( صور بعد 4 شهور ) تجربتي في زراعة الشعر في مستشفى cevre بتركيا

[F2000H]

وين الصور شامان

 

[شامان]

اخوي شامان المشكله اللي عندك صارت لي في تحميل الصور انت مصور بالايفون ومركز التحميل مايدعم صيغة الصور
لازم تفتح الصور اللي بجهازك عن طريق الفوتشوب او برنامج paint وتسويلها حفظ مره ثانيه بصيغة jpeg وتقدر تحملها من جديد

باااااااك

كنت مسافر قبل العيد ( الحين يتحلطم اللي يتابع اعذاري وسفراتي ههههههه )
اسف على التاخير باذن الله راح ارسل الصور حق جنيع الاخوان اللي طلبوا الصور بالخاص
عن طريق الايميل

/

لقيت اللي يفهم عاد

تبي تحطمني الله يهديك

 

[شامان]

على فكرة الصور اللي راح توصل انشاء الله للي طالبينها صور قبل وبعد فقط

يعني صور متابعه ما صورت ،،،، صراحه كسل وانا مو حاب اصور

في موضوع لواحد من الاخوان تصوير اول باول ومتابعه وان شاء الله يفيد الجميع

 

[الأصلع]

كيف حالك اخوي شامان؟؟

وكيف النتائج معك؟؟ طلع الشعر ولا؟؟

وياليت تفيدنا بصورتين على الاقل
قبل - وبعد

والله يعطيك الف عافية على تعبك معنا وتواصلك

 

[شامان]

الحمد الله الحين 4 شهور والنتائج طيبه إلى الان سوى بعض الاماكن اللي تحتاج لتكثيف

لكن ولله الحمد الكل في العمل يسأل ويثني على نتائج العملية مع اني احس اني بحاجه لعملية تكثيف

لكن يقولون اصبر سنة علشان تعرف النتائج النهائية ،، للعلم هناك شهر لا زال توه ينبت والشعر الان شي طويل

وشي قصير ،،،،،، وان شاء هاليومين بنزل صور

لان المره السابقة قفلوا ايميلي الهوتميل دازين رسالة يقولون اني ارسلت منه رسائل عشوائية

وكانت الصور من ضمنهااااا


لكن ابشر هاليومين بتشوف صور

 

[الأصلع]

وحنا بالانتضار اخوي
وان شاء الله تكون النتائج افضل من اللي تتمناه

 

[صلعه ونص]

بانتظارك يالمرعب

 

[شامان]

تم انزال الصور ( أخيرا ) واقولكم لا زال الشعر في قمت الرأس وفي بعض المناطق يطلع .. واحس فيه

ولا زالت هناك قشور .. في الرأس أحكها دائما وهي قشور جلدية وليست جروح او شي ...


ولا زال هناك فراغات وأتوقع اني بحاجة لعملية اخرى تكثيف وبإمكاني الانتظار لسنة او سنتين

لأني الحمد الله مرتاح من النتائج لدرجة كما ذكرت سابقا ان الزملاء في العمل والاخوان والاصدقاء
من يشاهدني الان يحس بالفرق ولله الحمد الان استطيع ان امشي من غير كاب ( قبعه )

والسلام ختام

 

[شامان]

نسيت اقولكم / الصور موجوده بالمشاركة الاولى



اتمنى من المراقبين تغيير اسم الموضوع وكتابة تحديث مثلا او صور ... لاني كتبت العنوان بالمشاركة الاولى

 

[شامان]

الاخ شامان بارك الله بك
ياربي يوفقك
أخي لم تذكر سعر العملية بالدولار نرجو السعر والموقع الالكتروني
وعدد الشعر المزروع
انتظرك يااخي
بارك الله بك خير الناس من نفع الناس

اهلا وسهلا بك أخي انا كاتب السعر باليورو ادخل علي موقع تحويل عملات وراح تعرف كم بالدولار
والمستشفى يتعامل بالتسعيره باليورو

موقع الكتروني للمستشفى ادخل جوجل واكتب cevre hospital وان شاء الله يطلعلك

عدد الشعر ما اعلم لكن عدد البصيلات من 3000الى 3200 بصيله

عاد الحسبه اتوقع انك تضرب عدد البصيلات * 2 = 6000 شعره

طبعا نقص منه عدد الشعر اللي يروح وتدمر البصيلة بسبب حك الرأس

كل شي موجود بالمشاركة الاولى*

 

[F2000H]

مشاء الله صور كويسة يا شامان

 

[رابح سهم]

ألف مبروك . وان شاء الله تطلع النتيجه مثل ماتبيها .

