تحديث 6 اشهر و 10 ايام تاريخ الزراعة في 19- 5 - 1432

[ابو همس]

بس انا مايعجبني دكتور بسام برسمة الخط الامامي دكتور احمد الخط الامامي مره ممتاز يسويه على شكل رقم سبعه مدري يسويه الدكتور بسام او على حسب الطلب والاتفاق

 

[ابو بدر]

ماشاء الله ابو بدر غطيت 60 بالميه من الصلع كويس 1880بصيله غطت هالمنطقه الله يبشرك بالنتائج الي تسر خاطرك

تسلم اخوي ابو همس ع مرورك

وبالنسبه لتغطية الصلع الحمدلله بالنسبه لي مقنع كاول جلسه ليش ؟
لان اصلا ماكان فيه شعر ابدا عشان كذا بكون قنوع باي تغير يصير
ولو كان مطلب الشخص انه يشوف شعره مثل ماكان يوم هو صغير اكيد محد بيكون مرتاح مهما كانت ايجابية النتايج

وهي تعتمد ع حسب درجة الصلع عندك وقناعتك بتغيرها فمثلا اللي عنده درجه صلع متقدمه سادسه او سابعه يرضى بتحسين درجته لرابعه او ثالثه مايجيني واحد مثلي يقول ابيكم ترجعون شعري يصير درجه اولى صلع هههه
وهكذا عشان تكون النتايج حلوه بنظرك انت يالزارع ولا تطمع عشان مانتعب
وبالنسبه للبصيلات 1880 الحمدلله زين طلعت هههه لان مشكلة شعري ناعم وخفيف لكن بأذن الله ان وفق الله ونجحت هالزراعه هذي بسوي جلسة ثانيه اكمل الباقي حتى لو ماغطيت كامل الراس بكون مقتنع ومثل ماقلتلك باول كلامي المساله تغير شكل وقبوله اجتماعيا ونفسيا لك انت يالشخص والحمدلله ع كل حال

دعواتك

شكرا

 

[ابو بدر]

بس انا مايعجبني دكتور بسام برسمة الخط الامامي دكتور احمد الخط الامامي مره ممتاز يسويه على شكل رقم سبعه مدري يسويه الدكتور بسام او على حسب الطلب والاتفاق

بالنسبه للخط الامامي له حسبتين عند الدكتور بسام واتوقع عند غيره بعد
الاولى العمر
الثانيه الشكل ( وهذا استفسارك )
فمساله رفع الخط الامامي قليلا عن منابت الشعر الاصليه والتي كانت بالصغر هذي ترجع لعملية نسبه وتناسب فطبيعي مع تقدم عمر الشخص لابد يكون هناك تراجع بالشعر حتى بالشخص العادي فمبالك بشخص عنده صلع
فلو فرضنا ان شخص بعمر الثلاثين او بعمر الاربعين مثلا بيسوي زراعه اعتقد من الصعب اني ارسم شعره واحط بدايته كانه ابو 18 سنه يعني احط شعره على جبهته وبكذا يكون غير منطقي وبعيد عن الواقع لكن يكون العكس اذا تم رفع الخط الامامي (( قليلا )) بحكم العمر مثل ماقلنا

وبالنسبه لرسم الخط هذي ترجع للطبيب مع الشخص الزارع نفسه وانا رايي الشخص اشوف ان اي رسم ماراح يبين كثير مع تغطيه الشعر له وهو بكل الحالتين بنظري مقبول

تحياتي​

 

[ابو همس]

هاه بشر اخوي ابو بدر كيف الاوضاع في شد مكان الخياط والمناطق الثانيه ولا رجعت الاوضاع طبيعيه

 

[ابو بدر]

هاه بشر اخوي ابو بدر كيف الاوضاع في شد مكان الخياط والمناطق الثانيه ولا رجعت الاوضاع طبيعيه

الاوضاع الحمدلله تمام والشد بمنطقة الخياطة خفيف بحليل وللعلم انا اليوم كملت 7 ايام بس
المنطقه المزروعه احس البنج موجود للحين بس للامانه خفيف يعني مو مزعج لانه مثل ماقلتلك 7 ايام بدري يزورل كل شي

انا ماهمني لاشد ولا بنج ولا اي وجع لو كان فيه مثلا انا اللي شاغل بالي هل الشعر بيطلع ان شاء الله او لا هذا اكبر همي ولا الاوجاع والبنج والشد نتحمله بس نشوف نتايج تسعدنا بالاخير
شكرا ابو همس لسؤالك​

