تجربتي في زراعة اللحية والشارب / عيادة الدكتور سركان / 28 سبتمبر 2015

[7amani]

السلام عليكم
الف الف مبروك وعقبال احسن النتايج
اخوي انا حجزت عند الدكتور سركان

واتفقت مع المنسق محمد المصري

كيف شغلهم مع العلم محمد المصري قال بتركيا فيه تنافس مع بعض المراكز في تركيا في زراعى شعر الراس
اما الدقن فدكتور سركان هو الافضل

وهو طمني في هالكلام بس ابي اخذ الكلام من مجرب كيف حصلتهم هل انت راضي عليهم وهل الشغل ممتاز ولا مشي الحال

وعليكم السلام يا هلا والله

الله يبارك فيك يالغالي واجمعين يارب

كلام محمد المصري صحيح ؛ من وجهة نظري في زراعة الذقن عيادة الدكتور سركان الافضل في تركيا حاليا.

وبالنسبة لشغلهم ممتاز والله يشهد اني ما اجامل والحمدلله راضي كل الرضى عن العيادة وعن النتايج

 

[7amani]

الف مبروك والله يتمم لك على خير ..
من تجربتي اللهم لك الحمد الحين لي ثلاث اسابيع من العملية.
والنتائج اللهم لك الحمد مرضية .
ومن ناحية تعامل تعاملهم جداً لطيف بعد وقبل العملية .
واهم شيء الالتزام بالتعليمات عشان كل شيء يكون وضعه طبيعي .

ودعواتكم لي ان النتائج تكون افضل ❤❤❤

+++1

 

[7amani]

الف الف مبروك والله يفرحك بالنتايج الي في بالك

طيب اخوي الموعيد وش وضعها سمعت انهم مو دقيقين بالمواعيد وانا حاجز بس 3 ايام
يعني مافيه مجال لتغير الموعد

بالنسبة للمواعيد اللخبطة تصير في العيادة فقط وهالشي بسبب كثرة المراجعين ؛ وتحصل هذا يقول بدش ع الدكتور ضروري وهذا يقول استشارة ضرورية ؛ فيصير ضغط نوعا ما .. فراح تنتظر شوي في حدود 20 دقيقة بالكثير عشان تدخل ع الدكتور ؛ وطبعا فيه غرفة استراحة وكفيتريا وبلكونه اذا كنت مدخن ؛ تقدر تقعد في الاستراحة على ما يجي دورك اذا صار تاخير او شي.

وبالنسبة لمواعيد السايق فهي ممتازة ؛ يخبرك المنسق بيجيك السايق الساعه 9 مثلا ؛ يوصل السايق قبل 9 وينتطر في اللوبي ؛ واذا صارت 9 يخلي الرسبشن يتصلون على غرفتك يخبرونك.

يعني باختصار اللخبطة في المواعيد تصير في العيادة فقط بسبب كثرة المراجعين ؛ لكن في باقي الامور المواعيد ممتازة واذا ما كان يناسبك الوقت يتساعدون معاك ويغيرونه

تحياتي

 

[7amani]

لا اذا كانو عارفين اوقات رحلتك راح يحرصون عليك ، وبرضوا انت خلك حريص كل شوي كلمهم لين تعرف موعد عمليتك
بس اذا كانو محددين وقت العملية ف خلاص ماراح يغيرونه

++1

 

[7amani]

الله يتم شفاك على خييييييييييييييييييييييير

اجمعين يارب ♡♡

 

[albalwei]

الله يجزاك خيير

طيب بالنسبه لطاقم الي يسوو العمليه كل الطواقم كويسين ولا فيه طاقم مايشتغل زين ومشكور

 

[7amani]

الله يجزاك خيير

طيب بالنسبه لطاقم الي يسوو العمليه كل الطواقم كويسين ولا فيه طاقم مايشتغل زين ومشكور

بالنسبة لطاقم زراعة اللحية فهو طاقم نسائي واخلاقهم حلوة ومتساعدين وأمينين في شغلهم ؛ وشغلهم احترافي وممتاز.

