أسعار متفاوتة !!! العالمية لزراعة الشعر & ماجيك هير في تركيا ][ نصائحكم وتجاربكم ][
السلام عليكم
أمس كان موعدي مع الدكتور بسام جباعي في عيادة العالمية , قابلت الدكتور وكان استقباله جداً عادي أعجبني صراحته في بعض استفسارتي حددلي درجه الصلع وقالي من الدرجة السادسه ، ضيق صدي وقالي الشعر اللي فوق راسك كله بيطيح خخخخخخخخخ جلسني على الكرسي وحددلي موضع الزراعة وقالي تحتاج لجلستين بينهم ست شهور والعملية راح تكون بقص الشريحة , الجلسة كلها على بعضها ما خذت عشر دقايق معه
قابلت بعدها منسقة العمليات وقالت لي راح يتم زراعة 2500 قرافت بـ 30,000 ريال بعد الخصم اذا كان احد من اهلك او شخص تعرفه عسكري أو مدرس راح يكون 24,000 ريال ، حسيت انهم لفقوا سبب علشان يخصمون وهذي شغله ما اعجبتني ابد خخخخخخ
أنصدمت من السعر صراحه لاني شفت تجارب الأعضاء عند الدكتور بسام وكانت أسعارهم من 17,000 إلى 20,000 ريال بالكثير وهذا الكلام الي قالته لي منسقة العمليات بأن أسعارهم صارت أكثر من أول بكثير !!!
مريت على منتدى تجارب الأعضاء وحصلت الأغلبيه زارعه في عيادة ماجيك هير في تركيا وأسعاره جداً مغرية , 5000 قرافت تقريباً بـ 4000 يورو !!!
العياده قريت عنها وكان الأغلبية يشيد فيها
بنسبه كبيرة قراري راح يكون بإذن الله في تركيا , ولكن قراري الأخير راح يكون بعد ما أخذ نصايحكم وتجاربكم ووجهات نظركم في الموضوع
شاكر ومقدر لكم
همسه أخيرة لكل دكتور :
الحفاوة وحس الاستقبال مطلب رئيسي لإعطاء انطباع جيد عنك ودافع نفسي ومعنوي لإجراء العملية , أتمنى الحرص عليها