تحديث 6 اشهر و 10 ايام تاريخ الزراعة في 19- 5 - 1432

[ابو بدر]

اصلع ملعلع

التوبيك يغطي مناطق الفراغ ويعطي كثافة بنسبه لاباس بها

انت جربه وان شاء الله بيعجبك

 

[ساهر ليل]

ماشاء الله تبي الصراحة انا ماتوقعت لك النتيجة هاذي صراحة مرضية مقارنه بصورتك قبل الزراعة , السؤال بس لايكون لازم تستخدم علاج مزمن بعد الزراعة لاني اقرا ان بعض الاطباء يشترط الميونكسيديل او غيره لنجاح الزراعة ’ مع شكري لك وللقائمين على المنتدى جزاكم الله الف خير وانا متابع واتمنى ان ربي يعيني على افادة اخواني اعضاء هالمنتدى الطيب

 

[ابو بدر]

اخ ساهر ليل

يعطيك العافيه

بالنسبة للعلاج بعد الزراعة هو حبوب تقويه للشعر ومينوكسيديل ويكون استخدامها فتره ٦ شهور فقط

انا للاسف بعد استخدام المينوكسيديل طاح الشعر اللغير مزروع بالجوانب وكل فتره يزيد اتساع المنطقه من تساقط الشعر وكنت نزلت صوره هنا لبداية التساقط
عالجنا مشكله وطلع لنا مشكله ثانيه وخلال كم يوم بوقف المينوكسيديل ونشوف وش يصير

الله يعين بس

شاكر لك مرورك

 

[ساهر ليل]

عسى الله يعينك بس الي اعرفه وانت ابخص ان الميونوكسيديل اذا تركته يتساقط الشعر الي بسببه وقف فبكذا مافي فايدة واطلعت على كثير من عمليات الزراعة الناجحة ومااعطاهم الدكتور علاجات تستمر اكثر من عشر ايام وبعدين تبي الصراحة العلاجات هاذي غثيثة , الله يحقق لك مرادك ويسعدك

 

[أصلع ملعلع]

بصراحه أنا من بعد العمليه ما أستخدمت أي شي
ما عدا العلاج اللي بعد العمليه مباشره لمدة أسبوع
مسكن وبانادول
وغيره مافيه
بالنسبه للمينوكسيديل ما أقدر استخدمه نهائيا
لأني قبل الزراعه أستخدمته مره واحده يعني رشه واحده فقط
اليوم الثاني صلعتي صارت كأنها خبزة همبرقر اللي بالسمسم بس على حبات حمر غير عاديه

المهم اني بعد العمليه أموري ماشيه تمام ولا فكرت استخدم شي
إذا الشعر بيطلع أهلا وسهلا
ما يبي ما تغير علينا شي
هههه
وانا من رأيي يابو بدر لا تستخدم شي وخل الأمور على طبيعتها
تمنياتي لك بالتوفيق

 

[ابو بدر]

عسى الله يعينك بس الي اعرفه وانت ابخص ان الميونوكسيديل اذا تركته يتساقط الشعر الي بسببه وقف فبكذا مافي فايدة واطلعت على كثير من عمليات الزراعة الناجحة ومااعطاهم الدكتور علاجات تستمر اكثر من عشر ايام وبعدين تبي الصراحة العلاجات هاذي غثيثة , الله يحقق لك مرادك ويسعدك

كلامك صحيح ساهر لكن انا كان استخدامي للبخاخ فقط على الشعر المزروع بناء على توجيهات الطبيب في طريقة استخدامه وما كنت اقرب على الجوانب ابد بس للاسف كان تاثيره قوي على هالمنطقه وسبب تساقط ووتراجع الشعر فيها

الحمدلله على كل حال ​

 

[ابو بدر]

