تجربتي في مستشفى cevre بتركيا موضوع محدث شهريآ

[اخو اينشتاين]

حمدالله عالسلام وانشا الله النتايج حلوة انشا الله يارب اخووي جم التكلفه بالكويتي طلع عليك

 

[حكيم]

السلام عليكم ورحمة .. أهنئك اخي الكريم بالعملية وان شاءالله تفرح بالنتيجة اللي تتمناها يارب . اتمنى تبعث لي رقم او ايميل المنسق بهاء لأني ناوي ان شاءالله اسافر تركيا وشكرا لك ولكل الأعضاء اللي طرحوا تجاربهم ليستفيد الجميع الله لايحرمكم الاجر

 

[احمد كويت]

اخوي طارق الصورة ام عشر ايام بالكرسي الاحمر؟
اذا هي ماشاء لله ممتازة
شجعتني شوي
مدري شفيني محبط وراسي بس يحكني

 

[tareq s]

هلا أخوي أحمد
نعم هذي الصور بعد 10 أيام وترا الحكه شي طبيعي خصوصآ اذا تعرضت للحراره شوي
ليش تحبط ما شاء الله صورك ممتازه وكل ربك أخوي أحمد وبتشوف اللي يسرك ان شاء الله

 

[tareq s]

حمدالله عالسلام وانشا الله النتايج حلوة انشا الله يارب اخووي جم التكلفه بالكويتي طلع عليك
الله يسلمك اخوي الله كريم ألى الان الأمور زينه وسعر التكلفه من غير الطيران 2400 يورو واذا رايحين كذا شخص ممكن توصل الى 2000 يورو
الأخ حكيم شيك ع الخاص تحياتي

 

[حكيم]

الله يعطيك العافية أخوي ماقصرت والله والف ألف شكر على اهتمامك الله لايحرمنا الطيبين امثالك

 

[الطاير]

تسلم يا الغالي ^ ...^
ابصراحه انا متعقد من الزراعه ... لاني سويتها مرتين .. والمشكله اني مب اقرع بس عندي منطقه اصغيره الشعر فيها خفيف ( المنطقه الخلفيه ) ... وللاسف سويتها مرتين وكل اللي سويتها عندهم فاشلين ابمعنى الكلمه ,, وخداعين .. المره الاولى سويتها عند دكتور لبناني والثانيه عند دكتور مصري ..وسبحان الله ... مع ان عدد القرافت اللي محتاجه مب كثير ,, ولكن هالدكاتره اللي سويت عندهم العمليه افشلو في تغطيه المنطقه ... والمره الاولى سويتها من خمس سنوات .. وكذب علي الدكتور .. كنا متفقين على تغطيه المنطقه لكن خذلني يمكن ما زرع لي الا كميه بسيطه جدا لا تذكر وتكلفتها كانت 25000ريال اما المره الثانيه هههه وصيت الدكتور المصري قلت له يا دكتور انا انخدعت في المره الاولى .. ومابي اوصيك ابي اغطي المنطقه ... تقدر ولا لا ... بس للاسف حط لي القمر ابيد والشمس ابيد ,,, اتخبر مصري ,, ههههه وبعد العمليه قلت له كم زرعت لي يا دكتور قال ابصراحه ما قدرت ازرع الا شي بسيط ,,لكن انشالله بتتغطى المنطقه ,,, حسبي الله عليه ... المهم خلصت العمليه وصار اللي صار ...

علشان جذي المره الثالثه لازم اعتبر ... ولازم اختار الدكتور المناسب ,,, شبعنا نصب واحتيال,,,
وانا ابصراحه محتار بين ايران وتركيا ,,, وانا اقول ايران احسن لان السعر يكون ابعدد البصيلات ,, فمن صالحهم يزرعون لي الكميه اللي ابيها واللي احتاجها ,,, اما عند الدكاتره اللي زرعت عندهم كانت اسعارهم بدون عدد بصيلات ,, يحسبونها عمليه وخلاص ,,
فهمتني يا الغالي ,,, فانا متردد ,,, صدقني لو شفت شعري يمكن اتقول غريبه ,, انت ما تحتاج حق عمليه ,, يمكن تحتاج ربع او نص عمليه ...هههه بس شسوي ,,, صرف مال على الفاضي ,,, بدون فايده ,,, حسبي الله عليهم حسبي الله عليهم,,, والله اني ما اسامحهم ليوم الدين,,

