Azəri
Surah Al-Muzzammil (The One wrapped in Garments) - Aya count 20
يَا أَيُّهَا الْمُزَّمِّلُ
( 1 ) ![Azəri - Al-Muzzammil (The One wrapped in Garments) - Aya 1 Al-Muzzammil (The One wrapped in Garments) - Aya 1](style/islamic/icons/mp3.png)
Ey (libasına) örtünüb bürünən (əbasına bürünüb yatan Peyğəmbər)!
قُمِ اللَّيْلَ إِلَّا قَلِيلًا
( 2 ) ![Azəri - Al-Muzzammil (The One wrapped in Garments) - Aya 2 Al-Muzzammil (The One wrapped in Garments) - Aya 2](style/islamic/icons/mp3.png)
Gecəni – az bir hissəsi istisna olmaqla – qalxıb namaz qıl!
نِّصْفَهُ أَوِ انقُصْ مِنْهُ قَلِيلًا
( 3 ) ![Azəri - Al-Muzzammil (The One wrapped in Garments) - Aya 3 Al-Muzzammil (The One wrapped in Garments) - Aya 3](style/islamic/icons/mp3.png)
(Gecənin) yarısına qədər, yaxud bir qədər ondan az;
أَوْ زِدْ عَلَيْهِ وَرَتِّلِ الْقُرْآنَ تَرْتِيلًا
( 4 ) ![Azəri - Al-Muzzammil (The One wrapped in Garments) - Aya 4 Al-Muzzammil (The One wrapped in Garments) - Aya 4](style/islamic/icons/mp3.png)
Və ya bir qədər ondan çox! (Sənin gecəni oyaq qalıb namaz qılmağın onun üçdə bir hissəsindən az, üçdə ikisindən çox olmasın!) Həm də (gecə ibadət etdiyin zaman) aramla (ağır-ağır) Qur’an oxu!
إِنَّا سَنُلْقِي عَلَيْكَ قَوْلًا ثَقِيلًا
( 5 ) ![Azəri - Al-Muzzammil (The One wrapped in Garments) - Aya 5 Al-Muzzammil (The One wrapped in Garments) - Aya 5](style/islamic/icons/mp3.png)
Həqiqətən, Biz sənə (məs’uliyyəti) ağır bir kəlam (Qur’an) vəhy edəcəyik.
إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا
( 6 ) ![Azəri - Al-Muzzammil (The One wrapped in Garments) - Aya 6 Al-Muzzammil (The One wrapped in Garments) - Aya 6](style/islamic/icons/mp3.png)
Şübhəsiz ki, gecə (namaz qılmaq üçün) qalxmaq (çox çətin olsa da) daha əlverişli və (o zaman) söz demək (Qur’an oxumaq, dua etmək) daha münasibdir!
إِنَّ لَكَ فِي النَّهَارِ سَبْحًا طَوِيلًا
( 7 ) ![Azəri - Al-Muzzammil (The One wrapped in Garments) - Aya 7 Al-Muzzammil (The One wrapped in Garments) - Aya 7](style/islamic/icons/mp3.png)
Çünki gündüz (ya Peyğəmbər!) sənin uzun-uzadı davam edən (dünyəvi) işlərin vardır. (Gündüz insanın işi çox olur, məişət işləri hardasa onu ibadətdən bir qədər yayındırır. Gecə isə insan rahatlaşır, heç kəs ona mane olmur. İnsan öz daxilinə qapılıb Rəbbi ilə tək qalır, qulaq qəlbə daha yaxın olur. Buna görə də gecə ibadət etmək çətin olsa da, daha məqsədəuyğundur).
وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلًا
( 8 ) ![Azəri - Al-Muzzammil (The One wrapped in Garments) - Aya 8 Al-Muzzammil (The One wrapped in Garments) - Aya 8](style/islamic/icons/mp3.png)
Rəbbinin adını zikr et və (hər şeyi buraxıb) Ona tərəf yönəl.
رَّبُّ الْمَشْرِقِ وَالْمَغْرِبِ لَا إِلَٰهَ إِلَّا هُوَ فَاتَّخِذْهُ وَكِيلًا
( 9 ) ![Azəri - Al-Muzzammil (The One wrapped in Garments) - Aya 9 Al-Muzzammil (The One wrapped in Garments) - Aya 9](style/islamic/icons/mp3.png)
O, məşriqin və məğribin Rəbbidir. Ondan başqa heç bir tanrı yoxdur. (Özünə) ancaq Onu vəkil et!
