عدت من الهند بزراعه بالاقتطاف ( التغطيه )

[mayaj]

اخوي محمد انا بجاوب عنه بعد اذنك

انا خويي دكتور وسألته عن البروبيشيا وهو بنفسه يعرفها وقالي استخدمها اثارها مو عندي اي واحد تجي وثانيا حتى اثارها تنتهي بعد ماتنقطع عنها ومافيها اثار جانبيه تستمر للأبد في ناس يستخدمونها لسنوات وماشتكو منها

وشكرا

تسلم يا ذوق ما تقصر

 

[Liban]

اقتباس : المشاركة الأصلية كتبت بواسطة بوعبد العزيز [ مشاهدة المشاركة ] اخوي محمد انا بجاوب عنه بعد اذنك

انا خويي دكتور وسألته عن البروبيشيا وهو بنفسه يعرفها وقالي استخدمها اثارها مو عندي اي واحد تجي وثانيا حتى اثارها تنتهي بعد ماتنقطع عنها ومافيها اثار جانبيه تستمر للأبد في ناس يستخدمونها لسنوات وماشتكو منها

وشكرا





اخوي
المشكلة ليست لا في أن الانسان يمكن يمارس الجنس بشكل طبيعي ولا في أنه تكون عنده آثار جانية طويلة الأمد
لكن المشكلة في أن هذا الدواء يؤثر على الحيوانات المنوية ويحدد من كثرتها وجودتها ما يقلل من فرص الحمل
لدى الزوجة ومن ثم الحصول على الولد !!
[OVERLINE]هذه هي خلاصــــة الاشكالية[/OVERLINE]

 

[بوعبد العزيز]

عطني دليل او كلام مثبت فيه
عندي لك سؤال
ليه الاطباء يعطونه المرضى دام انه يأثر مثل الدكتور احمد التركي وغيره بعد الزراعه
لو يدرون انه له اثر في الحمل كان منعوه على الجميع وبعدين انا واحد من ربعي دكتور وعلمني عنه انه له احتمال انه يأثر بس موعلى الكل وبعدين الاثار تنقطع بعد الانقطاع من تناولة مباشره

بس حبيت افيدك لأن الجميع يتابع المنتدى ولازم نعطي معلومات بشكل صحيح

 

[MASK_LOVER]

اخوي بو عبدالعزيز ، انا اخوي ماجستير صيدله والحين في استراليا يسوي دكتوراه ورسالته في كيمياءالدواء، سالته قلي بصراحه نصيحه من اخ لاخ لا تلعب مع هيك ادويه لانها تدمر هرمون الذكوره شوي شوي وبعد ما تاخد الدوا بشهر او اقل سوي فحص للحيوانات المنويه وشوف انه العدد قل وايد وصاروا ضعاف والحمل يصير صعب لانه ببساطه هرمون الذكورة اهو المسؤول عن عدد الحيوانات المنويه والمسؤول عن تساقط الشعر، فالبروبيشيا يضعف الهرمون حتى يقتله نهائيا ويصير في مرحلة اللاعوده ولو وقفت البروبيشيا ما راح ترجع مثل اول لانه الهرمون بيكون ضعف وما بيرجع اوكي مثل الاول. ولعلمك الحين بخليلك رابط هني بالانجليزي لمجموعة دكاتره مجتعين وراح يرفعوا قضيه على الشركه الي صنعت البروبيشيا في كندا ويطالبوا بتعويضات لالاف الشباب في سن صغير وجنسيا ادمروا من البروبيشيا ووقفوا اخذ الدوا لكن ما رجعوا مثل الاول..

اتفضل : http://www.propeciasideeffects.com

انا اسف اني اقلك الدكتور بيهمه الشعر الي زرعه يطلع وينمو عشان غيرك يزرع عنده، والبروبيشيا فعلا يطلع الشعر وتخليه مثل شعر البنات ولعلمك لما يقلك خد بروبيشيا يطلع بعد شعر الدكتور نفسه ما زرعه، شعر كنت انت فقدته ايام الصلع لكن البروبيشيا بيمنع تأثير هرمون الذكورة من الشغل وبيصير الشعر يطلع في كل مكان في جسمك واهو بعد له تاثيرات جانبيه اخري بس اهمها الضعف الجنسي والي بيقلك غير هالكلام بيكون ما بيعرف بالبروبيشيا لانه قريبا راح يمنعوه في اوروبا...

