رد: لو كان المينوكسديل رجلا لعانقته
هذا البخاخ عقدني وكرهني في عيشتي وكرهني في شعري !
رغم التجارب الناجحه للبعض الا ان تجربتي معه فاشله مع مرتبة الشرف
واتعجب من انه ينفع البعض والبعض الآخر لا ينفعهم بل يزيد على الطين بله !!
رغم إن المستخدمين لهالبخاخ يتشاركون في نفس اسباب الصلع واللي هي الوراثه ..
استخدمته لمدة ست شهور .. الحسنه الوحيده انه قلل التساقط ولكن هالحسنه الوحيده يقابلها كثير من السلبيات
اولها حكه شديد وقشره بفروة الراس ( طول فترة الاستخدام )
صداع وتزايد في دقات القلب ( بداية الاستخدام )
رؤيه مشوشه وغير واضحه وكأن فيه غشاوه على عدسة العين ( طول فترة الاستخدام وتحديداً بعد البخ مباشره )
زيادة شعر الجسم والوجه وظهور شعر في مناطق ما كان فيها شعر من الاساس ( الظهر- الجبهه - الخدود - الانف - مابين الحاجيبن )
يصير وجهك شاحب وغامق بسبب الشعر الزائد اللي مادري من وين طلع !!
ورغم هالكميه من الشعر اللي طلعت بكافة جسمي الا ان البخاخ ماجاب معي اي نتيجه في زيادة شعر الرأس !!! ما ادري اضحك ولا ابكي
المصيبه الأخيره والمدمره نفسياً لما تشوف ان العلاج ما جاب معك نتيجه وتضطر تتركه
تلقى الشعر يطيح بطريقه مرعبه وفعلياً يتساقط اكثر من قبل , لأن البخاخ يحافظ على الشعر القابل للتساقط ويقلل منه
فلما تتركه يصير التساقط مضاعف وهذا شيء طبيعي بحكم انه العلاج كان السبب في الحفاظ على ماتبقى من الشعر ..
فالتساقط تراكم علي مره وحده وبطريقه مفجعه !! وما اقدر اقولكم كييف تأثيرها السيء على النفسيه !!
اهنيك على تجربتك الناجحه وعيني عليك بارده وما شاءالله حولك وحواليك
ولا تنسى انك تستمر في العلاج طول العمر مع تخفيف الجرعات بشكل تدريجي
لان البخاخ بمجرد ما تتركه نهائي كل الشعر اللي طلع يتساقط ( حسب ما فهمت )
وبإنتظار الصور