؟
وعندي سؤال أنا ناوي أجلس هناك أسبوع أو أكثر كم التكلفة بالريال السعودي وهل التعامل هناك سهل مع الناس لاني احتمال كبير أطلع لوحدي والمطاعم والفنادق كيف وضعها؟
وآسف على الإطالة أخ عبدالرحمن الله ييسر لك كل خير

 

[7amani]

حبيت أسلم عليك أخي عبدالرحمن وأدعي لك من كل قلبي يسر الله أمرك ووفقك ، أفدتني في موضوعك جداً.
تواصلت مع الأخ محمد المصري وقال تكلفة العملية 1500 يورو بعد أن شاهد اله والمنطقة المانحة قال يتوقع 3000 بصيلة تقريبا. عندي أنا السكسوكة فيها فراغ بسيط والخدين فيها شعر خرج بعد استخدام بخاخ المينوكسيديل لمدة طويلة لكنه ضعيف ويسقط شعرات منه دائما، والزلوف فيها شعر من أول قبل البخاخ خفيف.
ما رأيك يا أخ عبدالرحمن يقول المنسق ما يحتاج تحلق قبل العملية ويقول الشعر الذي ظهر بسبب البخاخ بيسقط مجرد ما توقف البخاخ. هل تنصحني بالزراعة؟
وعندي سؤال أنا ناوي أجلس هناك أسبوع أو أكثر كم التكلفة بالريال السعودي وهل التعامل هناك سهل مع الناس لاني احتمال كبير أطلع لوحدي والمطاعم والفنادق كيف وضعها؟
وآسف على الإطالة أخ عبدالرحمن الله ييسر لك كل خير

يا هلا والله
حبيب والله على راسي تسلم على هالكلام الليي يشرح الصدر


بالنسبة لكلام المنسق فهو صحيح الشعر اللي طلع من تأثير المينوكسيدل كله بيتساقط مع الوقت اذا توقفت عن استخدامه .. وبالنسبة للحلاقة قبل العملية اذا تقصد شعر الراس ف هالشي صحيح مو ضروري تحلق شعرك كامل ع الصفر تقدر تخليهم يحلقون المانحة فقط .. وهم بالنسبة للوجه اذا كانت عندك السكسوكة كثافتها جيدة فما يحتاج يحلقونها بس يسوون لها تكثيف ونفس الشي بالنسبة للشنب .. لكن اذا كان الشعر الموجود عندك في الوجه خفيف وغير كثيف ف راح يحلقونه لك .


وبالنسبة للتكلفه اذا كانت سفرتك عشان العملية فقط ف التكلفة عشان كلشي بتكون بين 9000 و 12000 ريال سعودي او اكثر ( على حسب الفندق اللي بتسكنه واكلك وشربك )
وانا افضل ان تأخذ معاك فلوس زيادة عشان اذا صار شي لا سمح الله .. او ما ينقصك شي وانته في غربة .. فيفضل ان الفلوس تزيد وترجع معاك اللي بقى منهم احسن من ينقصك شي هناك .


وبالنسبة للتعامل هناك الفنادق شي اكيد بتحصل موظف يتكلم انقلينزي .. ويفضل انك تحجز من موقع بوكنق .. وبالنسبة للمطاعم ف التعامل معاهم سهل وطبيعي .


وبالنسبة للتعامل مع الناس فهو سهل وما ينخاف منه .. لكن الاتراك بشكل عام تحسهم على طول متنرفزين ومنفسين ههههههههههه ف حاول ما تدخل معاهم في جدال .




بالتوفيق لك ان شاء الله
تحياتي

 

[عبود3]

حبيت أسلم عليك أخي عبدالرحمن وأدعي لك من كل قلبي يسر الله أمرك ووفقك ، أفدتني في موضوعك جداً.
تواصلت مع الأخ محمد المصري وقال تكلفة العملية 1500 يورو بعد أن شاهد اله والمنطقة المانحة قال يتوقع 3000 بصيلة تقريبا. عندي أنا السكسوكة فيها فراغ بسيط والخدين فيها شعر خرج بعد استخدام بخاخ المينوكسيديل لمدة طويلة لكنه ضعيف ويسقط شعرات منه دائما، والزلوف فيها شعر من أول قبل البخاخ خفيف.
ما رأيك يا أخ عبدالرحمن يقول المنسق ما يحتاج تحلق قبل العملية ويقول الشعر الذي ظهر بسبب البخاخ بيسقط مجرد ما توقف البخاخ. هل تنصحني بالزراعة؟
وعندي سؤال أنا ناوي أجلس هناك أسبوع أو أكثر كم التكلفة بالريال السعودي وهل التعامل هناك سهل مع الناس لاني احتمال كبير أطلع لوحدي والمطاعم والفنادق كيف وضعها؟
وآسف على الإطالة أخ عبدالرحمن الله ييسر لك كل خير

متى طالع لاني انا بطلع وحدي @@