وبالنسبة لباقي الطواقم مادري والله ؛ بس عيادة الدكتور سركان عيادة لها سمعتها وخبرة 20 سنة ؛ ف مستحيل يشغل عنده طاقم ما يشتغل زين

تحياتي وتمنياتي بالتوفيق لك

 

[ابوشنب]

السلام عليكم.
صبحكم الله بالخير .
انا ان شاء الله باحلق خلال اليومين الق**** مكينة و للحين شايل هم .
هل مقاس الحلاقة يفرق يعني لو حلقت ٢ ولا صفر يفرق .
لان ودي اخفف مكينة رقم صفر وشايل هم .
اللي عنده تجربه وحلق ياريت يفيدننني ، والله يوفق الجميع

 

[7amani]

السلام عليكم.
صبحكم الله بالخير .
انا ان شاء الله باحلق خلال اليومين الق**** مكينة و للحين شايل هم .
هل مقاس الحلاقة يفرق يعني لو حلقت 2 ولا صفر يفرق .
لان ودي اخفف مكينة رقم صفر وشايل هم .
اللي عنده تجربه وحلق ياريت يفيدننني ، والله يوفق الجميع

وعليكم السلام
صبحك الله بالنور

لا ما يفرق يالغالي تقدر تحلق رقم صفر لا تحاتي ولا تشيل هم

تحياتي

 

[7amani]

السلام عليكم

اليوم اكمل اربع شهور .. (120) يوم من يوم العملية

وان شاء الله اذا صار تطور في هالشهر بنزل تحديث
لا تنسوني من دعواتكم

وبالتوفيق للجميع
تحياتي
عبدالرحمن

 

[albalwei]

الله يجزاك خير على المعلومات

طيب ط يويل العمر انا كتب الله وحجزت فقط ٣ ايام هل فيه اشكاليه او عادي تكفي

ويهمني الرد هذا ضرووووري اخوي حمني

 

[7amani]

الله يجزاك خير على المعلومات

طيب ط يويل العمر انا كتب الله وحجزت فقط 3 ايام هل فيه اشكاليه او عادي تكفي

ويهمني الرد هذا ضرووووري اخوي حمني

اجمعيين يارب ❤❤

بخصوص استفسارك ؛ انته تحتاج 3 ايام بالضبط عشان العملية فقط وتكون اول يوم العملية وثاني يوم الغسيل وفك الشاش من المانحة وثالث يوم غسيل.. لكن من ناحية الحرص والتعب اللي تتعبه ف من وجهة نظري 3 ايام ما تكفي وخصوصا ان عملية زراعة اللحية تحتاج حرص اكثر من زراعة الراس واول الايام ممنوع المشي لمسافات طويلة ف مع زحمة المطار التركي بتتعب شوي والانتفاخ بيكون للحين موجود وبتكون ما تقدر تتكلم بأريحية بسبب الانتفاخ .. من وجهة نظري حاول تخلي الرحلة اسبوع علئ الاقل بيكون اريح لك جسديا + عشان سلامة البصيلات.

في النهاية هذا مجرد رأيي والقرار راجع لك في الاول والاخير

تمنياتي لك بالتوفيق والله يتمم على خير ان شاء الله ❤

تحياتي

 

[albalwei]

موضوع التعب مو مشكله بتحمله ومعاي واحد من اخواني معاي يتكلم عني بس اخاف البيصلات تتحرك فما ادري محتار والله

لاني دايركت برجع لارض الوطن وبطلع خط سيارة ١٣٠٠ كيلو واخاف هالشي ياثر علي وعلى قولتك تتحرك البيصلات وهذا الوجه اي خطاء يسبب لي مشاكل ماني قدها
اسف ازعجتك بس الجواب النهائي متى حتكون البيصلات ثابته كم اقل فترة تكون ثابته فيها البيصلات ٥ ايام ولا كم!؟

 

[ماجد 163]