عموما انا قررت اسافر في شهر 10 الجاي ( اكتوبر ) ,, بس وجهتي بتكون 60% ايران و 40 % تركيا ... واسمحولي طولت السالفه ,,, شسوي افضفض لكم هههههه
تحياتي للجميع

 

[tareq s]

هلا بيك أخوي الطاير
الله يعينك واذا بتسمع نصيحتي روح لتركيا افضلك وشوف تجارب الأخوان بتركيا وأستخير الله وربنا يكتبلك الخير
تحياتي لك

 

[Ari]

الحمدلله والشكر لله بصراحه نتائج طيبة والله يرزقك الشعر الكثيف الجميل يارب , والله الله بتحديث الصور بصراحة انا متابع لك ونتائجك راح تشجعني على عمل العملية عند cevre ....بالتوفيق لك .

 

[WQQD]

السلام عليكم

في البداية احب اهنيك اخوي والف الحمد لله على سلامتك وان شاء الله ينعم عليك بالنتائج اللي تسرك بإذنه تعالى
واشكرك على تجاوبك على استفسارات الاخوة بكل رحابة صدر الله يجازيك كل الخير ..

الصراحة انت شجعتني كثير للسفر واجراء العمليه بس حبيت استفسر منك عن موضوع المرافق
حسب ما فهمت منك انه مسموح يكون معك مرافق واحد بس سؤالي هو: هل المرافق بيكون مقيم معك بنفس المستشفى خلال فترة ال4 ايام
ويتوفر له مثل ما هو متوفر لك من نوم ووجبات ويكون معك بنفس الغرفة ؟؟ يعني الغرفة ممكن تكفي لشخصين ؟؟
وعندي طلب اخير الله يسلمك انه ترسلي رقم المنسق بهاءالدين ما عليك امر واذا فيه اي شيء ممكن يفيدني بالاتصال ايميل او اي شيء انت تشوفه ممكن يفيدني

اسف على الاطالة وبالتوفيق لك ولكل الاخوة ..

 

[tareq s]

الحمدلله والشكر لله بصراحه نتائج طيبة والله يرزقك الشعر الكثيف الجميل يارب , والله الله بتحديث الصور بصراحة انا متابع لك ونتائجك راح تشجعني على عمل العملية عند cevre ....بالتوفيق لك .
الله يبارك فيك أخوي وأبشر بسعدك كل شهر صوره مع التطورات ان شاء الله

 

[tareq s]

السلام عليكم

في البداية احب اهنيك اخوي والف الحمد لله على سلامتك وان شاء الله ينعم عليك بالنتائج اللي تسرك بإذنه تعالى
واشكرك على تجاوبك على استفسارات الاخوة بكل رحابة صدر الله يجازيك كل الخير ..

الصراحة انت شجعتني كثير للسفر واجراء العمليه بس حبيت استفسر منك عن موضوع المرافق
حسب ما فهمت منك انه مسموح يكون معك مرافق واحد بس سؤالي هو: هل المرافق بيكون مقيم معك بنفس المستشفى خلال فترة ال4 ايام
ويتوفر له مثل ما هو متوفر لك من نوم ووجبات ويكون معك بنفس الغرفة ؟؟ يعني الغرفة ممكن تكفي لشخصين ؟؟
وعندي طلب اخير الله يسلمك انه ترسلي رقم المنسق بهاءالدين ما عليك امر واذا فيه اي شيء ممكن يفيدني بالاتصال ايميل او اي شيء انت تشوفه ممكن يفيدني
الله يبارك فيك اخوي wqqd مسموح يكون معاك مرافق ويتوفر له مثلك تمام بس الغرفة اللي كنت فيها لشخص واحد موجوده بالصور لأني سألتهم عن المرافق وقالولي مفيه مشكلها بس رحت لحالي
وبالنسبه للايميل ورقم الجوال شيك ع الخاص لا هنت والله يكتبلك اللي فيه الخير