 

[متقدم]

الحمدلله على السلامه ابو بدر والف مبروك على الزراعه بس بصراحه الخط الامامي بقمة الروعه

 

[يآرب حقق مرآدي]

ماشاء الله
الف مبروك والحمدلله على السلامه
وعقبال يارب النتيجه الي ترضيك
بس غريبه ماصرف لك حبوب البوربيشيا لانها احسها ضروريه لدرجه الصلع عندك .!
وكذلك البخاخ ضروري جدا ويعطي نتيجه حلوه

نصيحتي لك لاتشغل بالك متى يطلع الشعر او نجحت العمليه و . الخ
انا تحطمت من الشهر الثالث صراحه توقعت النتيجه احسن .... لكن الحمدلله يوم تميت 6 شهور شفت النتيجه
والنتيجه النهائيه الى سنه ان شاء الله

بالتوفيق يارب

 

[ابو بدر]

الحمدلله على السلامه ابو بدر والف مبروك على الزراعه بس بصراحه الخط الامامي بقمة الروعه

الله يبارك فيك اخوي ويسعدك يارب
وتسلم عالكلام الطيب​

 

[ابو بدر]

ماشاء الله
الف مبروك والحمدلله على السلامه
وعقبال يارب النتيجه الي ترضيك
بس غريبه ماصرف لك حبوب البوربيشيا لانها احسها ضروريه لدرجه الصلع عندك .!
وكذلك البخاخ ضروري جدا ويعطي نتيجه حلوه

نصيحتي لك لاتشغل بالك متى يطلع الشعر او نجحت العمليه و . الخ
انا تحطمت من الشهر الثالث صراحه توقعت النتيجه احسن .... لكن الحمدلله يوم تميت 6 شهور شفت النتيجه
والنتيجه النهائيه الى سنه ان شاء الله

بالتوفيق يارب

الله يبارك فيك اختي
ان شاء الله يسعد الجميع بنتايج حلوه
الدكتور ماصرفلي شي غير علاجات حقت اسبوعين بس
لكن انا سالته عن المينوكسيديل قلت ودي استخدمه قالي مو ضروري لكن براحتك وخليته يكتبيلي الوصفه وقالي بس استخدمه ست شهور للشعر المزروع ثم وقفه

بالنسبه للتفكير والهواجيس والله انا شاقي مع هالبصيلات هن ثبتن ولا لا او طاح منهن شي بوقت النوم ولا لا ؟

ومن زود الهواجيس الله لايواخذنا دايم احلم بهن لكن هالمره حلم وربي قومن من غرقة النوم
طبعا انا بالواقع محد يدري اني زارع الا اخوي بس
المهم بالحلم واحد من عيال عمي مزحه ثقيل بلحيل بالصدفه وحنا جالسين طاح شماغي عندهم ويقوم يناضر بي ويضحك واسمعه يقول وشو ذا !!! ويجي يمد يده ويمعط كم بصيله ويحلتهن علي تخيلي هذا حلم بس انا وربي احسبه بالطبيعه وربي اني فزيت من غرقة النوم

وباذن الله بسمع نصيحتك وبريح راس وتفكيري يكفي هالحلم طير ماباقي بمخي من ركاده ههههههه
والله الهواجيس تسوي اكثر بس الحمدلله ع كل حال

موفقه الله يسعدك​

 

[وســـام]

الله يقطع ابليسك يا ابو بدر خخخخخخخخ احسب ولد عمك جد طير لك البصيلات هههههههه


بشر كيف الامور الان

 

[ابو بدر]

لا كل هذا حلم <<<< من كثر التفكير والله ههههه
الامور وش اقولك انا قلقان كثير والله من الشعر المزروع خوفي انه مايطلع مدري عشان اني قريت ان الشعر الناعم والضعيف ماينبت بعد الزراعه هذا اللي شغل تفكيري وبرضوا طريقة الغسيل عجزت اعرفلها ههههه
لكن خلها ع ربك سبحانه والله بيصير راضين فيه

 

[هاوي]

كيفك ابو بدر طمني عنك انشاء الله تكون بخير

ابو بدر عندي سوال محيرني من اول ولجميع الي سوو زراعه

هل المسافه بين البصيات المزروعه نفس المسافه بين الشعر الطبيعي
وبالنسبه لشعر الناعم هل سألت الدكتور مدى نجاح العمليه بحكم اني مثلك
شعري ناعم وحفيف
وتسلم

