تحديث 6 اشهر و 10 ايام تاريخ الزراعة في 19- 5 - 1432

[_ ok _]

حي الله ابو بدر


قريت لك اكثر من رد انك ما لاحظت اي تغيير مع مرور 3 اشهر


ياليت تنزل لنا صوره لوضعك الحالي يمكن نشوف شي انت ما شفته




​

 

[ابو بدر]

حياك ok
صحيح قلت هالشي لاني قارنت نتايجي بالتجارب الموضوعه هنا للامانه مافي نتائج تذكر وفوق هذا الشعر المزروع الاحظه يطيح وهذا اللي سبب لي نسبة احباط
لكن بما اني باول اشهر الزراعه اقول يالله عساه خير ومع الوقت تضبط الامور

انا لاحظت نتائج بعض التجارب هنا ماشا ء الله من الشهر الثالث كانت ممتازه والشعر تقدر تمشطه انا للاسف مافي لكن نقول خير مع الشهر الرابع نشوف شي يذكر ونقدر نمشطه ههههه

والصوره بنزلها اذا كملت 3 شهور بس والله ترا مافي نتائج تستاهل انزل لها صوره لكن بما اني بكمل هالمده راح انزلها ان شاء الله

 

[اهم واحد]

اخوي ابو بدر تم لك 3 شهور حط لنا صور بعد هالمده

 

[ابو بدر]

باقي 4 ايام​

 

[اهم واحد]

بالتوفيق ان شاء الله كم رقمهم انا ودي اروح اقابل الدكتور بسام بعدين كم الكشف عندهم

 

[ابو بدر]

تسلم على الدعوه
رقمهم ٠١٤٦٦٤٤١١

الكشفيه ٣٠٠ ريال

بالتوفيق ان شاء الله وطمني عنك
واعتذر عن التاخر بالرد لظروف خاصة

 

[ابو بدر]

تم اضافة صور بعد اكتمال 3 اشهر من الزراعة تم ارفاقها بالصفحة الاولى ( صفحة التقرير )

صورة للمنطقة المزروعة وصورة للمنطقة المانحة

حسب اطلاعي على التجارب المطروحه ونتائجها بعد اكتمال 3 اشهر من الزراعة اشوف ان نتائجي زراعتي ضعيييفه جدا والشعر المزروع نبت قليل منه ومع ذلك الاحظ شعرات من تتساقط عند الغسيل وعلى فترات

اتمنى اسمع رأيكم وملاحظاتكم عن وضعي ونتائج زراعتي وهل هي مرضيه ام لا بكل صراحه وبدووووووووووووووووون اي مجاملة

يعطيكم العافية مقدما

ملاحظة
سبق اني اتصلت بالاخت عبير المنسقة بعيادة الدكتور بسام وسؤالها عن وضع زراعتي ونتائجها وذكرت لها ان النتائج ضعيفة جدا ولا تكاد تذكر مقارنة بالنتائج المطروحه هنا وان الشعر المزروع ضعيف واني الاحظه يتساقط عند الغسيل في بعض المرات

ردت على ان الوضع طبيعي وان استجابة الشعر تختلف من شخص لاخر وان النتائج سوف تتضح من بعد مرور 3 اشهر وطالع وانه سوف ارى فرق بالشعر بالشهر الرابع
قلت يالله عساه خير ونصبر للشهر الرابع عسى تكون النتائج طيبه تعوضنا التعب واللي كاتبه الله حياه الله

 

[a7m1d7]

اخوي ابو بدر ما كأنك مستعجل شوي انا لاحظت ان اغلب النتائج تظهر بعد 8 اشهر وياذوب تشوف 50% من النتائج انا انصحك انك تكون هادي وتبعد عن التوتر لمدة ثلاث اشهر اخرى وبإذن الله تصل لنتايج مرضية لك
حبيت اسألك هل تستخدم ادوية خلال الثلاثة اشهر وماهي
تحياتي لك

 

[ابو همس]