انا من نفسي راح ازرع لكن ما راح استخدم بروبيشيا لانه الشعر الي راح ازرعه المفروض ما يتأثر بالهرمون لانه منقول من منطقة ما الها تأثير بالصلع وبالهرمون الذكوري.. فبروتينات وفيتامنات ممكن اما ادويه الها اثار جانبيه جنسية لا والله اضل اصلع اشرف اخووووي هذي نصيحه وانت حر

وهذا رابط منتدى لشباب قاعدين يصيحون لانهم تركوا البروبيشيا وللحين الضعف الجنسي ما تغير عندهم، تفضل : http://www.topix.com/forum/drug/proscar/T0KGFP19QC3CDB54V

والسموحه بس حبيت اوضح الموضوع بشكل دقيق ...

 

[mayaj]

الشكر لكل من شارك بالموضوع

ربي يوفق الجميع

 

[بوعبد العزيز]

اخ ماسك الحين اقنعتني لأن كلامك فيه دليل واضح
وشكرا على تعبك معانا هالشي يفيدني ويفيد الجميع طبعا

والله يوفقك الحميع وشكرا على المعلومات القيمه

^ ^

 

[MASK_LOVER]

الشكر لكل من شارك بالموضوع

ربي يوفق الجميع

أخوي mayaj لا تحاتي انا بس حبيت اوضح النقطه هاذي لانه شباب وايدين ياخذون البروبيشيا وبعدين الواحد يقول يا ليت ما اخذته لانه يضر اكثر ما ينفع، عشان جي خلك بعيد عن البروبيشيا والشعر الي زرعته ماله دخل بالهرمون وهذا اكيد

وما تنسانا بصور جديده انا حابب اشوف شلون الزراعه مالتك بعد 4 شهور شلون تصير عشان نتوكل على الله ونقوم باللازم

وسلامتك

 

[MASK_LOVER]

اخ ماسك الحين اقنعتني لأن كلامك فيه دليل واضح
وشكرا على تعبك معانا هالشي يفيدني ويفيد الجميع طبعا

والله يوفقك الحميع وشكرا على المعلومات القيمه

^ ^

اخوي بوعبد العزيز انت بعد لا تحاتي بس حبيت اوضحلك الموضوع عشان ما تستخدمه بعد الزراعه ان شاءالله، وربنا يوفقك وخلك صابر لنلاقي دكتور صح عشان نتوكل على الله وعلى الزراعه سيدااااااا

 

[عبدالله30]

كلامك صحيح اخوي ماسك .. انا قبل فترة مسوي زراعة شعر ورحت ابي اسوي استشارة عند الدكتور احمد التركي قال لي استخدم بروبيشيا وقال لي ماله اي اثار جانبية .. وقلت له بعدين انا عندني مشكلة بالانجاب وضعف الحيوانات المنوية . قال لي اجل خلاص اذا خايف لا تستخدمه ووصف لي بخاخ مينوكسيديل .. بس صراحة قال لي كلمة ما دري ليش قالي كذا : قال لي اذا ما راح تستخدم وتستمر على البخاخ لا تفكر تزرع عندي روح دور غيري ؟؟؟ وطلعت وعلامات الاستفاهم والاستغراب على وجهي .. مع ان اللي زرعت عندهم ما جابوا لي طاري للبخاخ ابدا ولا قالوا لي لازم تستخدم البخاخ .. يعني بعض الاطباء يوصوفون لك الدواء باجتهادات فردية وانت عاد عليك البحث والتقصي

 

[mayaj]

تسلمون كلكم على ردودكم ومشاركتكم اللافاده والاستفادة

انا عن نفسي ما عطاني بخاخات يعني انا رايح وزارع شعر واستخدم بخاخات ما تدش بالعقل يا جماعه انا ما زرعت غير لاني ابي ارتاح

بس عطاني حبوب فيتاميين وحبوب البروبيشا لها اسم ثاني بالهند بس نفس التركيبه لمدة معينه

بس

 

[Liban]

للأسف الشديد بعض الأطباء العــرب كأنهم يتعاملون مع القطعان!

 

[بوعبد العزيز]

ماسك انا ناوي على نفس الدكتور اللي راح له محمد اذا لك نيه حياك

 

[mayaj]

انا شكلي بطلب منه عموله خخخخخخخخخخخخخ شرايكم

مسوي له دعايه

 

[سام]

ربي يهنيك ويتمم عليك ،
واللة فرحت لنتايجك من كل قلبي ( ماشاء الله )
تري انت انسان محترم وتحب لإخوانك مثل ما تحب لنفسك
وهذا باين من تفاعلك مع الجميع ،
واللة انك ما قصرت مع احد.
ربي يفرح قلبك في النتائج وفي كل حياتك.*

 

[mayaj]