السلام عليكم اخي الكريم
انا انشالله موعدي باكر في عيادة سركان كانت المقابلة امس في العيادة وكانت سريعة جدآ والدكتور سركان ما كان موجود
والأخ محمد قلي عندنا فريقين يسوو عملية زرع الذقن متخصصين فيها
بسألك اخوي لازم اشرط عليهم يجي الدكتور وفريق معين يسوي العملية

 

[afk33906]

استفسار

متى الشخص يستطيع النوم على الجنب؟
واستخدام الوساده متى الوقت المناسب لنوم عليها؟
و متى الشخص يأكل طبيعي ؟

 

[albalwei]

السلام عليكم اخي الكريم
انا انشالله موعدي باكر في عيادة سركان كانت المقابلة امس في العيادة وكانت سريعة جدآ والدكتور سركان ما كان موجود
والأخ محمد قلي عندنا فريقين يسوو عملية زرع الذقن متخصصين فيها
بسألك اخوي لازم اشرط عليهم يجي الدكتور وفريق معين يسوي العملية

كيف كانت المقابله وهل تحس فيه تميز

الشي الثاني بكرة علمنا وش يصير عاك تكفى انا موعدي بعد 3 ايام وقالو الدكتور مو موجود

فابي اعرف وش يصير معاك

 

[7amani]

موضوع التعب مو مشكله بتحمله ومعاي واحد من اخواني معاي يتكلم عني بس اخاف البيصلات تتحرك فما ادري محتار والله

لاني دايركت برجع لارض الوطن وبطلع خط سيارة 1300 كيلو واخاف هالشي ياثر علي وعلى قولتك تتحرك البيصلات وهذا الوجه اي خطاء يسبب لي مشاكل ماني قدها
اسف ازعجتك بس الجواب النهائي�� متى حتكون البيصلات ثابته كم اقل فترة تكون ثابته فيها البيصلات 5 ايام ولا كم!؟

يا هلا والله

خذ راحتك حبيبي ما من ازعاج

البصيلات تكون ثابتة وماعليها اي خوف بعد 14 يوم من العملية

 

[ماجد 163]

بالنسبة للمقابلة كان في محمد وشخص من الطاقم الطبي ما ادري هو دكتور او ممرض وسألته بعض الأسئلة ورسم خط ع وجهي كيف ابغا يكون شكل الزراعة… .واعطيتهم فلوسهم وقال لي يوم الأربعاء تجي الساعة عشر الصباح ونسويلك تحليل والساعة وحده الظهر العملية وع قد كلام المنسق محمد حتكون6ساعات العملية… ..ودعواتكم لي والله يسهل الأمور ع الجميع.

 

[7amani]

السلام عليكم اخي الكريم
انا انشالله موعدي باكر في عيادة سركان كانت المقابلة امس في العيادة وكانت سريعة جدآ والدكتور سركان ما كان موجود
والأخ محمد قلي عندنا فريقين يسوو عملية زرع الذقن متخصصين فيها
بسألك اخوي لازم اشرط عليهم يجي الدكتور وفريق معين يسوي العملية

يا هلا والله

اللي تجوفه ياخوي ؛ هو في النهاية انته بتتفق مع الدكتور على الرسمة وبياخذ منك ملاحضات اذا كان عندك ؛ وراح يقولها للطاقم اللي بيسوي العملية ؛ وبعدين في مراحل العملية بيمر عليك يشرف ع العملية ؛ فما راح تفرق اذا اتفقت على الرسمة مع احد غير الدكتور لان في النهاية ما بتبدي العملية الا اذا كنت انت راضي عن الرسمة سواء اللي رسمها الدكتور او احد غير.

انا بالنسبة لعمليتي ممرضة اللي اشتغلت ع الرسمة.. عطيتها فكرة عن الرسمة اللي في بالي.. ف رسمت رسمة مقاربة للي في بالي بعدين قلت لها عن التعديلات ؛ وكل تعديل تعدله تراويني بالمنظرة ؛ لين ما صارت الرسمة نفس اللي في بالي .

تحياتي وتمنياتي لك بالتوفيق

 

[ماجد 163]

الله يجزاك خير يارب وشاكرجدآ لتفاعلك