اصلع ملعلع
افضل انك ماتستخدم اي علاج والشعر ينمو براحته لان اللي مثل وضعنا لو فرضنا انه استخدم بخاخ فيكون استعماله للشعر المزروع حسب توجيهات الطبيب لفتره محدوده فقط اللي هي 6 شهور ثم يتركه عشان كذا لو حدث تساقط شعر للمنطقه اللي محيطه بالشعر المزروع فيكون صعبه انه يرجع الا بالاستمرار على العلاج وهذا ماحدث معي الان استخدمته وطاح الشعر وبلشت هههه
فحقيقه محتار اكمل استعمالي البخاخ مدى الحياة او اتركه والعوض على الله في الشعر اللي طاح وللامانه كنت متحمس بكمل الزراعة لكن صابني احباط رهيب وفتور بالحماس لان طلعلي شي ماكنت حاسب له حساب ولو فرضنا اني قلت ابي ازرع مكان اللي طاح فالمنطقه المانحة اصلا ضعيفة فاكيد ماراح تساعد اذا نظرنا ان المنطقة اللي تحتاج زراعة زادت مساحتها مع العلم ان استعمالي للبخاخ كان على الشعر المزروع فقط ومع هذا كان تاثيره قوي على منطقة جوانب الراس ولو تشوف صوري قبل كان فيه شعر بالجوانب وبعدها يوم صارت بداية التساقط نزلت صور اما الان خف الشعركثير وتراجع وباذن بحاول انزل صور للوضع الحالي
لكن يالله نقول الحمدلله ع كل حال

الا ماودك تسلفن كم شعره من قذيلتك وارجعهن لك اخر الشهر قصدي اخر الشعر ههههههه

ماشاء الله لا اله الله
بالتوفيق اخوي

 

[أصلع ملعلع]

كلم د بسام وخذمنه موعد
وأبشر خذ الشعر اللي تبيه
هههههههههه
عموما موضوع الإحباط أنا ضده
يابو بدر مكالمه منك للدكتور بسام وسؤال صغير ماراح يضرك
اسأله أوقف العلاج ولا لا ؟ وإذا وقفته فيه تأثير ولا لا
مع أني أقول من عندي
وقف البخاخ وخله وبأذن الله راح يطلع الشعر اللي طاح
المده اللي استخدمت فيها العلاج ماهي طويله
بس لازم تكلم الدكتور
أفضل وقت له هاليام 12:30 الظهر
وطمني وش صار معك
تحياتي

 

[سام]

اخ ساهر ليل

يعطيك العافيه

بالنسبة للعلاج بعد الزراعة هو حبوب تقويه للشعر ومينوكسيديل ويكون استخدامها فتره ٦ شهور فقط

انا للاسف بعد استخدام المينوكسيديل طاح الشعر اللغير مزروع بالجوانب وكل فتره يزيد اتساع المنطقه من تساقط الشعر وكنت نزلت صوره هنا لبداية التساقط
عالجنا مشكله وطلع لنا مشكله ثانيه وخلال كم يوم بوقف المينوكسيديل ونشوف وش يصير

الله يعين بس

شاكر لك مرورك

كيفك اخوي ابو بدر ,
ان شاء اللة تكون النتائج في تقدم ؟
اخوي ابو بدر ياريت تخبرني عن وضعك بعد ما وقفت البخاخ بالذات منطقة جوانب الشعر ,

ربي يسعد ايامك.

 

[تـركـــي]

والله فرق كبير بين قبل الزراعه وبعد 3 أشهر .. وبعد 6 أشهر

ما شاء الله النتيجه " فوق الممتازه " الله يهنيك بشعرك ويمتعك بشبابك

والله استانست لك يا مديرنا العزيز تستاهل كل خير

وأنا عندي مشكله نفس المشكله اللي بدأت تتطور معاك

الشعر اللي فوق الزلف أنا طبيعة شعري بهالمنطقة خفيف

وأنا شعري دهني على ناعم نهائياً ما يعطي كثافه ومستغرب

لأن أشوف الناس حتى الصلعان عندهم هالمنطقه كثيفه @@

 

[(زياد)]

ابو بدر اسعدالله مسائك واحب اقلك والله نسبه العمليه الى حدالان جيد جداً بالنسبه لمرحله الصلع الي عندك واتوقع لك نتايج احلى مع مرور السنه وربي مو مجامله هذا هو الحق ومابه دعي للاحباط وقول الحمد لله غيرك ماطلع معه شعر وغير تشوه زيادة ..؟ انا سويت العمليه بالعيادات العالميه بجدة قبل شهر وصار لي اسبوع استخدم الموكسندل وكمان الدكتور التركي مرة يوصي فيه وانت واخوي اصلع ملعلع خوفتوني منه بصرحه انا لي اسبو ع مو حاس باي تغير غير الشعر المزروع قاعد يطيح ياليت يبو بدر تطمني ان استمر او اوقف قبل لااندم وياليت تقولي اسم افضل حبوب منبته ومساعده لشعر ومالهااي اضرار من واقع تجربه والف الف مبروك طلوع الشعر يابوبدر تستاهل كل خير وعقبال النتائج النهائيه.