 

[حكيم]

السلام عليكم اخي طارق انا كلمت المنسق بهاء وارسلت له صوري وقال لي انت حالتك مثل اخ اسمه طارق وذكر لي ان نتيجتك تمام ووضعك حلووانك مرتاح رغم اني ماجبت سيرتك ( الا في نفسي بالخير) وذكر لي اني احتاج عمليتين الثانية بعد سنة لكن اللي تخوفت منه اني سألته هل ممكن اشوف نتيجة طيبة قالي الان ان شاءالله لكن بعد سنة الله اعلم ! مافهمت وش يقصد بالضبط لأني اتكلم معاه بالعربي وهويتكلم مكسر بجد قلقت وماادري هل طمنك بالنتيجة والشي الثاني ودي اسألك انا بعد مااخلص من العملية في تركيا بأسافر سياحة مع قروب الى اوروبا مااعرف هل الشكل والوضع يسمح او لا لانه قالي كاب ماينفع تلبس .. اعذرني على الاطالة بس محتاج مشورتك والاخوان واضافتكم وشكرا

 

[بس بلاش]

ان شاء الله خير أنا ناوي أطلع مين معي يا شباااب

سلام عليكم انا موجود بالرياض وانوي اطلع بالعيد ومخاويك يا طيب اذا تحب
عندي المنطقه المانحه اكبر من الصور والمتضضر ما يقارب 50% من المنطقه بالصور
ولا عليكم امر تساعدوني يا اخوان والاخ صاحب التجربه الله لا يهينك ابي رقم الاخ المترجم او الشخص المنسق الي اقدر احجز عن طريقه وارجوك باسرع وقت ممكن انا ابي اسافر قبل العيد

والف الحمد الله على سلامتك وبالتوفيق والنجاح للعمليه الله يوفقنا معك ويروح المطار الصغير الي عندي تراني على وجه زواج في شهر 7 ان شاء الله حياكم

 

[بس بلاش]

سلام عليكم انا موجود بالرياض وانوي اطلع بالعيد ومخاويك يا طيب اذا تحب
عندي المنطقه المانحه اكبر من الصور والمتضضر ما يقارب 50% من المنطقه بالصور
ولا عليكم امر تساعدوني يا اخوان والاخ صاحب التجربه الله لا يهينك ابي رقم الاخ المترجم او الشخص المنسق الي اقدر احجز عن طريقه وارجوك باسرع وقت ممكن انا ابي اسافر قبل العيد

والف الحمد الله على سلامتك وبالتوفيق والنجاح للعمليه الله يوفقنا معك ويروح المطار الصغير الي عندي تراني على وجه زواج في شهر 7 ان شاء الله حياكم

وانا ما عرفت اتراسل عالخاص ولا افهم بهالامور انا بس من يومين مشارك وارجوك يا مشرف توصل لاقمي للاخ صاحب التجربه ابي يكلمني الله يرحم والديك
0545538269

 

[tareq s]

ولا عليكم امر تساعدوني يا اخوان والاخ صاحب التجربه الله لا يهينك ابي رقم الاخ المترجم او الشخص المنسق الي اقدر احجز عن طريقه وارجوك باسرع وقت ممكن انا ابي اسافر قبل العيد

والف الحمد الله على سلامتك وبالتوفيق والنجاح للعمليه الله يوفقنا معك ويروح المطار الصغير الي عندي تراني على وجه زواج في شهر 7 ان شاء الله حياكم

اخوي مبروك على الزواج والله يهنيك يارب شيك ع الخاص والافضل تنسق مع بعض الأعضاء اللي ناوين يروح عشان تأخذوا خصم والف مبروك على الزواج

 

[tareq s]