ودي أعرف رايك بالنتايج بين اسطنبول وأصفهان دامك سويت عمليه في المركزين
واضح من أحد ردودك عدم ارتياحك للنتايج عند د.طه !! ممكن توضح أكثر ... الحقيقه أحد الزملاء كان له نفس الشعور ... ونفس التوصيف عن ان الشعر كان " خشن" !!!
وش رايك بالسعر بين الأثنين

بعد هالتجربه ولو كان لك الخيار , هل ترجع الى اصفهان للتكثيف ؟؟؟

شاكر لك مقدما".... والله يكتبها لك في موازين أعمالك

 

[صاحب الإبتسامة]

السلامة عليكم..

الحمدلله على سلامتك..

عندي سؤال بخصوص كثافة الشعر على ممكن تزيد عن اللي سويته ولا هذه أكثر كثافة ممكنة؟

والله يعطيك العافية..

 

[شامان]

ألف مبروك . وان شاء الله تطلع النتيجه مثل ماتبيها .

ودي أعرف رايك بالنتايج بين اسطنبول وأصفهان دامك سويت عمليه في المركزين
واضح من أحد ردودك عدم ارتياحك للنتايج عند د.طه !! ممكن توضح أكثر ... الحقيقه أحد الزملاء كان له نفس الشعور ... ونفس التوصيف عن ان الشعر كان " خشن" !!!
وش رايك بالسعر بين الأثنين

بعد هالتجربه ولو كان لك الخيار , هل ترجع الى اصفهان للتكثيف ؟؟؟

شاكر لك مقدما".... والله يكتبها لك في موازين أعمالك

اهلا فيك اخوي

بالنسبة للدكتور طه انسان طيب واخلاقه عالية وجميع الاشخاص والممرضات الذين شفتهم بالعيادة
لكن لاكون صريحا هناك ممرضه واحده عملت لي العملية ودخلت من 9 صباحا وما خرجت الا بعد 9 ليلا
لدرجة يمكن اربع مرات اللي ادوخ فيها ويجيبون لي سكر ونوقف العملية لين ارتاح ،، يعني كنت على اعصابي
نتائج العملية ماهي كويسة مثل ما توقعتزلدرجة الان يبينزالشعر اللي زرعته عند دكتور طه ،، فيه خشونه واضحه
حتي اماكن التقاط الشعر فيها عشوائية يعني من كل حدب وصوب . لا اعرف ما هو السر في الخشونه هل هو لكثافة البصيله
يعني بصيله بها اكثر من ثلالث شعرات اتوقع مكانها بالخلف اما التي بها اقل اتوقع مكانها خط الشعر الامامي .

/

لو تسألني اكثر ايهما افضل 3 الاف شعره بجلسه واحده او عدة جلسات
لاجاوبتك وقلت الافضل عدة جلسات علشان اذا عندك ملاحظه تقدر تقولها

 

[شامان]

السلامة عليكم..

الحمدلله على سلامتك..

عندي سؤال بخصوص كثافة الشعر على ممكن تزيد عن اللي سويته ولا هذه أكثر كثافة ممكنة؟

والله يعطيك العافية..

يا مرحبا

لا الحمد الله بنك الشعر على قولتنا يعطي ان شاء الله نفس عدد البصيلات السابقة

او اكثر ،، لكن قالوا بعد سنة متى ما حبيت تزرع تقدر

علشان اشوف النتائج النهائية للزراعه الاولى ،، وان شاء الله النية موجوده بعد سنه او سنتين اذا احيانا

 

[شامان]

مشكور مشرفنا ابو بدر على تعديل العنوان .... للمتابعة

 

[ابو عيسى]

بصراحة النتايج رائعه جدا ماشاءالله تبارك الله الف مبروك

 

[سام]

اخوي ان شا اللة تكون النتائج في تحسن ،
اسأل اللة العظيم ان يسعد عينك في النتائج .

 

[صلعه ونص]

بشرنا عن الجديد

 

[انسانه2]

بالتوفيق ,,,