وَاصْبِرْ عَلَىٰ مَا يَقُولُونَ وَاهْجُرْهُمْ هَجْرًا جَمِيلًا
( 10 ) ![Azəri - Al-Muzzammil (The One wrapped in Garments) - Aya 10 Al-Muzzammil (The One wrapped in Garments) - Aya 10](style/islamic/icons/mp3.png)
(Ya Peyğəmbər!) Onların (Məkkə müşriklərinin) sənə deyəcəklərinə (batil söz və iftiralarına) səbr et. Onlardan gözəl tərzdə ayrıl!
وَذَرْنِي وَالْمُكَذِّبِينَ أُولِي النَّعْمَةِ وَمَهِّلْهُمْ قَلِيلًا
( 11 ) ![Azəri - Al-Muzzammil (The One wrapped in Garments) - Aya 11 Al-Muzzammil (The One wrapped in Garments) - Aya 11](style/islamic/icons/mp3.png)
(Ayələrimizi) yalan sayan var-dövlət sahiblərini mənə tapşır və onlara bir az möhlət ver! (Tezliklə cəzalarına yetişərlər).
إِنَّ لَدَيْنَا أَنكَالًا وَجَحِيمًا
( 12 ) ![Azəri - Al-Muzzammil (The One wrapped in Garments) - Aya 12 Al-Muzzammil (The One wrapped in Garments) - Aya 12](style/islamic/icons/mp3.png)
Dərgahımızda (onlardan ötrü ağır) qandallar və (alovlu) Cəhənnəm;
وَطَعَامًا ذَا غُصَّةٍ وَعَذَابًا أَلِيمًا
( 13 ) ![Azəri - Al-Muzzammil (The One wrapped in Garments) - Aya 13 Al-Muzzammil (The One wrapped in Garments) - Aya 13](style/islamic/icons/mp3.png)
Boğaza tıxanıb qalan yemək (zəqqum) və (yandırıb-yaxan) şiddətli əzab vardır!
يَوْمَ تَرْجُفُ الْأَرْضُ وَالْجِبَالُ وَكَانَتِ الْجِبَالُ كَثِيبًا مَّهِيلًا
( 14 ) ![Azəri - Al-Muzzammil (The One wrapped in Garments) - Aya 14 Al-Muzzammil (The One wrapped in Garments) - Aya 14](style/islamic/icons/mp3.png)
O gün (qiyamət qopandan) yer və dağlar lərzəyə gəlib titrəyəcək, dağlar (dağılıb) yumşaq qum təpəsinə dönəcəkdir.
إِنَّا أَرْسَلْنَا إِلَيْكُمْ رَسُولًا شَاهِدًا عَلَيْكُمْ كَمَا أَرْسَلْنَا إِلَىٰ فِرْعَوْنَ رَسُولًا
( 15 ) ![Azəri - Al-Muzzammil (The One wrapped in Garments) - Aya 15 Al-Muzzammil (The One wrapped in Garments) - Aya 15](style/islamic/icons/mp3.png)
Həqiqətən, Biz - Fir’ona peyğəmbər göndərdiyimiz kimi – sizə də (qiyamət günü Allahın hüzurunda) şahidlik edəcək peyğəmbər göndərdik.
فَعَصَىٰ فِرْعَوْنُ الرَّسُولَ فَأَخَذْنَاهُ أَخْذًا وَبِيلًا
( 16 ) ![Azəri - Al-Muzzammil (The One wrapped in Garments) - Aya 16 Al-Muzzammil (The One wrapped in Garments) - Aya 16](style/islamic/icons/mp3.png)
Fir’on o peyğəmbərə (Musaya) asi oldu və Biz də onu şiddətli əzabla yaxaladıq (həm özünün, həm də onunla birlikdə olanları suda boğduq).
فَكَيْفَ تَتَّقُونَ إِن كَفَرْتُمْ يَوْمًا يَجْعَلُ الْوِلْدَانَ شِيبًا
( 17 ) ![Azəri - Al-Muzzammil (The One wrapped in Garments) - Aya 17 Al-Muzzammil (The One wrapped in Garments) - Aya 17](style/islamic/icons/mp3.png)
Elə isə əgər küfr etmiş olsanız, uşaqları ağ saçlı qocalara döndərəcək gündən (qiyamət gününün əzabından) özünüzü necə qoruyacaqsınız?!