 

[(زياد)]

ابو بدر ماشالله تبارك الله توني اشوف الصور الاخيره جنان وفرق كثير اعذرني على تقييم جيد جداًوربي ممتاز وجداً رئع مشاالله ولا قوة الابالله اهم شي راحت لمعة الصلعه انت بخير و تستاهل كل خير يابو بدر وربي فرحت لك من كل قلبي عشان كل ردودك كانت متخوف ومحبط ومتنكد الله يزيدك يارب ويفرح قلبك الحين ضربت نتائج تركيا وايران يابو قذله روح ياعمي مسابح وتعافر وامزح مع الشباب ولاعليك من سحبة الطاقيه

 

[fayssalro]

السلام عليكم
أبو بدر هل من صور جديدة
خاصة بعد مرور 12 شهرا تقريبا على العملية
؟
مع تمنياتي بالنجاح

 

[سام]

كيفك اخوي ابو بدر ,
ان شاء اللة تكون النتائج في تقدم ؟
اخوي ابو بدر ياريت تخبرني عن وضعك بعد ما وقفت البخاخ بالذات منطقة جوانب الشعر ,

ربي يسعد ايامك.

 

[منصور بن منصور]

هل من صور جديدة يا أبا بدر؟! :/

 

[مغترب]

السلام عليكم ياليت صور يأبو بدر
والله يسعدك

 

[ضمى في خافقي.]

أبو بدر اسعد الله اوقات بلخير والمسرات بشر كيف صاير معاك الوظع الى الحين

 

[ابو بدر]

يعطيكم العافيه جميع على مروركم وسؤالكم واسف جدا لتاخري بالرد

وبالنسبه للصور باذن الله قريبا بنزلها في الموضوع وتاخري بسبب ضروف

اما عن وضع الشعر المزروع فالوضع تقريبا مافيه زود يذكر عن اخر تحديث اللي هو 6 اشهر الا اللهم انه طال الشعر شوي وصرت ارجعه للوراء عشان يغطي اكبر مساحه وللامانه الكثافه مو ذاك الزود بحيث انه تبان فراغات بفروة الراس وخشونه بالشعر لكن هالطريقه اللي هي ارجاع الشعر للخلف برايي غير مفيده بسبب ان الشخص طبيعي تمر عليه مواقف مثل سباحه بمسبح او لعب كوره فصعبه انه تكون تغطيه الصلع بمجرد وجود شعر غير ثابت اقصد طول الشعر فقط هو اللي مغطي وليس شعر ثابت يعني تخيلوا معي اذا سبحت مثلا ينزل الشعر على قدام ويوصل الى راس خشمي وفوق الراس صحراء ومن وراء صحراء ومع هذا الكثافه قليله يعني الوضع للان مازال شماغ وعقال هههههههه لكن ان شاء الله انا معزم اكمل باقي الزراعة وبما ان المنطقه المانحة عندي ضعيفه فلازم ارضى بكثافه حتى لو كانت قليله


والحمدلله على كل

 

[سام]

كيفك اخوي ابو بدر ,
ان شاء اللة تكون النتائج في تقدم ؟
اخوي ابو بدر ياريت تخبرني عن وضعك بعد ما وقفت البخاخ بالذات منطقة جوانب الشعر ,

ربي يسعد ايامك.

حياك اخوي ابو بدر ,
يا ريت تجاوبني بعد اذنك , تري جوابك مهم بالنسبة لي طال عمرك.
تحياتي لك.

 

[ابو ثامر]

ما شاء الله تبارك الله ابو بدر
نتائج ممتازة ومبهرة
اسأل الله ان يزرقك ماتتمنى ويعطيك على قد نيتك الطيبة يالغالي