والله نتائجك حلوه نوعا ما بحكم انو المده قصيره وكل امرك لربك وبعد اكمال المده ترفرف القذله طول بالك عمو

 

[اهم واحد]

انا اتوقع انها بدت النتائج تطلع معك وبعد مرور 6 شهور راح تكون
النتائج مرضيه وبالنسبه للندبه من الخلف هل هي تعورك او فيه شد الحين والى امورها زينه
وعقبال بعد 6 شهور ترضيك النتائج

 

[Neat]

والله يا بوبدر ارى ان النتائج حتى الان طبيعية .. والمفروض ان يسقط كامل الشعر المزروع و "يبدأ" بالنمو بعد مرور 3 - 5 اشهر تقريبا ً
ولن ترى بداية النتائج الا بعد مرور 6 اشهر ... و فوق هذا معروف ان النمو المبكر " 3 اشهر واقل" يحصل تقربيا ً عند 5 ٪ من الحالات..*

وعلى فكرة الشعر الطويل المزروع الذي لم يسقط واستمر بالنمو هو من تأثير المنوكسيديل ( حصلت معي) ... وانشاء الله تبشر بالنتائج

وحتى تتطمن اكثر ارفق لك الرابط ادناه لترى بنفسك تطور الحالات خلال المدة الزمنية وما تمر به الان هو طبيعي جدا..

http://www.hairtransplantnetwork.com/blog/journal.asp?CopyID=2168&WebID=757


تحياتي لك،،

 

[ابو بدر]

اخوي ابو بدر ما كأنك مستعجل شوي انا لاحظت ان اغلب النتائج تظهر بعد 8 اشهر وياذوب تشوف 50% من النتائج انا انصحك انك تكون هادي وتبعد عن التوتر لمدة ثلاث اشهر اخرى وبإذن الله تصل لنتايج مرضية لك
حبيت اسألك هل تستخدم ادوية خلال الثلاثة اشهر وماهي
تحياتي لك

والله مدري ياخوي بس اللي يذكرون ان الشعر عند اكمال 3 اشهر يكون نابت بنسبة 30% وماشاء الله فيه بعض التجارب شعرهم بعد مرور 3 اشهر يقدرون يمشطونه ووضع شعري انا اقل بكثير منهم اذا قارنت زراعتي معهم

وبالنسبة للادويه مااستخدمت شي ابد غير بخاخ هيرو بس ويوم شفت النتئج ضعيفة قلت بستخدم حبوب بروبيشيا بس للاسف ماحصلتها واذا فيه بديل عنها يكون مجرب ومفعول طيب ياريت تعطيني اسمه لاهنت
وبنتظر لي كم شهر وبشوف عسى الوضع يتحسن وترتفع المعنويات شوي ههههه

شكرا على النصيحة احمد​

 

[ابو بدر]

والله نتائجك حلوه نوعا ما بحكم انو المده قصيره وكل امرك لربك وبعد اكمال المده ترفرف القذله طول بالك عمو

تسلم والله يبو همس لكن انت شفت بعض التجارب كيف صارت خلال نفس المده وهي 3 اشهر يعني وضعي اقل بكثير منهم مع ان المده وحده برايك ايش الاسباب ؟؟

 

[ويبقى الأمل]

لا تحكم يا أبو بدر إلا بعد 6 أشهر بالتوفبق عزيزي

 

[ابو بدر]

انا اتوقع انها بدت النتائج تطلع معك وبعد مرور 6 شهور راح تكون
النتائج مرضيه وبالنسبه للندبه من الخلف هل هي تعورك او فيه شد الحين والى امورها زينه
وعقبال بعد 6 شهور ترضيك النتائج

هلا فيك اهم واحد

انت اللي تشوفه هذا شعر طويل مغطي بعض المناطق هذا الشعر المزروع اللي ماتساقط واكيد مع الوقت بيتساقط
اما الشعر اللي تساقط نبت بعض منه لكن ضعيييف مره وعدد قليل لايذكر وغير واضح
لكن نقول خير ان شاء الله ونصبر كم شهر عساها تبان نتايج

