الله يطول عمرك اخوي ماشاء الله عليك ما خليت استفسار ما جاوبت عليه
لكن بعذبك معي شوي ..
ابي اسوي الزراعه ومتردد .. وابي اعرف عنها كل شي قبل اروح
خصوصآ للي سوآها عند الدكتور محمد
بالنسبه لبعد العمليه
الي عرفته ان النوم لازم تنام بحيث ان المنطقه المزروعه ما تلمسها المخده !! لمده كم ؟
طريقه غسيل الشعر تستخدم اللوشن والشامبو .. مع مويه دافيه غير مندفعه لمده كم هذي الطريقه تسويها ؟
يعني متى تبدأ تتروش عادي مثل اول ؟
متى تقدر تتعامل مع الشعر المزروع مثل شعرك الطبيعي مثلا تلبس شماغ وتحك راسك :d ؟
الله يجزاك الف الف خير اخوي ع المساعده الي تقدمها
حياك الله اخوي عزيز و غالي ... بالنسبه للنوم انا كنت ماخذ معاي مخده خاصه نفس الي يعطونها لك بالطياره على اساس تثبت وضعيه النوم و ما اتحرك او يصير في احتكاك لا سمح الله ... و النوم تقدر من ثالث يوم تنام عادي بس تاخذ بالك ما يكون في ضغط او احتكاك بالمنطقه المزروعه
بالنسبه لغسيل الراس الدكتور قالي اسبوعين بس بعد التعب والعنا صدقين بتتعود على طريقه الغسيل الي بعد العمليه انا لغايه الان ما اسبح بماي دفعه قوي هههههههه
اما الشماغ تقدر بعدها باسبوعين بس بطريقه انه ما يضغط عالمنطقه المزروعه و ما يتم مده طويله عالراس و من تجرتي افضل انه بعد شهر لما تستقر اوضاع الزراعه
وانشالله اكون وفيت بالاجوبه .. عموما الدكتور ما يقصر ولما تروح له راح يعلمك كل شي من صغير لي كبير