وانا ما عرفت اتراسل عالخاص ولا افهم بهالامور انا بس من يومين مشارك وارجوك يا مشرف توصل لاقمي للاخ صاحب التجربه ابي يكلمني الله يرحم والديك
0545538269
أخوي الكريم شيك ع الخاص ونخدمك ان شاء الله باللي نقدر عليه تحياتي

 

[tareq s]

السلام عليكم اخي طارق انا كلمت المنسق بهاء وارسلت له صوري وقال لي انت حالتك مثل اخ اسمه طارق وذكر لي ان نتيجتك تمام ووضعك حلووانك مرتاح رغم اني ماجبت سيرتك ( الا في نفسي بالخير) وذكر لي اني احتاج عمليتين الثانية بعد سنة لكن اللي تخوفت منه اني سألته هل ممكن اشوف نتيجة طيبة قالي الان ان شاءالله لكن بعد سنة الله اعلم ! مافهمت وش يقصد بالضبط لأني اتكلم معاه بالعربي وهويتكلم مكسر بجد قلقت وماادري هل طمنك بالنتيجة والشي الثاني ودي اسألك انا بعد مااخلص من العملية في تركيا بأسافر سياحة مع قروب الى اوروبا مااعرف هل الشكل والوضع يسمح او لا لانه قالي كاب ماينفع تلبس .. اعذرني على الاطالة بس محتاج مشورتك والاخوان واضافتكم وشكرا
أخوي الكريم النتيجه الى الأن مرتاح منها ولله الحمد بالنسبة وتقدر تسافر سياحه بعد الزراعة وتغطي الراس بقماش اسود خفيف . بالنسبة للعملية الثانيه بعد سنه هم رأيهم ان المنطقة المانحه تكون جاهزة 100 في ال 100 بعد سنه +نتيجة الزراعة تبان بعد سنة
الأخ احمد من الكويت ذكر انه اثناء اقامته في المستشفى شاف شخصين اضن من دوله اوربيه جايين لعمل الزراعة الثانية بعد سنة وشاف انه نتايجهم جدآ طيبة
وبالتوفيق ان شاء الله

 

[العتيبي]

يعطيك العافية أخوي

الف مبروك الزراعة وان شاء الله تشوف نتائج طيبة

بس لي ملاحظة على الزراعة اعتقد أنهم ضحكوا عليك ولكن حبيت أبدي هالملاحظة للأعضاء اللي بيروحون إلى المركز

انت تقول أنهم كثفوا لك المنطقة الأمامية وتركوا المنطقة الخلفية لبعد فترة بس ما لاحظت أن في الصورة اللي على جنب أنهم لعبوا عليك

رسمت الخط نعم فيها تكثيف ولكن ما بعدها ليس بالكثافة اللي تتكلم عنها وراح تلاحظ الفرق عند ظهور الشعر إن شاء الله

يعني تنبيه يا إخوان اللي بيروح لهالمراكز يننبه للعبهم الفاضي واضح أن الكثافة غير جيدة

 

[tareq s]

يعطيك العافية أخوي

الف مبروك الزراعة وان شاء الله تشوف نتائج طيبة

بس لي ملاحظة على الزراعة اعتقد أنهم ضحكوا عليك ولكن حبيت أبدي هالملاحظة للأعضاء اللي بيروحون إلى المركز

انت تقول أنهم كثفوا لك المنطقة الأمامية وتركوا المنطقة الخلفية لبعد فترة بس ما لاحظت أن في الصورة اللي على جنب أنهم لعبوا عليك

رسمت الخط نعم فيها تكثيف ولكن ما بعدها ليس بالكثافة اللي تتكلم عنها وراح تلاحظ الفرق عند ظهور الشعر إن شاء الله

يعني تنبيه يا إخوان اللي بيروح لهالمراكز يننبه للعبهم الفاضي واضح أن الكثافة غير جيدة

الله يبارك فيك أخوي العتيبي. بالنسبة للتكثيف لا ضحكوا علي ولا شي التكثيف ان شاء الله بعد سنة في الزراعة الثانية وتغطية بقية المنطقه وتحياتي لك