السَّمَاءُ مُنفَطِرٌ بِهِ ۚ كَانَ وَعْدُهُ مَفْعُولًا
( 18 ) ![Azəri - Al-Muzzammil (The One wrapped in Garments) - Aya 18 Al-Muzzammil (The One wrapped in Garments) - Aya 18](style/islamic/icons/mp3.png)
(O gün) göy parçalanaraq, (Allahın) və’di yerinə yetəcəkdir.
إِنَّ هَٰذِهِ تَذْكِرَةٌ ۖ فَمَن شَاءَ اتَّخَذَ إِلَىٰ رَبِّهِ سَبِيلًا
( 19 ) ![Azəri - Al-Muzzammil (The One wrapped in Garments) - Aya 19 Al-Muzzammil (The One wrapped in Garments) - Aya 19](style/islamic/icons/mp3.png)
Həqiqətən, bu (ayələr insanlara) öyüd-nəsihətdir. Hər kəs istəsə, Rəbbinə tərəf bir yol tutar! (İbadət və itaətlə Allaha yaxınlaşar!)
إِنَّ رَبَّكَ يَعْلَمُ أَنَّكَ تَقُومُ أَدْنَىٰ مِن ثُلُثَيِ اللَّيْلِ وَنِصْفَهُ وَثُلُثَهُ وَطَائِفَةٌ مِّنَ الَّذِينَ مَعَكَ ۚ وَاللَّهُ يُقَدِّرُ اللَّيْلَ وَالنَّهَارَ ۚ عَلِمَ أَن لَّن تُحْصُوهُ فَتَابَ عَلَيْكُمْ ۖ فَاقْرَءُوا مَا تَيَسَّرَ مِنَ الْقُرْآنِ ۚ عَلِمَ أَن سَيَكُونُ مِنكُم مَّرْضَىٰ ۙ وَآخَرُونَ يَضْرِبُونَ فِي الْأَرْضِ يَبْتَغُونَ مِن فَضْلِ اللَّهِ ۙ وَآخَرُونَ يُقَاتِلُونَ فِي سَبِيلِ اللَّهِ ۖ فَاقْرَءُوا مَا تَيَسَّرَ مِنْهُ ۚ وَأَقِيمُوا الصَّلَاةَ وَآتُوا الزَّكَاةَ وَأَقْرِضُوا اللَّهَ قَرْضًا حَسَنًا ۚ وَمَا تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا ۚ وَاسْتَغْفِرُوا اللَّهَ ۖ إِنَّ اللَّهَ غَفُورٌ رَّحِيمٌ
( 20 ) ![Azəri - Al-Muzzammil (The One wrapped in Garments) - Aya 20 Al-Muzzammil (The One wrapped in Garments) - Aya 20](style/islamic/icons/mp3.png)
(Ya Peyğəmbər!) Həqiqətən, Rəbbin bilir ki, sən (yatağından) qalxıb bə’zən gecənin təqribən üçdə ikisini, bə’zən yarısını, bə’zən də üçdə birini namaz qılırsan. Səninlə birlikdə olan bir zümrə (yaxın səhabən) də belədir. Gecəni də, gündüzü də ölçüb-biçən ancaq Allahdır. O sizin bunu (gecə vaxtlarını və saatlarını) ölçüb saya bilməyəcəyinizi (yaxud bütün gecəni oyaq qalıb ibadət edə bilməyəcəyinizi) bildiyi üçün sizi əfv etdi (sizə rüsxət verdi). Qur’andan sizə müyəssər olanı oxuyun. (Allah) bilir ki, içərinizdə xəstələr də olacaq, bə’ziləri Allahın lütfündən ruzi axtarmaq üçün (ticarət məqsədilə) yer üzünü gəzib dolaşacaq, digərləri isə Allah yolunda vuruşacaqdır (cihada gedəcəkdir). Elə isə ondan (Qur’andan) sizə müyəssər olanı oxuyun, namaz qılın, zəkat verin və Allah yolunda gözəl (könül xoşluğu ilə) bir borc verin. Özünüz üçün öncə (dünyada) nə yaxşı iş görsəniz, Allah dərgahında onun daha xeyirli və daha böyük mükafatı olduğunu görəcəksiniz. Allahdan bağışlanmağınızı diləyin. Həqiqətən, Allah bağışlayandır, rəhm edəndir!