 

[ابو بدر]

كيفك ابو بدر طمني عنك انشاء الله تكون بخير

ابو بدر عندي سوال محيرني من اول ولجميع الي سوو زراعه

هل المسافه بين البصيات المزروعه نفس المسافه بين الشعر الطبيعي
وبالنسبه لشعر الناعم هل سألت الدكتور مدى نجاح العمليه بحكم اني مثلك
شعري ناعم وحفيف
وتسلم

هلابك هاوي
انا بخير عساك بخير يالغالي

بالنسبه للمسافه بين البصيلات المزروعه هل هي نفسها بالشعر الطبيعي اكيد لا ؟
لان المزروع تكون اقل بعدد البصيلات في السنتيمتر المربع من الطبيعي

وبالنسبه لنجاح العمليه من فشلها باسباب نعومة الشعر وخفته انا سالت الدكتور عن هالشي قالي يطلع نفس شعرك مايتغير بس ماحسيت انها اجابه قطعيه واكيده
لكن انا طرحت موضوع قبل اقرأ ردك هذا والله
لاني متخوف والموضوع شاغل بالي كثيير وان شاء الله نشوف الردود من الشباب
مشكور ع سؤالك ​

 

[متحمسه]

ابو بدر تقوم بالسلامه وتشوف شعرك وش زينه
بس تراك روعتني يعني الشعر الناعم الخفيف مايضبط ؟؟؟؟؟؟
ليه تسذا وش الحكمه وش العله يعني نجيب احد شعره سميك وخشن وناخذ منه الاقتطاف ولا وش نسوي
<< ياربي وش كثر نعاني

 

[ابو بدر]

ابو بدر تقوم بالسلامه وتشوف شعرك وش زينه
بس تراك روعتني يعني الشعر الناعم الخفيف مايضبط ؟؟؟؟؟؟
ليه تسذا وش الحكمه وش العله يعني نجيب احد شعره سميك وخشن وناخذ منه الاقتطاف ولا وش نسوي
<< ياربي وش كثر نعاني

في موضوع لي بعنوان (( استفسار للكل مع الشكر))
نشوف وش يقولون الشباب ورايهم فيه
بس انا اتوقع ماله دخل نعومة الشعر بشكل قوي في عملية الانبات او عدمها​

​

 

[ابو بدر]

ابشركم اليوم فكيت الغرز والحمدلله بعد مقابلة الدكتور بسام الامور طيبه بلحيل والشد بالمنطقه تقريبا صار مايذكر
وبالنسبه للقشور شافها الدكتور وعلمني طريقة ازالتها والحمدلله انا متفائل وقالي عيش حياتك الطبيعيه جدا من جميع النواحي ولا تحسب لاي شي

الخلاصه : العشر الايام الاولى بعد العملية هي اللي تبي منك تتبع طريقة معينه ومو طريقة صعبه ايضا وبعد كذا كل شي طبيعي جدا

مشكورين ومانستغني عن دعواتكم

 

[maher]

حمدا لله على سلامتك

 

[ابو بدر]

حمدا لله على سلامتك

الله يسلم اخوي

اشكر مرورك​

 

[M.M.H]

السلام عليكم

الله يتمملك هالعمليه على خير و تشوف النتايج المرضيه باذن الله

بس ابي هالندب اللي ورا شنوووو

ما اعرف ولا شي عن هالعمليه و توني ادري ان لها انواع

وياريت عنوان او ارقام الدكتور

و يعطيكم العافيه

 

[ابو بدر]

السلام عليكم

الله يتمملك هالعمليه على خير و تشوف النتايج المرضيه باذن الله

بس ابي هالندب اللي ورا شنوووو

ما اعرف ولا شي عن هالعمليه و توني ادري ان لها انواع

وياريت عنوان او ارقام الدكتور

و يعطيكم العافيه

اشكرك ع كلامك الطبيب

بالنسبه للندب اللي خلف الراس هذي طريقة زراعة بواسطة الشريحه وهي طريقة يتم قص شريحه بطول وعرض معين ومن ثم خياطة مكانها اي مكان القص

عنوان الدكتور العيادات العالميه المملكه العربيه السعوديه الرياض

هاتف العيادة 00966014664411
المنسق مدام عبير​