ربي يهنيك ويتمم عليك ،
واللة فرحت لنتايجك من كل قلبي ( ماشاء الله )
تري انت انسان محترم وتحب لإخوانك مثل ما تحب لنفسك
وهذا باين من تفاعلك مع الجميع ،
واللة انك ما قصرت مع احد.
ربي يفرح قلبك في النتائج وفي كل حياتك.*

اجمعين يا يارب العالمين

تسلم يا سام على هالدعوه الحلوه

وعسى الله يوفقك ويوفق الجميع يارب

وانا عيوني لكم

مشكور

 

[MASK_LOVER]

كلامك صحيح اخوي ماسك .. انا قبل فترة مسوي زراعة شعر ورحت ابي اسوي استشارة عند الدكتور احمد التركي قال لي استخدم بروبيشيا وقال لي ماله اي اثار جانبية .. وقلت له بعدين انا عندني مشكلة بالانجاب وضعف الحيوانات المنوية . قال لي اجل خلاص اذا خايف لا تستخدمه ووصف لي بخاخ مينوكسيديل .. بس صراحة قال لي كلمة ما دري ليش قالي كذا : قال لي اذا ما راح تستخدم وتستمر على البخاخ لا تفكر تزرع عندي روح دور غيري ؟؟؟ وطلعت وعلامات الاستفاهم والاستغراب على وجهي .. مع ان اللي زرعت عندهم ما جابوا لي طاري للبخاخ ابدا ولا قالوا لي لازم تستخدم البخاخ .. يعني بعض الاطباء يوصوفون لك الدواء باجتهادات فردية وانت عاد عليك البحث والتقصي

أخوي عبدالله الدكتور الصادق يخبرك بالاثار الجانبيه للدوا قبل ما يعطيك الوصفه الطبيه لانه دوا خطير مثل هذا لازم تاخده بعد ما تعرف اثاره الجانبيه وبعدين تاخده على مسؤوليتك لكن تتفاجأ بالنتيجه تكون قوية الصراحه ونفسيتك تصير صلع وضعف جنسي والله حراااام وربنا يوفق الشباب هني لانهم نيتهم خير ويبغون الزراعه ويدفعون بيزات لكن يجي دكتور ويستغل الناس عشان بيزات والله حرام كل واحد نفسه يكون عنده عيله واولاد وحياه سعيده مثله مثل غيره، وصدقني في وايد دكاتره يزرعولك شعر وما يعطوك غير فيتامينات وبروتينات ومضاد حيوي ولو الزراعه اوكي ما يحتاج بروبيشيا لكن لو يبغى يعطي النتيجه شكل اوكي وينشهر يطلب منك تاخذ بروبيشيا .. لكن صدقا الدكتور يلي زرع لمحمد هني بصراحه شغله اوكي والنتائج اوكي ما شاءالله من اول شهر، في فرق مع شباب زرعوا وجالسين اكثر من 4 شهور ما طلع شعر والدكتور يقلك اصبر وما ادري شلون ؟؟ الزراعه الصح تبان من اول شهرين اخوي خصوصا بالاقتطاف....

 

[MASK_LOVER]

انا شكلي بطلب منه عموله خخخخخخخخخخخخخ شرايكم

مسوي له دعايه

لا يا محمد خلنا ندعيلك ما في عموله ولا شي، وربنا يساعدك مثل ما تساعد الشباب هني، لانك انت نفسك استفدت من هالمنتدى والشباب صحيح

ولا تنسى خلك ويانا هني ونحنا ندعيلك دووم اخوي بالشعر الاوكي والنتائج الطيبه اللهم امين ..

 

[MASK_LOVER]

ماسك انا ناوي على نفس الدكتور اللي راح له محمد اذا لك نيه حياك

اخوي بوعبد العزيز اصبر خلنا نشوف نتائج اخونا محمد هني وانا قلتلك انا الحين في استراليا واجازتي في شهر 12 اكون في دبي، فعندي مجال اطالع النتائج ويطمن قلبي وبعدين نتوكل على الله اخوي ونختار الدكتور والوقت، بعد الجو يكون اوكي في المنطقه لانه الزراعه في الصيف تعب والحكه تذبحنا هههههههه..

 

[mayaj]

لا افا عليك يا ماسك لا عموله ولا شي اتغشمر وياكم ::

وانا وياكم وعد لين ما يطول شعري وتطلع النتيجة النهائيه ووعد الحر دين


الله يوفقكم

 

[Liban]

أشهد أنك يا أخ mayaj على خلق وطبع جميل
وصدرك لأخوانك واسع جدا
مع كثرة الأسئلة وانت تجيب على كل واحد
إن شاء ترى شعرك اجمل ما تتخيله