بالنسبه للندبه مافي الم ولا شد الحمدلله

شكرا لك اخوي​

 

[ابو بدر]

والله يا بوبدر ارى ان النتائج حتى الان طبيعية .. والمفروض ان يسقط كامل الشعر المزروع و "يبدأ" بالنمو بعد مرور 3 - 5 اشهر تقريبا ً
ولن ترى بداية النتائج الا بعد مرور 6 اشهر ... و فوق هذا معروف ان النمو المبكر " 3 اشهر واقل" يحصل تقربيا ً عند 5 ٪ من الحالات..*

وعلى فكرة الشعر الطويل المزروع الذي لم يسقط واستمر بالنمو هو من تأثير المنوكسيديل ( حصلت معي) ... وانشاء الله تبشر بالنتائج

وحتى تتطمن اكثر ارفق لك الرابط ادناه لترى بنفسك تطور الحالات خلال المدة الزمنية وما تمر به الان هو طبيعي جدا..

http://www.hairtransplantnetwork.com/blog/journal.asp?copyid=2168&webid=757


تحياتي لك،،

يعطيك العافيه يالغالي وماقصرت ع التوضيح

شاكر لك مرورك​

 

[ابو بدر]

لا تحكم يا أبو بدر إلا بعد 6 أشهر بالتوفبق عزيزي

مالنا الا نصبر وش نسوي هههه

بس اللي يخلي الواحد مهتم شوي ان الاطباء ذكروا ان النتائج تبان خلال ال 3 اشهر الاولى بنسبة 30 بالميه وانا اتوقع نسبة الشعر عندي بعد مرور 3 اشهر ماتجي ولا 5 بالميه واللي تشوف هذا الشعر الطويل هو اللي ماتساقط

مشكور مؤيد وماقصرت يالغالي

 

[_ ok _]

حي الله ابو بدر


بالعكس اشوف النتيجه حلوه مع طلوع الشعر اللي طايح بتكون النتيجه افضل ان شاء الله


بعدين مشرف ومتحطم اجل احنا وش نسوي


متاكد بتتغير نظرتك ان شاء الله خلال شهر


والله الله بالصور ترى بدا ينغزني قلبي : ) ​

 

[ابو بدر]

حي الله ابو بدر


بالعكس اشوف النتيجه حلوه مع طلوع الشعر اللي طايح بتكون النتيجه افضل ان شاء الله


بعدين مشرف ومتحطم اجل احنا وش نسوي


متاكد بتتغير نظرتك ان شاء الله خلال شهر


والله الله بالصور ترى بدا ينغزني قلبي : ) ​

حياك ربي ok

الله يسمع منك ونشوف نتايج حلوه مع مرور الوقت

والمشرف يابعدي هو مثله مثل غيره يتأثر ههههه

وش تقصد بالصور بدأ قلبك ينغزك ؟ نغزة ضيقه ولا نغزة تفائل او شكلك غرت من قذلتي هههههه​

 

[مبهووور]

ابو بدر اخوي بصراحة النتيجة غير مرضية بالمرة
اسف على صراحتي بس لو كنت مكانك اراجع العيادة والدكتور ولو تاخذ معاك صور اعضاء من المنتدى بعد ثلاثة اشهر علشان تراويها للدكتور وتخليه يقارن بينك وبينهم يمكن يقتنع
بخصوص الشعر الطويل اللي ماطاح هذا مابيطيح لانه المفروض يطيح قبل الثلاثة اشهر بكثير
كلمه اخيره اخوي: الله سبحانه هو اللي بيده التوفيق في كل شي، إصدق التوكل عليه وبعدين تحرك، روح العياده وقابل الدكتور واشرح له عدم رضاك بالنتيجة بعد ثلاثة اشهر (مع ضرورة اخذك لصور الاعضاء)
وفي كل خطوة تذكر ان التوفيق بيد الله سبحانه.
اسأل الله العظيم رب العرش العظيم ان يوفقك ويهديك.